鮨一 (厚福街)

營業中

休息中

話說前嗰排生日本身老公book咗aqua 但係最終原來book錯咗餐廳所以就睇吓附近有咩食因為都有少少想食日本嘢就決定去咗厚福街睇吓.已經有一段時間冇食過呢間所以係想去之前再打電話問吓有冇位有好好彩地有位喎於是就決定喺度食返餐開心嘅.我哋上到去就嗌左1. 海膽飯（細）2. 牡丹蝦壽司3. 軟殼蟹天富羅4. 帶子壽司5. 牛油果蟹子沙律6. 蟹膏蟹肉壽司7. 鐵火卷8. 茶碗蒸9. 鹽燒牛利10. 豚肉蘆筍卷11. 上錦繡刺身（8客各兩次）total 11樣嘢.整體佢嘅新鮮度都喺度嘅比較欣賞就係牡丹蝦壽司同埋海膽飯其他就不過不失反而想點名軟殼蟹天富羅可以有進步嘅空間因為粉偏厚 食落去唔夠脆加上隻軟殼蟹都真係好鬼細隻個感覺爭啲.有機會再過嚟幫襯你啦

千層海膽飯（大）😋😍🤩.日本醋飯上面加左吞拿魚蓉，之後上面就係有足足8格大海膽🤩上枱時小編真係嘩左好多聲🤭食完成口都係海膽既鮮甜味😍無得去日本，去食呢個當去左啦😊.強油烈建議因為苦甘而唔食海膽既朋友仔，可以去一嚐，包你會對海膽改觀👍👍同埋一定係叫大，因為細同大碗飯係一樣size,但細既得4格海膽，其實價錢唔差好遠，大既有8格海膽會開心好多🤭另外要特別介紹既就係鹽燒油甘魚鮫🐟因為真係燒等好香，每啖都食到好香既油脂😋有唔會燒到乾晒，啲肉仲係好juice2個人食得唔太多野，但就好多野都仲想試，有機會會再去試埋其他，應該都會有驚喜👍

其實呢間餐廳我地都經常到訪午餐嘅 set menu 價錢非常大眾化性價比亦都好高 加六蚊仲有三塊三文魚刺身每一次我地都係叫特上八貫目壽司加烏冬永遠都唔會失望 歧視喺火焰碟魚魚邊通常我地都一定會追加 今日見到佢有金木雕喺個櫃入面 今次再追加左金目調壽司壽司嘅飯都係師傅加左醋但係亦都唔會編酸 啱啱好性價比非常高嘅一間餐廳一流嘅服務以及 新鮮嘅魚生我地一定要每個月都最少嚟一次lunch time 1點幾多人 建議早少少去加油支持你哋

晚巿黎咗呢間都幾出名既尖沙咀日式餐廳🍱人人都話omakase 正😲😲不過今次冇試🤣😛刺身同壽司都好新鮮呀，特別係海膽真係好鮮甜😙😙壽司飯睇得出有特別造過，d顏色都唔同，深色少少🤏🏼#尖沙咀黃店 #黃店 #黃色經濟圈 📍 鮨一日本料理 (厚福街) (尖沙咀)尖沙咀厚福街12號藍馬商業大廈18樓

今日同朋友去咗尖沙咀行街街 行完之後又熱又攰又肚餓 朋友就話想食返間日本嘢平衡下 見到呢間鮨一感覺幾高級 最啱慢慢坐低傾計食飯柚子啫喱配日本兵庫縣處女蠔 生蠔大家都食得多 但係呢個處女蠔異常肥美 生蠔嘅海水味未食已經感覺到 第一啖擺落口已經係好鹹鹹甘甘嘅味道 蠔肉非常軟滑好creamy 加埋酸酸甜甜嘅柚子 成個前菜非常清新可口宮城白粟米 同一般喺街市買到嘅唔同 呢個粟米可以生食 而且極之甜 甜到你簡直唔相信自己食緊粟米 有興趣嘅朋友一定要試下秋刀魚刺身配薑蔥豉油 我個人唔太鍾意食秋刀魚嘅刺身 因為腥味都比較重 呢個都唔例外串燒牛小排 牛肉味非常之重 脂肪好甘香可口雞腎 都幾有咬口 值得一讚味噌牛舌 好厚切 口感幾好 而且味噌湯嘅鹹味冇搶到牛舌嘅牛肉鮮味

朋友見到好多人推介”鮨一”好多人介紹就話想試下，我地預先係預先訂咗位，食飯果日可能係平日所以入到去都唔係Full個場，坐位唔算大但都唔會話坐落去好逼咁。特上錦繡刺身 $488總共有8款刺身每款有2切嘅，當中我食咗帶子，牡丹蝦，紅衫鯛 (好似紅衫魚網上叫系撚鯛)同海膽-帶子雖然係切咗半但都幾大粒👍🏻食落去都算新鮮-牡丹蝦都系好大隻好好味👍🏻我有食埋個蝦頭唔會有臭苦味仲有陣鮮味👍🏻-紅衫鯛食落個口感係硬身小小嘅呑拿魚，個人唔太喜歡食呑拿魚，因為食咗好多間都係覺得有啲腥，但紅衫鯛完全無呢個問題，唔腥仲好鮮🤤🤤-海膽係最值回票價嘅食品，個量大概有5條左右，我地4個人每人都食到1條👍🏻👍🏻個人認為海膽係最容易食得岀食材靚唔靚同新唔新鮮，"鮨一"嘅海膽一入口就有種好新鮮嘅鮮味同入口即溶嘅感覺😂😂真係好同海膽一齊游水咁🌊特上十貫目壽司 $348總共10件唔同款嘅壽司，包括咗帶子,海膽,油甘魚,牡丹蝦,鯛魚等等，同刺身拼盤有啲相似，啲食材食落去都係新鮮嘅😊但我地4個人十件壽司眨吓眼就冇咗😛😛下次要叫多份鹽燒牛脷 $38牛脷燒得好好，岀面唔會鞋同埋會留咗啲肉汁係入面🤤🤤好正👍🏻👍🏻鹽燒三文魚 $68個人

因為方便大家，所以選左尖沙咀食日本🇯🇵菜，今日係生日飯局🎂因為都知道星期六好難walk in我地都訂左位，一黎到見到好多人，果然係星期六，去到reception 佢叫我地坐lift去另一層，原來有兩三層都係佢地，我地坐左張四人台，望到sushi bar ,reception 提我地要90 分鐘交台，我地瘋狂叫左好多野食，叫左必叫的海膽飯，清酒煮蜆，壽司set,串燒，海膽好新鮮好好食😋果然係必叫之選，壽司都好鮮味十足。串燒都熱辣辣正呀，最後仲切埋蛋糕，大滿足🙏🏻

是日奶奶生日佢話想試下日本嘢咁我哋今次就嚟咗呢度食呀, 店舖唔算話好大間不過啲店員都好NICE我哋book咗枱嘅關係都好快安排到張四人枱畀我哋👏環境企理乾淨某程度上我係為咗呢一個海膽飯而嚟呀， 一上枱已經衝擊咗我嘅視覺， 仲要有啲金箔喺度閃下閃下， 上面唔同嘅海膽下面仲有啲魚生蓉飯🤤 食落去你係會有一種超級滿足嘅感覺而海膽亦都好鮮甜❤️不過成餐飯呢講我最推介，覺得最好食嘅係以下呢一個甲羅燒， 啲蟹膏簡直不得了，再配埋呢一個嘅多士喎正， 蟹膏鮮甜濃郁中間仲要配咗隻蛋 mix埋一齊令到個蟹膏變成杰撻撻嘅感覺 增加咗呢個嘅口感❤️大大隻海膽，海水味濃，鮮甜，完全唔洗落檸檬汁果啲，直啪入口至於下面果幾款驚喜唔大，都係一般日本餐廳質素🤣呢個鰻魚飯就真係成餐飯嚟講比較遜色因為淨係食得到豉油味 冇乜特別 奶奶仲話覺得佢好鹹添🤔總括嚟講佢嘅嘢就係好食嘅但係都係openrice睇到嘅重點推介 ，咁睇下次再去嘅時候試下其他好唔好食啦，但係嗰個甲羅燒真係超正大家記住試下啦

放假梗係又係食我最鍾意嘅日本嘢啦，今日嚟到鮨一，我哋被安排坐bar枱，可以睇住師傅整壽司😆值得一讚公眾假期都有lunch menu👍🏻首先都係上啲基本嘢，沙律、茶碗蒸同埋麵豉湯🤣都係正正常常～而前菜係一個醃白蘿蔔，入面竟然仲有幾粒瑤柱😯我叫咗個五品刺身定食 ($98)🤤佢有三文魚、八爪魚、帶子、白身魚同赤蝦，每款刺身都有兩件～個人覺得帶子係最好食，好鮮甜！飯方面，佢本身係配白飯，如果想跟返赤醋飯就要加$10喇～佢亦有一個優惠價，$6可以有三片三文魚刺身🤤咁抵我梗係加咗啦！今次係第二次食呢間餐廳，我覺得質素唔錯，尖沙咀嚟講性價比都算高，推介☺️

呢排突然想食日本野，之前一直見到啲人話呢間好高質，亦有出名嘅海膽飯所以提議食呢間坐位少少迫是日只有日本海膽要加＄100，加完100，價錢有少少貴囉但都係要咗個大size, （貴但都照要，口不對心）哈哈～個飯到咗，海膽山高高，正！！！鮮甜仲要咗生蠔，好大隻呀，仲賬卜卜卜creamy呢～甲羅燒有點鹹，夾包食就岩岩好鮨一沙律，沙律算大份亦都好足料仲有其他燒三文魚壽司，雞泡魚干.....正常咁整體來講，食物質素唔錯，人均要400～500左右，特別日子可以黎慶祝，開心吓

黎到尖沙咀，想食日本野，醒起好多人係ig打卡嘅鮨一，因為仲未試過就黎試下啦😋見最多人post嘅係千層海膽飯($298)黎到緊係要食啦海膽超級多，味道鮮甜，2個人食都好足夠另外仲會配有紫菜，咁就無咁單調啦😋另外仲嗌左d壽司同特上錦繡刺身($488)不過其實食完海膽飯已經好飽啦😆係好滿足嘅一餐飯呢

The sashimi was very fresh and delicious. We have ordered salmon, shrimp and scallop which are ultimately excellent. Other cooked food such as eel has very high standard as well. Among all, my favourite is the urchin rice. You can even taste the sea water freshness and it was a perfect match with the seaweed and rice. All in all, the rolls and sushi were superb and recommended.

食飯記得book位 次次都幾full 是次order左一個千層海膽飯🤣如圖一樣 爆多海膽 好新鮮🥰一開始以為份量好少 但一上到黎有種爆丼感推介 下次會再encore👍🏻整體滿意

呢間地點方便，但都幾嘈，師父介紹每款食材基本都要講兩次先聽到，同埋食完發現成身油煙味🥲口味真係人人唔同，覺得食材方面應該係新鮮的，但剛好今晚無我喜歡既蝦，有啲美中不足，而且比較多淡味既魚，無果種：嘩！好味呀！既時刻出現，但呢個就係廚師發板既特點，比咩食咩。睇到之前既食評同食物相都好吸引，可能其它食物會比Omakase出色，如果一心想試Omakase既朋友，以呢個價位有好多其它選擇。😅題外話，唔知係我手殘定師父擺位出咗事，有啲壽司擺到好似就黎跳樓咁，定還是係藝術黎？🤣😂

想同朋友靜靜地傾計嘆日本菜，呢間都可以一試！.秋刀魚刺身是日精選刺身之一，原條秋刀魚刺身，見到條魚骨就知師傅刀工好好！.鮫鰈薄切薄到透光既鮫鰈刺身，因為魚肉味偏淡，配搭酸酸地既醬汁一齊食好夾.石恆貝刺身好鍾意食貝類刺身，因為新鮮既話會又彈牙又鮮甜，呢個石恆貝就係咁既口感啦！.日本白粟米係北海道食過一次新鮮白粟米，一試難忘，估唔到呢度都有得食！一咬落去就爆出清甜粟米汁，粟米粒又爽脆，好好食.鮮帶子海膽手卷海膽控既我，呢個手卷必點啦，新鮮海膽仲有鮮帶子切粒，配埋醬油漬飯，無得輸.吞拿魚牛油果手卷我朋友就好鍾意吞拿魚，所以就點左呢款手卷，又估唔到牛油果同吞拿魚都夾喎.軟殼蟹天婦羅炸粉又薄又香脆既軟殼蟹，香口野配清酒就最好.辣味噌煮和牛腹呢款熟食都好出色！蘿蔔吸收晒香濃味噌汁，和牛腹亦燴煮得好林