鮨一 (厚福街)

營業中

休息中

海膽💕全部都係海膽❗️ 今日就去左呢間👉🏻鮨一日本料理👈🏻食最愛既海膽丼➰..🗣原來海膽丼係有分大碗同細碗🍚 當然點大碗喇💪🏻一上枱見到呢個滿到溢出既海膽就已經心心眼左😍 食落海膽新鮮，味道鮮甜，入口即溶👅好正呀✅.

最近同靚表妹去左尖沙咀食日本野，補祝我生日，🥰雖然各有各忙，都阻唔到我地見面丫，🤤而且大家都熱愛食日本野！🥳生日飯 + gathering 當然食好DD👯‍♀️💕呢間日本野係樓上舖來，book 左7:30，店員安排左吧台，都好，望住師父重開胃🤣叫左一個海膽飯同一set壽司🍣✨千層海膽飯（大）$298上十貫目 $218 靚到幅畫咁，影相技術又進步了海膽千層飯 （大）$298呢個飯碗仔細細。。海膽埋山咁，😍中間有吞拿魚蓉，上面有金箔，好矜貴✨✨✨可以用紫菜包住食，紫菜脆卜卜，海膽鮮甜juice ,口感豐富！夾埋我最愛既吞拿魚蓉一齊食，好滿足丫💕💕💕💕💕💕💕💕💕💕💕💕💕💕💕💕💕上十貫目 $218 跟住呢set有十件壽司🍣有三文魚丫、帶子、八爪魚、玉子。。魚生新鮮，壽司飯第一眼睇以為撈左豉油😂。。原來係赤醋，係高級壽司醋黎，第一次食到，酸味適中，幾特別另外店舖用既芥辣係用新鮮山葵磨，味道清新，唔刺鼻，入口舒服。呢餐好多新體驗，偶爾係用餐有新發現，帶來另類驚喜。滿足了雖然貴一點。。多謝表妹丫😘

良朋共聚、一於試試新餐廳～ 長野縣高糖度番茄沙律可以、配合芝麻醬汁清新醒胃～ 是日精選鯛魚刺身薄切合格～ 銀雪魚刺身無試、因為非個人所好、等於接受唔到豆漿咸食一樣、純屬個人問題、非戰之罪～ 沙甸魚壽司先嚟一客沙旬魚壽司落肚打吓底、沙甸魚非常新鮮、魚味濃且帶油脂香、配合紫菜和江戶前傳統赤醋米飯係個人至愛、真正是送辛口清酒嘅妙品。不過打飯師傅嘅功力真係要打屁股、米飯過濕、有點點糊嘅感覺、相信要再多花兩、三年努力做好基礎上嘅根底。。。。。。師傅請用心努力、加油！～ 時令秋刀魚刺身一年一度時令嘢無得輸、魚身肥美、滿滿嘅油脂香係個人至愛、主廚師傅刀功好、四條瞬間被清光光。～ 香葱吞拿魚腩手卷～ 大拖羅手卷～ 鐵火卷～ 青瓜小卷可以、不過打飯嘅基礎問題唔重覆了食完咁多重口味嘅食物、係時候清一清、過一過場～ 辣酒煮蜆入口出奇地清甜、微辣、並沒有預期中會破壞味蕾影響喝清酒嘅口味、熱辣辣暖暖胃正對口味。～ 炒日本冲繩苦瓜苦瓜爽脆清甜有回甘、帶一點點蜜糖味、encore 咗一碟休息一下吹吹水後、又嚟、、、～ 炸豆腐～ 吉列炸蠔交來貨、合格、油溫火喉掌握得宜～ 鹽燒牛舌不合格👎、火喉過咗、咬落有渣、蒜蓉粉係

去到尖沙咀，想食日本野，就揀左呢一間喇～佢既刺身壽司都唔錯，但最特別係佢用左赤醋壽司飯，有別於一般壽司飯，會同d魚生更加夾，更加好味以下幾樣係推薦既食物：鮨一沙律($128)性價比高，好多魚生但講求質素既人就未必岩喇，都會建議返就咁嗌壽司或者刺身甲羅燒($98)岩晒重口味一族，同啱啱烘到熱辣辣嘅麵包，簡直係絕配呀千層海膽杯(細)當日好想食海膽，於是就叫咗呢個海膽杯。份量好多，但味道就比較淡，以呢個價錢來講，下次就未必會再叫喇雖然去食嗰日係平日，但係都好多人，等左一陣先有位。建議如果想去試吓，尤其多人既話，都係提早book定位先去喇

有乜嘢開心得過搵到一間好食嘅居酒屋，今日我係尖沙咀又搵到一個開心嘅源頭啦！就係呢一個藍馬商業中心嘅鮨一，位置知唔算特別好搵，但其實細心啲就會搵到！想到去坦白講為好少，但更加證明啲嘢應該幾好食！通常細細間嘅居酒屋都係咁架。今次我冇乜食啲乜，淨係嗌左三樣嘢，已經好夠飽啦。三樣嘢都係有驚喜嘅：第一就係辣酒煮號，我從來未食過咁好食嘅煮好，我係生蠔嘅粉絲，只要有得食我都一定會叫。但咁啱今次個胃唔係太好，唔係太想食生嘢。嗌左呢一個辣酒煮蠔，啲豪唔會煮都好老冇晒水，啲辣酒又啱啱好，可以飲埋喎！仲有啲蘿蔔，其實已經好飽啦！另一個必定要介紹嘅就係鮨一沙律，大大個番茄，好多菜，但係最多嘅竟然係刺身，其實我食落去嘅時候第一個反應係好好味呀，第二個反應就係其實呢間餐廳做唔做得住㗎， $100到嘅價錢食到咁好食嘅刺身沙律刺身多國菜喎大佬！最後叫多咗一個燒鯖魚，普普通通啦，好處就係佢煮得都唔會好老，入邊嘅魚肉好嫩，但相比之下呢一個菜就比頭先兩個菜失色一啲啦。絕對會翻翻嚟食！

夜晚去到唔駛等位，心諗咁好既？之前仲勁多人食等勁耐喎！叫左個大海膽飯，食落啲海膽係腥怪味，唔加豉油真係食唔落肚。味道同地鐵站賣$3蚊個間真係差唔多。$298真係超級唔值！咁話說我地共叫左5樣野食，只係黎左3樣。一直等左差唔多30分鐘，忍唔住問侍應啦。點知佢話「吓！你地啲野食未黎哂咩？」咁叫佢check單啦，check單都唔係即刻check啦，仲要走去做埋其他野先。喂大佬，你明知個客火火地仲唔即刻serve個客去補救，呢啲係乜嘢服務？唔怪之得夜晚唔駛等位咁好啦！

今日和老公去行街，行到整整一個中午，現在是晚飯時間，就喺附近看看有什麼東西好食，上網找到這個餐廳，叫咗個拖羅刺身正到不得了$320 又夠鮮甜，有入口即溶嘅感覺！全晚最正嘅係千層海膽$298，海膽味濃郁完全沒有腥味，又夠凍，正到不得了！二八爪魚刺身就沒有什麼特別，與出邊的日本餐廳，沒有什麼大分別！二令我食完回味無窮的就是珍寶牡丹蝦，非常大隻$88一隻，非常鮮甜爽口，真係唔夠喉！今日好彩就唔使等位，廚師話平時爆滿必須定位的

想食日本野，但又無心水，於是朋友就帶我黎鮨一。日本海葡萄蕃茄沙律沖繩名物海葡萄營養價值高，一串串海葡萄，咬落脆卜卜，配搭香甜多汁嘅日本長野縣高甜度蕃茄，十分開胃。宮崎縣粟米刺身朋友話要order時我有一刻反白眼...但食落好清甜，爽口又多汁，無諗過生粟米咁好食。蜜柑鯛魚肉晶瑩剔透，入口好似有層薄薄油脂包住，不僅沒有魚腥味，還帶淡淡果香，值得一試！珍蠔蠔身手掌咁大，蠔肉白滑肥美漲卜卜。入口爽甜，味道鮮甜，仲有淡淡海水味。穴子壽司星鰻又稱穴子，肉質細嫩軟綿目光魚壽司口感嫩滑，魚油脂香白蝦壽司口感黏黏，帶點鮮味華味鳥串燒華味鳥係日本研發飼養的雞。食用飼料經特別調配，雞肉質感比一般雞肉結實，脂肪較少，雞味較濃！雞皮、雞腎、雞肝、雞翼同雞尾尖。A5和牛串和牛牛味超濃，肉質軟稔又多汁，正！清酒煮蜆份量十足，蜆肉又大又肥，鮮味十足。清酒濃郁，邊食邊湯汁，大滿足。什錦天婦羅有大蝦同幾款蔬菜，外皮脆得黎又唔油，而且蔬菜仍保持水份，不錯！總括食物質素很好，大部分食材都來自日本，值得一試！

日本就無時間去喇，去食日本野止下癮就必需嘅！岩岩轉工開始左朝9晚6嘅生活，放工終於可以約埋朋友去食飯。朋友就係眾多選擇中揀左 鮨一。朋友本身好少食海膽，我就完全相反，直頭係海膽愛好者。如果食壽司唔叫海膽就會有種差咁D野嘅感覺。而哩度嘅海膽壽司當然一D都無令我失望。海膽夠滑，溶化係口入面之餘食完仲留有香味，只有新鮮海膽先會做得到。唔想我朋友錯過美食，所以都叫佢少食都試下啦。日本超甜粟米千萬唔好因為覺得粟米普通就唔試，絕對唔係你平時係街買個D粟米，多汁之餘係清新嘅甜味秋力魚刺身賣相我已經要比100分，味道鮮甜，完全無腥味。就咁食已經可以，當然亦唔浪費師傅嘅心機，要試一試個醬油。另一種風味！新鮮岩蠔手掌咁大隻蠔，鮮味夠，又夠海水味。一啖係食唔哂嘅，分開幾啖慢慢品嚐。整體食物質素都好滿意，食材新鮮有誠意。下次會再來試埋其他未食嘅刺生同壽司。

想同朋友慶祝生日，又想食d時令嘅日本料理，去尖沙咀嘅「鮨一」就啱晒啦！☺️之前因為海膽丼熱潮所以發現「鮨一」，試過佢其他日本🇯🇵料理，完全及得上日本居酒屋嘅水準，所以今次就黎食過返尋味！😆日本🇯🇵海葡萄蕃茄沙律（$128）去過日本沖繩都知道海葡萄係佢地嘅名物，營養價值高，份量毫不吝嗇！👏🏻物超所值！👍🏾一串串翠綠色嘅海葡萄，咬落卜卜脆，一咬開便爆出鹹鮮嘅汁夜，獨特嘅口感和味道，配搭香甜多汁嘅日本蕃茄，係一道幾開胃嘅前菜～😌經店員介紹之下，我地第一次食粟米刺身—宮崎縣超甜粟米（$98）無諗過生食粟米可以咁好食，每一粒都爽脆多汁，清甜味美。😊蜜柑鯛（$220）顧名思義，這種鯛魚是吃蜜柑長大，魚肉晶瑩剔透，入口豐腴，不僅沒有魚腥味，還帶淡淡果香，值得一試！😋日本🇯🇵真蠔（$176/2隻）蠔身有一隻手掌咁大，蠔肉白滑肥美，看起來豐腴得像要從蠔殼中漏 出來，😳入口爽甜，先嘗到柔和嘅鮮甜味，隨後是淡淡海水味，回韻悠長～穴子壽司（$128/2件）無法人工養殖嘅星鰻，又稱穴子，肉質細嫩軟綿。目光魚壽司（$76/2件）係一種味道較為清徹嘅高級魚鮮，口感嫩滑，魚油脂香～先說華味鳥係日本🇯🇵研發飼養，養飼於天

今日同我嘅朋友一齊食飯，佢今日工作上有唔愉快，所以我諗住請佢食餐勁嘅回復翻心情。我地上網睇過鮨一嘅評價好唔錯，所以我地就出去厚福街食日本菜。日本高糖度蕃茄沙律，蕃茄真係真係好香甜同好juicy，沙律菜好新鮮爽脆，Salad dressing微酸甜好開胃。石垣貝刺身好新鮮 食落鮮甜，質感爽彈嫩口，十分美味。甲羅燒係蟹蓋入面有蟹肉蟹膏同鵪鶉蛋製成嘅，蟹膏同蟹肉好鮮甜同好濃厚，加埋蛋黃係超級Creamy。同烘多士一齊食係絕配。牛舌唐揚係炸牛舌，依個太好味啦！外脆內嫩，炸過嘅外皮不油膩，牛舌食落juicy又香口。辣酒煮廣島蠔，隻隻蠔都漲卜卜好肥美，食落鮮甜又唔腥。

前往尖沙咀，本來打算購買日用品，沒想到在中途見到一名舊同學，我倆決定吃點東西，聚一聚。牛舌唐揚， 在菜單上沒有的， 是寫在黑板上的一種食品， 外皮炸得香脆可口， 最驚喜沒想到內裏的牛舌，肉質豐富， 令人吃了一片， 還想吃另一片。店員十分推薦華味料系列， 被熱情的店員推薦了很久，決定點一份。 華味鳥，其實就係日本嘅雞，不過佢食嘅食物係天然食材。華味鳥煙燻雞刺身， 視覺上以為係生雞，好擔心，入口味道比較鹹，但煙燻味十足，最重要雞夠滑身，同埋入口完全冇血腥味。華味鳥雞腎串，華味鳥雞皮串，華味鳥雞翼串，華味鳥雞心串，華味鳥雞尾串。 真係心肝脾肺腎， 諗得到嘅都出曬嚟， 個人認為同一般串燒， 分別唔大， 係味道上面少咗一陣 新疆嘅味道。甲羅燒， 一般嘅甲羅燒， 都會係用鵪鶉蛋， 冇諗過佢係原隻大雞蛋擺喺上面， 本身仲擔心蛋味唔夠出突出。 估唔到味道都唔錯， 蟹膏味十足，配合埋蛋嘅香味，加上香脆既多士， 味道口感都一流。下次都要再食過 不過一定唔會再食內臟 因為怕膽固醇超標

記得數月前曾經想訂周日的午餐但連續幾星期都滿座，結果終於訂到了，所以十分期待。前菜和沙律賣相不吸引，味道一般，茶碗蒸亦沒有驚喜，午市套餐優惠加點了三文魚刺身，質素一般但抵食。鮨一丼定食：賣相頗吸引，帶子丶赤蝦十分肥美；白身魚和三文魚一般；海膽則有苦澀味。特上八貫目配細烏冬：壽司飯已調味，大至上和丼定食差不多，火炙蝶魚邊入口即溶，魚油很香，烏冬較軟和清淡。吃到中段，發現一早下單的海膽杯漏了單，正好之前定食中的海膽有點苦澀，所以就算了。另外，當日師傅與侍應們一直在高談闊論，略為嘈吵，有待改善。

曾同朋友研究，靚既三文魚紋路分佈，被哩間食評相吸引了。同朋友來試，唔hea ,性價比高，食得好滿足好開心，覺得最好食既係鮨一沙律 & 鰻魚飯。兩者都夠味，又唔會太鹼，鮨一沙律的刺身都好高質🤤

營商管理，鋪租是最大的敵人，為了減低成本，銀座式的食肆大行其道，由於少左walk in 客，惟有真功夫才能大收旺場。厚福街嘅鮨一就係因為口碑好，我専誠揀左佢同於尖沙咀工作的舊同事吃午飯。一早訂咗位，所以能夠坐在廚師面前的長吧枱，加上靠近窗邊，一杯一牒都特別醒神而且午市套餐價錢在食日本野黎無論質素同價錢都幾抵，性價比高，值得推薦和再去！刺身方面，普通三文魚吞拿魚就食得多，今次試吓呢條秋刀魚刺身，講真我都係第一次食，估唔到特別鮮甜好味，同平時一般燒秋刀魚味道係好大分別一片片魚生慢慢品嚐，魚肉鮮味加上口感特別細膩，好満足