魚一丁刺身居酒屋 (已結業)

星期日同左女友去左呢間店食晚飯,叫左個$20o既刺身拼盆,有三文魚,鱆紅,帶子,甜蝦,超抵,而且幾新鮮,但另叫o既壽司一夾即散,完全唔合格,其他野食都唔錯,個八瓜魚餅同炸薯餅一定要試,兩樣都係king size,好好食,兩人埋單$400到,飽到食唔曬,算抵啦.

有同事生日, 去咗魚一丁食lunch。我的set lunch：二色定食： 有牛肉飯、拉麵沙律 (我晚市去必食的)、2隻炸蠔、味噌湯。個牛肉飯都幾多牛肉, 個汁好好味。個拉麵沙律同晚市一樣咁正, 不過個都係唔夠麻汁, 都係要叫佢比多一碟仔麻汁比我。炸蠔出奇地唔”粉”, 好食喎。個餐包一杯飲品。個餐$88 (另加一), 我地6個請一個生日。經理出奇地有8折coupon, 所以請埋同事都係每人$90 。serivce好, 個經理同我地講定今日比較多人, 有某幾個set lunch會等耐d, 可以叫住先 (果陣我地未齊人嘛)。Refill水都好密。

薑餅人在上海工幹了一星期, 他回來香港那晚, 已經為自己鎖定及安排在魚一丁吃喝一番.多得師傅的悉心安排, 是夜我們吃得甚滿足, 師傅不停地送上精緻味美的食物, 我們吃了不少刺身, 實現了很奢侈的「吃刺身吃飽」的慾望.貪喝的薑餅人縱使下機很疲累, 也要叫了兩樽梅酒伴吃. 紀州綠茶梅酒比較清, 也真的嗜到綠茶的甘幽, 配上剌身也還可以.驚喜一開始已出現, 師傅遞上一個黑色格子, 分別盛上三款開胃菜, 從右邊的熟營光魷魚配醋汁, 中間的蟹肉蝦肉配湯汁啫喱, 到左邊的炸蓮藕片櫻花蝦沙律.不要小看嬌小玲瓏的營光魷魚, 它們鮮甜香濃, 熟的還不夠後來吃生的吸引.蟹肉蝦肉湯汁啫喱清甜涼快, 而櫻花蝦在整個沙律上有畫龍點睛的作用, 很愛吃這些咸香的蝦毛仔.之後師傅帶來兩款蠔, 有連殼上的廣島蠔和裝在玻璃小碗內的珍珠蠔. 雖然我不吃蠔, 但亦因此益了愛吃蠔的薑餅人, 讓他吃了二人分量, 夠滿足吧!我試吃了丁點珍珠蠔, 但還是接受不了蠔的獨持味道, 哈哈~接著吃到魚了, 是身型甚fit的針魚, 師傅細心地將每塊魚肉中間夾上一片香葉, 吃來帶點甘香. 針魚魚肉細嫩, 味道屬較淡的一種魚類.之前說的生營

阿女生日，她話食壽司，就一行四人去魚一丁。之前都去過幾次，最愛一丁麵，故棄選和民就選這間。六時多去到，人不多，座位位置不錯，七時齊人就叫野食，叫了一位男待應，我們點菜時，他沒拿紙筆寫低，以為他記憶力高超就算，點知叫了三樣左右，先拿紙筆記錄，並要我們重覆之前所點的菜式.....結果......都是漏單，漏了想食的魷魚餅一次漏單可以原諒，之後阿女想飲野見熱情果冰是橙色，她就選熱情果冰飲，跟住一位女待應送到一杯綠色的果汁，她說青蘋果冰，我們就說我們要熱情果冰的，她竟可即時改口話這就是熱情果冰!!!????我們拿著menu的圖同另一位男待應說，這杯綠色的是青蘋果冰，我們是點熱情果冰的，他第一句就說我知呀！就睇下你們介不介意。真是氣結了！這不是介不介意的問題，是你們連番出錯呀!!!在我們堅持下，之後，先換回正確的！到最後，當然想食下甜品啦！就叫了兩個單球雪糕，一個綠茶大福(不太記得個名了)，我們就等呀！等呀！等呀！等了三個字，連一個單個雪糕都沒有，又再追問，男待應就說水吧那邊唔見左我們這單.....!!!???這時候，都沒心機再糾纏了，惟有撤退....到了門口，實在不忿，同出便門口的員工投訴一番

與友人難得一聚當然相約食個飯，地點在九龍灣的魚一丁。八點幾來到，人客很少，大部份座位均是吉的，難道平日的夜晚德福就是如此？兩個懶人看一看餐牌，最後決定都係懶得諗，點個二人餐便算﹗先來的是三式刺身，刺身有三文魚、甜蝦及帶子，三文魚油份足，食落味帶脂香﹔帶子鮮甜爽口腍滑﹔甜蝦味道則較淡，不及另外兩樣好吃。之後是海膽芝士豆腐，兩條大鄉里見待應放低仲心諗佢有冇俾錯食物我地，明明係豆腐點解一個二人餐得小小半件？左諗右諗下原來係弱智的誤會，海膽芝士豆腐其實是那半件芝士的稱謂，是用來塗上多士來吃，同我地兩個心諗有件豆腐食真係差天共地，芝士入口有海膽甘香，味道濃郁而creamy，很滿意，找到未試過又好味的食物最令人高興。再來的有天婦羅一客，有兩件蝦及茄子，佢一上枱我地已經即食，可惜咬落已凍，應是炸起後已放了一段時間，不是即點即炸，失望的天婦羅。接著是牛油元貝，很大粒一開四，以小爐佐著慢燒，味道鮮甜，可惜我地燒得太久比較韌，建議略見元貝變色便吃一定更好味﹗熱盤是芝士土豆雞塊，面頭淋的是燒汁，入口惹味開胃，雞肉都幾多質感嫩口，先經炸過食落皮脆更香口，伴以芝士燒汁同吃真的相當美味，二人都說好吃不過又叫好肥，

之前係魚一丁食lunch，點知lunch無特大煎蛋卷（我係為佢而黎），只好晚上再黎過星期一有特別優惠，壽司平Ｄ，特飲甜品半價，可惜尋晚太凍，如果唔係一定要點壽司：叫左左口魚，鰻魚同三文魚，全都很一般，不值$15-20一碟特大煎蛋卷：不負期待，八大件，又熱又好味，不過味道偏咸，我都係鍾意甜Ｄ的蛋卷陶板腸：我覺得這個也不錯，賣相特別，要自己煎，好有滿足感，鐵板上的脆皮腸又脆又熱，跟芝麻香料也很搭蟹粥：一Ｄ都唔似粥，水還水，米還米，正確來說係泡飯，味道偏咸，沒有蟹的鮮味，味道以$97來說是偏貴，幸好份量都算多，我覺得除了媽媽私房菜外，泳池餐廳的蟹粥才是最好吃的我都係覺得lunch set抵食，$78-$138就有一個定食，上次食過鰻魚定食($88)，除了有湯有野飲外還有一碟三文魚刺身，鰻魚份量多，又夠肥美，真係好抵食，沙漠王子點的三壽司飯定食也不錯，而且見其他人點的都很正點可惜有很多正常menu的菜式都要等晚市先有（例如鎮店之寶煎蛋卷），不過午市有其他較細份的小食，煎蛋卷$18/4件，味道也不錯，不管是價錢或味道都是lunch比較好啊！德福分店裝修很好，很雅緻，不像羅素街那間擠迫，服務也很好

一丁拉麵沙律必食, 已經唔駛經大腦就叫芝麻醬一流 特大日式煎蛋卷每一次每一次都食..60蚊左右, 好多好香好軟, 當你明白蛋有好多整法而日本呢一種係比較特別 又巧功夫時..你會發現呢個送好okay ! 唔知咩腸之前睇人叫左, 好似有人介紹 , 就試下真係又唔差, 自己,味道好似大街5蚊一d果d台灣腸咁不過幼d, 脆d,多汁d 蟹粥好足料 ! 好似98蚊好多蟹腳 多蟹肉又fresh, 仲要d粥好軟 , 2人晚餐,係未多野左小小

與父親大人到魚一丁午饍, 見假日午市定食只得四人和六人餐而沒有二人餐, 有點失望呢! 眼見鄰枱一家四口食客點了豐富抵食的四人餐, 得個望字 是日點了鰻魚籠仔飯定食, 有一籠鰻魚飯和三文魚. 鰻魚飯沒啥特別, 反而三文魚新鮮美味. 小食有蘿蔔汁雞, 味道像廣東老火湯, 但實情味道都不錯 當鄰坐食客點了綠茶雪糕作甜品, 又得個望字

好耐冇食日本野..咁岩老細唔係公司..約埋幾位同事..去左德福廣場食飯..落哂嘴頭..終於都係去食日本野..咁岩見到魚一丁冇咁多人..就快快排隊入左去..一行三個人..佢地安排我地坐埋面..(要除鞋...)一人都係叫一個定食..一個鰻魚，一個網燒牛肉呵呵..仲有我既魚生飯..可能真係好耐冇食日本野..加上佢地魚生好新鮮..真係望住D 口水都流哂出黎..反而我其他既同事既野食就一般...魚生飯..正呀!!而家佢地做緊優惠送coupon..個coupon如果一個星期內再黎食既話就有七折!鍾意日本野既朋友就唔好錯過喇~~

25-9-2009有事要到九龍灣一轉, 搞掂後到德福食個 dinner, 難得朋友陪我過到嚟 星期五的 7:10 pm walk-in 當然要等位啦, 最後亦等了好耐, 坐低都差不多 8:00pm 了 @_@特大日式煎蛋卷: 我同朋友的至愛, 每次必叫, 是日亦做得熱辣多汁, 軟熟又香甜, 正 一客有 8 件, 其實 3-4 人 share 都夠, 不過我哋兩個人一樣食得晒, 食完勁滿足呢 鹽燒希靈魚: order 時店員已「警告」會好多骨, 嚟到果然... @_@ 燒得夠香, 魚肉食落唔硬又幾濃鮮, 但實在好油, 加上超級多骨, 食得幾吃力.一丁拉麵沙律: 上次世貿店的「好睇唔多好食」(http://www.openrice.com/restaurant/commentdetail.htm?commentid=1968591), 呢度的就「唔多好睇但幾好食」-- 拉麵無鹼水味, 煙韌彈牙, 自行撈上香甜的麻醬, 食唔停口! 不過 d 蕃茄就酸得有點「乸」喉, 可惜.冷稻庭烏冬: 扁身的稻庭烏冬質地幾滑溜, 食落亦煙韌, 不過無乜麵粉香, 紫菜絲亦係無味的; 麵汁夠

今天是我和薑餅人拍拖十年的大日子， 真的。。。人生有幾多個十年呢， 要珍惜時間， 珍惜身邊的人和事。 雖然原本我只想求其吃一餐便算， 但薑餅人堅持要吃點好的， 也好， 開開心心吃餐滿意的， 是冶療心靈最好的良藥。前一天打了電話給師傅留座， 吃什麼也全交給師傅為我們安排吧！餐前小吃送來枝豆， 烤魚乾和涼伴生牛肉卷， 當然不少得清酒啦， 今次選來八海山。生牛肉薄片卷著相信是蘿白絲， 再加上酸醋汁， 令牛肉不膩之餘反帶點清新和開胃。 之後便送上赤貝和帆立貝刺身， 赤貝新鮮不腥， 帆立貝肉厚帶絲絲口感。跟著來了較淡口的海立魚， 加了帶咸香的三文魚子和酸汁吃， 令味道不會過份單調。深海池魚甘香味美， 池魚一向是我最愛之一。剝皮魚上放上它的魚肝同吃，魚肝味香濃，個性鮮明。再來是時令秋刀魚， 那動人的S型令人確實著迷， 還有帶銀的魚皮閃閃生輝， 有美艷外貌之餘也有內餡。油甘魚刺身兩吃， 分別是原味及加了海膽在面， 油甘魚也是啖啖甘香， 和海膽相輝。看見放在盒子內的牡丹蝦身上放了吞拿魚腩蓉、海膽和三文魚子， 雖然美得像件藝術品， 但也畢竟要吃掉它， 味道豐富又配合。 牡丹蝦頭用鹽燒， 咸香鮮脆

薑餅人臨急臨忙的遠行， 我倆也因而要急急忙忙地吃一餐， 為著令薑餅人有時間執拾行裝。要了五款刺身， 拉麵沙律， 牛立方壽司和炸墨魚軟骨。五款刺身很快便給我們清掉了，拉麵沙律既飽肚又不膩。炸墨魚軟骨澀油不好， 面還是油穩稔稔。牛立方壽司的牛肉粒太韌了， 也有渣， 不過這個價錢也不能有過份要求吧～薑餅人出發了， GOGOGO！！！

果日同好耐冇見ga朋友出去搵食!一直想試下呢間野~so就帶左佢去!!哈哈!!~~我地叫左魷魚餅,上壽司盛合同埋冷麵沙拉~~~!!呢間野雖然價錢偏貴~但我覺得野好好味!!佢d魷魚餅都幾好味~而且好大碟(我記得好似$6x蚊)而壽司合盛個樣就好靚~我得記有三文魚子,三文魚,甜蛋,甜蝦等等~~全部都幾好味~不過d飯就有d散...希望可以改進下....而我最最最欣賞ga就係佢個冷麵沙拉~!!真係好好味!!d冷拉麵配埋麻醬同番茄~真係好開胃同好正!!呢個真係必食推介!!最後本身想試埋佢個紫薯雪糕~~~不過賣曬>"<有d失望~希望下次可以試到啦!!

說了很久要與米飯班主和為食鬼到魚一丁吃飯, 終於找到一天, 出發去了。晚上八時半到達, 訂了檯, 而且已請大師傅仔一早預備了食物, 當晚bar檯一個人也沒有, 可以抓住師傅仔不放了。當晚一共吃了10樣東西, 要花點時間想想。1. 小食: 甜甜的芝麻小牛莠、像漬物甜酸的蒜頭仔、粒粒三文魚(不知烹調方法)。為食鬼不好小食, 只愛大魚大肉, 唯有與班主瓜分。2. 小食2號: 燒雞泡魚乾, 個人覺得很好吃, 鮮甜得很。3. 日式油甘魚頭: 班主和為食鬼很欣賞。小妹則一般, 原因是小妹不喜歡魚皮滑潺潺的感覺, 而且太有"魚"味, 還是伴碟的花形蘿蔔好吃。4. 蟹肉豆腐: 很美味的自家豆腐, 加了蟹肉, 很滑, 想要多一客, 眾人極速便化掉豆腐。5. 雞肉薯茸球: 不知應該怎叫這道菜, 要先蒸熟薯仔再做成茸, 再把免治雞肉釀在薯茸內, 表面加了一些汁(不知是什麼汁), 很花功夫, 所以訂檯便有這好處, 吃得到心血作品。6. 蟹腳: 一個字「正」, 為食鬼發夢都喊著吃的蟹腳, 配上天婦羅日本紅蕃薯仔, 加上特別的汁, fabulous!7. 蔥燒牛肉卷配炒雜菌: 小妹很喜歡, 可是班主嫌牛肉太生(班

鹽燒帆立貝: 一般, 無乜味道自家制豆腐: 好味呀, 口感好好, 豆味 (我諗係掛) 重, and 鍾意加蔥食火炙燒魚 (唔記得咩魚): 好多骨, 味道麻麻旦卷：好大條, 好味& 必食既一丁拉麵沙律:好味, 好鍾意佢o既芝麻醬～～