鮨一 (厚福街)

營業中

休息中

星期六，有咩好做，緊係去食好野啦！ 我係大埔食過呢間鮨一好好食，所以我一知道佢地開新店，我緊係去試下啦 ！ 間店吾係好大，不過有2個VIP 房真係正，可以方便同D姐妹傾下計，又可以一大班朋友Happy下。我問過個師傳呀，佢地D貨係飛機貨，成日都吾同。 太好啦，我可以試好多新野呀！ 期待下一次嘅驚喜！

上次試完個lunch ，我講過出糧後一定番嚟“番啅”埋個 dinner😎今日 終於俾我等到啦，同朋友一行三人上去飲下清酒，傾下近況，it's a good way to release the stress😥😥😥不過佢地仲未有酒牌，所以要自備酒水啦😉唔知係咪鮨一開始做宣傳，見今晚都多咗客人，未嚐唔係好事，證明有班同我一樣嘅識貨之人，但日後多人到訂唔到位就喊出嚟啦😂😂講番今晚先～其實壽司師父應該認到我(呱？) 問下佢有咩好推介，建議我哋好似正式食和食咁，由生到熟，再串燒揚物，唔夠飽或者想暖胃先再叫個烏冬或鯛魚奶湯🙂🙂好！咁我哋先嚟個刺身開胃啦！赤蝦肉質好爽，活帶子夠甜😋仲有飛魚刺身mixed with sour sauce，金目鯛，真鯛，鰤魚，池魚王，拖羅，😂😂😋😋好開始呀果然！之反串燒嗰啲我都無影啦，記得ordered牛舌同埋煙肉帶子卷，兩款都好味，夠香口但唔係Dry到爆😋。之後試埋個油甘魚鮫，我就真係三文魚頭食得多(少見多怪啫我😒)，估唔到油甘魚鮫嘅 邊邊位啲肉係咁滑身，充滿魚油脂😌😋全晚高潮喺呢度啦！因為我地4個全壽司bar 枱，所以某部分食物係我地自己order，某部分係師父安排

厚福街一向多食肆，近日發現開左間日本料理，喺藍馬商業大廈18樓，低調到連地下燈箱都未有。唔係熟客介紹，絕對唔識搵。首推要食佢個蕃茄沙律，堅好食，要搶食，要加單；另外一定要食一定係招牌鮨一丼，滿滿既海膽下再有吞拿魚腩蓉加赤醋飯，真係見到開心，食落滿足😉見到餐牌重有午市套餐，下次路過可以試埋。見到有2間房，1間4人，1間6-8人，望落都幾舒服，師傅話2間房重可以打通，變成12人長檯房，大班人開Party唔錯，不過唔記得問幾多錢 minimum charge，但係坐廳都幾舒服

尋日約咗朋友係尖沙咀食飯，問佢想食乜，佢話想食日本嘢。但係喺尖沙咀四圍行全部都係啲日式放題有時間限制，又坐得唔舒服。想搵達地方坐低慢慢傾下計，食吓嘢。行過厚福街 見到有一間新開嘅日本料理就上去試吓。 啲食物好新鮮。問嗰個師傅原來每日由日本空運到港。最好食係魚生/壽司/天婦羅，啲米飯聽師傅講係同其他日式料理店不同（好似叫赤 醋）。環境雖然地方細細地但係坐得好舒服， 食物方面 價錢唔貴 ，兩個人都食到飽飽咁落樓。

喺尖沙咀返工，見到有新食店都會去trytry佢，今日見到有間壽司店試業中即go，lunch set都有成20款選擇喎，我就簡左壽司六貫+烏冬~仲包左前菜，麵豉湯同蒸蛋，壽司超新鮮，最後埋單只是＄98👍下次要試吓佢晚餐先😁😁

月尾糧又未出，又想食魚生壽司做lunch，咁都俾我搵到呢間“鮨一”。好似仲係 soft opening 緊，樓下見lunch sets都唔多貴，膽粗粗沖上試下，好采😎食物質素都無對我個糧尾乾硬症嘅荷包唔住☺☺☺😋呢個set 又6件壽司 加個手打烏冬$98 無加一真心好味！睇埋 main menu 其他食物價錢比起tst其他日本料理店嚟講唔算貴，下次一定會嚟試埋佢！😋😋