鮨政

營業中

休息中

打電話訂座，接電話的女同事態度不算好，感覺很趕時間，再且言語間也不算禮貌，沒有 “唔該”, “再見” 等。接電話的女同事說了 3 次，我才聽得出她問 : “想坐 bar 枱定 table”。

由文空姐轉做文職已有半個月時間 間中都會懷念以前飛日本經常到處吃壽司的日子於是今天午餐來到了這間貌似正宗的壽司店門外有兩群人在等候位置 我自己一個來 所以等也不用等就有位置了 店內位置不多 午餐時段幾乎座無虛席我點了一份行政壽司套餐 另外還包括了沙律前菜 迷你茶碗蒸 以及湯烏冬一碗 壽司完全是超水準之作 每一件都非常好吃 吃得出他們用的魚都很新鮮 帶子鮮甜大粒 軍艦壽司包着的紫菜還是脆脆的 另外烏冬麵質很Q彈 比一般外面吃到的烏冬好吃這裏讓我找回在日本吃壽司的感覺 從今起又多了一個壽司飯堂了

地方雖小格局靚款式足夠質素高🌟 呢兩句說話經已形容曬我想表達嘅食評呢度既set lunch around $120-150,價錢合理。先講鰻魚飯定食,鰻魚無骨,燒得好香,唔算太肥美,但係口感好好。溫泉蛋和牛丼就爭啲啦, 和牛唔係好香,肉質都冇乜驚喜,可以不試。刺身飯定食&壽司定食好吸睛好新鮮難怪個個嚟到都係叫壽司。呢度嘅定食會有埋蛋,麵豉湯及沙律,個蛋好滑,yummy!!座位方面,呢度有bar枱,有卡位(1張六人卡座)有order檯,加加埋埋位置都唔多,我哋食完見到有人排隊所以就快快趣趣走啦。

今天中午大家決定吃一餐豪華午餐，幾個同事一致決定來吃這家日本餐廳。之前有聽過店員和師傅說日語，所以我猜想這餐廳是日本人開的。今天我挑了午餐F – 北海道魚生飯定食，其實這裡午餐的選擇是挺多的，刺生、壽司、燒魚、炸雞和天婦羅等等都有供應。這個午餐F，除了主菜的北海道魚生飯之外，還有烏冬、沙律和茶碗蒸，不知怎麼的，我今天覺得最好吃的是那個烏冬，很彈牙爽口，湯也很香。沙律就沒有什麼特別的，正正常常。魚生飯和茶碗蒸同樣是很不錯。

有朋友去咗英國返工一年，一返黎，佢話好掛住中菜同日本菜😂所以我地一班朋友就特登帶佢食靚靚日本野，慰藉佢既心靈啦大家6個人又好難得夾到時間在weekday lunch喎，就在上環食呢間鮨政。全店得2張大枱，又要人齊先入得，所以要好齊心一起準時放飯就落樓先做到。我叫咗燒鯖魚定食$98，定食有沙律有湯有蒸蛋有日本茶👍🏻鯖魚本身食材靚，唔會太厚身，燒完之後啲魚油出晒黎又唔heavy，啖啖都唔乾身，配白飯食就一流朋友們就揀啲貴少少既，英國朋友諗都無諗就最貴既B餐壽司餐，要$148，一樣話好正同物超所值，夠新鮮。最重要係我們六人坐最入個卡位，唔會好嘈，侍應添茶又快，開開心心吹水catch up番近況係一流👍🏻

上環其實好多好野食，呢日捐窿捐罅跟同事來到位於上環一條小街裡既一間日式餐廳 — 鮨政。呢到既 lunch 除左散叫，仲有set lunch。一個set 入面包括有日式蒸蛋，沙律， 湯 & 主菜。我個 set 既主菜就叫左壽司🍣 三文魚，吞拿魚，墨魚，帶子⋯ 基本上最多人必食既款，個set都有。每一件壽司都做的好好，壽司夾起時，d飯吾會鬆散，飯的大小和溫度都剛剛好，每一件壽司上的魚生都好新鮮，由其是食到件海膽壽司時，我叫呢個set都係因為佢有海膽。件海膽真係好新鮮，好甘香，一d都吾腥，食完真係齒夾留香 完全無令我失望

My all-time favourite restaurant whenever I crave for Japanese food during lunch time. Highly recommend their Deluxe Set B! Because for $138, you get to enjoy 8 pieces of sushi, 2 sushi rolls, a bowl of steamed egg and a bowl of udon. The dishes here are nothing fancy, traditionally presented but with great tastes. The sushi platter has standard salmon, scallop and the like but the great news is it also comes with a piece of uni and otoro sushi, which is a bit of a surprise. Steamed egg and udon

朋友跟我都喜愛日本菜/魚生飯，今天大家都上環，就揀左呢度來個午餐聚會。什錦魚生飯定食，包四樣野，先是蒸蛋，用上湯蒸出來，好鮮甜，熱辣辣。套餐只是$138 ，最啱我呢啲貪心樣樣想試啲但又唔想俾太貴嘅人。魚生飯内仲有海膽和帶子。海膽好甜，甜蝦都好大隻。湯烏冬是較幼身和偏的那種 ，其實食完個蒸蛋同飯已經好飽，但因為烏冬質素都很好，就急急全都吃下！點解要食得咁急？ 因為我地2:00先入坐 ，餐廳2:30 last order ,3:00 就要準時離開，員工要落場。不過食家要注意，唔好諗住早少少來就可嘆耐啲，因為早一個鐘都是lunch peak hour , 是排長龍的。 個人經驗，午巿最好12點前或2:00后過來 。否則都要排隊。 因為呢區高質素又價錢大眾化的日本餐廳，無乜幾間

之前其實都食過幾次，平日普通午巿套餐都係一百至百五左右，質素就唔錯。不過今次係食omakase，所以可以寫吓。午飯時間都好多人，我哋響門口等左20分鐘左右，而且係要搭枱嘅，不過午餐時間，又唔係要嘆，而且人多就無計。Omakase Set 包左沙律、蒸蛋、九件壽司及小卷三件同最後嘅麵豉湯。(前菜)沙律及蒸蛋: 無咩特別 (主)先黎七件手握壽司，店員好快咁講左一次，但係唔係好記得哂係咩，三件白身魚就加左啲調味上去，不過不失、柚子嗰件唔錯(左上)，其他一般；醋鯖魚味道唔錯 ，唔會太重醋味、凡立貝大粒同甜、三文魚腩正常，赤身重魚味，好食。(主) 再黎兩件軍艦 (海膽及葱粒吞拿魚腩) 及三小卷(鰻魚青瓜卷):紫菜有啲淋，海膽及葱粒吞拿魚腩一般無特別，食材應該唔係A級貨，反而個鰻魚青瓜小卷有驚喜; 因為本身唔鍾意大葉陣味，但佢卷埋入去又唔係太勁，又幾清新喎。至於omakase幾錢 ，由於都係老細請(!)，所以無睇到，應該大約$320-$330.....至於勝價比，一般午餐嘅Omakase我都唔會太高期望，所以係OK啦。

工作關係，在上環鮨政吃過幾趟午餐，都是性價比很高，食材新鮮。最近和老公有一回出了香港區，就帶他到這裏一起晚餐。小店日式佈置，店子不大，不過雅緻，坐得舒適，服務也勤快。我們叫了一客二人份雜錦刺身飯，上桌木盤的面積有點驚人很豐盛～ 生熟海鮮都好吃，喜歡略炙吞拿魚塊，混合起來很搭。老公好喜歡海膽，這客北海道海膽實在鮮甜美味！ 三兩下子就吃完，可惜想再加單已經沒貨了。 但是仍然可以給他吃多一客海膽壽司，大滿足！ 每人都有喜歡的食物，我到日式餐廳最愛吃雞泡魚乾，這家的也是有水準，香口惹味juicy。相對來說天婦羅就中規中矩，脆漿和味道沒有甚麼驚喜。牛油果吞拿魚小吃，如果喜歡吃wasabi的應該很喜歡，刺激食慾老公叫了池魚刺身，只需港幣200元，因為不是深海池魚。魚很新鮮，切片厚身上，物有所值。這次晚餐時間不長，但是我們吃得十分稱心愉快，印象十分良好。

Good value of omakase sushi dinner set at $800 per person! Especially in central and sheung wan area! Fishes were fresh and yummy! They added some orange peel and grapefruit peel too into the sushi to make it feel like a bit more refreshing !❤️We order one small bottle of sake to share between 3 of us. Their sake price not very expensive! Overall, will visit again!

Sushi Masa has 3 establishments, one in Sheung Wan, one in Aberdeen and the other one in Central. The price to quality is one of the better Sushi restaurants in Hong Kong. I would say its better value and taste than Sen Ryo. The chefs are mainly Japanese. Ingredients are fresh and portion sizes are generous. Booking isn't necessary as there is normally space but sometimes it can get very busy and service can be slow when it comes to the sushi. Cooked items can come quicker than the cold items. W

這天我們被安排在靠牆的兩人座位，店裡座位不多，午飯時間要在12點入座才不至於要等位。這次來的目標很明確——豪華海鮮丼！前菜分別是沙律、茶碗蒸和日式烏冬。沙律和茶碗蒸很普通，不值得多著墨。反而烏冬麵不容小覷，烏冬應該使用了稻庭烏冬，入口滑溜，配合湯底食用簡直一絕！豪華海鮮丼 以木桶盛裝，在壽司醋飯上鋪滿好幾款魚生，飯和配料比例接近1 : 1。三文魚、魷魚、吞拿魚、蟹籽、熟蝦、蟹柳絲，色彩繽紛的賣相，令人食欲大增。由於本身有前菜和烏冬，面對這個豪華海鮮丼，我倆實在吃不消。看見洗臉盆般大小的木桶，我和友人瞬間有點慌。來，就讓我們「乾了」這桶飯吧！最後埋單只需$260（另加一），只能說，豪華海鮮丼 的性價比超高！

非常滿足的一頓午飯閒日同朋友行過見係新店，又見入面都幾爆，於是試下。見到有個lunch set係「豪華海鮮飯（2人前）」，menu上張海鮮飯相貌似好大碗好吸引，於是就點左一份試下。出乎意料之外放上枱既竟然係兩碗烏東、兩份蒸蛋、兩碟沙律。大家都以為係落錯order點知先發現原來係個餐跟埋！之後個海鮮飯上場，頓覺呢餐飯性格比好高！！個海鮮飯有蟹籽、熟蝦、蟹柳絲、玉子粒、三文魚粒、吞拿魚粒等等，平均每人食到三碗。食左咁多野兩個人都只係$260加一，好開心呀

呢間鋪頭環境裝修好舒服，一直都想入去試下，但Lunch成日都好長排隊，終於有一日放工，見到可以walk in 有位，當然立即入去啦！因為兩個人去食，所以都係叫左一個魚生飯同燒鯖魚。（事實證明，係非常飽）壽司飯黎到果陣真係嚇親，好大一盆，真係一大盆，比想像中大好多，初初仲諗住會唔夠食，戈刻係擔心食唔哂。魚生料好足，唔使擔心食食下飯就冇哂。佢既芥末既放入個飯到既，而且芥末好好食，好新鮮。不過朋友唔係咁鍾意食芥末。燒鯖魚。燒得岩岩好，不會好乾。但我覺得比較咸，需要一邊食飯或者飲茶中和番。總體黎講，唔錯，值得一試。冇記錯，上面個飯係限量架，想食可以先問職員仲有冇！