魚翅大排檔 (已結業)

前幾天去創興廣場唱完k餓餓地,見到魚翅大排檔d二人餐都幾平,咪入去試試,其實二人餐有3款,個伙計就推介$268那一個(佢一d都無硬銷五百幾那個二人餐),但我地最終都選左最平$218套餐,個伙計一d都無面黑,還很好笑容!可能閒日,全程照顧週到,仲會埋來傾計,問你意見咁呀!(套餐包括:翅一煲/鮑片海參煲/小菜一碟/炒飯兩碗/糖水兩碗)翅一煲:估唔到都幾多翅,一煲都裝到三碗,好味!鮑片海參煲:淡左d,但d料都好足小菜一碟(選了雞肶菇豬頸肉煲):整得幾好味,但多油左d炒飯兩碗:無咩材料,用蛋、薑、蔥炒,可改白飯撈翅糖水兩碗:當天紅豆沙/腐竹雞蛋/綠豆任擇,味道麻麻!總括而言,連加一埋單$240,好抵食,對於我倆胃唔大,剛剛好食得哂,真係好抵!但可能該商場在裝修, 冷氣唔夠大,食翅時食到成頭汗!

我幾日前去食晚飯，無mud選擇下唯有order 個二人套餐。嘩!D又貴又唔好食，煲多dd，另外個雞煲仲係用雪雞。唔怪得8點鐘左右就已經得番好少食客。

同一大班朋友來吃晚飯，如果不是朋友推薦要來，都唔知有間好係呢到。我最impresse d是個子薑雞及炆花膠。子薑雞好滑，好香。花膠大大塊又彈牙。下次一定帶埋屋企人去試下先得。

閒日同阿媽吃下午套餐. 真係有一片片小魚翅, 但湯就麻麻o地. 餸好細碟. 但凍飲好大杯. 環境幾靜. 侍應好快收拾枱面.