鮨一日本料理 (翠怡花園)

營業中

休息中

以前成日會來位於太和嘅呢間日本餐廳度食Lunch，會叫佢嘅鰻魚飯，佢包左沙律，味增湯，仲可以追加三文魚。不過而家對食物嘅追求高左之後就少咗嚟呢間度食了。因為佢嘅味道只係屬於不過不失，維持生命咁樣，而且日本野都唔算平。佢嘅鰻魚飯如圖所見，個鰻魚嘅份量非常多，佢嘅醬汁都幾好味，可以送飯，佢嘅鰻魚係厚肉嘅，比較淋身，上面仲加咗啲白芝麻。追加嘅三文魚味道非常之普通,類似連鎖壽司店嘅質量，你可能會話咁平你仲想點呀，都係嘅佢算係一間小店唔可以要求咁高嘅，不過就唔會再食咁解囉。

每逢假日，都經常來這間日式料理開餐食中午飯，而每次都會選擇鰻魚飯套餐，這裏的套餐很豐富有前菜，沙律，湯，飯，飲品，加$6還有三文魚刺身，重點是鰻魚，份量很足，肥美，每次都捧着肚子走

原本今晚打算玩自閉，想一個人靜一下，休息一下！ 剛瞓完午睡，自由情侶就話約出來係大埔食晚餐，順道接收托她買的手信……同埋我地都好似好耐冇見面了……好在我有2手準備，一定要知道大埔有冇咩好食店，朋友一場0黎到大埔，點可以唔去食好野……之前0黎食《鮨一》，係食晏 ；今次就同自由情侶去晚餐啦…清晰又易見的燈籠《鮨一》加拿大海膽手卷$65鰻魚手卷$25Cheers 青瓜小卷$28定食沙律及小食日本蕃薯拼南瓜天婦羅$52六貫目配三色刺身定食$148吉列豬排烏冬$62喜歡去有誠意有質素的食店，知道自己胃仔唔係大，食番有質素，好味又有誠意的食物，好過去食放題。 係唔係開始『咀刁』了嗎？

一坐低bar位望到個魚生雪櫃入面有只死左geh烏蠅已經知道伏嘎啦。同左waiter講 跟著waiter叫個魚生師傅拿只烏蠅出黎。OMG佢仲要處理食材嘎！跟住order左個魚生飯 飯同魚生分開好奇怪 碗飯仲要係熱嘅。唔知係咪我孤陋寡聞未食過熱飯送魚生。總之唔會再來。d食評唔知點黎嘎。環境衛生都好差。唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉唉

同同事嚟到呢間位於太和嘅日式小店，店鋪面積唔算大，有一邊bar枱位同幾張枱。午餐定食多款揀，熱食又有，魚生飯又有，任君選擇。🔹五品刺身飯定食 $92每個午餐定食都有前菜、沙律、麵豉湯同飲品附送。前菜係中華沙律，有少少偏鹹；沙律菜新鮮配上醬汁幾開胃。五品刺身飯包括：甜蝦、帶子、三文魚、八爪魚、白身魚（每款兩切）刺身新鮮鮮甜，不錯！但呢個餐係配刺身飯定食，所以白飯係熱食，個人覺得魚生刺身飯都係配醋飯適合啲。📍鮨一大埔翠怡街3號翠怡花園B座16號舖．．環境分數：7/10食物分數：7/10Encore分數：7/10

呢間日本野細細間，都幾有日本嘅風味，每次lunch Time都有好多人食好好所以有時都要等一陣位，不過咁都係代表佢質素唔差。Lunch Time除咗定食之外，都有壽司刺身烏冬嘅選擇，因為揀唔到食咩好，所以就揀壽司定食配烏冬。本身壽司定食係會有一件腐皮壽司，但係我個人真係唔食腐皮，所以問店員可唔可以換其他嘢，最後佢哋都好似換咗一件白色嘅魚俾我，都幾好食架，不過唔記得咗係咩魚😂好開心呀。一個套餐仲會有沙律，前菜，面豉湯，同埋嘢飲，所以都幾抵食

鮨一是我和honey間中也會來午餐的地方。原因是這裡的午餐性價比頗高，而且離我家很近鮨一的午市/套餐定食都包含了前菜、沙律、麵豉湯及飲品，而且午市沒有加一，所以挺划算的。另外午市有個特別優惠，凡惠顧任何堂食午市定食加三片三文魚刺身只需$6。今天我選了「三色丼定食」（$78），而honey 揀了「日式咖哩雞扒飯」（$62），當然我們也享用了$6 三片三文魚刺身這個午市限定優惠。三色丼定食有4片三文魚、3顆帶子、2隻甜蝦及少量蟹籽。三款刺身及蟹籽也非常新鮮，尤其是帶子，很鮮甜，這種鮮甜的味道實在不容易在其他地方吃到。平常我不大喜歡吃甜蝦的，本想2隻都給honey吃，但淺嘗了一口後發現還不錯，可能是夠新鮮吧，吃起來就是不一樣，所以最後跟honey 一人一隻🤣 唯今天的壽司飯好像酸了一點，可能下醋時重手了🤭Honey 的咖哩雞扒飯也很不錯，雞皮很香脆的，雞肉有醃過，所以也很入味。而咖哩是日式那種微甜的咖哩，因此是不辣的，混合珍珠米一起吃，口味很日式🎎，我挺喜歡的整體來說，性價比很高，尤其刺身食材一定要試試😋

食過20次以上，午餐同晚餐食物都好味，魚生海產食得出係新鮮，而且餐廳有塊黑板每日寫有不同時令海產，係值得讚嘅！聽過老闆會親自解釋今日食咩好啲新鮮啲，食依隻海鮮或食物建議配搭邊一種酒等（對其他客講）午餐平均60-80有齊全套前菜飲品正餐，算係豐富，質素都不差！亦係我成日去食的原因但晚餐食過5次真係麻麻..價錢貴一半之餘，食物同午餐一樣質素，且份量更少，最離譜食過一串燒銀鱈魚，$42得5塊手指甲大小厚薄的魚... 係好食嘅 但未至於份量咁少掛 而且燒左口魚（蝶魚邊）比元氣價錢貴一倍 但細好多！食完好似食空氣咁... 以後唔想去食晚餐，感覺比以前差了

坐位安排有問題，員工態度惡劣!!!用餐1.5小時，要起身讓位3次俾人入，坐位安排奇怪。再者為了送餐到入面4人座位，經常用手撞向我不只一次。向餐廳女職員表達改變送餐位置，她表示為了方便要在我後面送，再加2個字”算啦”。好似表達同我解釋都費時。 FINE ,講算ge應該係我，我俾錢黎食飯仲要受你氣。多謝哂！依餐唔叫貴，我個餐$14x，食物都正常，但我覺得唔值！！食餐飯又俾人撞又要起身又要受人氣，一張相都冇影，冇心機影！！

平日去細細間好快都坐滿，環境舒服，好欣賞員工態度，我飲好多茶，每次未飲完都主動斟滿一滿，唔係好多地方做到 燒鰻魚 好好味炸蝦反卷食落都唔感覺好熱氣味道好好 燒雞泡熱熱的 佐酒一流 可惜太飽未試到其他食物 下次會再黎

每日未到6:00就已經有人排隊一開門就已經爆場場內得18個位 夜晚去要趁早有一次夜晚去要等成一個鐘今次轉食午市1:30pm去都有好多位！入去睇下餐牌 午市唔洗加一 幾抵價錢由4x起 有野飲 唔貴又食到高質魚生😋午餐 +$6 有三件三文魚刺身!!! 唔劣架 都ok厚身 味道好鮮好有口感！想講下佢個wasabi好特別！有芝麻係入面 外表睇唔出架要落左豉油先會浮出黎 食落口感好好餐嘅會有前菜 好豐富和風牛肉定食($48) 好普普通通 啲牛有點乾身 黎呢度都係食刺身好三色刺身飯 ($78)有蝦 帶子 三文魚 好有厚度架！如果飯多d就一定飽！$6 就食到又厚又肥美嘅刺身

大埔雖然食店林立，但近太和呢邊就好難講，仲要係日本野喎！呢度嘅嘢食ok，燒比目魚調味剛剛好，外脆內juice，而且擺盤不俗。朋友嘅魚生飯就話唔夠新鮮，普普通通合格咁啦。環境亦坐得幾舒服，如果用埋日本米就更加good，加油！

Yo!諗住兩個女仔食晚飯就食吓日本菜，無咁肥膩丫嘛，點知兩個人食咗成接近$800🤣🤣🤣🤣第一轉諗住食啲清清地，唔好大重味道嘅食物，咁我地就叫咗蠔同刺身啦！嘩！廣島真蠔$68隻，有我手掌心咁大囉，而且又大又甜，一啲都唔腥👍🏻我分開兩啖食佢，啲海水鮮甜味完全覆蓋晒我嘅口腔😋😋😋😋😋😋池魚刺身$198嚟個係朋友仔想食，我唔多好嚟款魚，不過佢口感唔錯，清得嚟有少少甜味，唔錯！食完個池魚刺身個待應會問洗唔洗炸埋個魚骨，大家記住一定要炸丫！因為真係好好味🤣🤣🤣🤣因爲我鍾意食熱氣野🤦🏼‍♀️到第二轉嘅時候就叫啲飯啦！加拿大海膽壽司$68件好甜！好甜！真係好甜！海膽入口即溶，而且海膽勁甜一啲都唔腥👍🏻吞拿魚腩碎反卷，唔記得價錢🙈嚟個不過不失，唔特別出色到最後一轉，我地當然叫燒物啦燒鰻魚$88勁香口，勁肥美，一啖咬落去啲魚油充斥住成個口，每咬一啖啲魚油就會深落舌頭，好邪惡😏燒雞翼我鐘意食🤣🤣🤣🤣純粹個人喜好🙈所以叫嚟食嚟個係朋友喜好🤣🤣🤣🤣🤣如果大家去開大埔可以試吓嚟間嘅晚餐，雖然佢貴就貴啲，不過食物質素真係唔錯！

這天約了兩位好姊妹吃飯聊天，閨蜜夜去哪好？似乎日式餐廳是頗有情調的選擇。火炙三文魚味道出色，稍微燒過的表層滲出魚油的香味。不同種類的串燒約十多至二十多元串，價錢不算便宜，但味道卻十分出色，牛舌及雞串燒的時間恰度好處，一咬入口立即迸發出鮮味肉汁，外脆內嫩！豬肉片包蔬菜也好脆哦！壽司刺身飯等亦不讓人失望，小小的店，溫馨的對談、想想未來。叫了日本清酒，酒瓶設計也很有心思，美麗的藍色與透明交織，中間的小洞藏著冰，讓你慢慢品嚐也能保持冷感。

有朋友嚟過話幾好咪諗住試下囉。。。點知。。。壽司師傅咳無帶口罩....個位置就係拎蠔出嚟嘅同一位置...好懷疑d食物已經有佢d口水囉...有個化濃妝嘅職員仲要笑笑口...好古怪!