鮨政

營業中

休息中

非常滿足的一頓午飯閒日同朋友行過見係新店，又見入面都幾爆，於是試下。見到有個lunch set係「豪華海鮮飯（2人前）」，menu上張海鮮飯相貌似好大碗好吸引，於是就點左一份試下。出乎意料之外放上枱既竟然係兩碗烏東、兩份蒸蛋、兩碟沙律。大家都以為係落錯order點知先發現原來係個餐跟埋！之後個海鮮飯上場，頓覺呢餐飯性格比好高！！個海鮮飯有蟹籽、熟蝦、蟹柳絲、玉子粒、三文魚粒、吞拿魚粒等等，平均每人食到三碗。食左咁多野兩個人都只係$260加一，好開心呀

呢間鋪頭環境裝修好舒服，一直都想入去試下，但Lunch成日都好長排隊，終於有一日放工，見到可以walk in 有位，當然立即入去啦！因為兩個人去食，所以都係叫左一個魚生飯同燒鯖魚。（事實證明，係非常飽）壽司飯黎到果陣真係嚇親，好大一盆，真係一大盆，比想像中大好多，初初仲諗住會唔夠食，戈刻係擔心食唔哂。魚生料好足，唔使擔心食食下飯就冇哂。佢既芥末既放入個飯到既，而且芥末好好食，好新鮮。不過朋友唔係咁鍾意食芥末。燒鯖魚。燒得岩岩好，不會好乾。但我覺得比較咸，需要一邊食飯或者飲茶中和番。總體黎講，唔錯，值得一試。冇記錯，上面個飯係限量架，想食可以先問職員仲有冇！

今天中午，和同事們冒著大雨來試試這日本菜。這店在上環街市附近小巷，店裡店外裝潢也不隨意，有正派日本菜的格調。.午飯時間，在沒有訂座的情況下，我們一行六人大概等了十分鐘便能入座。.這餐飯不論等待或是用餐時間，我們都集體打機來度過，充滿笑聲和慘叫聲，唉。.午餐B 特上政壽司定食主角🍣新鮮，玉子、卷物和帆立貝尤其特別。配角♨️扁烏冬也不容小覷，湯頭味道很足，被我吃得一條不剩。.只能說,, 在上環能找到高質的日本餐廳並不多，這店算是很不錯。

這店在香港仔開業了好一段日子， 現在在上環開了分店， 以前住在香港仔 經常去幫襯， 他和另外一間香港仔出名的壽司舖 在同一街上 經營， 最初開業的時候他的價錢比較貴， 在這香港仔的民生區， 都不被看好， 但憑藉日本師傅用心和對食物質素的要求 ，還有最重要是日本人款客的態度有如身在日本一樣， 很快就吸引一班黃竹坑 寫字樓的上班一族及高消費居民幫襯， 假日更加要排隊呢。很可惜上環分店完全變了質， 首先說服務， 你一踏入店鋪己感受到兩位本地侍應的港式茶餐廳服務， 對客人的態度， 已將這店最珍貴的日本人文化及氣氛完全破壞了，不知道是否日籍老闆娘不懂廣東話， 可能不明白這 兩位本地侍應是完全沒有日本人款客的態度， 無論你任何時間 甚至是 星期六兩點後， 門外沒有人等候， 他們都在追追趕趕客人， 猶如茶餐廳一樣。 說到食物方面， 還記得在香港仔總店的時候 他們的壽司 簡直是吃到在日本的味道， 現在的壽司飯是冰冷的， 以為去咗元祿食壽司。很可惜一間日本人開很有日本味道的壽司店，最後因為受不住本地香港人的 文化衝擊最後也被香港人同化了。 以後又少了一個吃壽司的地方。

經朋友介紹, 黎到呢間日本餐廳食Lunch我地早到 所以都有好多位 環境算舒服我叫了個B餐 Deluxe Sushi Set 特上政壽司定食味道都還可以 咁既價錢都算係咁

今日落好大雨,但都冇阻我心情和胃口。見到有間新開的日本餐廳,仲有個"鮨"字,吸引左我去食。裝修簡約,有一排bar枱同數張2人枱。又係呢款杯,通常係食日本野o既地方都會見到呢隻杯。魚生唔夠新鮮,色澤有D暗啞,飯係熱,不過粘在一起,沙律菜一般。蒸蛋中的雞肉有好重雪藏味。食完魚生飯後先食碗烏冬,烏冬已唔新鮮,"淋"哂又凍左。吞拿魚顏色唔夠粉紅,但入口都算ok,炸蟹棒都幾脆。其實一份set lunch要一百幾十元,但係食材唔新鮮,又冇用心製作好食材,只有整色整水加多碗烏冬,我覺得有D唔值囉。再講,個侍應多次係我同事未食完就想收走個盤 (佢只係食完個飯,烏冬,蒸蛋,想抖一抖先食沙律啫),而且當時都只係2點鬆D,門口又冇人等位,有需要咁急清場嗎?呢個價錢,我俾多一百幾十元可食個靚自助餐呀!

其實也試過香港很多間不同形式的日本料理 通常都揀有omakase的來試 只少有信心做Omakase的應該不太差吧 今日特登在二時后來試 因為聽講1點超多人排隊. 又來長話短說 我叫了個午餐至貴的魚生丼 有海膽 三文魚子 松葉蟹，朋友就叫了個鰻魚飯定食. 一上菜 驚訝個碗都是比較細 再驚訝上面所有刺身份量都偏小 賣$248再加一 ..... well....... 兩三口已食完刺身了 味道倒也是0k 但真是不太值這個價錢... 相反朋友的鰻魚飯味道不錯 賣$128 加一 .... 份量也是偏了 ... 感覺整頓午餐$414 不滿足又未飽😒😒 之後急急腳在附近再覓食 見到X蓉x 馬上叫了幾碟點心再醫肚😅😅😅

轉了工作後經常懷念上環的美食，這次特意約了舊同事食飯，他們說最近有間日本料理餐廳開業不久，味道及價錢也相當親民。他們有各式各樣的set lunch。我這次點了碎吞拿魚丼，好豐富呀，有湯、蒸蛋、沙律、烏冬及碎吞拿魚飯。味噌湯香濃，蒸蛋滑嫩無比，沙律清新可口，烏冬爽口彈牙。吞拿魚丼，肉質鮮美幼滑，食材豐富。

When we first arrived they asked how many people eating and I said, “2. Me and my 2 year old daughter.” Everyone stared at me like i brought a disease with me. I have a pushchair with me and they were probably inexperienced with children. I understand they don’t have a high chair since we are in Sheung Wan, but they don’t have to stare at us. All the staff was literally staring at us which made me ask them, “ Are we allowed to eat here?” I was hungry and my kid is too so I just thought we’ll jus

係上環揾日本lunch大約1點半嚟到呢間餐廳，門口企左成排人等位等咗差唔多半個鐘先有位門口有menu，得幾款揀，要揀好先入座本嚟揀左個饅魚飯.. 入到去坐低先話賣哂，好失望冇嘢揀之下轉咗個三文魚親子丼真心冇咩特別，又唔係平唔知點解會咁多人排隊等食我呢份有個烏冬叫啱啱好填肚男朋友呢份唔知咩漬飯攝牙啦都唔夠套餐有湯，沙律，蒸蛋個蒸蛋又鞋又實印象中一個set要百幾二百，呢頭既lunch嚟講好貴了收呢個價錢仲坐得咁差，同搭枱冇咩分別不了

這家餐廳開了不算很久，午市時十分旺場，幸好等了一會就能入座。點了北海道魚生飯定食（$128），看照片十分豐富吸引。但期望越大失望越大，魚生的份量比想像中少。本來怕飯加烏冬會太飽，但烏冬的份量不多，兩口就吃完，所以剛剛好。整體來說價錢中等，味道也不錯（我覺得烏冬比魚生飯更好吃），如果不用等位可以一試，但欠了點令我再次光顧的吸引力。

平日午餐段要排隊人齊入得食物嘅選擇都唔少有十幾個餐價錢相宜嘢食上得快鰻魚飯好唔錯 鰻魚皮燒到脆脆地 分量亦好足朋友食咗佢個魚生飯 都話好新鮮由於位置方便亦都有良好嘅體驗 會再光顧

次次路過都見有人排隊👭👫👬， 今日終於有機會試啦! 或許，有期望，所以有點失望😓。登記攞位， 有點混亂。 我地2人搭枱， 同枱對面兩位，先坐下， 我哋上餐食跟，仍冇影，她們追問，才知漏了單😫。我選了Set A, 政壽司定食 $88 +10%, 真身跟圖片相似度十足. 6件壽司，味道算新鮮， 可惜d魚類別衹有三文魚和hamachi, 另一件原來是仿蟹柳。 熟蝦，okay。件蛋一咬便散開曬。 個蟹籽手捲塊紫菜淋曬😔， 好難先至咬得開。壽司d飯有甜味，算吸引。素烏冬反而成了賣點，因為似自家新鮮做的。沙律，okay. 蒸蛋, 好滑， 裏面有冬菇，日本魚蛋，和肉粒。

非常差的經歷❌❌❌不是食物的問題 係服務既問題呢間嘢無下次❌❌❌.一直知呢間食店係多人排 尤其lunch time 唔緊要 去到店員就問貴姓 寫左 就等等左10分鐘左右 店員就叫人入咁ok la 聽到佢叫X小姐 我地就入去啦坐低 茶都飲左 睇好餐牌叫緊店員下單之濟企門口果位店員行入黎話頭先叫既X小姐係排係我地前面既 並唔係我地 叫我地出返去再排完全唔知發生咩事 佢又無叫我地留電話 點知X小姐係邊個打邊個Suggest返餐廳不如以後落名果時落埋電話頭4位數字/派籌 就唔會咁亂了.坐低曬飲埋茶叫人出返去真係好無禮貌.講返食物 係ok 正常的丼飯有三文魚 蟹子 油甘魚 甜蝦 海膽刺身整體算唔錯 但略嫌個飯太熱 搞到啲刺身唔凍個餐仲有沙律🥗, 蒸蛋同一個細烏冬🍜沙律好食 夠汁 有粟米粒🌽蒸蛋滑 底下有魚片同雞肉🐔烏冬夠味 幼身果款黎.性價比黎講係可以但服務真係有待改善

上環反工最大的好處就係，午餐的選擇非常多！無論貴的平的，呢度都應有盡有 ！  經過sushi masa 已經好多次，每次都見到門口有人龍，今日難得早放lunch， 一早去了霸位，12點正去到，吾使等就可以直接入座，而且還是2人座，很好！環境很日式，人手充足，所以服務不錯。我們叫了特上政壽司定食和鰻魚飯定食！ 每樣都係130蚊左右，以呢個價錢我們覺得蠻划算的！首先壽司定食有10件壽司，魚生很新鮮，再配有一個熱udon， 沙拉，蒸蛋~分量很多。 鰻魚定食，配有一碗miso soup， 沙拉，蒸蛋~ 我們都覺得以這個價錢，分量很足！ 建議如果來呢閒餐廳吃，最好早點來霸位，因爲不設訂位~