魚一丁刺身居酒屋 (已結業)

15/8/2008生日飯，結果來了魚一丁！ ^^ 這裏的食物份量十分大，可以說是足四人的份量，我和女朋友二人只是點了三款食品，但也吃不完，要打包。1) 一丁拉麵沙律女朋友特別喜愛這個，配以麻醬，很香。很喜愛番茄、生菜，拉麵很有質感咬口，很不錯呢！2) 海鮮豆乳蒸蛋很愛吃雞蛋的我，對這個讚不絕口呢。豆腐(乳？)的味道很濃很香，蛋很滑，材料鮮甜。非常好！3) 鱈場蟹粥這一鍋粥味道偏濃(甜？)，不太合我和女朋友的口味。份量很足呢，結果，打包了。很滿足的一頓飯，多謝你！ ^^

蟹湯：咸左少少，叫侍應加了一點熱水調和一下，味道才淡一些，但蟹肉夠多，玩了１５分鐘才可以吃完芝士焗雞：好香ｃｈｅｅｓｅ味，都幾燶刺身：幾ｆｒｅｓｈ，成舊水，所以唔係幾抵食～整體係講：麻麻地，一般！唔係咁明點解成日都有人排好長隊黎食！

因為男朋友鍾意食日本料理~見到食評介紹~今晚決定去試一試~之前行過尖沙咀LCX的魚一丁~次次見到都好多人等.....所以應該都好食啦~點知!!!!!!!!!!!!!!!真係有d失望.......好普通~麻麻地!!網燒牛扒 : 呢個最唔好食,佢話7成熟~但肯定無~入口好似8,9,成熟~有d老.....燒帆立貝 : 普通,可以唔試日本黃金味噌燒蠔($60) : 有3隻~但好細隻散叫左幾種壽司 :呢個值得一讚~幾新鮮~天婦羅盛合 : 可以接受~炸粉很小咁包住d天婦羅由於平日7點幾去食~所以唔洗等位就入得~上菜都很快,服務都ok~叫左以上食物,埋單四百幾~我覺得咁既質素............唔係好值~所以應該唔會試多次啦~

星期五晚又和薑餅人去附近醫肚， 去到薑餅人已叫了支松竹梅和十款刺身船。十款刺身有三文魚， 閃亮亮的吞拿魚， 魷魚， 帶子， 北寄貝， 兩款白身魚， 蝦， 八爪魚和時令秋刀魚。 最愛是鮮美香濃的秋刀魚， 肉質細膩嫩清， 沒有丁點腥味。另叫鰻魚和秋刀魚箱壓壽司和鹽燒香魚。鰻魚肉嫩汁不過甜，壽司飯分量十足。 秋刀魚味濃帶醋酸， 但還是愛吃生的， 熟的吃落帶點腥。鹽燒香魚有點過咸（order前侍應已提點）, 但用來送清甜的清酒就恰到好處. 魚肉比較實但不會鞋, 魚旗燒得香脆, 不消一會兒薑餅人和我已將條魚吃剩一條主骨吧!

一直也愛吃日本料理, 而且近公司, 所以每月也會光顧一兩次。這次4人同行, 由於打電話訂不到bar坐, 所以今次乾脆坐散檯。近來魚一丁都人頭湧湧, 這陣子又多假期, 如果不是為了吃蟹腳也不來。 慣常好味的有一丁拉面沙律、刺身、蟹腳。退步了的有牛肉鍋, 牛肉料上台, 賣樣不太好, 七凌八亂, 大打折扣。還有天婦羅, 天婦羅太硬了, ...還有服務, 或許人客太多手腳慢, 可是也不應連碟子多得掉在地上也沒有人來收.....斟茶也要喊兩次耶希望下次再去會有新景象.....再退步的話, 也不再來了。

第一次食呢間，間隔OK~頭盤一開始order o左個刺身船and壽司。刺身有十款，夠新鮮又有特價~唔錯!而壽司只試了幾款。值得一讚的是大拖羅，水準之上!海膽合格，但玉子就可以不用試了~ 接著點了三款熟食。首先是金馬倫卷，用麵包包芝士炸OK有芝士味~但略嫌件數少了點。跟著自覺得是今晚最好的...芝士免治雞。瓦煲上燒汁底，免治雞扒上加上芝士，賣相以經唔錯，誰不知內裡還有驚喜~用匙羹切開發覺完來裡面包有生雞蛋，一口充滿雞肉雞軟骨加上雞蛋的滑溜，口感一流~還充斥著濃濃的芝士燒汁味，十分滿意!最後來的是燒池魚。燒得有水準，肉香夠味~GOOD!! 美中不足的還是有~九月份特價的雪場蟹腳竟然無晒，都幾失望~不過服務算唔錯，加水密，有禮。呢度平返分啦~~下次值得再來!!

開學前一天，為食蛋梗係盡地一煲食盡佢啦，第一站去左魚一丁，未試過～我叫左鯖魚定食，Ｄ魚皮真係好脆，加埋Ｄ汁真係幾好，但可惜飯，汁，魚的分配不平均，汁同魚太多，飯太少又「索」哂Ｄ汁，好鹹（到而家過左八粒鐘，陣味重係度）～老友叫左個魚生＋秋刀魚定食，魚生好新鮮，秋刀魚一到，老友就問：「下，冇汁架？」拿，真係吾得～仲有個麵豉湯，好鹹。。。。不過坐得幾舒服，但我會比較喜歡惠比壽。

25.08.2008 (一)3人 6:45pm左右早,,入到去好似得一枱客,,都冇咩人,,想坐他他米.Waitress話俾人book晒,,咁坐普通枱na,,咦!坐底左,,有個經理出現,,問我地係咪想坐入去,,突然話啱啱有人canel左張枱,,之後就安排左我地入去~Hee hee,,咁就算入到去冇特別好坐,,但我地食左頭半餐都未有人入黎坐,,附近冇人~ =]如果坐出面..就要同唯一一枱客一齊坐,,感覺就會有d冇咁好na 不過到我地買單走..8:45pm左右,,他他米都冇坐滿,,前後左都冇客(右面冇枱)好似有d俾waitress騙了,,咁多人打黎canel..?但一路食一路有waitress加茶,,不時替我們收野,,雖然欠缺左啲笑容,,都幾好自家製豆腐又凍又滑,,食落很舒服~不過豆味冇乜,,附上啲木魚,蔥,盬,,其實冇乜豆味就係冇乜豆味..但都可以一試na一丁拉面乾身,,唔會腍,,都幾好,,D生菜同蕃茄都好新鮮(Good)不過鐘意韓式的冷麵,,不會再叫這個,,不對味煎蛋卷好多件,,件件都好厚同蛋汁,,好正抵食!金馬倫芝士卷暖既?!..咬了一口,,不喜歡,,炸物不好吃吃一口也嫌多,,那麼肥,

八月二十一日本身諗住係ELEMENT睇完 3D地心, 去尖咀食魚一丁架MA點知.... 汁左-口- !!九龍得番九龍灣有,叫左平時食開最既送,1). 燒玉子 印象中尖咀果間好好食, 好滑呢間有D燒得耐左小小, 冇咁多汁,但都OK2). 魚一腸之前見到有人介紹 , 咁未試下以為好大條架, 原來好幼自己剪, 好驚爆晒D汁出黎-_-佢俾你點果D汁 好好味 !!D腸好翠 ! 唔錯架真係3). 一丁沙津唔想次次都係食沙津拉面未試下呢個, 都OKAY既,有D蟹肉 ,三文魚,蕃茄粒 ,不過都係中2沙津拉面多D =P4). 蟹肉粥呢個冇影到相, D湯底好飲 有蟹味 ,相反D蟹就開始冇咩味, 如果2個人每人都有3-4碗,幾抵食 都唔差2人埋單共$320, 價錢都OKAY啦每樣都$5X-7X之間,不過始終都係 尖咀好 !! 可惜..今日中國女排對巴西,唉 一食完 D人就話 ;即刻 .. 冇晒心情 ,嗚嗚

點了鱈場蟹、辣吞拿魚卷、三文魚刺身、牛肉炒烏冬、燒帆立貝、網燒牛扒鱈場蟹 夠甜!!!!!!!!!!!!!!不滿重點是服務生的質素口喝就先點了杯梅子青檸酒, 問Waitress這種是不是帶甜的她回說「小姐, 酒喎」我答: 「五種味道, 青檸味是否較甜?」她又說:「小姐, 酒點會甜, 酒喎」..........起初我以為我少見識, 一飲, 原來係甜既..........後來追加一樽 sake, 要熱的結果隨便用一膠筒將之溫熱沒有附上毛巾印水已經不專業叫了Waitor 等如白叫. 到埋單,毛巾都未見影................之前女生聚會試尖沙咀的分店, 食物質素、裝潢、服務都不錯轉了場就落得此劣評, 希望集團以後有所改善, 否則以後可以不用去了

六月廿六日(三)今日Lunch過左去德福二期魚一丁度食，之前老婆都提過尼間店但始終都未食過～　去到望一望個餐牌第一個感覺係都幾貴下~ ~" Lunch 都成$80-$90一個定食 本來想揀牛扒定食，但黎魚一丁都係試番魚，於是選擇左燒鯖魚定食～燒鯖魚定食($90)燒鯖魚叫得做魚一丁D魚果然係整得唔錯，魚燒得金黃，面層夠香內裡肉質亦保持到嫩滑，食舊鯖魚都好好食～刺生盤包括：三文魚、吞拿魚、蝦、八爪魚三文魚非常新鮮，夠魚味，不過細塊D~吞拿魚唔識食，都幾新鮮，始終覺得三文魚好d~蝦亦都新鮮，幾甜美，唔錯~八爪魚之前食八爪魚一向覺得好靭，今次係第一次食到好食既八爪魚，八爪魚煙靭得黎唔會咬唔開，非常好～茄子賣相好好，整成魚形狀，本人其實唔食茄子，但見佢整得咁靚於是試試，發現好好食，唔會有平時茄子食完果種令口苦苦地感覺～哈蜜瓜非常鮮甜，老婆係度就好，佢最鐘意食~$90個Lunch真係一d都唔平，間唔中一次好喇~ ~"

以前只係去過TST魚一丁, 覺得好正. 今日行完德福, 諗起呢處都有Iccho, 就入黎試下TST有一個缺點就係好多時lunch set show 出黎有8 set, 但好快就只有4-6 set left. 德福呢度就齊哂8 set. 由於唔食得生野, 我叫左牛肉炒野菜, 燒鯖魚set. 無幾耐就上菜, 牛肉睇落好小, 同埋顏色唔靚, 但食落卻係最對胃. 個燒鯖魚熱就熱, 但又乾又硬, 又無魚香, 比吉野家的還差. 咬幾啖就唔想食. 碗白飯好濕下, 有d 失敗, 飯都可以煮成咁. 連餐飲加一, $96 waitress 好快手, 唔錯

早兩日兩口子行開呢個商場, 行到咁上下已經到晚飯時間, 於是師傅又四圍睇下有咩好食啦, 左揀右揀, 挑挑剔剔之後, 最後師傅決定食日本野; 而呢間食店師傅已經好耐冇去, 主要原因係覺得唔平, 但今餐決定食好少少, 所以就豁出去!去到門口, 侍應好有禮問幾多位, 師傅就話兩位, 跟住侍應又問有冇訂位, 師傅當然答冇啦, 但係心諗如果有訂位實第一時間行埋去即講架, 點會唔講呢? 所以都覺得呢個侍應幾騎離! 坐底後兩口子即刻商量下食咩, 有幾項大類決定唔食之後, 最後就柯打左一丁拉麵沙律, 燒帆立貝, 炸特式芝士薯餅, 陶板蒜蓉牛肉粒, 銀鱈魚西京燒同埋一杯巨峰梳打! 等左一陣最先登場嘅係一丁拉麵沙律, 一丁拉麵沙律係用一丁公仔麵配上生菜, 雞絲同蕃茄, 加埋麻醬撈勻而食, 味道相當搶口, 一丁公仔麵整得煙煙韌韌, 好爽口彈牙, 加上生菜夠清, 蕃茄夠鮮甜, 一d都唔腥, 雞絲亦唔鞋唔韌, 加上份量唔少, 好味抵食, 而麻醬亦係自己調味, 想點就點真係唔錯; 接住落黎係燒帆立貝, 一客有兩串, 每串有四粒, 帆立貝好鬆, 一d都唔硬, 但係燒汁就幾濃味, 所以咸左少少, 可以啦!至於炸特

星期六接老婆收工，好似好耐冇食過日本野就簡左魚一丁食，e+用aeon卡好像有9折，可惜我冇，看倌們有既可以慳返d午市餐選擇都幾多，有10款度，我就要左燒牛肉，老婆要饅魚飯先講燒牛肉，肉味唔錯，可惜邊位的油分報不平均，會有一兩舊係牛油唔食得不過配埋生菜包一齊食正好中和返，不會太"鞋"，就算燒過七成熟都算嫩但配白飯食就有點怪，又要落手食又要揸快子，同埋我覺得好食的牛咩都唔落先最好食講返饅魚飯仲有驚喜，唔同一般坊間的饅魚，佢的皮燒得很rock rock趣，油香醬濃，十分好味，我覺得算係誠意之作每個餐埋單100蚊度，用o岩卡仲有9折，抵食添啦

真係好食, 魚生新鮮, 食物賣相精美, 不過都幾多人, 同隔離檯又唔係隔得遠, 價錢都中上, 如果唔係 d 野好食, 就唔值啦不過 staff 態度好好, 都有加分