鮨月 (已結業)

今天放假，難得有空約朋友吃下飯，不甘於平凡的她，總喜歡繞街穿道的尋找著一些小店，吃好住好是她的人生座右銘。 所以每次我和她出去吃飯，都預料之中一定價格非凡，可是每次都會覺得物超所值！今次來到金鐘星街附近的日本料理小店，帶著期待的心情看看她有什麼好介紹。比較早到的緣故，有很多位置可供選擇，她提議坐吧枱，可以看到廚師精心製作過程。 鱈魚片沢蟹鱈魚片很新鮮，充足吃到極鮮甜的鱈魚，好味道不得了，加上生炸沢蟹，可能太細，而吃不到什麼肉味，只吃到脆香的蟹味！日本厚岸蠔珍寶碼的岸蠔除鮮甜外，又有自然的海水鹽味道，肉質很滑很厚，充滿口感；加上海葡萄，令口感更加有層次感，兩大啖才吃完整隻蠔，異常滿足，海膽赤蝦壽司甜和鮮的蝦味，是我覺得最出色的壽司，肉質新鮮致帶點黏口的蝦加上甘甜潤滑的海膽簡直就是錦上添花，真心的好吃！ 大拖羅壽司拖羅的獨特魚油香味，黏口的拖羅，用入口即溶來形容真的是沒有誇張的。 燒白鱔白鱔的皮很脆，肉又很嫩，加上海鹽已經很夠味道。雖然白鱔有很多幼細的骨，我還是很喜歡！ 酒煮蜆淡淡的酒味加上鮮甜的蜆，肉質肥美，唱到清酒微醉，令人很放鬆，一下子輕靈不少。紫蘇素麵幼棉的麵質感，清香的紫蘇，清清

因為老婆鍾意食日本野所以今日帶佢黎月街嘅鮨月食omakase. 店舖位置辟靜，附近都係啲有格調嘅小店，食完一齊散下步都唔錯😛炸蟹仔配熊本蕃茄，蟹仔炸得剛好，唔油酥脆好食。蕃茄清甜配上柚子味醬汁，非常開胃。厚岸蠔配海葡萄，這個非常好食，食材很新鮮，鮮甜嘅生蠔配爽脆嘅海葡萄，口感很有層次。北寄貝刺身，屬於比較濃味嘅貝類，我比較喜歡唔加wasabi食，較能食出貝嘅甜味。油甘魚腩刺身，油脂好豐富，好食。吞拿魚赤身同中拖羅，味道比較清淡。目張壽司配柚子胡椒 , 目張口感爽口加埋胡淑嘅微辣，唔錯～系撚鯛壽司，灸燒過嘅魚肉好香口配上濃郁ru黑鯥壽司，同樣係灸燒過嘅魚肉，魚肉味道更濃。海膽赤蝦壽司配醋水雲，海膽新鮮好甜加上爽口赤蝦，好夾～大拖羅壽司，油脂豐富入口即融。木刀魚，蕃薯，炸蝦天婦羅，燒白鱔，魚油豐富，燒得好香口用黎送酒就一流啦。松茸飯，味道一般，可能我食唔慣。整體味道唔錯，店員親善有禮，會再光臨.

又係時候一個月幾次嘅食好西時間今日去咗 金鐘對上嘅星街月街行下 嗰度嘅文化氣息好好 感覺慢活 於是就揀咗間日本餐廳坐低 鋪頭唔算大 服務員好親切 客人同師父傾得好開心 成個氣氛都非常融合呢度嘅我Omakase算係中間位 唔太貴 只需要800蚊 質素唔差前菜係炸蟹仔 熊本蕃茄 魚生 蟹仔勁脆卜卜 而且新鮮因為養住喺壽司吧枱前面個缸 哈哈 番茄好甜刺生包括 厚岸蠔配海葡萄 勁鮮甜肥美厚肉 而且係creamy嘅口感 加上海葡萄嘅爽脆 非常豐富北寄貝 油甘魚腩 好新鮮 油甘魚腩油份十足 鮮甜呑拿魚赤身 中拖羅 赤身豐富嘅魚香味 同油份重嘅中拖羅好大對比 兩個都好食冰頭漬 係用咗三文魚頭入面嘅軟骨 再用漬而成 清新爽口到咗壽司環節目張上面加上柚子胡椒 系撚鯛黑鯥海膽赤蝦配醋水雲大拖羅炸物係天婦羅 有木刀魚 蕃薯 炸蝦天婦羅炸物好容易睇到師傅嘅功力夠唔夠 呢個天婦羅一啲多餘油份都冇 好食燒白鱔串明太子雞翼松茸飯 細個睇漫畫就知松茸係日本嘅高級食材 雖然係素食 但係味道勁香

今個月真係有食神了，見客後約左女友二人世界，朋友推介，同佢過灣仔食好野啦!廚師發辦.魴鮄魚生 蟹仔好脆炸過，配上柚子鹽好好味櫻花蝦🌸鮟鱇魚肝，魚味好濃呀!!!粒貝 ， 入口鮮味， 爽脆， 配wasabi，配檸檬🍋更好味。飛魚， 刺身， 紫菜，紫蘇 ，淡淡的紫蘇香味，非常之正。吞拿魚赤身 魚生，本人就麻麻地吞拿魚的。鱈魚白子(精子)， 豐富蛋白質，其實是好滑的，一口過。曹以，辛口味 入口好滑， 伊佐木，入口和諧，香氣，皮脆仲有食"系撚鯛" 燒過好好味。吉備奈子 配萌荷，好爽口。海膽明蝦，好新鮮好新鮮，灸燒拖羅，好甘香，超好味。推介明太子雞翼： 香脆 讓明太子，好夾的味道天婦羅🍤 正常好味汁燒牛扒 配沙律🥗， 正常味道富有柿，好爽，好甜食廚師發辦每樣都係一件起兩件止，食食下就飽了.

環境非常舒適。是夜叫omakase，由廚師發辦，製作最當季的食物。坐吧枱，廚師一面做好放上枱，一面作簡介。打頭陣有目張沢蟹、鮟鱇魚肝。目張鮮甜，沢蟹脆香；魚肝處理得宜，走去腥味，不會太實。厚岸蠔加海葡萄吃出海水味🤣 即使不加芥末，仍然有原味的甜，及貝味。海膽鮮甜香滑，如真要挑剔，只能說紫菜可以再脆點。Toro。坦白說我怕吃吞拿魚，因為曾經吃過差的吞拿魚，是有腥臭味的。吞拿魚要上釣完放血處理得宜才不會有血腥味，更不用說運送時要保鮮。但這裡吃的一點也不腥！魚的脂肪使我一入口，已即融化於口。一連幾道壽司🍣更不用說的出色。廚師根據不同海鮮特質，有些配合不同佐科，有些炙燒，每款都令人感動。熱食還有不少驚喜。就算燒白果亦很好吃。廚師弄了和牛漢堡，有別於一般，自己切碎，起膠，吃上去非實的的，硬綁綁。而且有質感的牛肉口感，顆粒感。甜品還有富有柿、蕨餅（自家製）總括來說，吃得出食材的新鮮；廚師的用心和手藝；還有侍應們的熱情勤快。

剛剛從日本回來，想回味一下喺日本食到嘅新鮮刺身，所以去咗灣仔居酒屋，希望可以覓食成功。同老婆去月街，見到一間好日式風味嘅居酒屋，裏面裝潢唔錯，所以就坐咗喺廚師面前食廚師發板！連子鯛配沢蟹係廚師面前有一個器皿裝住好多活生生嘅細蟹，呢啲就係沢蟹，師傅追佢咋都變咗金黃色，配合刺身，以柚子醋做漿料，食物別有一番風味！肯定係最新鮮嘅！帆立貝刺身，好厚肉而且爽口，估唔到同柚子醋都幾配合，非常之鮮味！帆立貝裙邊，用火槍燒一宵，味道出晒嚟，就好似百貨公司食到嘅燒魷魚，都係香氣撲鼻，食落爽口！已經係秋刀魚嘅季節，要食咗好食嘅秋刀魚，一定要係新鮮嘅，如果唔係就會有好腥嘅味道，你見到師傅連骨都拖埋出嚟，又見到顏色咁鮮嫩，就知道呢條好新鮮啦！赤身，喜歡吃吞拿魚嘅人，一定會沉迷赤身，佢嘅味道未算係最濃，但肉質鮮嫩比起大拖羅又唔會咁油，真係好好食！拖羅一定係配壽司先至係最街選擇，因為魚油太豐富，有舊飯中和下，食起上嚟特別滋味！海膽赤蝦係老婆嘅至愛，佢鍾意食海膽嘅程度，喺日本食足四日四夜都唔滿足！呢度有得俾佢再食，當然係好開心啦熟悉方面佢最鍾意係天婦羅，因為揸得好好唔會太油，而且佢係天帰羅魚，係我哋第一次食！最後一

灣仔星街月街曾經聚集好多日本居酒屋，但近幾年就越來越少，呢度依家開咗幾間特色嘅日本居酒屋，今次呢一間就好冇特色，除咗夠安靜，可以同朋友傾計，食物中非常唔錯！今日我哋就食Omekase !蕃茄配上柚子醋，味道一流，加上新嘅芝麻，非常香口！帆立貝一佢係我最愛，師傅毫不吝嗇的大大塊地放在貝殼之上，肉質鮮嫩，口感一流！帆立貝兩食，佢嘅裙邊就攞嚟燒，未食之前都聞到香味，爽口嘅裙邊被燒一燒，更加爽口！秋刀魚係最近大熱之選，秋天令秋刀魚嘅油脂特別豐富，去親食日本野，都會有秋刀魚出現！呢度一睇佢嘅顏色就知新鮮囉！ 我喜愛的吞拿魚來了，中拖羅的油脂唔會好似大拖羅咁油，攞來做刺身剛剛好！海老、海膽再加上海葡萄，原來係咁鮮味，我最鍾意就係食蝦嘅刺身，因為好爽口，而海膽嘅鮮味真係無人能及，再加上海葡萄吊味，海水的味道加上咁鮮味嘅海膽，成為今日最令我印象深刻嘅一道菜！拖羅嘅妏路，就可以睇到佢有幾肥美，呢舊壽司嘅魚油縈繞在口中超過半小時，揮之不去，真係好肥美！花酒煮螺，佢用嘅酒係好好味嘅酒，一啲都唔會搶走海水嘅鮮味！燒銀杏，銀杏嘅味道帶金，用蜜糖燒剛好中和左，唔錯唔錯！無論係刺身、壽司、定係熟食，呢間餐廳都有唔錯

今日和同事想輕鬆一下，放工一齊泥左呢間非常有格調ge日本小店。呢間舖頭位於小街內，寧靜又舒服。坐低同同事叫左小小壽司和熟食。店長好友善，幫我介紹左幾款值得食嘅菜式，非常貼心。經店長介紹，我地第一道就大膽叫左一味鱈魚白子。大家有所不知，其實它就是鱈魚的精囊，有豐富蛋白質，係店內高檔貨，口感滑嫩，入口即化，絕無魚腥味，非常新鮮，值得推介。之後叫咗幾款壽司食，有赤笠子，眼仁奈，吉備奈子，黑鯥，海膽大蝦。都係有店長介紹，我地先識order。材料全部都好新鮮，好鮮甜彈牙。赤笠子表面搽上柚子醬汁，有小小微辣，肉質好結實彈牙。眼仁奈，魚身好有膠質，味道鮮美。吉備奈子面頭放上洋蔥，令壽司口感變得清爽。黑鯥肉質較結實，加上壽司師傅的調味，食落有股炙燒的香氣，十分特別。黎到我至愛的海膽大蝦，海膽肉色金黃，味香好甘甜，口感紮實，略帶海水味，陪上鮮蝦的彈牙口感，非常豐富，好想要多一客呀。全部壽司都好新鮮，yummy yummy最後當然唔少得梗係吉列金星豚！吉列金星豚果然名不虛傳，口感外脆內軟，就算係炸過的金星豚肉質依然保持鬆軟，脂肪分布均勻，肥廋適中。齒頰留香，回味無窮。好滿足呀呢一餐！做野辛苦梗係要享受下啦

這間舖坐落於灣仔嘅一條比較偏僻嘅街道，雖然如此，但卻俾人有一個隱世小店ke感覺，今日我就同我朋友嚟呢度試吓佢哋嘅廚師發辦嘅菜式。首先第一道菜式係曹以配上鮟鱇魚肝，曹以肉質結實脆口，魚味則較清淡，做頭盤非常合適。而鮟鱇魚肝就豐潤肥美，口感细腻，味道甘香，不會比鵝肝遜色。蟹仔都係用新鮮嘅蟹仔，即炸即食，非常脆口鮮甜！第二道係北海道厚岸蠔，味道比較温和，淡淡的金屬味和海水味，肉質肥美，口感Creamy，更能突顯它的鮮甜，散發岀濃濃蠔香，留於齒頰間久久不散。第三道係燒白鱔，店舖所揀ke白鱔非常肥美，外皮燒得香脆，但內裏能保持到白鱔的油香及肉質ke鮮嫩。第四道係 酒煮蛤，所煮的蛤好新鮮，大大隻，經清酒煮過之後，味道更加清甜，一試難忘。最後，有新鮮的富有柿作甜品，非常圓滿。係一間好值得推介俾大家嘅餐廳！

今日係小妹我嘅生日<3最了解我嘅家姐實在太知我心意帶我食omakase，好期待呀～門外裝修已經見到甚有日本感覺而且好新淨師傅話係八月尾先開店同其他食omakase嘅餐廳一樣客人會坐喺壽司bar枱前面(亦有其他普通座位)食物由廚師發辦 (可選壽司件數)「薄切赤粒子」師傅刀功非常好食落口感有少少爽口，點埋個柚子醋，幾開胃旁邊係新鮮嘅炸白蝦「口岸蠔」蠔味濃，口感屬於creamy本身嘅海水鹹味加埋檸檬汁，好鮮味「白劍貝」類似係切咗絲嘅象拔蚌，鮮甜爽口旁邊嘅係炸肝，無腥味，甜甜地，唔駛點嘢就食得「油甘魚腩」脂肪分佈極之平均，同整塊刺身融為一體「赤身，炙燒拖羅」肥美，個人認為炙燒過嘅更香更美味「赤鯛」上面嘅柚子醬帶出鮮味，無筋，入口即溶「鰈」第一次聽呢一款魚上面係佢嘅裙邊，味道似油甘魚「愛女魚」面頭嘅係紫菜醬，亦係採用炙燒手法「秋刀魚」醬油味重，較前幾款壽司濃味「海膽赤蝦」兩款都係我嘅最愛赤蝦超大隻又鮮甜，海膽零腥味，好正！「天婦羅」有蝦，蕃薯，松茸(季節限定) 外面嘅炸粉好薄好脆每款嘅味道無因為炸過而減低「松茸飯」再來季節限定食物松茸味好出，加上特製調味飯，份量啱啱好「燒白鰻魚」熱辣辣，

上次同老闆黎灣仔飲野，喺附近兜咗個圈見到呢間店面佈置簡約精緻的日本餐廳，老闆話下次請我食呢間，今晚老闆兌現承諾去左鮨月食裝修簡約出色，燈光、環境都是舒服的，好日本風及居酒屋feel，室外環境也別有一番風味北寄貝剌身：北寄貝刺身的味道鮮甜、肉質肥美，口感爽脆豐富，好吃！笛鯛十沢蟹：透明感的白色魚身好吸引，屬於高端食用魚，肉質鮮美，營養豐富。大拖羅：食拖羅係要食個油脂香味，這片拖羅入口已感到很香的魚油脂味秋刀魚刺身：魚肉質地比較稔，味道亦偏濃，但不腥，作為刺身的最後一道菜絶對適合厚岸蠔：厚岸蠔身材豐腴，看外型龜龜以為是很Creamy的蠔種，吃的時候卻發現蠔的質感清爽不膩，兼有金屬味道，海苔、紅薑味壽司有，海膽赤蝦：海膽非常鮮味好重海水味，食得出係非常非常新鮮，海膽加赤蝦雙重享受伊佐木：唔洗點醬油都得，因為太新鮮，用左醬油反而蓋住佢嘅鮮味 黑鯛：落去口感好特別，放入口就慢慢溶起口入面釣鰺：這款出面比較少見嘅壽司 梅子紫蘇素麵：清洒蜆：聞到陣陣酒香，蜆好爽而且鮮甜，食落滲出陣陣酒香，令我食唔停口

同有選擇困難症嘅朋友食飯, 揀omakase就最好不過！唔使諗食咩, 師傅已經為你揀好。今次就來到灣仔的鮨月。前菜小食擺盤吸引, 馬上推高我哋對呢餐嘅期望！日本厚岸蠔, 第一口係海水鹹鮮味, 細味下濃濃蠔香隨之而來。呢個月份正正係秋刀魚當造時節, 秋刀魚刺身脂肪豐富, 魚味很濃, 香滑兼備。呑拿魚軟嫩得很, 油脂甘香美味。冰頭漬即係醃製咗嘅三文魚頭軟骨 , 係十分珍貴嘅食材, 酸甜爽口, 送酒一流。接著多款壽司一件接一件送上, 有青羽太、浜鯛、花笛鯛、海膽赤蝦、呑拿魚、各自發揮出新鮮原味道。壽司、刺身嚐夠, 熟食送上。銀杏串燒銀杏即係香港人經常食糖水時食到嘅白果, 製成串燒我都係第一次食, 白果外層燒得乾身有韌性, 內層則保持軟熟, 嚼感極佳。明太子釀雞翼雞翼燒得有點燶, 但食落依然肉嫩多汁。最後仲有清甜嘅日本富有柿, 為整餐畫上完美句號。

朋友約食飯, 通常離不開銅鑼灣、尖沙咀, 今日決定走到無咁人多車多嘅灣仔月街食omakase。第一道刺身, 放上兩隻栩栩如生嘅小沢蟹, 精緻奪目。厚岸蠔生蠔蠔身肥美圓潤, 食落順滑細緻, 裙邊爽口, 蠔味濃郁。秋刀魚秋天正值係秋刀魚最肥美嘅季節, 鮮嫩魚肉油香豐盈, 鮮味迷人。仲有色澤艷麗, 鮮味十足嘅赤身、中拖羅。冰頭漬取自三文魚頭中嘅軟骨, 經過醃漬後, 口感獨特, 爽脆得很。食完刺身就到朋友最愛嘅壽司啦！各款壽司之中花笛鯛同海膽赤蝦最為出色。花笛鯛經過火灼後, 魚皮有微微焦香, 風味倍增！海膽赤蝦赤蝦甘甜的鮮味, 加上濃厚海膽味, 成為無可比擬嘅組合。至於熟食之中, 最出色嘅一定係目光魚天婦羅！鮮魚魚身開邊落鍋, 炸起乾爽唔油膩, 魚肉保持 嫩滑, 口感一流。

有一段時間無食過Omakase啦！今次去鮨月試下先☺️ Price: $980 (好抵食呀呢個價錢食夜晚既Omakase!)/ $1280 第一道菜已經好吸睛！放喺底既姬鯛，炸到好硊又好食既鱈魚片，仲有兩隻栩栩如生既沢蟹🦀 (係可以直接食咖！)肥美厚岸蠔，上面仲加左海葡萄粒貝，好爽口，有清新的感覺😍秋刀魚呑拿魚 ，赤身近中拖羅的位置，有油脂得黎又有赤身的口感壽司來了！赤羽太，上面配上柚子胡椒伊佐木黑鯥海膽！最後有我最愛的大拖羅！口入即溶！以為會唔夠飽？少年你太年輕了！熱食還未來呢~汁煮螺豬軟骨餃子🥟 感覺上應該係自己包的，外皮炸得脆又不會過硬，好食！酒煮蜆，份量好多！絕不吝嗇！天婦羅🍤明太子雞翼紫蘇素麵，粉紅色好靚呀！食落真係好大陣紫蘇味😳甜甜的和歌山富有柿作結💕最後，想講講環境😊 呢度無傳統餐廳嗰種正襟危坐既感覺，會播下本地,台灣歌(有電燈膽，鄭伊健既歌都有😂)，師傅服務生都好友善👍🏼 我覺得幾舒服☺️

灣仔區日月星街一帶西式餐廳林立，有不少外籍人士到來用餐，很有異國風情，但原來這裡也有一間提供omakase的日式餐廳，在附近下班便與友人前往用餐。一甫上址，地方寬敞，因為師傅為保持食物的質素，每次只招待少量客人，所以予人一種舒適的空間感。用膳完畢之後，感受到整個用膳流程都經廚師精心設計，以下特意推介部分難忘的菜式：刺身厚岸蠔 蠔身上伴海葡萄，入口十分creamy，而海葡萄令到口內的層次豐富。帆立貝刺身呈上前灑上岩鹽，而這種帆立貝入口爽身，師父說可沾點鮮磨芥末享用。師父物盡其用，將帆立貝剩下的裙邊炙燒，又變成另一道佳餚。時令秋刀魚刺身，現時正好是秋天之際，秋刀魚會變得更肥美，每口都滲透出魚油香，是次魚肉配以薑蔥碎的醬油，入口帶點中式家常的味道。中拖羅刺身吞拿魚人氣最高的當然是拖羅，亦即是吞拿魚下腹，大致分為靠近頭部的大拖羅和中後段的中拖羅。今次食用的部位是中拖羅：魚味較濃，而油脂較少入口清淡。冰頭漬三文魚咀的軟骨所製成，口感十分獨特！絕對要試試看！壽司炙燒梭子魚壽司魚身上放了一些用甜酒煮過的紫菜，魚肉厚身並且嫩滑，入口除了感受到啖啖肉的口感外，因為魚身經炙燒後，更感受到油脂香氣在口腔中完