鮨和居食屋 (已結業)

✨永光又有新開好味居食屋🤩永光中心真係超多好野食呀見七樓開左新嘅居食居 當然要試試啦😚🔸 和風沙律卷 $55非常開胃嘅前菜 將沙律整成壽司卷甘餡料有蟹柳 青瓜 玉子 同蘿蔔 好清新呀💓🔸 甲羅燒 $95呢到嘅甲羅燒無熱住上嘅 已經撈好左架啦🙈配上青瓜食 無甘肥又消滯😚🔸 雜錦天婦羅 $135炸粉夠薄 大蝦又大隻 味道很好呀🔸 時令活魚刺身 $380活魚刺身勁大條 並非普通野 日本直送包你未試過呀 當晚嘅肉質實又新鮮 好blingbling✨🔸 日本珍珠蠔 $88蠔漲卜卜甘 鮮味十足👍🏻🔸 軟骨雞肉棒 $40雞肉棒加入軟骨 增強口感 再加埋生雞蛋 滑一滑🔸 牛肉壽喜燒 $240牛肉嫩滑 湯底又香 蔬菜索唒汁 好味道呀🍽 鮨和居食屋🔎 銅鑼灣登龍街28號永光中心7樓

我唔係發緊夢，依間係我係香港以來食過最頂級、極鮮味的日本菜！真心冇誇張！食物質素非常高水準👍🏻好好奇師父點樣可以保持到刺身的新鮮將佢帶番黎香港，令我覺得自己好似去左日本魚市場享受緊新鮮魚生嘅感覺😍今日係我同好友相識十週年，我倆都十分喜愛食日本菜色，諗住搵間高質居酒屋一齊開心吓，比較之下決定黎鮨和慶祝，結果真係令我地喜出望外😆今次我地好貪心地叫左好多款唔同菜色。先黎每人一份前菜 - 醃製茄子，我第一啖係將茄子連木魚再加左d汁一羹放入口，味道唔濃，茄子加上汁的香甜同木魚帶有小小鹹香味，味道有層次，冇互相蓋過，調配得岩岩好。和風沙律卷 - $55，外層紫菜包住內層新鮮脆口的菜，食落好有口感，咬落去有小小蟹柳的肉汁，好好味丫😋接下來是推介之一 - 日本釣池魚 $300即叫即劏，鮮味無比。師父將剌身切粒與蔥及芝麻撈埋，店員會教埋你點食，真係幾貼心😊可以夾紫菜，加入京蔥、芥末或薑蓉等配料，各有唔同的風味。魚肉肉質鮮嫩，帶淡淡魚香，個人覺得唔需要落檸檬汁，因為冇咁嘅需要😆鮨和豆腐 - $90我老友話要試下，我其實就麻麻地，因為有納豆丫😨相信好多香港人聽到納豆都會同我有一樣的反應😆因為個味道真係一試難

今日又去登龍街食日本野做lunch，其實登龍街這餐廳我已經食到差不多，每間都幫襯過一次啦！今日去一間新開嘅未試過，門面裝修企理，因為新店嘅緣故，店內特別乾淨整齊，印象分已經加咗好多分。😊👍🏻我今日選擇了一份炸大蝦天婦羅定食，定食包括沙律錢財、日式蒸蛋、面試湯、雪糕或咖啡奶茶。全部味道都係average 以上的質素。炸大蝦天婦羅，隻蝦非常新鮮，仲係好彈牙，仲有蝦味，唔錯！可惜炸粉厚左少少，唔夠脆口。不過用餐期間，比我睇到有一個10件壽司嘅午餐定食，大概$240左右，魚生質素非常新鮮，望上去與則仍然反光，所以下次一定要試吓。呢間餐廳值得推介👍🏻

朋友升職話請我食飯地點由佢自己揀慶祝飯當然要食好少少，加上好耐冇見想大家好好傾下計，佢就揀左呢間新開既日本餐廳一齊試下一黎到先黎食個前菜青瓜&麵豉醬，好REFRESH，又帶點點和風作為開胃小食真係無得輸~刺身拼盤 $480睇相都見到每件刺身都好有光澤好新鮮朋加喜歡拖羅無徬夠肥美，我就鍾意蝦肉雪白夠甜美，$480就甘聽可能有少少貴，但食落就知物有所值~牛油果沙律 $85D菜好新鮮，而且勁甜醬汁酸酸地，可以BALANCE番既牛油果的CREAMY，好食鹽燒鯖魚 $95係我近來食過最好食既鹽燒鯖魚無腥味呢D唔駛講，佢燒到個皮十分香脆，每夾一下都聽到’卜卜聲’但魚肉又一D都唔會乾，$95真係超值公魚天婦羅 $98見佢季節限定有呢個公魚天婦羅，就決定試下天婦羅粉漿夠薄身又夠脆口而且魚仔無咩硬骨，可以成條食哂入面好多魚春好香，所以無咩調味已經好好食用天婦羅呢個方法黎整真係無浪費到條魚仔煙肉三文魚卷 $40煙肉蕃茄或者露荀卷就見得多三文魚卷都真係第一次見兩樣都係好重油份既食物經燒過之後油份迫哂出黎，正係浸香味已經引死你。雖然三文魚本身都好多魚油，但加埋煙肉既油香，味道更加濃郁估唔到佢地甘夾，真係好想食

相當有質素日本料理聽frd子講有間喺登龍街上樓既新開日本料理，食過幾好食介紹左我去。上到去環境十足日本色裝修，有廚師發板吧枱，座位大概30零人左右一啲都唔擠迫，環境舒服，幾有格調。首先我哋叫咗個廚師發板刺身拼盤，刺身有帶子，左口魚，金聖雕，三文魚，深海蝦。帶子鮮甜，三文魚肥美，深海蝦好大隻，左口魚爽口，金聖雕夠晒厚肉，呢碟刺身係廚師發板，完全覺得性價比好高。再嚟就係迷你海鮮丼，個海鮮丼一嚟到就已經有視覺享受，即刻口水都溜埋，四隻顏色混埋一齊成杯雪糕咁，除咗有海膽之外，上面有牡丹蝦配上少少魚子醬、吞拿魚茸、重有大大粒既魚子，食完唔會太飽但係已經有超級味覺享受。珍珠蠔珍珠蠔再配上一日式醬汁，味道鮮美爽口。鰻魚玉子燒話說我哋都好鍾意食蛋， 每次食日本料理都會叫d蛋制嘅食物，今次都唔例外叫咗個鰻魚玉子燒，雞蛋超厚，鰻魚夠入味同埋仲有少少芝士撈埋，食落味道估唔到咁夾。雞腎炒韭黃我都想食啲菜所以叫咗個雞腎炒韭黃，韭黃夠爽口。烤羊架烤羊架超入味，食落去肉質鮮美，有好多肉汁，食開羊架嘅我都覺得呢個真係烤唔錯，下次嚟我一定會再叫。最後就係雪糕甜品有綠茶雪糕同埋柚子味嘅雪糕如果食雪糕嘅話，我覺得呢個綠茶雪

上星期朋友帶我去銅鑼灣食飯，原來係登龍街的永光中心，依到開左不少餐廳酒吧，形成一個新既美食標誌。我地去左7/F ［鮨和居食屋］🍣🍣🍱，都係上年新開既。餐廳環境唔算好大，設計簡單舒服，被安排坐吧檯近距離望到師傅的刀工👀食物選擇多，除了刺身壽司外，仲有不少燒物丼飯。和風沙律卷 先來了一客沙律卷，就好似西式食法加點沙律醬幾開胃，以壽司卷形式上碟較特別。日本釣池魚平日少吃的魚類，師傅以原條日本池魚去骨做刺身，有薄切/厚切/蔥伴，賣相擺盤精美，睇到刀工的細膩池魚肉質鮮嫩爽口，沒有半點腥味，可自己再加蒜/蔥/芥末/紫菜多種吃法，只加點酸汁就最吃出鮮味師傅話刺身能帶出池魚令人齒頰留香的油分。白蝦壽司白蝦比甜蝦產量少，蝦肉體形更小，壽司飯上佈滿乳白色的蝦，口感軟綿又鮮甜日本廣島蠔 每人兩隻手心大的廣島蠔，肥美多汁明太子玉子燒多層次既玉子燒，口感較實淨，不是滑蛋那種質感，加上明太子同吃，幾特別！荷葉鰻魚飯 師傅將中式荷葉飯套用日式材料上，用荷葉包著鰻魚飯蒸，味道香濃，新鮮感十足甜品係紅豆味雪糕剛剛好總結豐富的一餐

銅鑼灣永光中心最近開了一間新食肆「鮨和居食屋」，主打各式和式美食。餐廳裝潢簡約，用餐環境舒適。在近入口的一端，可以活動屏封間出一個小小的用餐區，約八至十人作小型聚會也算合適。 甫坐下，店員已主動添茶及奉上餐牌，並送上青瓜蘿蔔條併麵豉醬作開胃小品。一如其他和食店，最先送上的多是各式刺身。這客「魴鮄魚刺身」以原條魴鮄魚泡製，選材新鮮。因魴鮄魚屬白身魚的一種，本味鮮淡。廚師特意為刺身配上蔥花、蘿蔔蓉、薑蓉及酸汁。適量加入作調味，能有效提升刺身片的味道評分。 「蟹籽沙律」以酸爽清新的口味成為常見的和式沙律之一。 「珍珠蠔」送上時早已去殼，賣相固然稍遜一籌。然而，其鮮甜滑溜的食感成功把失掉的分數追回，值得推介。「鹽焗日本銀杏」屬送酒小品。銀杏外觀白淨，外衣泛金，果肉帶黃，味道微甘，感覺既富層次又有內函。 「明太子玉子燒」以甜蛋卷製作，中心釀入鹹鮮明太子。因小編並不特別欣賞明太子的味道，最後只淺嚐了一件，其餘留待好友慢嚐吧！ 「燒煙肉三文魚卷」是席間另一燒物，店員建議這道菜一定要趁熱吃，否則食物餘溫會令半熟的三文魚進一步烹煮而變硬。奈何小編習慣相機先食，最後還是錯過菜餚的最佳狀態。以燒物而言，同

位於銅鑼灣登龍街永光中心7樓的鮨和居食屋，新開張不久，門面的金色招牌很有氣派！前菜簡單的青瓜條和蘿白條配麵豉醬，青瓜和蘿白冰涼爽脆，麵豉醬是靈魂的所在，咸味甜味的平衡啱啱好，十分香口惹味，很不錯的前菜！桔仔汁 $40清新的果汁，酸酸地幾開胃！三文魚腩刺身 $160大大片厚切，肉質嫩滑，魚油豐富，味道濃郁，正！魴鮄魚刺身 $380日本空運到港的原條時令魚，擺盤精緻悅目，齋睇已經令人流晒口水！師傅刀功一流，薄切的刺身白裡透光。魴鮄魚肉質紮實清甜，味道令人欲罷不能，搶住黎夾！螢光魷魚 $65鮮味帶少少嚼勁，送酒一流！胡麻豆腐沙律 $70好大磚豆腐，而且仲要好滑嫩！蔬菜新鮮爽甜，胡麻醬份量夠晒多，好吃又健康！廣島吉列蠔  $95外層的麵包糠炸至金黃酥脆，薄薄一層而又緊緊咁包裹著滑溜鮮味多汁嘅廣島蠔，真係正到爆炸，呢碟吉列蠔我俾滿分！天婦羅丼 $98有蝦、茄子、南瓜、蕃薯同埋蕎麥麵，有別於一般嘅天婦羅汁，鮨和係跟一碗濃厚嘅醬汁，有啲似鰻魚汁，仲要Heat過暖暖哋，撈飯同埋點天婦羅都好正！鯛魚白湯 $95熱辣辣，魚嘅鮮味入晒湯入面，真材實料！紅豆雪糕香軟可口，作為呢餐嘅Ending認真不錯！

同男朋友食夜晚 當然要好啲所以上左黎呢間係銅鑼灣行左一陣先搵到既日本菜不過呢間店真係好有驚喜店內有menu可以點菜 但如果你信得過師傅 完全可以交俾師傅決定你既菜單！全晚最欣賞既三樣野一係刺身拼盤 有老虎蝦 吞拿魚 深海池魚等係難得一嚐既新每一種魚都食得出本身既鮮甜 而無雪味 雖然貴過大部分店 都質素亦明顯高過出面！第二樣係公魚天婦羅好少聽見呢隻魚 更加少食佢即天婦羅香口酥脆唔油膩 送酒一流☺️最後係鰻魚白燒❤️係我同男朋友一致覺得好出色！啲肉入口即溶 甘香既魚油味同平時食到既蒲燒饅魚好唔同師傅話 佢推薦既係最時令既 唔係到到有 時時有！

鮨和位於銅鑼灣，香港的地標，可以在此立腳的餐廳實力一定不會差。為了試一試其虛實，特意找日來吃個晚飯。餐廳裝潢好有氣派，內裡雅緻，非常高雅的黑金配搭。找來坐位，好好吃一頓。職員服務周到。刺身拼盤裡面有師傅精選的刺身，裡面有我最愛的呑拿魚中腹和帆立貝，每款刺身都非常新鮮，toro更是入口即化，非常幸福！珍珠蠔超級鮮美好吃！每粒珍珠蠔都很肥美，非常好味。鹹香味中帶有淡淡海水味。鮟鱇魚肝吃下去味濃，口感很好，非常高質。魚油充分在口中份佈，難以形容的滋味。磯煮鮑魚不單止鮑魚口感豐富有咬感，醬汁更是鮮甜。肉質更是彈牙可口！時令魚天婦羅天婦羅炸漿不會太厚，香脆之餘魚味亦不會被蓋過，很好吃。天婦羅要做得好吃，還看師傅功架。蓮香鰻魚飯每一口飯都充滿荷葉香，配上肥美的鰻魚，很特別很滿足！荷葉的清香加上鰻魚油香，停不了的誘惑。鯛魚白湯超濃郁的魚湯，很香很滑，奶白色的湯頭滿滿魚的精華。甜品：紅豆雪糕最後有紅豆雪糕作結，上面還有粒粒紅豆，很好吃。小菜也不馬孚。飲一杯冰酒，大滿足矣！

銅鑼灣登龍街出左名成條街都係野食，入到去想食咩種類既菜式都應有盡有，今次就同埋好姊妹黎到永光中心7樓一間新開既居酒屋🏮一同共進晚餐。上到黎地方唔算好大，但環境整潔美觀，又坐得夠晒舒服😌打開個menu望望，兩個你眼望我眼都唔知食咩好，最終決定叫廚師👨‍🍳發辦好了，大家唔洗諗唔洗煩！！和風八爪魚沙律🥗首先黎個前菜，八爪魚食落好爽口，整碟都係日本🇯🇵昆布......好健康！！目仁奈刺身呢款魚剌身好少聽過同比較少食到，唔講唔知原來係日本時令魚黎，師傅切到好薄身魚身晶瑩剔透，再加上幾滴檸檬🍋汁食用，口感清新美味！豬肉露筍卷燒得剛剛好，露筍鮮嫩爽口，咬落去好有口感日本長芋梅肉天婦羅炸得好脆卜卜，食落去完全食唔出係我地食開既芋頭黎，日本長芋既口感真係好唔同，真係寧捨爽甜d🤭🤭🤭小長井蠔一人一隻份量都唔細，放入口立即散發出好濃厚既海水味，食落去好juicy👍🏻👍🏻👍🏻原隻魷魚🦑燒魷魚份量十足，我地兩個人都食唔晒，煙煙韌韌口感一流，加埋佢配備既魷魚膽汁點黎食特別惹味！！特上鰭和海鮮丼用料豐富有海膽、飛魚子、三文魚腩、鮮帶子......款款刺身食落去都好新鮮、鮮甜、用海膽撈飯食更是一流！！最後仲有紅豆雪糕

朋友介紹銅鑼灣有一間好正嘅日本菜，喺永光中心樓上，其實都幾靚個環境，而且啲位置唔會太逼夾。餐牌選擇好多，聽店員推介會比較好。特上吞拿魚四點拼盤不同部位的吞拿魚，即係有啲係拖羅，肥美度十足，啲魚油爆曬出嚟，香到不得了，而且溫度剛剛好涼浸浸，有一款表面有燒過的香氣，同樣也很好吃。特上鮨和海鮮丼多款不同的名貴刺身食材，包括牡丹蝦、三文魚腩、海膽、三文魚子、帶子、吞拿魚、油甘魚等。飯的份量不算太多，所以不會吃得太飽，但是表面已經有很多高質素刺身，肥美度十足，特別是海膽非常鮮甜。天婦羅丼都比想像中更加高質素，咬下去外皮香脆但係都比較薄，而且裏面嘅蝦同埋番薯等亦有保留原先的香味，完全沒有雪藏味。和風八爪魚沙律和風八爪魚沙律裏面比較多海草之類物體，有很香配搭彈牙八爪魚更有特色。安格斯牛扒照燒好高質素，牛扒鎖住相關肉汁，水份十足，而且牛肉鮮味都好出眾，如果鍾意嘅話都可以點上沙律醬。特上吉列豬扒外皮香脆，裏面都有應有嘅水份，總之就炸得不錯啦！另外要稱讚一下其實啲店員服務好之餘仲幾靚仔😂😂😂🙏🏻😎

今日家姐帶我試新餐廳，呢間居酒屋係新開，佢話食個晏幾好，所以叫埋我食晚餐。我鍾意到居酒屋，因為一次過可以食到好多唔同款式嘅日本食物，今晚又係盡興。前菜木魚茄子，茄子好林好入味。蟹子沙律很爽，而且新鮮，丁點腥味都無。照燒雞扒，皮很脆，汁濃味，好味但有點鹹。廣島吉列炸蠔，非常熱，小心熨嘴，廣島炸蠔肥美大隻，超得。壽司拼盤豐富，淡水至最受歡迎的牡丹蝦、拖羅、海膽各有一件。兩款燒物，軟骨雞肉棒配雞翼，慢工出細貨，好有心機燒，雞翼皮脆肉嫩。軟骨雞配豉油滑蛋滑溜，不過都有點鹹，唔用豉油或少啲比較好。鰻魚柳州鍋，第一次食以淮山墊，都好是健康的做法，鰻魚好食。甲羅燒，蟹膏蟹肉精華，無可抗拒的極品。最後有菠蘿雪糕，驚喜不已。呢間居酒屋有水準，可以再嚟。

好耐都冇去日本啦所以好掛住日本嘅嘢食，嗰晚同同事放工之後提議去食日本野，俾我哋搵到依間新開無耐嘅餐廳，想到去嘅感覺非常之舒服可以揀坐吧枱或者坐普通枱，因為我哋想傾計所以就決定坐普通枱其實餐廳嘅嘢食價錢都好合理，主要都係準備時令嘅刺身魚同埋其他菜式，第一款叫嘅就係與刺身，師傅話俾我哋知依一款刺身係魴鮄魚刺身，呢一款刺身比較少喺餐廳入面食到，仲要份量都幾多，應該都有15至20片嘅刺身，由於呢一款嘅刺身唔係點芥辣而，食落去嘅感覺酸酸地又好新鮮嘅感覺 真係好特別然後仲有一個迷你海鮮飯，呢個海鮮湯千祈唔好睇小佢，除咗有三文魚子仲有海膽同埋甜蝦，雖然睇落去好似好細分但係飯同魚生嘅比例亦都好多食落去每一款嘅魚生都係非常之鮮甜，之後就上咗鮟鱇魚肝，魚肝嘅感覺鮮甜而且口感綿滑有種好開胃嘅感覺然後我哋仲叫咗公魚天婦羅，平時食大蝦天婦羅就食得多今次食嘅都係魚渣嘅天婦羅食落去嘅味道同埋口感同平時都好唔一樣，好新鮮好脆味道認真唔錯。然後仲上咗一個原隻魷魚燒，如果嚟呢度食嘢嘅話真係強烈建議叫依一款魷魚燒，魷魚唔單止大條而且佢陪左一個好特別嘅醬汁係同平時食開嘅完全唔一樣，甜甜地有啲潔身嘅感覺，食落去嘅醬汁係非常之開

永光中心係日本菜既集中地，今晚同朋友行到樓下見到有人派宣傳單張，於是就去呢間新開左無耐既居酒屋食個晚飯🤘前菜先食個前菜，豆腐滑嘟嘟😚鰝鰺 刺身鰝鰺係深海池魚王！肉質爽口，味道鮮甜，做刺身一流😍長崎県小長井真蠔日本生蠔一向較肥美厚肉, 唔腥之餘仲夠晒creamy 🥰磯煮鮑魚鮑魚夠爽滑，個汁好特別，係用鮑魚既膽汁，第一次咁食😆公魚天婦羅公魚細細條，炸得外脆內嫩，一啲都唔油😚碎香葱吞拿魚腩細卷吞拿魚腩👍🏿👍🏿嫩滑得來充滿油香，配上香葱更能帶出魚生既鮮味長芋梅肉天婦羅長芋似我地食既淮山，配上梅汁微酸的，一啲都唔膩😆蓮葉鰻魚飯日本就叫蓮葉，其實就係我地食既荷葉飯😂荷香超重，鰻魚唔多骨，仲好滑，超好食❤