21
4
1
港鐵太和站 A 出口, 步行約12分鐘 繼續閱讀
所有分店 (4)
電話號碼
26566634
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
付款方式
Visa Master AlipayHK 支付寶 現金 銀聯
座位數目
25
其他資料
Wi-Fi
電話訂座 詳細介紹
當面支付
食評 (36)
等級4 2020-05-29
2542 瀏覽
窄到嘔的迷你檯,頂手頂腳極討厭。未到刺身就自覺泊多張檯比我,算您識做,算您有我心,情緒平伏一點,值得一讚。梵艷 720 ml,潤滑的質地,清爽順喉不嗆,陣陣帶甜的酒香。螢光魷魚漬,濃淡恰到好處,咸鮮出眾甜美𣎴嗆一趙爆汁,爽脆滑滑微黏透心涼,淨食或配飯同樣一流,必食推介。芥辣墨魚,比平常食開大粒少少,更脆彈嚥韌,海水咸香,清爽芬芳芥辣味更添食慾。鮟康魚肝,加蔥加蔥香氣撲鼻,不知何解只有日本蔥係香甜不腥嗅!黏黏綿綿滑溜,甘甜濃郁的魚肝味道,夾著蔥花蘿蔔蓉滾上果醋,欲罷不能!白子刺身,鱈魚的精囊,不是精子!係內臟唔係分泌。爽滑一咬爆出極甜美肉汁,回味再回味!笠貝刺身,響螺?活活即開新鮮黏滑,大隻笠貝多肉抵食,薄片冰完上檯爽脆,螺甜螺鮮突出無投訴。活北寄貝刺身,罕有地遇上活生生北寄貝!軟中帶嫩,長時間的甜味餘韻。蜜柑鯛刺身,師傅坦言針魚不夠新鮮建議轉其他,值得欣賞。綿綿黏嘴不滑不彈牙,白肉魚偏淡正常,還有金箔點綴落重本。捲著蔥花滾上果醋好食多了,不過不失,但有選擇的話就不會點啊。牡丹蝦刺身,爽爽的而甜味淡淡的,沒有半點蝦膏喎。油甘魚刺身,肥美嫩滑,魚脂立立令,食落甜到入心!活赤貝刺身,先脆後綿帶黏,鮮甜味慢慢滲出來,越趙越濃郁可口不捨得吞下。中拖羅刺身,入口過份冰凍使得味覺遲緩,試得不夠真,唯有留兩塊攤到最後才食。再試鬆散腍劈劈欠缺嫩滑感覺,魚甜味及魚油均強差人意。日本真蠔,好似美國珍寶蠔爽口,極咸不喜歡,試試無妨。三文魚壽司,淡淡魚甜味,軟滑魚肉。三文魚腩壽司,更甜更油潤更結實爽彈。馬糞海膽軍艦,完美一瓣瓣排得整齊有序,金黃閃閃滿滿的。整件享用,咸香爽脆紫菜混著綿濕肥美鮮甜海膽,無可抗拒的魅力!蟹膏蟹肉軍艦,蟹肉鬆軟清甜,蟹膏麵豉咸香濃稠,跟飯粒紫菜互相輝映。鯛魚奶湯,魚味特濃厚厚漿著我的嘴,還有陣陣奶香,趁熱一飲而盡不腥不嗅。辣酒煮廣島蠔,只有辣白麵豉湯汁微辣但配料不辣。蘿蔔爽甜好食過蠔,蠔肉腍劈劈帶腥。清酒煮蜆,沒有海水咸鮮,瘦瘦蜆肉欠肥美動人,鮮甜味薄弱削削。炒日本苦瓜,勁多砂糖鋪係表面,爽微有甘味,太甜唔好食。牛舌串燒,咸咸乾硬薄切牛舌,食過彈滑牛舌心已返唔到轉頭。雞腎串燒,硬實乾鞋過熟,給多一點牙力吧!燒雞翼,皮脆肉嫩,好味道!只是海鹽略咸一點點。蒲燒鰻魚,過多的醬汁甜淋淋,混濁不舒服!瘦弱鰻魚肉偏乾不夠肥美,魚脂不足。燒香草羊架,正常微脂微羶,肉香爆汁,厚厚啖啖肉一入一出,方便快捷,美味禮成。蕃薯天婦羅,似乎太生,炸粉如紗鬆化,蕃薯爽脆怪怪的。白飯魚天婦羅,部份炸過火太乾太硬,沒有外脆內軟的感覺,食不到魚汁。而且味粉似足麥記,搖搖薯條。三文魚海膽炒飯,細妹指定,我對此味沒興趣。珍珠米還可以,都係喜歡泰國米香。微鑊氣加落味單調,飯粒搭海膽鮮甜較可口。三文魚肉乾鞋,香甜欠奉,整體平凡沒衝動再食第二啖。綠茶冷麵,有點濕有點腍,散發少許甜味。跟薑蔥蘿蔔蓉芥辣豉油完全唔夾,食落怪怪的,試試無妨。刺身幾乎全部滿分,但熟食完全低於水平。串燒、鰻魚、清酒煮蜆質素跟御家燒及鐵道場差天共地,老闆真係要到附近認真地調查一下。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-11-24
0 瀏覽
11月 雖然天氣一啲都唔涼爽 但係諗起要食秋刀魚 男朋友專誠揀咗呢間日本餐廳試下 我哋叫 原條秋刀魚 鮟康魚肝 螢光魷魚 幾件壽司 煙肉荔枝串 諗住食到一半 先再叫飯或者烏冬 原條秋刀魚 非常新鮮 雖然唔算好肥美 不過依然鮮味十足 食完佢仲會幫你 炸咗條骨 一魚兩食鮟康魚肝係我嘅最愛 呢度處理得好好 入口滑溜 一啲都冇鞋嘅感覺 另外螢光魷魚 同壽司 都係水準以上嘅 因為聽講 呢度嘅熟食普通 所以我哋主要都會係叫魚生 不過煙肉荔枝串都好味 埋單一啲都唔貴 而且員工都好friendly 絕對係可以返去再幫襯嘅餐廳  繼續閱讀
(以上食評乃用戶個人意見 , 並不代表OpenRice之觀點。)
三色丼定食 $82 (包括前菜、沙律、麵豉湯、飲品) 💛日本餐廳有奶茶咖啡熱朱檸茶檸水係幾有趣💛有無朋友仔同我一樣食刺身永遠只會食三文魚同帶子😂本身唔係特別鍾意食魚既我,都仲係未想試食其他魚或者白身魚!!唔好睇個碗好似好細甘,魚生下面既飯都裝得好滿下🍚每款魚生都好新鮮,超鮮甜,特別係厚切三文魚同帶子😍好爽口,一啲都唔腥,真係賣飛佛💛 繼續閱讀
(以上食評乃用戶個人意見 , 並不代表OpenRice之觀點。)
等級3 2020-07-07
675 瀏覽
話說好耐之前見過呢間鋪頭嘅時候第一次見到呢個字所以唔知點讀😂😂 有一次食飯嘅時候問個老闆間餐廳個名點讀 跟住佢話叫左 鮨(脂)一 😂我平時晏晝都會食鮨一 因為佢個lunch set好抵60幾蚊包前菜、麵豉湯、小食(如果你係堂食嘅話會包埋嘢飲,但因為我係用網上外賣平台叫所以冇包埋野飲) 而且佢啲嘢食都好有水準😍佢個沙律嗰個醬汁酸酸地 但係好開胃 而且佢平時小菜嗰啲會有螺頭或者中華沙律要睇吓佢嗰一日係輪到啲咩小菜 佢個烏冬個湯底唔係濃湯或者係嗰啲味精湯 而且佢個烏冬好滑同埋煙韌 睇相都見到塊吉列豬扒好大塊 食落去仲好脆添 外賣都有咁嘅水準確實唔錯 繼續閱讀
(以上食評乃用戶個人意見 , 並不代表OpenRice之觀點。)
等級1 2020-06-03
661 瀏覽
食過幾次,食物新鮮 。整體滿意但預先訂座比較好!雖然地方唔算大,但都坐得舒服價錢如果2人食五,六百蚊左右,但值得一試!疫情期間 .. 食完店員仲送咗枝消毒噴霧比我地 多謝哂 繼續閱讀
(以上食評乃用戶個人意見 , 並不代表OpenRice之觀點。)