魔膳廚房 (已結業)

觀塘工廈多。食好西嘅地方都唔少。美食廚房丫。魔法廚房丫就聽得多。原來喺開源道有間餐廳叫「魔膳廚房」。餐牌多元化。有一人/二人set 。唔啱心水？淡定。仲有A la Carte menu 。牆上擺放咗好多油畫同bottle 。聽住音樂享受意想不到嘅dinner 。確係人生一大樂事。我地點咗「二人行大蝦和牛套餐」。周打🐟湯～一碗久違嘅湯。+$18有任食沙律吧。甘抵食。唔加真係對唔住自己。大致上有十款左右。西瓜起沙架。甜到漏囉。沙律吧嘅西瓜俾我地KO 曬法式焗釀田螺～一二三四五六七粒田螺。勁多粒。超surprise 極上和牛🍔配薯角～和牛扒好鬼juicy 。個包烘熱咗。食落好soft 。唔會硬掘掘扒大虎🦐配龍蝦汁扁意粉～隻蝦超級彈牙。意粉al dente（左）紅桑子草莓tiramisu (右）cappuccino cake 味道唔太甜。完美晚餐就係甘簡單。

同朋友見下面，又唔想放工行咁耐所以搵咗呢間樓上餐廳，朋友話平時Lunch Hour 都好多人所以想晚餐黎試下。雖然係工廈但入面裝飾都好特別，牆上掛咗好多特別既掛畫，都可以話係幾有情調任食沙律吧 ＄38沙律吧唔算好多選擇但勝在可以任食同埋有幾款日式小食，例如：中華沙律、螺仔、八爪魚等等。沙律吧仲有3款醬料配搭，小妹最喜歡既係黑醋，酸酸甜甜，特別開胃松露蘑菇忌廉湯 配餐包小妹最鍾意係蘑菇湯同龍蝦湯，所以每次餐湯只要有呢2款選擇，小妹一定會揀。當日餐廳提供係松露蘑菇忌廉湯，蘑菇份量十足而且雖然打爛唒蘑菇但仍然有一粒粒蘑菇既口感。用埋松露，個湯就更加香。不過最吸引既係個餐包同市面衛星包唔同，係提子合桃白餐包，餐廳有加熱，令麵包更鬆軟，加埋湯，簡直一流三式芝士醬燒豬肋骨配薯角 ＄168一上枱都有”嘩”，比想像中既豬肋骨還要大，我同朋友2個人都食唔唒，所以提議呢款可以3個人或以上一齊分享。由於焗完後係芝士面再淋咗一層醬汁，所以比較難食到芝士味，不過咁樣會覺得無咁膩。豬肋骨大約有10枝，不過每枝都厚肉同肉，唔喜歡食啖啖肉既朋友，不妨考慮下豬肋骨下面仲有薯角配搭，咁就唔使怕唔夠飽！薯角仲可以配埋千島醬

今日去觀塘接朋友收工，因為早到左，所以周圍行下等佢，比我見到呢一間餐廳，因為門口都幾特別，所以同我朋友講完之後，我哋就決定晚餐食呢一間👍🏻，從地下行上一樓，都有好多唔同嘅裝飾👍🏻，都幾靚，入到餐廳入面感覺非常好，環境舒適，服務員亦都好有禮貌，我地就叫左2個set,1)龍蝦汁海鮮意粉，龍蝦汁好濃👍🏻👍🏻，虎蝦同青口都好新鮮😋，2）德國烤原隻豬手配薯角跟黑椒汁， 平時喺出邊食都係成隻上，連骨連肉，但呢一個非常好幫客人起埋骨，肉質嫩滑👍🏻👍🏻，薯角唔使講一定好好食😋，黑椒汁味道濃郁👍🏻👍🏻，3）餐湯方面就一個什菜湯同一個忌廉湯，兩個都不過不失，只係略嫌什菜湯偏酸，4）冬桂花蜜花茶，呢個好好飲，因為我本身就好鍾意桂花既味道，呢個桂花味剛剛好，好香，又唔會太甜👍🏻👍🏻，5）荔枝玫瑰梳打，不太甜，不過不失，每一個餐都可以加＄38就有任食沙律吧，沙律菜加埋麻醬，真係冇得輸😂，我都食左幾次🙈，整體來講，值得推介👍🏻

一直聽有位係觀塘番工嘅朋友講觀塘有間樓上餐廳好唔錯，呢日屋企冇煮飯，所以同妹妹一齊去去試下係咪真係如佢所講甘正地點係地鐵站旁邊，好方便。餐牌有好多選擇，不過見到有個2人餐，都係唔洗諗叫2人餐方便d二人行大蝦和牛套餐（$398連餐包及餐湯） ————————————————————— 🍴套餐有餐湯同餐包，所有野都熱辣辣上枱♨️呢點好重要，好怕飲到唔熱嘅湯。餐湯係周打蜆湯，餐包又夠軟，2樣味道都幾好。🍴Side Dish: 法式焗釀田螺 Baked Escargots 如果草根同大家講我地真係第一次食田螺🙊⋯⋯今次真係突破自己嘅心理關口😂老實講，味道比想像中好，不過食完後仍然未有令我地愛上田螺😂🍴Main Courses: 扒大虎蝦配龍蝦汁扁意粉 Pan Seared Prawns with Linguine in Lobster Sauce 扁意粉硬度剛好，加上啖啖意粉都掛滿龍蝦汁，味道超級濃郁😍讚啊👍🏻虎蝦賣相吸引🦐唯獨口感欠缺彈性，扣了點分，但整碟意粉味道不錯喔極上和牛漢堡配薯角Grilled Supreme Wagyu Beef Hamburger Served with Potat

今日去到觀塘開完會, 同事就帶左我去一個佢地叫"秘密花園" 度食個快飯就番屋企. 行到去勁多人既工廠街中一個好隱閉既門口, 行上去沿途都有好多好特別既DECORATION. 果然係一個秘密花園呀!上到去個地方好大呀, 而且人都唔算好多可能我地早食... 都只係6-7枱左右.我地叫左2個MAIN 3個人SHARE, 但我地個個都加左SALAD BAR 任食. SALAD 吧小小不過五臟都駒全! 唔同既SALARD 配料同DRESSING仲要有哈密瓜. 其實咁鬼熱既天氣, 只係食SALAD 吧都飽晒嫁啦呢個係松露磨菇湯, 加埋麵包. 麵包熱烘烘配湯都好PERFECT. 最後就係呢2個MAIN啦~一個龍蝦汁海鮮意粉 同埋德國原隻咸豬手. 一份肉一份PASTA 再加埋出面既SALAD BAR 絕對PERFECT. 龍蝦汁唔算太溜, 隻大蝦係有小小過熟不過配埋個汁都唔會好乾. 豬手做得好好, 個皮好CRISPY 肉質又好JUICY. 個黑椒汁又夠辣令到成個配搭都好好.呢個地方又可以FEEL FREE咁吹下水因為地方大又唔會話聽到隔離枱講野~ 好唔錯呀!!! 

今日係apm睇完戲，就過去吃飯，餐廳位於apm旁，地理方便一入到去，侍應們有禮貌的安排我們入座，比起觀塘其他工廠餐廳，這裹服務算不錯餐單清晰地列出不同的菜式，我們選了德國烤原隻豬手配薯角和北海道帶子燴飯，再加沙律吧。沙律吧選擇不多，但每樣都新鮮，竟然有埋我兒時喜歡吃的啫喱，西瓜清甜。千島醬沙律好吃，沙拉菜新鮮，咬下去清脆爽口，加埋芝麻醬汁，更美味ps:沙律吧要另加38元我們選了黑松露忌廉湯，黑松露味濃厚，忌廉味又不會被掩蓋，好喝。合桃餐包質感鬆軟，麵包乾身，所以我一邊喝渴一邊把餐包點湯來吃。好正依個豬手好正，首先係即叫即整，一上枱熱辣辣，豬手好軟，加埋q彈的豬皮，真係忍不住一口接一口，而且不油腻，點上黑椒汁，令味道層次更多。帶子有三粒，每粒都比五蚊更大，味道清甜和鮮味，燴飯的調味剛剛好，配上明太子，令飯的鮮甜上升。我個杯荔枝梳打超靚呀，裏面仲有荔枝肉，不過就甜左小小。飲埋杯餐飲我哋就飲飽就滿足的離開餐廳了。

今晚相約舊同事晚餐，同事在觀塘收工，所以就相約去觀塘的餐廳食飯就搵左魔膳廚房，上網睇到環境舒服，好適合我地幾個聊天環境都很大，座位都很寬敞唔會有迫的感覺有沙律吧，點餐+38任食先後左餐湯和麵包，有羅素湯和南瓜忌廉湯選擇香煎帶子黑松露意大利飯好濃郁的黑松露香味，飯夠軟身又唔會太冧，食落去好有咀嚼感，整得很好味龍蝦汁海鮮意粉意粉看起來有點普通，以為好冧看似不太吸引，但食落原來都頗驚喜，味道同食落去的感覺都很好，食得十分滋味三式芝士醬燒豬肋骨配薯角份量好足夠整得既味道正，芝士味好香濃飲品一人點左一杯唔同顏色的花茶，凍玫瑰蜜花茶（紅色）、凍茉莉蜜花茶（黃色），藍柑檸檬梳打（藍色），三杯都好靚味道都唔會好甜，睇得又飲得

出得觀塘多,真的開始識得搵好食去處,呢排我就愛上呢間魔膳廚房,貪佢地點夠近之餘,環境也很寬敞,唔駛迫又可以靜靜享受晚餐。未上去之前,已經看到很別緻的畫作掛滿牆壁和鐵閘位,很容易令人找到這地方。而牆壁上也掛上大大的彩圖的menu,令人覺得很有心思。幸好事前有book位,原來真的都幾full,看到餐單的選擇都幾多,如果想健康一點,可以在dinner set 再加38元就享受沙律吧的新鮮蔬菜。除了新鮮的蔬菜,也會有水果,很切合平時愛食水果蔬菜的我,畢竟外出食飯,盡可能的話,也想攝取多一些纖維,而且更是任食,所以真的很划算。再來一個軟綿綿,熱乎乎的餐包,塗上牛油後,覺得它很鬆軟又好味。之後就飲餐湯,有菜湯或是忌廉湯選擇,我自己就偏好菜湯,微微酸酸,會增添胃口之餘,也能暖暖胃。我和朋友分別也各自點了二個dinner set。我這個就是三式芝士醬燒豬肋骨配薯角其實我自己都幾偏好豬肋骨,有少少肉,又是偏淋而不韌,而且也夠入味,上層的芝士也夠濃郁,可說一口肉配一口芝士,滋味無窮。食過好幾間的豬肋骨,這間的質素的確不錯。連朋友也欣賞它的烹飪也幾出色。我朋友這個是龍蝦汁海鮮意粉。這意粉也幾好多海鮮配料,彈

觀塘工廠區有很多卧虎藏龍很多高手都大隱隱於市今晚我們相聚於一工廈餐廳門口設計充滿摩登設計風餐廳內擺放了很多油畫看來餐廳主人是個藝術家晚餐種類選擇甚豐富各款西式美食都應有盡有先來一紅湯一白湯典型紅白孖寶沒什特色加錢沙律吧可自由取食主菜先來香煎帶子黑松露意大利飯感覺像米飯版的卡邦尼飯粒煮得腍適合香港人口味醬汁濃郁黑松露味突出另外是德國烤原隻豬手配薯角豬手體型巨大啖啖肉豬皮軟嫩叫人忍不住一口接一口脂肪膽固醇通通先別想呷一口檸檬紅茶享受二人時光

不只一次晚餐後行經這裡被吸引了，這天終於不是經過，而是真的上去試試了。從這個角度看上去，感覺很夢幻。從上面看下去也覺得樓梯的佈置很吸睛呢。進去後燈光偏暗，感覺滿有格調，而亮著白燈的這個自助區相對變得很突出。只需多付$38，便可任意享用這個自助吧的食物，雖然種類不算多，但想吃沙律菜、日式前菜等還是可以加點，如我個人便超喜歡吃啫喱糖。餐廳甜品櫃內的甜品也很吸引呢。是日餐湯為南瓜湯及羅宋湯，南瓜湯質地較稠，口感有點糊，但味道不錯，羅宋湯香濃多料，味道酸中帶甜很醒胃。餐包上桌還是暖的，而且夠香，口感又夠鬆軟。龍蝦汁海鮮意粉 $168龍蝦汁的味道偏淡且質地較稀，不太能均勻掛在意粉上，不過意粉煮得軟硬度剛好，口感有彈性，大部分的海鮮都不錯，就是大蝦煎得老了一點，口感較乾硬，而加了蘆筍、小荳苗等讓整體感覺更清新，適合喜歡淡口味的人。德國烤原隻豬手配薯角及黑椒汁 $186賣相不錯，豬手已經完全起骨，薯角的份量也不算少。薯角外脆內軟，伴著上的酸菜酸度恰到好處。因為上桌前餐廳已經幫忙起骨，所以省掉了切的功夫，入口啖啖啖啖膠原啖啖肉，皮層口感充滿彈性，肉質夠鬆軟不乾硬，味道亦不會太鹹，就算不點醬汁已經很好味

係附近做野既朋友帶我黎食，佢話食過唔錯，就信佢一次啦！有個沙律bar，加錢或本身個餐包既都可以食！有水果、沙律菜、啫哩同凍芝麻魷魚等。餐湯蘑菇湯，好香濃，有陣陣黑松露味，有細細粒既蘑菇，好好味！餐包，好軟熟，暖暖的。前菜-法式焗田螺薯蓉好creamy，有少少芝士既味道。田螺好林，個汁咸咸地，似係用酒煮成，撈埋薯蓉食好夾。極上和牛漢堡配薯角有好多材料，包括芝士、煙肉、和牛漢堡扒、生菜、洋蔥同蕃茄。漢堡扒好厚身，有肉汁，夾住甘多材料食好滿足！扒大虎蝦龍蝦汁扁意粉唔係睇錯，佢真係有兩只大虎蝦！平時食開既多數得一只蝦，而佢係有兩只！仲要大大只架！虎蝦新鮮，所以肉質好爽口！意粉夠林，龍蝦汁都唔錯。餐飲主角黎啦！！！！呢個甜品賣相超吸引！佢用木底座加玻璃蓋上，甜品上插左鮮豔色既小花！好靚！呢個係意大利芝士餅，一層層，好creamy，海棉蛋糕浸左冧酒，好香，做得唔錯！幾好食！蛋白檸檬撻賣相都係一流！酸酸地既檸檬味，唔會好膩，食多兩個都仲得！餐廳地方好大，食物質素唔錯，尤其是個甜品，色香味俱全！正！

今晚又出來觀塘的工廈區，搵嘢食，誤打誤撞入左呢間魔膳廚房，估唔到上面嗰條輾轉嘅樓梯之間有好多好靚嘅畫可以見到，都幾靚，一個selfie 好選址。入到去，想不到原來地方咁大，好寬敞，而且裝修都幾有特色。有自助沙律吧，都幾多嘢食，咩嘢都有啲，選擇都算幾多，中華沙律又有，粟米又有，蔬菜又有，水果都有，其中我覺得比較特別嘅，就係蕃茄，撈左少少香葉，加啲黑椒，再有檸檬汁，又辣又酸酸的幾開胃！叫了二人餐個漢堡包比我想像巨型好多！包係熱熱的，好鬆軟，其中最重要嘅成份，就係嗰塊GAP在中間成吋厚（或更厚)的漢堡扒，食落都幾香啊！有兩隻開邊大虎蝦做餸！呢個意粉真係抵食餐牌上面簡簡單單「魔膳甜品」呢四個字，原來內有玄機兩款餐後蛋糕送上來嘅時候，真係驚喜到不得了！仲一個晶瑩嘅玻璃蓋蓋着，裏面靚靚嘅蛋糕顯得更加矜貴！旁邊仲要有可愛的小花朵襯托着，美到不行！喜出望外的是，除了外表，內涵都兼備！真係美貌與味道並重！蛋糕的質感很軟滑！而且甜得剛剛好！正餐食得很飽的我，都不忍心浪費呢件美輪美奐的甜品。見佢地方咁大，問一問店員喺度搞party的價位，佢話原來呢度有房，考慮一下係同呢度同我老公擺大壽。

又係觀塘工業區開餐啦, 行上樓梯就見到呢間西餐廳, 佔地寬敞, 係工業大廈用餐就有呢個好處晚市有套餐供應, 包餐湯, 主菜及飲品, 價錢合埋加$38可享自助沙律吧, 多款食材任你配搭確係抵呀, 散叫個沙律都唔止呢個價錢啦餐湯為忌廉磨菇湯, 湯好滑口, 幾濃磨菇香味, 質地頗稠杰, 配埋個軟飽, 都幾飽肚!主菜叫左呢客香煎帶子黑松露意大利飯 ($168), 份量滿滿的, 足夠二人分享兩隻帶子煎香左外面, 入面仲係半生熟, 口感較為柔軟; 另有脆卜卜蟹籽, 加多種口感!意大利飯略為有嚼口, 忌廉黑松露醬汁就好香滑, 加埋底部有露荀及菇菌, 味道唔錯!另一味為三式芝士醬燒豬肋骨配薯角 ($168), 成份ribs份量夠晒!舖上三式芝士醬再燒, 芝士變成外香內軟, 邪惡度又再提高肋骨以惹味燒烤醬調味, 肉質保持濕度唔會燒到乾晒, 唔駛太用力已經做到"骨肉分離"嘅畫面; 底部嘅惹味薯角亦唔可以錯過呀!另加$5轉飲Cappuccino, 入口香滑, 再大杯D就仲好........哈哈....!!

今日午餐在觀堂, 和朋友來到魔膳廚房, 點了兩份午餐。 一上桌大大份, 真的嚇親! 先是香煎美國西冷扒8oz 配薯菜, 牛肉味濃, 質地剛好, 肥肉位少, 配上濃郁黑椒汁極其惹味! 薯角份量多, 而且香脆淡淡薯, 好味! 另外是厚切豬扒配洋蔥汁跟意粉, 洋蔥汁濃而甜, 豬扒肉質不會太硬, 而且其厚切的淡淡香豬肉令人吃完再吃! 我們還加了一份湯和麵包及沙律吧! 湯是周打魚忌廉湯, 很滑很香很濃郁! 麵包脆皮而軟身, 有粒粒穀物, 連湯享用, 正! 沙律吧食物不算很多, 但新鮮, 為這餐增添了營養! 如果細食的真的可以share 一份吃, 因為這兒絕對是抵食的! 環境也乾淨舒服, 不妨試試!

Blue Monday收工過左去觀塘開源道某工廈裡的魔膳廚房覓食！餐廳面積較一般的大，座位也很寬敞，裝修帶點歐陸風味晚市餐牌選擇蠻多的，價錢由一百多至三百多不等晚市套餐加$38可享用自助沙律吧，主菜叫左一個意粉同豬肋骨先黎既係餐包同餐湯: 羅宋雜菜湯同甘旬忌廉湯🥕🍵羅宋湯好足料，多雜菜粒！甘旬湯香滑，忌廉味比甘旬味濃餐包熱騰騰的，好鬆軟自助沙律吧的選擇不算多，基本的沙律菜、粟米、紅腰豆、薯仔沙律等等俱備，味道質素屬正常三色芝士醬燒豬肋骨配薯角原條豬肋骨份量十足，肉味香濃，混合了三款芝士燒得芝味十足！豬肋骨肉量算多！脆炸薯角肥美飽滿，旁邊的沙律菜減去了油膩感，好味道龍蝦汁海鮮意粉意粉有咬口，但可惜海鮮size比較小，龍蝦汁味道偏淡，這個質素一般這裏地點方便，環境舒適，在觀塘附近的上班族或住客可以來一試無妨