鮨政

營業中

休息中

喺香港島，夜晚食日本料理魚生壽司都$1500起跳，一係就食串燒居酒屋，有時只係想食個簡單魚生，魚生飯之類係吾容易搵到價錢貼地啲既地方今次我哋去咗上環鮨政，呢度一樣有omakase ($800/$1000位)，不過我哋今次a la carte!兩個人點左一個五點刺身, 豪華海鮮丼, 兩件海膽壽司再加支300ml 一品純米大吟釀，埋單$12xx我哋覺得港島嚟講算平。個海鮮丼係signature嚟架，枱枱都叫而且都幾有份量，兩個女仔去既話建議只係加一個小食好了，環保減少剩食吖嘛，吾夠再加！

Sheung wan lunch time 今日有個同事帶我地去食好西喎行到有啲遠仲要行錯路囉兜咗個圈咁咁就黎到呢間係食日本嘢嘅望一望個餐牌大 一個lunch 要成百幾蚊對我黎講食一個lunch要百幾蚊係一件好貴嘅事黎冇計啦 我太窮啦蝦天婦羅烏冬迷你魚生飯定食 $148個魚生飯佢後上比我嘅魚生飯係到 個天婦羅一般般啦普通天婦羅唔覺得特別好味再加一個烏冬都係普通貨色再加碗魚生飯都係普通貨色唔知點解可以咁貴一個定食一啲都唔抵食

星期二晚剛巧在上環開完會，朋友話想食壽司，見這日本餐廳裝修光猛感覺清爽，就隨便入去一試。我們點了：• 茶杯蒸蛋• 鹽燒銀杏• 柚子醬大根煮• 壽司併盤可能沒有特別期望，反而有驚喜，服務員及開放式廚師吧枱的安排感覺頗為地道，雖然不是什麼超水準小店，但壽司質數良好很新鮮，而食物presentation你有投入心思的，賞心悅目食都食得開心啲。我特愛銀杏，那甘味非常可口。柚子醬煮白蘿蔔，十分可愛，但那柚子醬的甜味可能不太合男士口味了。有機會再來多試幾個小食。

🇭🇰鮨政·有參與罷工既小黃店💛但係見連登有人話佢係偽黃🤭🤭·豪華海鮮飯 $280呢個超photogenic 佢入面d魚生仔都唔錯 唔會hea你 而且佢超多三文魚 但係有d多到我地唔想食咁多😂😂·📍上環蘇杭街105號地下📍香港仔香港仔大道142號地下

豪華海鮮飯(二人用)$280 材料包括有三文魚，吞拿魚，鮮蝦，墨魚，甜蛋等。全部材料也十分新鮮，是用挺高級的。足夠二人享用。而且餐廳也設有omakase course，下次會來試一試。

打電話訂座，接電話的女同事態度不算好，感覺很趕時間，再且言語間也不算禮貌，沒有 “唔該”, “再見” 等。接電話的女同事說了 3 次，我才聽得出她問 : “想坐 bar 枱定 table”。

由文空姐轉做文職已有半個月時間 間中都會懷念以前飛日本經常到處吃壽司的日子於是今天午餐來到了這間貌似正宗的壽司店門外有兩群人在等候位置 我自己一個來 所以等也不用等就有位置了 店內位置不多 午餐時段幾乎座無虛席我點了一份行政壽司套餐 另外還包括了沙律前菜 迷你茶碗蒸 以及湯烏冬一碗 壽司完全是超水準之作 每一件都非常好吃 吃得出他們用的魚都很新鮮 帶子鮮甜大粒 軍艦壽司包着的紫菜還是脆脆的 另外烏冬麵質很Q彈 比一般外面吃到的烏冬好吃這裏讓我找回在日本吃壽司的感覺 從今起又多了一個壽司飯堂了

地方雖小格局靚款式足夠質素高🌟 呢兩句說話經已形容曬我想表達嘅食評呢度既set lunch around $120-150,價錢合理。先講鰻魚飯定食,鰻魚無骨,燒得好香,唔算太肥美,但係口感好好。溫泉蛋和牛丼就爭啲啦, 和牛唔係好香,肉質都冇乜驚喜,可以不試。刺身飯定食&壽司定食好吸睛好新鮮難怪個個嚟到都係叫壽司。呢度嘅定食會有埋蛋,麵豉湯及沙律,個蛋好滑,yummy!!座位方面,呢度有bar枱,有卡位(1張六人卡座)有order檯,加加埋埋位置都唔多,我哋食完見到有人排隊所以就快快趣趣走啦。

今天中午大家決定吃一餐豪華午餐，幾個同事一致決定來吃這家日本餐廳。之前有聽過店員和師傅說日語，所以我猜想這餐廳是日本人開的。今天我挑了午餐F – 北海道魚生飯定食，其實這裡午餐的選擇是挺多的，刺生、壽司、燒魚、炸雞和天婦羅等等都有供應。這個午餐F，除了主菜的北海道魚生飯之外，還有烏冬、沙律和茶碗蒸，不知怎麼的，我今天覺得最好吃的是那個烏冬，很彈牙爽口，湯也很香。沙律就沒有什麼特別的，正正常常。魚生飯和茶碗蒸同樣是很不錯。

有朋友去咗英國返工一年，一返黎，佢話好掛住中菜同日本菜😂所以我地一班朋友就特登帶佢食靚靚日本野，慰藉佢既心靈啦大家6個人又好難得夾到時間在weekday lunch喎，就在上環食呢間鮨政。全店得2張大枱，又要人齊先入得，所以要好齊心一起準時放飯就落樓先做到。我叫咗燒鯖魚定食$98，定食有沙律有湯有蒸蛋有日本茶👍🏻鯖魚本身食材靚，唔會太厚身，燒完之後啲魚油出晒黎又唔heavy，啖啖都唔乾身，配白飯食就一流朋友們就揀啲貴少少既，英國朋友諗都無諗就最貴既B餐壽司餐，要$148，一樣話好正同物超所值，夠新鮮。最重要係我們六人坐最入個卡位，唔會好嘈，侍應添茶又快，開開心心吹水catch up番近況係一流👍🏻

上環其實好多好野食，呢日捐窿捐罅跟同事來到位於上環一條小街裡既一間日式餐廳 — 鮨政。呢到既 lunch 除左散叫，仲有set lunch。一個set 入面包括有日式蒸蛋，沙律， 湯 & 主菜。我個 set 既主菜就叫左壽司🍣 三文魚，吞拿魚，墨魚，帶子⋯ 基本上最多人必食既款，個set都有。每一件壽司都做的好好，壽司夾起時，d飯吾會鬆散，飯的大小和溫度都剛剛好，每一件壽司上的魚生都好新鮮，由其是食到件海膽壽司時，我叫呢個set都係因為佢有海膽。件海膽真係好新鮮，好甘香，一d都吾腥，食完真係齒夾留香 完全無令我失望

My all-time favourite restaurant whenever I crave for Japanese food during lunch time. Highly recommend their Deluxe Set B! Because for $138, you get to enjoy 8 pieces of sushi, 2 sushi rolls, a bowl of steamed egg and a bowl of udon. The dishes here are nothing fancy, traditionally presented but with great tastes. The sushi platter has standard salmon, scallop and the like but the great news is it also comes with a piece of uni and otoro sushi, which is a bit of a surprise. Steamed egg and udon

朋友跟我都喜愛日本菜/魚生飯，今天大家都上環，就揀左呢度來個午餐聚會。什錦魚生飯定食，包四樣野，先是蒸蛋，用上湯蒸出來，好鮮甜，熱辣辣。套餐只是$138 ，最啱我呢啲貪心樣樣想試啲但又唔想俾太貴嘅人。魚生飯内仲有海膽和帶子。海膽好甜，甜蝦都好大隻。湯烏冬是較幼身和偏的那種 ，其實食完個蒸蛋同飯已經好飽，但因為烏冬質素都很好，就急急全都吃下！點解要食得咁急？ 因為我地2:00先入坐 ，餐廳2:30 last order ,3:00 就要準時離開，員工要落場。不過食家要注意，唔好諗住早少少來就可嘆耐啲，因為早一個鐘都是lunch peak hour , 是排長龍的。 個人經驗，午巿最好12點前或2:00后過來 。否則都要排隊。 因為呢區高質素又價錢大眾化的日本餐廳，無乜幾間

之前其實都食過幾次，平日普通午巿套餐都係一百至百五左右，質素就唔錯。不過今次係食omakase，所以可以寫吓。午飯時間都好多人，我哋響門口等左20分鐘左右，而且係要搭枱嘅，不過午餐時間，又唔係要嘆，而且人多就無計。Omakase Set 包左沙律、蒸蛋、九件壽司及小卷三件同最後嘅麵豉湯。(前菜)沙律及蒸蛋: 無咩特別 (主)先黎七件手握壽司，店員好快咁講左一次，但係唔係好記得哂係咩，三件白身魚就加左啲調味上去，不過不失、柚子嗰件唔錯(左上)，其他一般；醋鯖魚味道唔錯 ，唔會太重醋味、凡立貝大粒同甜、三文魚腩正常，赤身重魚味，好食。(主) 再黎兩件軍艦 (海膽及葱粒吞拿魚腩) 及三小卷(鰻魚青瓜卷):紫菜有啲淋，海膽及葱粒吞拿魚腩一般無特別，食材應該唔係A級貨，反而個鰻魚青瓜小卷有驚喜; 因為本身唔鍾意大葉陣味，但佢卷埋入去又唔係太勁，又幾清新喎。至於omakase幾錢 ，由於都係老細請(!)，所以無睇到，應該大約$320-$330.....至於勝價比，一般午餐嘅Omakase我都唔會太高期望，所以係OK啦。

工作關係，在上環鮨政吃過幾趟午餐，都是性價比很高，食材新鮮。最近和老公有一回出了香港區，就帶他到這裏一起晚餐。小店日式佈置，店子不大，不過雅緻，坐得舒適，服務也勤快。我們叫了一客二人份雜錦刺身飯，上桌木盤的面積有點驚人很豐盛～ 生熟海鮮都好吃，喜歡略炙吞拿魚塊，混合起來很搭。老公好喜歡海膽，這客北海道海膽實在鮮甜美味！ 三兩下子就吃完，可惜想再加單已經沒貨了。 但是仍然可以給他吃多一客海膽壽司，大滿足！ 每人都有喜歡的食物，我到日式餐廳最愛吃雞泡魚乾，這家的也是有水準，香口惹味juicy。相對來說天婦羅就中規中矩，脆漿和味道沒有甚麼驚喜。牛油果吞拿魚小吃，如果喜歡吃wasabi的應該很喜歡，刺激食慾老公叫了池魚刺身，只需港幣200元，因為不是深海池魚。魚很新鮮，切片厚身上，物有所值。這次晚餐時間不長，但是我們吃得十分稱心愉快，印象十分良好。