鮨政

營業中

休息中

🍽上環 鮨政 🍽午餐（特上政壽司定食$138 & 北海道魚生飯定食$128）好味指數👍🏻👍🏻👍🏻👍🏻回購指數👍🏻👍🏻👍🏻👍🏻 相約朋友食午餐，本身好想食特上壽司呢個set , 因為有八件壽司和兩件卷物，可以一次過試晒唔同鮮味，十分吸引😍 但係 朋友已經選定這一個，基於為食同埋嘗試多幾款唔同嘅食物嘅前提下，所以我就選擇了魚生飯定食。兩份定食都配有一份沙律、日式蒸蛋和烏冬。沙律的蔬菜十分新鮮，酸酸的很開胃；蒸蛋很香滑頗有蛋香。本來以為定是份量是迷你size，但原來也挺大喎！我是最後才吃烏冬的， 扁身的烏冬沾滿了湯汁，沒浸得過軟， 質素係同出面餐廳賣六七十蚊烏冬係一樣咁好味的。朋友說壽司的魚生質素高、很鮮甜，但三文魚 （跟魚生飯的三文魚比較）有點瘦，overall 性價比高。我們之前也有吃過別家價錢相約的壽司定食，只有味噌湯 而不是烏冬，鮨政的壽司魚生明顯是高一級的檔次，性價比較高。魚生飯每款魚生都有兩件，厚切、新鮮、肥美，海膽香甜 ，新鮮程度媲美在日本當地吃的一樣😋飯是微暖的，米香十足，有少許黏黏度，微暖飯伴著魚生一齊食更可以顯出魚生鮮甜。下次會再過黎食。坊間魚生飯 一般都$150 左右起

早些時途經蘇杭街，路過新店，隨手掀門外餐牌，被那"木盤裝二人份特大雜錦魚生飯"吸引，當時就嚷著下次來試。大頭蝦族的我後來卻居然忘了(畢竟蘇杭街那小段人流比較少平常想不起來嘛)。幸好hubby心細，記得"老婆大人話過想嚟食"。趁周末離晚飯時間尚早就來幫襯。甫坐下，侍應奉上omakase menu 和放在門前招客的menu。其實omakase menu 只寫了A餐15貫$800，或B餐10貫加刺身和熱食$1,100，內容物不明(廚師發辦嘛)。感謝hubby 選了A餐15貫，外加散叫鹿兒島牛和天婦羅。實在太明智了。是日15貫有:- 魚(驚喜)- 穌池魚(?)-鯖魚(驚喜)-秋刀魚(時令!)-深海池魚-鰤魚(野生大油甘)-金目(鯛)-小肌kahada(日籍師傅口音變成"兆基")-魷魚(厚身)-甜蝦-吞拿-三文魚籽(嫩)-海膽(清香鮮甜!)-鰻-玉子燒尾段供應牛蒡(有如京都漬物的美味)和湯(超鮮甜，魚肉足料又唔腥)天婦羅ok，如果能炸起即上應該更佳。鹿兒島牛呢… 介乎於神戶雪月花的西冷和 tenderloin之間，有神戶西冷的油膩感但沒有入口即化的"膩"害(勾起了傷心回憶，食神戶牛一定選ten

本來想去對面的餐廳食，不過full house到連等既機會都無⋯⋯天無絕人之路，見到對面有間日本菜，睇下價錢，雖然唔算好平，平均都要成舊水一個午餐，不過月頭仲可以食豪少少，試下啦！隊長好耐無食過壽司，見到午餐有呢個set，就二話不說叫個平d果個，仲有個deluxe既，不過其實唔差太遠，叫個普通試下先。其他同事就叫左個碎吞拿魚、魚生刺身飯set，每個午餐都會跟一碗烏冬，都幾大碗，加埋個沙律同蒸蛋，食完飽到上心口。餐到！嘩！淨係碟壽司都有5舊，加埋個手卷，而且都唔細件，$88絕對抵食，雖然只有2件刺身壽司，不過都幾新鮮，唔會好似有d日本餐廳，lunch set壽司就比cheap野你食，同事話佢個魚生飯d刺身都好good！至於個烏冬，比好食d果隻稻庭烏冬，麵身都幾彈牙，唔係一pet粉團，呢個餐份量十足，用料又唔欺場，甘既價錢絕對抵食！

之前食過呢間覺得食物唔錯又幾抵食就諗住帶我阿媽去食個lunch...我地每人叫咗個壽司set ，我阿媽食得俾我快所以坐咗係個位飲住杯茶等我。點知我啱啱食完放低對筷子嘅時候，個侍應即刻攞張單過嚟叫我地埋單因為出面有人等緊。我食飽飲杯茶嘅時間都唔俾就叫人埋單簡直過份！我同個侍應講我啱啱食完茶都未飲就叫人走有無攪錯，佢竟然同我講出面有人等緊唔好意思！我個刻簡直火都嚟！我同佢講我唔係唔肯走但佢都俾小小時間人地飲杯茶呀！咁嘅服務態度我以後都唔會去囉！

開張幾個月我已經來過了兩次，因為其鮮味程度並不遜色於貴價料理店，而且價錢非常相宜，晚餐我們點了很多東西，吃得非常飽，才幾百元。環境：由於是新裝修所以非常乾淨企理，保留日式的裝潢，有吧枱也有普通枱，地方不太大。很少日本料理店會播jazz,而且明顯是經過挑選非常有格調的jazz,突顯出該店老闆是個有品味的人。而師傅方面一個是日本人，一個是香港人。服務：服務還算不錯，但遺憾的是有個服務生差點，我光顧了兩次，每次不是打爛東西就是問非所答，而且非常不識趣，但我想他可能是新手或是他已盡力了！推斷這服務員是該店老闆的親戚。老闆娘說得一口流利的日文，應該是曾到日本留學。 食物：食物的質素非常之不錯，媲美貴價的日本料理餐廳，銀鱈魚非常之鮮甜，魚生和海膽很新鮮，特別推介雞泡魚干，厚身鮮甜有口感。但我就不喜歡燒茄子，醬汁太甜了。總結：想以相宜的價錢吃到高質的日本料理，不妨去試一下

開左咁耐，試下先大約1205入坐，等左約廿分鐘就有得食 😋被安排坐bar枱，睇住兩個日本師傅+一個香港師傅好專心整嘢食，manner 唔錯，刺身雪櫃門常關，食得比較安心，waiter 都好有禮貌！唯獨周圍既人不斷傾計，確實有d 嘈。食物大致喺唔錯，特別帶子真喺鮮甜，沙律裡面有牛舌粒，怪不得坐無虛席！不過三文魚上有雜紋及原本在壽司上既蟹子掉在壽司盤上，真喺有少少敗筆.

上環的鮨政新開張，上次已有介紹；一直都念念不忘，一心想試他們的午餐，今天終於有機會。真希望上環能夠有多一些這種「比較像樣的高級日本料理」，現時好像只有這一間，其它的都是小店外賣，連鎖店。也因為上環沒有同類型的「百多元就能吃到不錯的日本料理」，所以人極多，你來之前務必留意，我今天是十二點鐘來的，還有位置；到我離開餐廳時是 12:20, 已全部坐滿人，外面有十人排隊。所以，如果你來的話，你務必要十二時就來到，如果你想著十二點半，一點才來，那包你沒有位置，而且還要等很久。這裏不宜公務吃兩個小時那種，只適合快食；我只吃了二十分鐘，已經看到門口大排長龍，自己也不好意思要埋單；儘管如此，我仍然覺得值得來。餐廳是新開張，裝修新淨。這裏用的米，全部都是北海道高級米。午餐餐牌。午餐來到，當然吃便宜的，而我也不覺得午午餐來到，當然吃便宜的，而我也不覺得午餐價錢比晚餐便宜一半，好味道少了一半；相反，午餐質素和晚餐同樣地高，那當然是吃午餐 menu。他們另外有一個 menu，和晚餐同等價錢，不作考慮。經過我的精心評估之後，HKD138 那個 B 餐最抵食，有壽司八件加兩件小卷，還有沙律前菜，蒸蛋，烏冬。沙律前

great restaurant for date night, small cozy and good quality! Get here early or make a reservation. Good value as well for the quality!

十週年午餐難得男人特登返工前嚟搵我食晏，我選擇咗呢間同事介紹嘅新店。午餐唔接受訂檯唯有walk-in喇。店員係電話到問大概幾點到店，我就話大約12:40-12:45喇，然後就被告知大約等10分鐘左右喇。一去到餐廳已經好多人係門口排隊先同店員講兩位，然後真係如電話所講，被告知大約等10分鐘左右。午餐選擇唔算多，但鍾意食壽司嘅一定揀到我地兩個都揀咗呢個套餐，$138，非常實惠嘅價錢。魚生新鮮係爭海膽一般，其餘都屬上等最最最好食係玉子同帆立貝冇錯係玉子！你食過入口即溶嘅玉子未？呢到就食到喇

上環一直少有比較高級的日式料理進駐，來來去去也是那些快速壽司外賣店；最近開了這間鮨政，也是上環人士的福音，要吃高級日本料理不用去銅鑼灣或尖沙咀。說是新開，其實也不盡然。他們早在香港仔開了店數年，七月在上環再開。我們去的時候是六點多，不是太多人；但我們在七時半離開時，全店都滿了人；所以有心來這裏吃要早一點。環境舒適，落重本裝修，給人煥然一新的感覺。晚餐是散叫，價錢會比午餐貴一點，但也可接受。他們也有 Omakase，但第一次來，就散叫看看有甚麼好吃。叫了啤酒，Asahi。也叫了銀鱈魚，煎得很香滑，有功力；來料是靚貨。值得一提的是，這裏的用料全部都很高級及新鮮，絕不能和連鎖壽司店或一般貨色相比，一吃就知。我叫了一個極上壽司 set，很對板。兩件拖羅一入口即溶化，還是那句，很新鮮，很鮮甜。其它的有帶子，牡丹蝦，全部都是恰到好處，飯團不大，魚新鮮，吃得出美味，以及給人有愉悅感覺。再掃過去，是海膽，魚子，鰻魚。物值甚高，我寧願花多一點錢去吃好貨。吞拿魚腩手卷，雖然紫菜是軟了一點，但味道甚好，我可以接受。牡丹蝦頭可以製湯另加二十元。湯很鮮甜，雖然是麵豉湯，無甚變化，但也是可能範圍之內最好了，吃得很

很久前就已經試過這家餐廳在香港仔的本店，記憶中味道甚佳，一直心思思想再去無奈香港仔對我來說有點遠哈哈。最近發現上環蘇杭街開了一家分店，趕緊拉上吃貨同事去吃午餐。為了避免中午人多我們特地12點就到餐廳，看來很多人都像我們一樣，餐廳已經大部份坐滿！12點20左右就已經一條人龍在店門口等了，所以要來吃的朋友要早一點！餐廳門口是日式木製的拉門，從外面看不到餐廳裡面。店裡面裝潢簡潔，不大，有幾張桌子，最主要的是有個佔了一半面積的壽司bar台。我們坐在bar台上，一邊吃一邊看師傅捏壽司，吃得特別有感覺，在上環能用這個價錢吃到日本師傅捏的壽司算是物超所值。午市有幾款套餐可供選擇，我點了北海道魚生飯定食（$128）。定食包括沙律，蒸蛋，魚生飯還有一碗稻庭烏冬。沙律菜新鮮，沙律汁很特別很難形容什麼味道，但不是常常吃得到。蒸蛋很滑很香，裡面放了兩塊雞肉。魚生飯裡面有白魚，三文魚，海膽，魚子還有甜蝦。魚生新鮮，魚生飯軟硬適中，還有點黏黏的，很好吃。蠻特別的是這個套餐還包了一碗稻庭烏冬，烏冬很滑又有點嚼勁。吃完再喝一杯茶覺得午餐完美了，這個價錢能吃到這種服務和味道在上環並不多，大家可以去試試看喔♥

喺google睇到呢間日本菜係香港仔店嘅本店 係日本人主理， 而朋友又大讚香港仔店嘅lunch，所以一試。 上環店lunch冇得book位，而且要齊人先可以入座。 叫咗魚生飯定食， 與附近差唔多價錢嘅日本餐廳相比， 魚生比較新鮮，烏冬亦係稻庭風，只係茶碗蒸稍為甜咗少少， 裝修亦都好有日本和食家庭餐廳嘅風格。 最大嘅缺點係，可能由於係上環區租金比較貴，店員都幾積極想顧客快啲走。。。 不過都可以理解嘅。。。 如果下次自己一個人食lunch， 或者同同事快食， 都會考慮再幫襯。 只係如果同朋友聚餐， 就唔會考慮了。