鮨文 (已結業)

男朋友與我的緣份就在「鮨文」，由我相識到現在也有三年多。為了延續這份細味，重回「鮨文」但走到紅磡店，想試下是否與元朗一樣似的。來到紅磡店有一種隱世的感覺，走到角落的盡頭門外並沒有店名，簡直是一種秘景的感覺。入內的環境，大於元朗店近一倍，更有VIP房間私穩度高。Omakase 的價格相比元朗店貴出30%，$1750的確高昂的價值，不過鮨文是有質素的店是值得重來！首先到來是三文魚籽蒸蛋，三文魚籽粒粒晶凝通透並有多汁。蒸蛋滑溜而有蟹肉，非常美味。第二道前菜是螢光魷魚配上水雲，師傅利用上字豉油製作並帶有酒香，冷凍食法並加了少許夏日柚子，更加美味。靜岡縣的目光魚，原來是河邊小魚怪不得那麼細小。原條酥炸過後，整條可以由頭吃到尾並沒有任何軟骨不錯。Omakase 就是有這種視覺享受，目擊師傅親自開「真蠔」，「真蠔」來自岩手縣即開即食大過自己手掌的位置。蠔身完全沒有海水的味道，師傅在頂層更加了少許柚子可提「鮮」。平時吃鰻魚也吃得多，首嚐鰻魚BB的口感利用安乾葱、薑蓉、烏冬汁，日感相當滑身已嫩口，完全有種令口腔中帶有清新。櫻煮八瓜魚第二次吃過，原條的八爪魚經過醃製過後相當入味。重點是八爪魚的質感恰到好處

生日慶祝梗係要食豪啲，要揀個接近二千蚊的set先對得住自己。先上個熱騰驣的蒸蛋，粒粒脆卜卜的魚子係口裏爆開。再上兩款特別前菜，煙燻蘿蔔淮山，口感特別。螢光尤魚的膏香濃。師父為我們準備了幾款前菜，其中最特別的是炸魚，好脆，連骨都食得埋。白色的是魚春，有豐富的蛋白質，吾會有鯹味。師傅話呢個八爪魚用咗三日時間炮製，入口好軟身。個鮑魚汁先至係精粹，師傅會比一舊飯，等我可以食埋啲汁。壽司品種繁多，每款都很美味。食完一輪，飲番個濃濃的魚湯，成個口清新曬。 放涼一陣子會見到面層有一塊膜，骨膠原呀！呢款海膽軍艦超正呀！好新鮮最後的水果甜點也很貼心，可選擇噴上威士忌特顯蜜瓜的甜味。今餐吾單止食美味食物，仲有一級的服務，真係抵曬。

地舖，店舖外面都好易搵。屋企人話想食海膽杯，以我認知就Sushi Man。咁之前就淨係食過佢元朗分店，食完已經Black list 佢，因為果時黃埔剛開業大師傅過左去。咁今次諗住俾次機會試真佢，結果同元朗一樣咁差。首先佢價錢有$1380同$1780兩個選擇，後者多3個熟食同2件壽司，8點先晚餐關係，所以揀左後者。結果，佢夠膽死有白子（已經過左季節），平時食開好似個腦咁果種係鱈魚白子，Creamy同滑身啲。今次呢個係鯛魚白子，我食到既只有唔新鮮之餘口感亦好鞋口。到開始食壽司，師傅話：「建議用手食，日本都係咁，最原始。」（本人本身都用手食Omakase）見佢咁講，我就問：「咁有無壽司布？」跟住佢就：「。。。。。。不如我換過條布（抺手布）俾你。」你話佢係咪搞笑？叫個客用手食，但又無壽司布。師傅堅持話啲拖羅係養殖，唔同平時食果啲乜乜乜。佢俾左Chu拖我，睇相可見，好紅同清楚可見到條根，換言之我都食到條咬極都極唔開既根，同一啲魚油都無，分分鐘連鎖式回轉壽司都好過佢。重要事情要講3次，最最最緊要係啲壽司飯，件件都散！唔洗我講，都知個師傅去到咩水平。基本功都未做好，仲可以企係度做師傅，睇黎Sushi

Sushi man 第一個星期帶了小孩及老人一起那時候我們坐在房間 也有可能是剛開張 人手不夠 第一次的感覺不是太好這次臨時訂了午餐 大大改變了上一次的印象這次為我們發板的師傅為Eason每一件壽司都好有速度 好細心每一個汁都很配魚生的味道充分運用了海鹽、昆布、檸檬汁、日本桔子、醬油、日本飯也是赤醋飯用料還算新鮮但15件還是有點太飽下次可以試試10件的套餐或者＄800的Omakase 這樣的用料 ＄520 15件壽司真的非常超值

朋友找到新工作，終有藉口去食豪啲，去了由元朗開到出來九龍開分店的鮨文，新的分店在黃埔花園的聚寶坊，因為店外沒有餐廳招牌，好有神秘感，有點尋幽探袐的感覺。來的客人都是吃Omakase (每位$1350/ $1750)，即是師傅發板，師傅會先問客人什麼是不吃，然後用當日最新鮮的食材來做。水雲是海藻類植物，有豐富的纖維，外貌似髮菜，入口很爽，配上螢光尤魚來吃，味道清清地開始今天的Omakase之旅 ($1750 per person)。岩手縣生蠔，很巨型的生蠔，有海水味得來又不是很咸，取而代之的是一股鮮甜味。再來是一樣比較少見的食材，名叫白子，純白色的，口感綿綿的粉粉的，師傅話這東西充滿蛋白質，原來是魚的精巢!靜岡縣的目光魚，原條來炸，外香脆內嫩滑，可整條連骨吃。大分縣的清酒蒸鮑魚，鮑魚有淡淡的清酒味，鮑魚煮後的肉質保持得很腍，吃過鮑魚後仍有部分汁液留下，師傅建議可以加飯把汁拌勻，不用浪費每點精華。再來的是八爪魚，用了足三天時間來做，在製作過程中，需要人手揼足半小時，揼鬆八爪魚內的每一條纖維，之後再經醬汁醃制。完成後的八爪魚入口超腍，保持著少少咀嚼感，但韌度卻只是正常的1/4之後就是壽司，分

元朗人氣壽司店鮨文礦張業務係黃埔開左分店就過來試下。先上既係三文魚籽蒸蛋，蒸蛋上面蒲滿新鮮三文魚籽，味道非常妙。先付有水雲同螢光魷魚，魷魚係呢家時令食材，當然係好食啦之後慢慢上刺身先來既係岩手縣真蠔，大大隻，非常creamy之後有鰻魚bb，全條都透明，食落好過癮。黃埔店特有既櫻煮八爪魚慢煮過既八爪魚，肉質同平時食既非常唔同，而且用左甜醬油，食落甜甜地鮑魚就係清酒蒸過，然後個汁就係鮑魚膽加牛油煮成，非常香口壽司就包括有真鯛，深海池魚，青柳貝，牡丹蝦，幼鱈魚，沙甸魚，吞拿魚面珠墩，海鰻。當中最特別就一定係吞拿魚面珠墩，每一條魚只有小量貨，所以非常罕有。手卷係右口魚邊卷。當然唔小得最出名既海膽杯，大大杯既海膽上面擺多隻新鮮既甜蝦。極邪惡ga呢

If you have limited time for a good dinner, i think this is not the place, but if you want to spend a quality time, eating fine Japanese food and have the entire nite chatting with your partner, friend and even the chef... this is totally the place for it.In this place  you can eat calmly, looking the Chef preparing your dinner one by one and even have more knowledge of what are you eating since the Chef will present to you. Salmon roe steamed Egg - the combination of Salmon roe with steamed egg

難得與好姊妹聚會，當然要食得豪氣一點，偶爾吃個Ｏmakase都對得起荷包～　記得要預先book位，識食當然要選$1750的Omakase 啦～　茶碗蒸，幼滑的蒸蛋面層，鋪上粒粒魚籽，令口感更添鮮明對比沒有想過「鰻魚ＢＢ」都可以刺身，配上冷麵汁，滑嘟嘟的口感，又幾新奇！鯛魚白子（應該是男士恩物。。。），個人感覺有點像爽口一點的蟹膏口感，加上酸汁和辣蘿蔔蓉，惹味開胃。螢光魷魚，以三杯醋加薑調味，帶點煙韌青酒鮑魚，香濃清酒醃製的鮑魚，酒香撲鼻，鮑魚肉質鮮嫩，讓人吃得陶醉！深海池魚伴上幼細芽蔥，為新鮮池魚添上莫名滋味魴鮄魚，不是常見的刺身，呈淡粉紅色的魚肉，肉質爽嫩新鮮不易捕獲的鰆魚，在鮨文卻吃得到，以網燒炙香的魚肉，伴上辣蘿蔔蓉入口，煙薰半熟的魚肉，肉質鮮美！中吞拿魚朒，超滑漏的吞拿魚朒，入口立即溶化，大愛！靜岡蜜瓜，甜得有如蜜糖的蜜瓜，可選擇淋上威士忌，令蜜瓜的甜味昇華，一試難忘

得閒要同老公拍下拖，先可以keep 住時常溫馨~ 拍拖就梗係要食好野，上次同妹妹試完元朗的鮨文，老公未試過，今次就同老公黎黃埔試下~晚上有兩款Omakase，我地揀左Omakase 廚師發辦 $1750三文魚籽茶碗蒸 - 滿滿的三文魚籽，脹卜卜，加上熱熱的茶碗蒸，入口少少咸帶甘甜~師傅上一碟腌菜，比大家每款中間清一清。其中煙燻蘿蔔，幾特別，好香煙燻味~岩手縣米崎的雪解真蠔 - 意思係溶雪嘅時候，呢一種蠔係最肥美嘅時候。師傅喺我地面前開，睇落去已非常肥美，一開即食，加上少少青檸，非常鮮味~水雲 - 滑滑的，少少酸味，幾醒胃富山縣特產-螢光魷魚，入口好滑，完全唔會話un櫻煮八爪魚 - 師傅話呢款製作需時好長，要同八爪魚按摩，又要慢煮，再浸三日。入口好淋身，唔使點醬都好夠味~碗內有吞拿魚，魷魚，海膽，鵪鶉蛋，個配撘好恰當，好喜愛黏黏的口感~魚喜魚 - 生食熟食也可。師傅加上紫蘇葉炸，炸得好香脆，一啲都唔油~清酒蒸鮑魚- 大分縣的鮑魚， 有淡淡的清酒味，好爽。鮑魚肝醬，好香濃，師傅再加飯點埋啲醬食。8款壽司, 師傅話最好用手食，一於試下先~真鯛- 配上酸汁jelly，少少酸味~深海池魚 ，輕輕

一向都喜歡吃日本菜嘅我們，而且正值是我生日，朋友特意帶我去這間高級日本餐廳叫 《鮨文》，聽說元朗嘅總店是很有名的。餐廳裝修以木為主，感覺好似置身於日本當地，除咗吧枱座位之外，仲有房間可以包房。餐牌有兩款Omakase 套餐選擇，我哋就揀選左＄1750 per head 嘅套餐，當中包括蒸蛋、六款刺身、八款手握壽司、手卷、湯同埋果物等等，非常豐富。先來一個熱辣辣嘅鰻魚燉蛋，鰻魚食落去無骨，而且燉蛋質感好香滑。另外仲有酸酸地味道嘅水雲同埋網燒雪魚BB，食完非常開胃，準備將正嘢食落肚😋。好爽口嘅櫻煮八爪魚，配以柚子胡椒醬汁，更加滋味。而太刀雨昆布魚，是日本家庭主婦通常會在家整嘅食物，改良用太刀雨入面，屬於高級食材同埋價錢比較貴。而呢隻魚類由於係逐條釣上來，所以日本俗稱一本釣。青包魚用一個碗上，當中嘅包魚乾醬汁師傅都不會浪費，可以用來撈飯，所以撈完粒粒飯都好入味，味道濃郁。除此之外，炸紫菜包炸帆立貝香脆可口，非常滋味。壽司包括有伊佐木、鱚魚壽司、富山彎魷魚、鳥貝同埋三文魚籽等等嘅壽司當中嘅車海老壽司仲識郁㗎，可見非常新鮮，生蝦即叫即刻剝殼食，見到肉身還在跳動，食落去爽口彈牙，正。大拖羅壽司呈現

朋友生日，就請佢去黃埔新開嘅分店鮨文食Omakase，餐廳位於十字路口當眼位置，好容易就搵到。一入到去直望已經係吧枱，當然就要坐係吧枱一邊睇住師傅整，一邊享用Omakase 啦。首先食前菜，前菜就係屬於春天季節性食物嘅水雲，當中有三杯醋，酸酸地嘅味道，好開胃。除此之外，仲有鰻魚燉蛋同埋網燒雪魚BB，醬汁係用自製嘅白麵豉醬，由於春天適合食細魚仔多，所以食落去味道好新鮮。而櫻煮八爪魚，師傅預先用三日時間洗，再經人手按摩同埋慢煮之後，我哋食嘅位置就係腳頭位置，口感出乎意料地林，肉質有水晶Feel，半透明顏色，真係原汁原味。當中仲有炸紫菜包住炸帆立貝，食落口味道非常新鮮脆口，而且帆立貝咬落去有一條條絲，完全食得出唔係冰鮮。之後師傅仲整咗啲貴價同埋高級食材比我哋，包括有太刀雨昆布魚同埋青包魚等等。之後就係壽司系列，師傅建議我哋壽司用手一啖食，好似日本人嘅食法。我哋食咗數之不盡嘅壽司，包括有伊佐木、富山彎魷魚、鳥貝、車海老、游坊主、三文魚籽同埋大拖羅等嘅壽司🍣。當中鱚魚壽司係用半條魚做一件壽司的，成條魚嘅鮮味同埋精華都可以一啖食得出，一啲都唔腥，完全唔需要點豉油Wasabi，都一樣好好食。除此之外

仲記得第一次食廚師發辦就係係呢間餐廳嘅第一間分店，每一道食過嘅菜式都好深刻，因為味道實在太好喇!!!! 知道佢地係九龍開咗分店，一直都想去食，今次終於夾到時間去食~~九龍分店嘅選址真係超方便，黃埔港鐵站A出口，過條馬路就到，但係入口都幾隱蔽，正當你以為係日式木系嘅餐廳外牆，其實睇真啲，有一個位係可以推開嫁，而我地今晚一行幾人，就被安排去一間獨立小房，私隱度幾高，大家可以暢談，大家一邊傾計，師傅就一邊整理食材同工具師傅先準備好一啲伴碟小食，酸薑同山藥俾我地清清味蕾，呢幾片山藥其實用咗芥茉醃製，所以味道會有少少辣同攻鼻，不過相比起之前食過嘅，辣度好似減輕咗，可以再重番少少係小食茶碗蒸，大量嘅三文魚子係表面，完全覆蓋住下面嘅蒸蛋，蒸蛋口感超水潤滑溜，相信係加入咗高湯一齊蒸，所以除咗有蛋香之外，另外仲有清甜嘅湯味，而新鮮嘅三文魚子，仲係口中爆開添，口感更加豐富之後就開始食各款刺身喇，先黎係平正，係一款白肉魚黎，望落同油甘魚有幾分相似，表面加咗一啲橘子皮，果香可以僻魚腥味，同時為刺身帶來清新嘅味道，質感微厚，唔錯下一款刺身係大大隻嘅生蠔，望落真係幾肥美，令流曬口水啊，簡單調味，就已經好好食，有淡

久聞大名好耐，但一直都無試過，因為成日仲以為只得元朗一店，但原來一早已經進駐黃埔，而且位置方置，一出地鐵過馬路就到，雖然門面無名，但一睇就知道係低調既鮨文。今日同幾個朋友嚟，大家都坐喺房間，獨立私密。大家都想先嚟飲杯清杯，所以點左一支鳥海山，有靚清酒既清香梨味。今晚我地決定食$1750呢個Omasake。《茶碗蒸》茶碗蒸夠熱而且蛋好滑，當人又有香菇片同乾貝肉，更加香滑。入口再有爆汁鮮甜既魚籽實在美味。平政魚魚味濃真蠔十分肥美大隻，蠔味濃郁白子 - 口感creamy又滋補，味道鮮甜豐腴。靜崗縣目光魚口感香脆，可以連骨食，而肉質鮮甜，加上橘子汁很清新。櫻煮八瓜魚 - 師傅用左3日時間不停重複醃製直到入味同腍身，所以八瓜魚雖然厚身但入口好腍好多汁，味道調製得好，十分好味！肝醬鮑魚 - 鮑魚既肝醬被取出再燒香，而鮑魚就蒸煮3個鐘直到入味腍身。將鮑魚點肝醬食真係好正，香口鮮味完全唔會膩。最後食淨左肝醬的話都可以叫廚師比舊飯你拌飯食，味道都好唔錯。食壽司前廚師提醒食法，一定要用手拎住食先夠正宗分，而且壽司會由淡味食起。目張魚咬落有口感，肉質嫩滑並清甜。櫻鱒魚係三文魚既近親，所以色水有點似，但當然質

姐姐從加拿大回港後一直想吃廚師發板，但要吃就要吃好的，所以帶她來到黃埔的鮨文，地點就正正黃埔地鐵A出口左面馬路對面，門面淺啡沒有名子，很低調。sake - 鳥海山，梨味香濃。《茶碗蒸》（時令材料），今天用的是魚籽。茶碗蒸熱度夠，魚籽爆脆鮮甜十足，蛋又十分滑溜，蛋內又有菇和乾貝，既有口感又很提味。平鯖魚 - 橘子碎，平政魚: 魚味濃郁充斥在整個口腔。真蠔 - 大如手掌日本蠔偏蠔味重。白子 - 即魚的精巢,被認為具滋陰補陽之效，日本人視之為珍饈美饌，是秋冬的人氣食材。今次吃到的是燒白子，比較特別。外間煙韌香口，內裡creamy，質感柔滑順口，味道鮮甜豐腴，吃過一次便念念不忘！醬油令白子帶咸香，有魚香，口感creamy。配魚子醬。靜崗縣目光魚 - 味道香口，多肉少骨而骨極幼所以連骨都可吃，橘子汁令其味道清新亦減膩。櫻煮八瓜魚 - 柚子胡椒，師傅花了三天翻覆醃製和清淨至色澤濃郁。八瓜魚厚身看似較韌，但實際入口當然腍軟，咀嚼時肉汁滲出，味道帶甜，鮮味很夠。要慢煮，師傅每10分鐘會用銀針試其軟硬度，直至其入味軟腍。果然入口十分軟腍，味道香甜入味，完成不同一般八瓜魚的嚼感，好吃。肝醬鮑魚 - 鮑魚原