鮨亭 (已結業)

其實，屯門仲有好出色嘅日本餐廳-鮨亭！🤤今日去咗屯門置樂搵嘢食，見到一間裝修很有特色的日式餐廳，充滿著和式的裝修。坐位闊落，而且可以見到師傅準備製作的樣子😍由於我們不是太肚餓，叫了一碗自選丼飯、卷物、壽司。鮨亭其中一樣出名的，就係自選丼飯，終於有時間食到！我叫左鱆紅、帆立貝、甜蝦，另外加$40追加了三文魚腩🤓帆立貝同甜蝦都非常鮮甜，而且毫無腥味，大大粒帆立貝好肥美！三文魚腩係特登叫比女朋友食😆另外仲散叫左2件大拖羅壽司、辣汁三文魚和火炙海膽三文魚卷，大拖羅充滿油脂，另有少少筋位，非常美味；海膽三文魚卷一客4件，份量十足！以咁嘅價錢，食到這般高質素的壽司丼飯，實屬超抵！！

今日放工同朋友去了屯門鮨亨聚一聚， 一入到店內就感覺到好舒服，好relex, 好有日式既感覺。我哋叫咗海鮮三式天婦羅(鮑魚、帶子、大蝦)、蟹子沙律、雞泡魚干、牛油果軟殼蟹卷、海膽手卷、蟹肉炒飯。海鮮三式天婦羅 - 即叫即炸，熱辣辣，脆卜卜，脆漿唔會過厚，鮑魚、帶子同大蝦都好新鮮， 好食。蟹子沙律 - 材料有青瓜，蟹柳絲同蟹子，好清新，爽脆，蟹子份量好足料，沙律醬份量就啱啱好，唔會過多或過少，係一道好好既開胃菜。雞泡魚干 -朋友至愛，無論去邊到一見到餐單有就會叫，而呢到既雞泡魚干都冇令佢失望，雞泡魚干好香口，燒既時間同火侯都控制得好好，配埋沙律醬一流。牛油果軟殼蟹卷 - 外層包滿牛油果，牛油果好creamy, 好新鮮，生熟程度啱啱好，飯既分量都好適中，唔會太多，而裏面既軟殼蟹都好脆，好好食。海膽手卷 - 海膽又係必叫，一見到就心心眼，海膽分量好多，好鮮甜，大滿足。蟹肉炒飯 - 蟹肉好多，飯炒到粒粒分明，唔會太油或太乾，但略嫌過咸，都唔錯。總括黎講，呢到啲嘢食好高質素，食材新鮮，掂！

老婆生日，當然唔使佢煮飯，還要帶佢食好嘢。近近地行去我家附近屯門青善街22號康景花園專食日本嘢㗎「鮨亭」。由於店內已坐滿人，我們只好被安排坐在店外掛滿燈籠㗎木長枱，幸好天氣唔太熱，微風吹來，甚覺浪漫🌹先叫了一客「野菜三式天婦羅」，三式係指三款菇，分別係本菇、金菇及冬茹，每様各一棵，炸得好香、好鬆化，但菇身仍保持軟身，好鮮甜。跟住叫了一客「一人前」，食物好豐富，足夠一人食有餘，有「迷你和風沙律」、「蟹籽蒸蛋」、「鱆紅、三文魚、劍魚腩」魚生各2片、「精選壽司」4件、「面豉湯」、「安格斯牛扒」及「迷你叉燒烏冬」。沙律菜配和風dressing，酸酸地好開胃。蟹籽蒸蛋夠熱又夠滑，入邊仲有蟹柳同粟米粒添。魚生片片都好鮮甜，好肥美，完全唔腥，好正👍所有壽司上㗎魚生都係好新鮮。面豉湯內湯料好正，夠熱唔太䶢。安格斯牛扒份量唔少，細細條好精緻，易入口，共有10片，唔太生，火喉剛剛好，配埋日本豉油、芥辣，肉質濕濕地，食落口有強烈㗎牛味，夠冧容易咬。迷你叉燒烏冬，份量夠1人食有餘。日本叉燒有3大片，仲有紫菜、粟米配料，烏冬夠彈牙。大食㗎我，4件壽司當然唔夠喉，再叫了一客三文魚卷、2串燒雞軟骨及1串燒雞腎。三文

唔少朋友都有一個問題，「鮨」係咩意思？其實「鮨」嘅係「壽司」嘅意思， 傳統而言即係代表店內有賣「握壽司」即係生魚片壽司；另外「鮨」字亦可視為魚字邊 加上個「旨」字，「旨」又有「美味」嘅意思， 所以餐廳名字用上「鮨」字，係一種對所賣食品自豪嘅暗示。而對我而言，亦因此對所有名稱有「鮨」字嘅日本餐廳有較高期待，而今次長途來到「鮨亭」，確實係令我喜出望外。｜自選刺身三款｜想要知道頧傅手勢及刀功，自然要先來個刺身。選了個bar枱位置，也就能一目了然就厨嘅功力！刺身選了三文魚腩、劍魚腩及甜蝦，一字既之日；鮮！三文魚腩厚薄適中，入口脂肪四溢，但又不太膩。劍魚腩亦一樣肥美，入口有口感而油脂入口四散，幸褔感同步四溢。甜蝦則比預期嘅大而厚肉，蝦肉晶瑩，入口爽而彈牙。｜甲羅燒蟹柳泡飯｜驚喜！看menu寫住「總㕃推介」，於是點了個甲羅燒款式嘅泡飯，一上枱，蟹膏嘅鮮味相當濃郁，總厨表示湯底用上蝦頭制作，難怪味道鮮得不行，忍不住吃了大半，才把甲羅燒上嘅蟹膏伴入泡飯當中，味道在期後變得更驚喜，鮮而充滿蟹謠香，唔係筆墨能夠簡單形容！｜鮨亭豪華卷｜聽到這個菜式名，就知道係必點前式！豪華卷果真係不負其名，重量及嘅魚子、海

這排喜歡尋找香港的小店食肆，今次住屯門的朋友帶我到這間「鮨亭」日本料理店子，一串串明亮耀眼的大紅燈籠🏮搭配木板的牆身，在這條青善街可謂別樹一幟這邊的晚餐有分一人前、三人前、是晚精選、散叫或廚師發板的OMAKASE，一場來到當然要試下OMAKASE ，包括了面豉湯、蟹籽蒸蛋、築地直送刺身、特上壽司、一品料理、食事及甜品😋蟹籽蒸蛋內有鳴門卷、蟹籽、冬菇、粟米🌽 非常多料，蛋蒸得很嫩滑且帶鮮甜，加左蟹籽有卜卜脆的口感～～築地直送刺身講明是築地直送🇯🇵 而且看著師傅即場現切，令我們食落更有信心，每款刺身色澤光鮮，尤其帶子及海膽最得我歡心💕 帶子肥美厚肉、海膽鮮甜，想不到擺盤精緻，味道亦有一定的質素🙋🏻‍♀️特上壽司四件🍣
由師傅發板，所以未上枱前不知道是什麼??? 都會帶著幾分期待感，四件壽司賣相不錯，刺身與飯中間帶有少量芥末，吃起來很像日本🇯🇵時所點的壽司，飯與刺身比例剛好，嘗起來都蠻新鮮 比較有印象是三文魚籽壽司，三文魚籽咬下去很新鮮，看上去亦是晶瑩剔透，不會太咸，各件壽司也十分足料，滿滿的餡料頗有飽足感😋和牛稻亭鳥冬
湯頭帶甜味，吃完整個烏冬後也忍不住把整個湯喝掉，和牛肉質軟稔，帶入口即溶

自舊年餐廳更換餐牌後到訪過一次，期間一直未有再訪，久違了帶同家人一同前來，拾回昔日美好。呢度一向係我同朋友午市飯堂，住區內冇乜日料選擇，呢度質素相對唔錯。當旁邊我以為會屹立不倒嘅小曼谷都搬左鋪嘅時間，鮨亭依然喺呢個鋪位，感覺依舊。是日雖然係平日，但餐廳十分旺場，連店門外嘅枱都坐左一家大細。店內格局一樣，細枱不少，但都已經滿座，慶幸今晚吧頭位仲有位置，眼見師傅今日忙過不停。坐低之後就馬上點單，揀左比較多款式嘅一人前，同一款丼飯，再搭一客壽司，人均約二百五蚊有找，符合預算。由於客人較多，店員都有多次解釋需時等候，反正我唔係趕時間，肯定理解的。一人前套餐：包括和風沙律、蟹籽蒸蛋、刺身三款、壽司四件、麵豉湯、安格斯牛扒同迷你鰻魚炒飯。雖然話係一人前，不過我覺得兩個人都可以點，額外追加啲小食、壽司就足夠和風沙律、麵豉湯蟹籽蒸蛋十分滑溜嘅蒸蛋。刺身三款：固定款式，分別有鱆紅、三文魚、劍魚腩，每款兩切，少少厚切，係新鮮嘅壽司四件：呢個係按師傅決定嘅，加上上枱時未有交代係乜魚生，我就唔識分喇。手握壽司，帶少許酸度，唔會一夾就散，飯粒實在。魚生薄片，魚味唔濃。三文魚籽軍艦一口size，充滿鹹鮮，好味安格

去到屯門做嘢，唔熟路，食晏就附近有乜食乜啦！依度住宅區，成條街都係食肆，見門面幾靚仔就依間啦！原來屯門住宅區午餐價錢都唔平我要咗安格斯牛扒丼，又估唔到佢又幾好食，份量又幾多女同事鍾意食泡飯見佢叫咗個好奇妙嘅甲羅燒蟹柳泡飯，幾香，幾多蟹糕，但好似得細細件蟹柳，好似冇乜料另一個有錢同事點咗鮨亭特色卷，見佢有幾多料，但同事話D壽司飯唔好食另一個同事點咗吉烈豬扒，好大，佢話炸得幾好，有肉汁，唔油。依間D肉似乎做得幾好！

估唔到屯門都有咁高質的日本餐廳，一入去就好似返左東京既居酒屋咁😍😍同屋企人叫左個268的一人前，但份量勁多，安格斯牛排juciy又多汁，超正！所謂的迷你鰻魚炒飯都好大碟。最重要係刺身真係超正，入口就知不得了，真係要高級日本餐廳先食到的質素，又新鮮又甜，真係好抵食！最推介係點個溫室番茄沙津，呢個真係心機菜，好考功夫先可以完整剝到番茄皮。食落酸酸甜甜，好味又開胃。由於地點較僻，主要做街坊生意，所以仲可以用優惠價加48蚊有拉面食，雖然平，但絕無欺場，叫左個豬軟骨拉麵，湯底有誠意，豬軟骨都唔錯。最佛心係竟然仲可以用28蚊叫小食，吉列豬扒睇相都知好食，用鐵架裝住隔熱，除左賣相好睇之外，係可以保持到豬扒既脆。埋單兩個人先食4百幾。但已經超飽，性價比勁高，黎開屯門的話都會決定再黎食。

今日置樂花園探朋友，聽朋友介紹樓下間日式餐廳唔錯，我朋友咁咀刁，佢介紹得就一定唔錯，所以就試試飯佢。店鋪位於門位青善街，位置比較清幽，附近有停車場，適合駕車人士。店外裝修都用了大量燈籠和木質材料，睌上看到感覺十分柔和。進入店內時服務員很有禮貌，安排我們位置坐好後還會報以甜美的微笑，令我聯想起在日本旅遊時，日本人有禮的代客方式。好了進入正題，我和朋友分別點了個原隻龍蝦海膽丼，三色丼，一份野菜三色天婦羅和中拖羅。先講前菜：天婦羅炸的皮薄內軟，口感滿分， 菇類蔬菜味道清淡， 十分適合做前菜，另外的中拖羅分量略小，但始終是較貴食材，分量不能要求太多，但放入口內入口即溶和湧出內的魚香味，實在令人食指大動。終於到主菜了，我叫的三色丼，海膽，三文魚子，吞拿魚蓉鋪滿整個飯面，我要先吃一點刺身，才可以吃到底下的飯，份量十足。另外看我朋友的原隻龍蝦，不單是原隻，師父還細心的拆了龍蝦的縠，令享用食時不用落手去拆，這樣的貼心服務，真的值得再讚。整體價錢在屯門區偏向中價，但環境，食物和服務水準，絕對物有所值，值得推介。

在屯門放工本來諗住搭返車出九龍，咁岩朋友打電話來約我食飯，反正佢都住屯門，正好我又在屯門，咁就等埋佢入黎一齊食，佢介紹我去哩間日本餐廳食，等佢同時影張相，我揀左坐鋪頭外面，感覺幾有風味。野菜天婦羅($48)，本菇、冬菇、金菇，粉漿好簿好香脆，我最鐘意金菇。羊架($68)，燒到7成熟，肉好嫩，面層曬左d鹽，我冇點過芥末醬，原汁原味好食d。牡丹蝦刺身($52)，雖然係比較貴少少，但size都大隻d好厚肉，一分錢一分貨，好新鮮。鰻魚炒飯($108)，鰻魚唔會切得好碎粒，切成一片片有口感，旁邊的汁係鰻魚汁，撈埋飯一齊食好好味。三色丼($160)，海膽、三文魚子、吞拿魚蓉，各款海鮮好新鮮，最重要海膽冇苦味，而且金黃色澤。

依間位於屯門嘅小店，雖然唔係喺啲好旺嘅區，不過嗰日經過都見到有唔少街坊客係入面，入到去個感覺都好好，嘢食種類都幾多，除左壽司仲有嘅和食同鐵板燒等等，價錢都好經濟。除咗牆上邊嘅嘢食之外，仲有啲特價嘅拉麵同小食。首先就叫左兩款壽司分面係三文魚同油甘魚碎，好新鮮而且份量都幾多下之後仲有個前菜，係新鮮嘅蕃茄，睇落好普通但係個汁做得非常之好，食落去成個蕃茄都超甜好正跟住叫左幾份串燒，個牛脷好厚身食落非常之好味，好有口感。到熟食方面就叫咗一碗豬軟骨拉麵，味道都唔錯，勝在抵食。仲有一個天婦羅丼，做得同日本嘅天丼幾似，而且個天婦羅舊舊都新鮮炸起，所以好脆呢間出色嘅小店，下次黎呢度都會再食

朋友問我寫了一堆餐廳怎沒寫屯門，其實是怕寫不好愧對屯門人這身份。好啦認真介紹一間隱世高質日本菜。帶至愛日本菜的媽媽嘆個慢版晚餐，坐吧檯欣賞師傅們劏魚也是種享受。-🍣自選丼 ($138選三款+$40海膽）選了媽媽愛的三文魚搭雙份帆立貝，可追加海膽牡丹蝦深海池魚金目鯛。海膽鮮味入口即溶、三文魚都新鮮、帆立貝鮮甜厚肉，正，飯不會太多。-🍤野菜三色天婦羅（$48）作為一個合格菇控忍不住手叫來試，本菇冬菇金菇竟有夜市鹽酥菇錯覺，皮薄菇有汁，紫菜卷金菇酥脆特別。-🍣一人前晚餐 ($268)簡直是1.5人餐，食極未完CP值極高。-🥗迷你沙律/蟹籽蒸蛋/麵豉湯沙律菜配和風dressing開胃，茶碗蒸料多上湯味濃，不錯。-🐟三色刺身鱆紅三文魚劍魚腩各兩片，全都是靚部位，新鮮肥美。-🍣精選壽司四件沒留下大印象，相比其他較為失色。-🥩安格斯牛扒一片份量頗多，以日式醬汁燒法，甜甜地，火候不錯，粉紅兼juicy。-🍚迷你鰻魚炒飯喂到底哪裡迷你，賣相仲幾靚，鰻魚汁均勻佈滿每粒米，惹味；飽也爬多幾啖都係食唔完打包。-整體來講新鮮，性價比超級高，手頭鬆時可以劏些高檔魚試試。還有很多東西想試，煩惱只是，下次來叫刺身丼好

位於屯門置樂再行入小小，餐廳環境清幽，食得好舒服。服務更讚，有足夠侍應不停加水，收碟，出餐算快， 臨走全店員都說再見，禮貌服務真係要讚。三色丼 $160(海膽，三文魚子，碎吞拿魚腩)(sea utchin, salmon roe, chop tuna belly with rice bowl)尼個三色丼，真材實料，因為出面食的三色丼多數都係，三文魚，三文魚子再配其中一種魚刺身。但尼個係配海膽丫粒粒魚子都好新鮮， 晶瑩剔透 ，係口中粒粒都爆開，口感好爽。海膽超新鮮，夠香，夠濃，海膽味停留口中， 齒頰留香 ，令人一再回味，感覺係上等的海膽對比出色的海膽同三文魚子，其實碎吞拿魚腩都唔差架。原隻龍蝦海膽丼 $258成盤原隻龍蝦上碟， 側面仲鋪左海膽同三文魚子，正。 好細心咁拆左d肉出來, 個鉗的肉成個已經抽左出來。龍蝦肉夠爽彈。再次配上三文魚子及海膽。好抵食。野菜三式天婦羅 $48 vegetable tempura (包括本菇，金菇，冬菇)(marmoreal mushroom, enoki mushroom, shitake mushroom)d菇炸到好熱，粉夠薄，卜卜脆，唔會太乾身，ke

唔講都唔知原來屯門有間食 #omakase 既壽司店😍只需叫個set，師傅就幫你諗哂食咩，唔洗自己諗到頭痕～.溫室蕃茄沙律🍅個蕃茄鮮甜到不得了，酸酸甜甜，食完超級開胃，原隻上賣相仲好得🐵.六式刺身拼盤親眼睇住師傅切同擺盤，食落零舍新鮮！你會見到魚類刺身d光澤同紋路都好靚🤗聽師傅講空運黎香港之後兩日內都基本上要食哂，確保品質👍🏻連一向唔太鍾意海膽既🐻試完都愛上左！無誇張到，因為真係好鮮甜👄.跟餐仲有四式壽司🍣、牛肉烏冬🍜、燒蝦，全部都做得幾好，一個set $298，咁多野食都算好好了👍.另外仲追加左個沖繩燒餅、鰻魚手卷，燒餅就正常啦，味道口感都似大阪燒，細細份岩一至兩人食🍘手卷幾足料，包住成三塊鰻魚！臨包前仲會再燒一燒！抵讚

在偶然機會下, 我同朋友在屯門青善街一間日式餐廳食嘢, 條街不太熱鬧, 我見到間餐廳個名叫”鮨亭”, 外表普普通通, 但它的出名卻是令人刮目相看, 非常唔錯!要在這裡讚下.我們叫了幾樣嘢, 最先上來的是香蔥吞拿魚腩卷, 紫菜包住一舊舊小小的飯團, 飯團上面鋪滿了吞拿魚蓉, D吞拿魚蓉多到仲大舊過底下的飯團, 而吞拿魚的上面就是香蔥, 看上去已是非常吸引, 夾起一舊點些豉油送入口, 暖暖的飯團, 涷涷的吞拿魚蓉, 再夾住D香蔥, 好香口, 好鮮甜, 令人食到唔想停, 嚼完一舊又想馬上食第二舊, 好味道!之後上來了一碟熱騰騰的豚肉生薑燒, 未食已聞到香,見到有洋蔥絲, 新鮮的磨菇絲及薄身但大大片的豚肉,豚肉在口腔中咀嚼好有豬肉香, 洋蔥絲及蘑菇絲都是一樣咁好食, 甜甜地又軟熟, 這上枱的一涷一熱兩碟嘢已完全吸引我們的胃口, 相當唔錯!最好食的都是這碟蟹肉炒飯, 有賣相, 味道又超好, 蟹肉及蟹籽都非常多, 很是足料, 淨看這碟蟹肉炒飯, 很有酒店大廚出品的風格, 很是漂亮, 雞蛋, 蟹肉同米飯炒到粒粒均勻, 最上面仲鋪了蟹籽及香蔥, 熱辣辣的炒飯很是香口, 蟹肉鮮甜, 蟹籽卜卜脆, 好好食