鮨和居食屋 (已結業)

朋友帶咗我嚟登龍街呢幢商業大廈都食日本菜，呢幢商業大廈原來有好多間唔同嘅日本餐廳，但呢一間係新開嘅，我哋就嚟試吓！我見後來好多人來食omakase, 可以坐響吧枱欣賞廚師嘅刀法！首先有一個前菜，甜甜地嘅冬瓜蓉，都幾好味！蟶子先得一啲都唔乾，好新鮮鮮甜，蒜泥好香！清酒煮蜆好鮮甜，蜆好大隻，肉美味！個湯好味！職員推介呢一條新鮮嘅蓮子鯛，肉質彈牙，好新鮮味美！個皮輕輕燒過，好香！最後仲將個骨椒鹽炸俾我哋食！勁香脆！我連骨都食埋！吞拿魚魚腩蓉飯好滑，勁多香蔥同芝麻令到個飯好香！好令人回味！

呢間居酒屋環境寧靜，食材新鮮，我同朋友最近都出左糧，所以就決定就要食好少少σ`∀´)σ～食我地最中意既日本菜！(〃∀〃)目仁奈刺身：薄切既目仁奈，魚肉透明薄透，肉質鮮嫩有彈性，帶小小爽口既口感，魚味香濃，油分適中，十分高質，同朋友一片又一片咁接住食，時令既剌身魚，果然冇介紹錯！非常既透白又有光澤，好新鮮呀！(｡◕∀◕｡)北海道栗蟹：栗蟹差唔多拆晒殻，蟹肉份量都好多，肉身潔白透亮，味道鮮甜嫩口，食到有少少既海水味，仲有好多既蟹膏 食起黎啖啖肉，十分正呢！～ヽ(✿ﾟ▽ﾟ)ノ#薩摩芝士魚餅：魚餅好好食，熱辣辣整起，魚餅金黃彈牙，入面仲有芝士餡，我好中意呢！ε٩(๑> ₃ <)۶з紫蘇梅醬針魚天婦羅：(◔౪◔)天婦羅既粉漿夠薄身，而且都好脆口，針魚包著紫蘇葉，連魚骨都可以食既，冇咩調味都好食！！！#碎蔥吞拿魚腩丼：吞拿魚蓉肥美，想飽肚小小可以點呢個｡:.ﾟヽ(*´∀`)ﾉﾟ.:｡ 鮨和居食屋  地址：銅鑼灣登龍街28號永光中心7樓 .

除了拉麵之外，登龍街的大廈裡有很多間較高檔次的日本料理餐廳，主要都是供應壽司、居酒屋菜式。之前已經試過好幾間了，質素都是頗高的日式料理。這次試試這家吧。餐廳不算大，吧檯對著師傅前有一排座位，另外還有數張枱，環境及座位都很舒適，裝潢簡約。胡麻豆腐沙律：胡麻味道很香，新鮮的沙律菜、車厘茄及冰凍的滑豆腐，配上胡麻醬，小清新的前菜。當日時令刺身：當日的時令刺身為目仁奈刺身，每片薄切，呈半透明，刺身帶少許煙靭，盤景花心思，另外除了醬油、手磨山葵、另還配上酸汁，薑蓉、蔥花等，每樣醬汁均一一試過，最常用的醬油山葵也比下去，那個酸酸的醬汁反而更能凸顯鮮味。特上鮨和海鮮丼：刺身厚切新鮮海鮮， 牡丹蝦大大隻，蝦肉晶瑩，爽滑，海膽鮮味、帶子大大粒、另外還有吞拿魚、玉子、魚籽、三文魚腩等等，真的是特上豐富！熟食方面點了幾款串燒，雞翼燒得香口，壓平後串燒起來，雞肉滑嫩，保留肉汁而且入味。秋葵加了鹽巴一起烤，表面微焦的，鹹鹹的反而更好吃。雞軟骨炸起後有點乾，不過軟骨夠爽口。整體質素高，用料新鮮，服務不俗。

今日約佐好耐無見既朋友食飯，今次係賀朋友升職請食飯既，我當然老實不客氣。揀餐廳既重責就放佐落朋友既身上，而佢最後就揀佐呢間位於銅鑼灣既日式餐廳。無辦法，朋友在銅鑼灣上班，聽講呢間係佢同同事經常都會幫襯既「飯堂」，咁我緊係要一試啦。大約 7:00到達餐廳，人流唔算多，大約3成座滿吧，搵位也不難。我們剛剛坐下，餐廳便先為我們呈上前菜，冰蕃茄沙律，讓我們先清一下味蕾。因為朋友係「識途老馬」，點菜既重任，就交佐俾佢啦，而我就可以等食。石班魚刺身 $220石班魚刺身自己都有喺其他餐廳食過，但係呢度既石班魚刺身就特別用佐昆布醃製，令到魚肉更清香。附有青檸同埋海鹽，當然，也可以加Wasabi同埋醬油食，但係個人覺得不用加任何醬料食已經好好味。刺身色澤好靚，食落好爽甜。和風沙律卷 $55呢個壽司沙律卷，有好多蔬菜既配料，青瓜啦，生菜啦，甘旬啦，配搭清新，加埋沙律醬，好好味。雜錦天婦羅 $135雜錦天婦羅有蝦，蕃薯，青椒，冬菇，等等，天婦羅脆醬做得夠薄，同埋可能已經隔哂油，食落完全無油膩感。炸香魚 $128呢條燒香魚煎我好香，而且估唔到都幾好肉，魚肉帶有清甜感，配埋檸檬汁，夠哂醒胃。日式蒸蛋 $300日

放工後梗係要食好西，媽媽鍾意食日本菜，所以帶咗佢來到位於銅鑼灣登龍街永光中心7樓的「鮨和居酒屋」吃晚飯。餐廳面積唔算好大，但係燈光柔和，裝修別緻舒適，有家的感覺靚仔靚女侍應服務好好親善又有禮地介紹菜式，係佢地嘅推薦下點左以下幾款食物：小長井蠔望落有光澤，好新鮮！大大隻，好肥美啊！唔洗加檸檬汁都好鮮味又鮮甜，帶有少少天然海水鹹味，好正哦玉子燒日式玉子燒嘅size都幾大，好厚身，有八大舊。入口嫩滑而且充滿蛋香，簡單又美味日式炸豆腐總共有4塊，大小適中，外皮炸粉薄而且夠香脆，無油膩感，裏面藏有超級嫩滑的豆腐，口感好似豆腐花，豆香味都幾濃郁，木魚同紫菜絲增添左鹹香風味，好好味啊蒜蓉牛油燒聖子皇非常多嘅蒜蓉牛油滿佈喺聖子上面，好香口啊！聖子吸收哂蒜油精華，好入味呢燒香魚第一次食燒香魚，體型比較小，好多細碎的軟魚骨但係可以食用的。魚皮燒得微脆，帶有陣陣鹽香，魚肉頗鮮甜軟腍蓮葉鰻魚飯用蓮葉盛載的鰻魚飯第一次食，日本珍珠米比較軟身，帶有蓮葉香氣，但我比較喜歡有嚼勁的米飯鰻魚不算厚肉，但頗肥美，魚脂好豐富，入口軟嫩鮮甜，質素不錯

今日經朋友介紹下 就打算同男朋友食下依間居食屋啦依間野係樓上既~ 不過佢所處於係位置附近都大量食肆 所以一啲都唔難搵一出到lift 已經哇左一聲 又幾有日本風味咖喎餐廳既食物選擇都幾多 個menu好似睇極都睇唔曬咁 由刺身 沙律 手卷 卷物 燒物 串燒 全部都一應俱全一坐低就有前菜食好似係醃漬物既冬瓜 清清甜甜 幾過癮由於我地得兩個人 就嗌左好幾樣野share黎食廚師發辦刺身拼盤 ($480)我自己個人黎講 都幾鐘意廚師發辦一黎唔洗自己諗 二黎可以食到當日最新鮮既食材所以依個刺身拼盤全部都勁鮮甜 特別係啲帶子 真係無得彈明太子蝦天婦羅($120)裡面既明太子係非常非常足料 多到一咬落去簡直係咇曬出黎目仁奈煮($380)依款魚唔會話太多骨 加上依個汁一齊突顯曬條魚既鮮味蒜蓉牛油燒蟶子皇($168)蒜蓉牛油味勁多勁香~蟶子真係好新鮮係咁多配料既情況下 依然無掩蓋住佢啲鮮味~cp值極高鰻魚玉子燒($120)依個既玉子整得好好食 唔係熟曬仲有少少蛋汁咁而饅魚都有佢平身既汁 但兩者加埋一齊反而好夾本身對依間居食屋都唔期望但食完依餐之後真係發現 真係一分錢一分貨下次出糧再黎食過~

收工同朋友食飯，近近地就銅鑼灣。坐低傾傾下樣樣都想食就叫個懶人set。 開波就先食個三文魚牛油果沙律。雖然沙律菜同牛油果先係主菜，但三文魚既質素同量並沒有揸流攤，每一啖都食到三文魚+牛油果+菜。 食完菜就係時候食刺身。原來每日時令刺身都唔同，老闆今日推介原條伊佐木，仲話香港唔係度度都有新鮮既伊佐木添。本身魚身唔係大，入口爽脆，清新，味道唔會停留係舌頭太耐，等你ready食下一道菜。 頭三道菜味道都係比較清新，味蕾完全放鬆曬，係時候食下熱野喇，食日本菜當然唔少得清酒煮蜆. 清新完味蕾就到燒物出場，聖子大隻嫩口，加埋牛油去燒，又香又有淡淡既鮮味。 好似我呢啲咁注重健康既人，燒豚肉聽見都怕。但當用上較瘦既部位，加上蘋果嚟燒。呢味豚肉蘋果卷完全冇油淋淋既感覺。 最後就到牛肉鍋同明太子飯糰。明太子飯糰係香港少有可以咁有日本味道。出色之處就係老闆唔會落過多香料，等明太子自然咁散發佢獨特既香味，鮮味香味控制得剛剛好。 食完後感覺到老闆對食材好有要求同好有信心。每一道菜都唔會同過多既調味去吸引你，反而係用食材本事獨特既味道互相配合，恰到好處。

近幾個月少咗嚟銅鑼灣行街，但一講到食都係銅鑼灣最多選擇，有公事合作的小夥計說要去居酒屋🏮更加安排了環境舒適的 鮨和，大家輕鬆地互相交換情報確實係一件賞心樂事。打開餐牌最吸引眼球的還是各種新鮮刺身同埋飛機魚，我跟小夥伴點了幾款日本心的美食。日本時令魚：目張魚 $380小夥伴說要吃當晚的日本時令魚刺身，店長推介了當日時令 目張魚，喜歡吃白肉魚的朋友應該很期待，刀工好！每一片魚肉切得像玻璃透薄，粉嫩的魚肉呈半透明。肉質有彈性，入口口感爽嫩，味道清新鮮甜，魚味突出一點都唔會腥。活蟹：栗蟹 $400我也是一名蟹后，店長另一款貼心推介是當晚新鮮的活蟹，來自北海道的🦀 栗蟹。擺盆賣相真係羡煞旁人，原隻栗蟹份量十分大，蟹肉透白有光澤，單看外表已經感覺到其新鮮度。肉質飽滿鮮嫩，淡淡的海水鮮味令整體感覺提升，豐富的蟹膏，味道鮮美濃郁。師傅早已為我們拆好了蟹殼，相對容易食，輕易食到啖啖蟹肉，大滿足！螢光魷魚$88來到居酒屋又點少得佐酒小吃，肥美多汁的螢光魷魚，伴以醬油鮮味，不知不覺吃了一整碟，好味道呢！里芋饅頭 $130特別的一個菜式，之前去日本旅行溫泉酒店食懷石料理嘅時候有試過，里芋是日本的煮法，整體味

同朋友在銅鑼灣的樓上舖食了個美味的日式晚餐, 超好味道!一入到舖內, 柔和的燈光及輕柔的日本音樂令人非常舒適, 座下之後很自然的整個人都放鬆晒, 侍應都好快上了杯熱綠茶給我們, 仲有餐前小食一人一碟日本面豉豆角, 濃郁的日本甜面豉配清淡爽口的豆角, 味道相當夾, 再飲上一啖日本綠茶, 哇! 正!好快一大盆魴佛魚刺身來到我們面前, 粉紅色的魚片看上去非常新鮮, 刺身師傅的刀工非常了得, 片片刺身切得差不多大細, 通透而有光澤, 並配有酸醬及一碟姜蔥加蟹籽, 侍應窩心的告訴我們, 刺身可配姜蔥蟹米及酸醬食, 也可配華沙比食, 我們兩種食法都有試, 姜蔥蟹仔及酸醬更加突出這魴佛魚的鮮甜, 而且食法特別,入口是少少酸醬的味道, 跟住是姜蔥的香及蟹籽的爽甜, 然後是刺身的鮮甜, 食完個口腔中仍然會有刺身的鮮甜及蔥香味, 好好食!軟殼蟹加州卷是切開四大舊的飯卷, 中間卷有軟殼蟹,仲有爽脆的青瓜及蟹柳, 軟殼蟹外脆內軟, 一大口都食唔晒一舊軟殼蟹加州卷, 好足料, 要分開幾啖才食得晒, 好滿足呀!仲有非常好食的特上蒸蛋, 香滑的蒸水蛋上面鋪了一大舊海膽, 又鮮又甜又滑, 真的是食完仲想再食!最令人惊

喜歡遊日的我們，吃日本菜已經是首選。每次到日本都發掘很多美食。回到香港，想找質素高，價格合理確實很少。估不到今晚竟然有一間「貼近日本的味道」。餐廳位於銅鑼灣的旺街，登龍街永光中心7樓「鮨和」，全個大廈食肆林立日本居酒屋也相當多。近年以「鮨」字為名，大多以廚師發辦為主。此店除了有吧枱可親自看到師傅的刀法外，亦有二人至四人及六人位置。地方不算大，座位亦相當舒適。餐牌上的種類其多，包括：刺身、壽司、丼飯、卷物、手卷、A5和牛、燒物、串燒、天婦羅、揚物、漬物、飯類、鍋物、甜品、飲品等，令人花多眼亂。日本時令魚-笠子刺身 $280笠子是宮崎名物，估不到今晚可以吃，其供應量少所以特別矜貴。刺身每片肉質如斑類般實淨，油分恰到好處不帶腥。原片刺身不需要任何醬料，也能夠提「鮮」。吃過後更可以將魚骨熬湯，連同昆布、豆腐製成熱湯。廚師發辦壽司拼盤（特上） $580一上桌相當吸晴無論食物與用品，何其吸引。十貫壽司廚師發辦分別有：拖羅、牡丹蝦、呑拿魚、三文魚籽、海膽、火炙金目鯛、帆立貝、油甘魚等。吃過一口過後，驚覺貼近日本築地「壽司大」的味道。飯粒的軟硬度適中，配上新鮮的食材非常出色。其中拖羅、三文魚籽，海膽、

約了許久沒見的朋友吃飯，今次選了一間日本餐廳。餐廳裝潢簡樸，木製地板配搭米色的沙發，有種置身在家的感覺。翻開餐牌，餐廳主要提供各種刺身和壽司，我們點了幾款食物。⭐️日本時令魚$380魚身經過炙燒，微焦的魚皮下藏了粉嫩的魚肉，魚肉呈半透明，送入口，魚肉爽脆，魚味較清新淡香，炙燒後魚的味道更為突出。⭐️日本生蠔$68長崎縣生蠔，小小一隻，飽滿又鮮嫩的肉質中擁有豐富的礦物質，一口滑進口腔，滿嘴都是海水的鮮味。⭐️螢光魷魚$88一隻隻小而肥美的魷魚以醬油醃製，是佐酒的最佳小吃。⭐️廚師發板壽司拼盤$480一字排開有十款壽司，分別有蝦、三文魚籽、海膽、牛肉、帶子等。壽司頗有心思，例如牛肉壽司經過炙燒，肉味漸漸滲透出來，油脂豐沛，入口香滑甜美。⭐️鰻魚玉子燒$120我最喜歡玉子燒，玉子入口軟滑香甜，蛋味濃郁，鰻魚肉質柔嫩甜美，沒有多餘的骨刺，吃得十分滿足呢！⭐️蘋果梳打$45加了冰塊之後，味道較淡。

在Blue Monday的日子，一定要食餐好嘅，呢個星期工作都開心D!!環境舒適，寧靜的餐廳，同朋友閒談下，係件樂事！左口魚薄切 （配酸汁，辣薑蓉，薑蓉，蔥花）塊塊都好薄切，師傅刀功了得，令用刺身食到鮮而不韌，酸汁令到魚味更出！野菜雞肉卷熱辣辣的上湯，野菜好冧，好鮮甜，雞蓉調的味道好好！海膽天婦羅第一次食 熟咗嘅海膽，原來係彈牙，又無腥味，同紫蘇葉好夾！原條燒魷魚魷魚鬚好香，身體多肉汁好冧，燒汁不太甜，適中紫蘇豚肉卷肉包紫蘇包肉醬，紫蘇葉香，肉味清，食到高質的豚肉味，唔會鞋口。Sukiyaki 牛肉熟晒也不韌,爽口彈牙，湯底較甜。仲有QQ的粉絲！正黑芝麻雪糕好綿，綿得來又夠煙韌，又會雪到硬哂，又好香芝麻味

又到出糧去食好ddddd既時候啦，適逢3月係我同長腿密友既生日月，我地決定呢晚黎到呢間新開無耐既居食屋食返餐，互相為對方慶祝一下呢度既佈置裝修光明簡潔，係一貫鮨店作風，既有廚師發牌既bar檯，同時有供二至四人入座既餐桌除左有regular meun，亦有時令既特色食物，正所謂不時不食，所以我同密友都決定揀下時令菜先落好order之後，有禮既店員先為我地呈上兩味噌青豆作為前菜之後我地order既時令食品都隨即送到啦朋友話要食當晚既日本時令魚刺身，師傅話當日既係“目仁奈”HKd$380+10%，正合愛食白身魚既密友，佢當然唔會放過啦魚肉質感爽嫩，味道清甜帶鮮既然密友已經點左活魚刺身，咁我就黎返個日本既時令活蟹和味下先當晚既活蟹係黎自北海道既“栗蟹”HKd$400+10%原隻栗蟹份量都唔少，淨白亮透既蟹肉，未食都覺得正店員早已為我地拆壳，所以我地好輕易就食到鮮甜到不得了既蟹膏同蟹肉密友係小鳥胃，所以其實食完成條活魚刺身同栗蟹之後，我地都飽左一半，但我又想有啲澱粉質落肚，最終都決定嗌多個“碎香蔥吞拿魚腩丼”HKd$180+10%一齊share肥美既吞拿蓉配上軟糯帶酸既醋飯，令人沒有説不既理由最

知道銅鑼灣開左間新店，即刻同同事嚟試新嘢。呢間日本嘢雖然唔係好大，但地方企理好乾淨。食物真係好唔錯，全部刺身都好新鮮帶子， 牡丹蝦好鮮甜日本拖羅超正，入口即溶..除咗刺身之外其他食物好特別好精緻 小長井生蠔 and 海膽豆腐我都好鍾意海膽同豆腐中間再配搭蟹肉，好鮮甜燒和牛都好好食，又香又juicy 磯煮鮑魚配蟹膏好味，不得了鯛魚白湯都值得一試好鮮甜.. 三色魚生井都好豐富，好新鮮明太子天婦羅👍 最後甜品焦糖布甸都好食，連個甜品蜜瓜一食就知係靚嘢。 絕對可以再幫襯