鮨一日本料理 (翠怡花園)

營業中

休息中

有沒有發現住那區就特別少去那區吃飯，朋友聽說大埔很多美食，然後住大埔的人如我就冒汗了。。真不知去哪一家好，看這家午餐的價錢挺合理的，就這家吧。。 😂餐廳感覺沒有特別光亮，桌子有點小，位置也有點窄。。⚜️味噌煮牛舌定食 $62牛舌入口軟綿綿的，好像咬了魚肚的感覺，吸了很多湯的牛舌，口感不得了！味噌湯的味道很濃，很好配飯，唯一可惜牛舌有點腥羶。。 ⚜️蒲燒鰻魚飯定食 $108就是正常的燒鰻飯 😅總結算是不過不失吧。

無招呼，無服務，無禮貌，遭白眼，唔耐煩本人提早了5分鐘到，詢問樓面男伙記外賣自取情況遭白眼，好似阻住佢同另一女同事聊天咁，問佢還需等好久又不秋不彩，當晚是滿座的，沒有安排等候外賣的位置不得止，由得客人在店外徘徊，十分無助大約等直左20分鐘左右，還不耐煩地開門直視我要取外賣，一句說話也沒說，也沒有查閱訂單號碼，不知所謂！如果不是可以扣cash dollar, 一定唔會揀呢間餐廳，實在一啲都唔抵食，又貴份量又少，味道也很一般，食到一肚氣，唔會再有第二次光顧!

之前踩完單車，喺大埔還車之後就周圍搵嘢食，發現原來大埔都有鮨一，小店坐位有限，星期六夜晚大約七點好好彩去到仲有位，建議如果大家想嚟最好book位先！🔸壽司🍣火炙蝶魚邊壽司、鰻魚壽司、三文魚腩壽司、吞拿魚茸壽司 我最鍾意嘅係火炙蝶魚邊壽司，油脂感幾重，好肥美！佢啲壽司都算厚切😍🔸串燒 鹽燒牛舌、燒鮮冬菇、豚肉蘆筍卷燒物都好有水準，豚肉蘆筍卷都幾特別，咬落口好有層次感！ 牛舌都好食👍🏻燒冬菇就乾咗少少🤔🔸牛油果軟殼蟹反卷軟殼蟹炸得好香脆👍🏻同牛油果一齊食，呢個配搭冇得輸😎🔸燒三文魚茶漬飯今次係我第一次食茶漬飯，都幾特別，茶底飲落係玄米茶加少少綠茶，幾香濃！咁樣有啲似食湯飯，暖粒粒都幾好食😋不過燒過嘅三文魚放咗落茶漬飯，有少少似冇燒過咁🤣

11月 雖然天氣一啲都唔涼爽 但係諗起要食秋刀魚 男朋友專誠揀咗呢間日本餐廳試下 我哋叫 原條秋刀魚 鮟康魚肝 螢光魷魚 幾件壽司 煙肉荔枝串 諗住食到一半 先再叫飯或者烏冬 原條秋刀魚 非常新鮮 雖然唔算好肥美 不過依然鮮味十足 食完佢仲會幫你 炸咗條骨 一魚兩食鮟康魚肝係我嘅最愛 呢度處理得好好 入口滑溜 一啲都冇鞋嘅感覺 另外螢光魷魚 同壽司 都係水準以上嘅 因為聽講 呢度嘅熟食普通 所以我哋主要都會係叫魚生 不過煙肉荔枝串都好味 埋單一啲都唔貴 而且員工都好friendly 絕對係可以返去再幫襯嘅餐廳 

三色丼定食 $82 (包括前菜、沙律、麵豉湯、飲品) 💛日本餐廳有奶茶咖啡熱朱檸茶檸水係幾有趣💛有無朋友仔同我一樣食刺身永遠只會食三文魚同帶子😂本身唔係特別鍾意食魚既我，都仲係未想試食其他魚或者白身魚!!唔好睇個碗好似好細甘，魚生下面既飯都裝得好滿下🍚每款魚生都好新鮮，超鮮甜，特別係厚切三文魚同帶子😍好爽口，一啲都唔腥，真係賣飛佛💛

話說好耐之前見過呢間鋪頭嘅時候第一次見到呢個字所以唔知點讀😂😂 有一次食飯嘅時候問個老闆間餐廳個名點讀 跟住佢話叫左 鮨(脂)一 😂我平時晏晝都會食鮨一 因為佢個lunch set好抵60幾蚊包前菜、麵豉湯、小食(如果你係堂食嘅話會包埋嘢飲，但因為我係用網上外賣平台叫所以冇包埋野飲) 而且佢啲嘢食都好有水準😍佢個沙律嗰個醬汁酸酸地 但係好開胃 而且佢平時小菜嗰啲會有螺頭或者中華沙律要睇吓佢嗰一日係輪到啲咩小菜 佢個烏冬個湯底唔係濃湯或者係嗰啲味精湯 而且佢個烏冬好滑同埋煙韌 睇相都見到塊吉列豬扒好大塊 食落去仲好脆添 外賣都有咁嘅水準確實唔錯

食過幾次，食物新鮮 。整體滿意但預先訂座比較好！雖然地方唔算大，但都坐得舒服價錢如果2人食五，六百蚊左右，但值得一試！疫情期間 .. 食完店員仲送咗枝消毒噴霧比我地 多謝哂

窄到嘔的迷你檯，頂手頂腳極討厭。未到刺身就自覺泊多張檯比我，算您識做，算您有我心，情緒平伏一點，值得一讚。梵艷 720 ml，潤滑的質地，清爽順喉不嗆，陣陣帶甜的酒香。螢光魷魚漬，濃淡恰到好處，咸鮮出眾甜美𣎴嗆一趙爆汁，爽脆滑滑微黏透心涼，淨食或配飯同樣一流，必食推介。芥辣墨魚，比平常食開大粒少少，更脆彈嚥韌，海水咸香，清爽芬芳芥辣味更添食慾。鮟康魚肝，加蔥加蔥香氣撲鼻，不知何解只有日本蔥係香甜不腥嗅！黏黏綿綿滑溜，甘甜濃郁的魚肝味道，夾著蔥花蘿蔔蓉滾上果醋，欲罷不能！白子刺身，鱈魚的精囊，不是精子！係內臟唔係分泌。爽滑一咬爆出極甜美肉汁，回味再回味！笠貝刺身，響螺？活活即開新鮮黏滑，大隻笠貝多肉抵食，薄片冰完上檯爽脆，螺甜螺鮮突出無投訴。活北寄貝刺身，罕有地遇上活生生北寄貝！軟中帶嫩，長時間的甜味餘韻。蜜柑鯛刺身，師傅坦言針魚不夠新鮮建議轉其他，值得欣賞。綿綿黏嘴不滑不彈牙，白肉魚偏淡正常，還有金箔點綴落重本。捲著蔥花滾上果醋好食多了，不過不失，但有選擇的話就不會點啊。牡丹蝦刺身，爽爽的而甜味淡淡的，沒有半點蝦膏喎。油甘魚刺身，肥美嫩滑，魚脂立立令，食落甜到入心！活赤貝刺身，先脆後綿

同朋友第一次嚟鮨一食飯，有lunch set 叫咗個六貫目同鰻魚飯。本身以為店舖細細，應該都一般啦，但食物質素比預期好，亦都好好味，雖然價錢唔算平但值！會再光臨😋另外，服務態度好好，當日得一個男侍應，見都多人等，座位安排得好快，茶水方面都補得好密，有禮貌，整個服務令人感到非常舒服，個男侍應笑起身仲幾陽光添🤭唔錯唔錯幾靚仔🙈😳😂

朋友黎左大埔，就同佢一齊去食好西。佢想食日式野，我哋就黎左食鮨一。黎到既時候都有幾個人排緊隊。咁啱我哋喺門口研究完想食咩就有位可以入去。朋友叫左特上六貫目配細烏冬，我叫左蒲燒鰻魚飯定食。本身想加刺身三片，可惜已經賣哂。Lunch set menuLunch set menu特上六貫目配細烏冬特上六貫目配細烏冬︰壽司唔錯，幾新鮮，飯比較細舊，烏冬既份量反而比想像中多。蒲燒鰻魚飯定食蒲燒鰻魚飯定食︰鰻魚超正！厚身，肉質結實，燒到有少少脆身，鰻魚汁都好夠撈飯。一拎上黎就聞到薑味，食落都有少少薑味。飯既份量正常。食物質素幾好，店員服務ok，環境唔錯，特別推介鰻魚飯，非常唔錯既一間餐廳。

是日星期五晚七點半左右來，沒有訂坐，全場只有近門口二人坐空著，剛好。點了帶子炒飯，牛肉烏冬，清酒煮蜆及日本芝士蛋糕。點了餐，很快就來了炒飯。帶子數量合理，有帶子味。飯炒很勻衡，粒粒黃色。米也不錯吃，有口感，不太油膩，暖的，味道不錯。清酒煮蜆很驚喜！數量合理，蜆肉也不細，清鮮甜。伴有芫茜和蘿蔔，汁是偏甜。也以再吃！牛肉烏冬的牛肉份量偏多，牛肉味重，脂肪均勻，而烏冬很有口感，很好吃。最後以日本芝左蛋糕作結！是一款極為日本口味偏向的蛋糕，濃濃芝士味，若果份量更多就更開心了。

話說食生日飯，訂左位，準時可以入店舖只能夠容納到兩個六人枱，加一張四人枱，然後吧枱有大約三、四個位，地方比較細，所以坐位、餐具再擺埋野食就要好小心。蟹羔青瓜喱個配搭唔錯，蟹羔幾香，配埋青瓜既清新就唔會太濃味三文魚腩、油甘魚、甜蝦刺身喱個唔係刺身拼盤，而係每樣叫左一份，味道幾新鮮，唔係無味既而且都厚切，但唯一不足係，如果一班人想唔忌諱咁食，就要嗌多啲 一人每樣一塊都唔夠什錦天婦羅有蝦、冬菇、蕃薯、茄子，味道正常，不過不失牛油果軟殼蟹反卷$6x四舊，都幾貴，但味道亦都唔差而家佢份份都配薑壽司有唔同壽司，味道都唔錯，但佢係一件件計。

咁鬼熱既天氣，個胃話我知唔可以食熱野😆 都係食日本菜啦～ 鮨一丼定食 $128有牡丹蝦、海膽、三文魚籽、三文魚、白身魚、八爪魚、帶子，仲有薑好～ 新～ 鮮 🤩 好豐富既魚生吖，每件都好鮮甜肥美，撈埋豉油+wasabi , So Yummy!鹽燒鯖魚定食 $56就係大大條鯖魚面白飯，鹹鹹地肥肥地不錯不錯！🤤除咗主菜仲有前菜（螺肉仔）+ 麻醬沙律+麵豉湯+ 仲有一杯野飲沒有加一服務費，所以好抵食餐廳地方唔大，所以繁忙時間要等位

以前成日會來位於太和嘅呢間日本餐廳度食Lunch，會叫佢嘅鰻魚飯，佢包左沙律，味增湯，仲可以追加三文魚。不過而家對食物嘅追求高左之後就少咗嚟呢間度食了。因為佢嘅味道只係屬於不過不失，維持生命咁樣，而且日本野都唔算平。佢嘅鰻魚飯如圖所見，個鰻魚嘅份量非常多，佢嘅醬汁都幾好味，可以送飯，佢嘅鰻魚係厚肉嘅，比較淋身，上面仲加咗啲白芝麻。追加嘅三文魚味道非常之普通,類似連鎖壽司店嘅質量，你可能會話咁平你仲想點呀，都係嘅佢算係一間小店唔可以要求咁高嘅，不過就唔會再食咁解囉。

每逢假日，都經常來這間日式料理開餐食中午飯，而每次都會選擇鰻魚飯套餐，這裏的套餐很豐富有前菜，沙律，湯，飯，飲品，加$6還有三文魚刺身，重點是鰻魚，份量很足，肥美，每次都捧着肚子走