高麗軒韓國料理 (已結業)

✓ 今晚在尖沙咀上韓文課程，很懷念韓燒。放學後和幾個同學行行下，在金巴利道見到一間頗正宗的韓燒。 有同學話想試下，便落地庫看看。原來系韓燒放題，價錢也乎合我們的budget，二百幾，如果要食特別推介餐牌內的八款食物，就加$38。裝修得頗清雅呢！ ✓  ✓ 肚子很餓，前菜一放下，巳急不及待吃， 豆和青瓜是我最愛。同學們都贊前菜做得不錯, 不會口渴。 ✓  ✓ 先點了海鮮類，有帶子, 花甲，多春魚，魷魚，鮮蝦和靖魚。花甲， 蝦和帶子味道不錯👍魚和魷魚正常一般 ✓  ✓  ✓ 燒咗一陣，花甲巳張開口，魷魚和蝦都差不多，我們便搶著夾起品嘗。海鮮都頗鮮味👍 ✓  ✓ 一下子給我們掃清了，跟著又點了帆立貝。這個味道鮮甜多汁👍 ✓  ✓ 食肉獸們點了肉類燒，有豬腩肉，黑毛豬腩肉，牛舌，牛排骨，牛肋骨肉，西冷肉，特級牛頸肉全部都好味👍，特別是黑毛豬腩肉和牛排骨，真系好正，我們還encore了兩碟。啲肉類食得出本身的肉味而不是用濃烈的醬汁蓋著 ✓  ✓ 似響韓國包著生菜吃，好正👍，全無熱氣感覺 ✓  ✓ 還加了海鮮煎蔥餅和海藻湯，海藻湯內布滿料，很好飲👍

這個地方是應該不會再來了⋯⋯第一就是時間限定的很死，我和我的朋友昨日去過生日，結果還在切蛋糕的時候服務人員就讓我們趕緊收拾收拾得走了。而且一點生日祝福什麼的都沒有。第二就是他們的爐子基本一直在著火，，食物不知道烤焦了多少次。還容易燒到手，只要肉一滴油，火苗就往上使勁竄。第三就是服務人員的態度，，我就不說什麼了⋯⋯第四就是肉質，那是真叫一個，難吃啊，絕對是我吃過的韓國料理的肉裡最不好的。肉不新鮮，而且味道也不太好。總之，是那種去過一次就不會去第二次的店。

近排天氣都轉涼番少少, 於是就帶左屋企人去朋友推介既一間放題式既韓燒試下, 去到門面好易認, 入到去落一層就係餐廳。入面格局都唔錯, 坐位寬敞而且唔會好油煙。食韓國菜點少得八小碟, 我自己最鐘意芽菜, 其他都好味。呢道既特色就係所有食品包括韓燒肉類以及熟食都係任叫的, 而每位加$38的話就可以upgrade燒肉, 例如可以叫埋肉眼扒、皇者牛排骨、帆立貝等等。飲品就要係出面自己拎。我地四人枱有兩個爐, 甘一邊就專燒海鮮, 分別叫左花甲、魷魚、大蝦、帶子、多春魚同秋刀魚。花甲都唔算難燒, 燒到甘上下就會自動開口, 肉質非常鮮美。多春魚係我既至愛, 滿滿既魚春真係令人大飽口福。第二輪再加埋帆立貝一齊燒, 啖啖肉超大隻超新鮮, 放埋少量蒜粒係面仲惹味。肉類燒烤區我地分別燒左牛肋骨肉、牛頸肉、安格斯、牛舌、牛仔骨同埋黑毛豚肉。牛舌啖啖肉, 冇令人失望。牛肋骨肉真係幾欣賞, 肉質鲜美得黎又唔會好多筋, 燒到八成熟既時候已經油香四溢, 非常惹味, 而皇者牛仔骨又係有異曲同工之妙, 極度推薦。黑毛豚肉都有驚喜, 真心同韓國食到既差異不大, 而且都唔會太肥膩。除左燒大量肉類外, 再試埋個生牛肉他他, 拌

第一次到這裡食韓燒時大概是4，5年前，當時尚未有這麼多的韓食店。也沒有這麼多花款的，又熨烤又芝士又爐邊蛋...再次來是想找回那不造作的韓燒。值得一提的是除了燒物，這裡的小食和湯類也是很豐富的，適合一家大小聚餐。我們先點了不少海鮮，這裡的海鮮十分新鮮，而且種類豐富，個人大愛燒青口，皆因並不是很多地方會有，而且這裡的青口燒完後也并沒有縮水太多，仍然水份充足。另外也要讚一讚大蝦，一口一口的都是肉，鮮甜的鮮肉不用沾豉油也都鮮味十足。另外魷魚也是鮮味之選，彈牙之餘不會過韌。再來當然是吃一點肉，不論係牛定係豬，未燒就已經看到脂肪的分佈十分平均。燒完之後份外香，入口不肉沾醬也夠多肉汁。怕吃肉多會濟可以選擇夾一點生菜，清新之餘，又多了一重口感，更可去除油膩。最後還吃了泡菜餅，很韓式，很不做作，很簡單。辣味適中，香脆可口。滿足！

烤肉向來都是我和男友的最愛，偶爾吃任食的燒肉放題絕對可以滿足到兩隻食肉兔的要求！上星期誤打誤撞的到了尖沙咀一家不錯的任食韓燒，而且跟以前吃的韓式鐵板燒不同，這家是網燒的，網燒的感覺比板燒好多了~日式燒肉經常都吃，但韓燒較少光顧，看到前菜就有久違了的感覺。泡菜很開胃，我都吃到的話，不算辣呢！ 看看Menu，最興奮是看到牛肉和海鮮，聽說人蔘雞湯很不錯，但還是吃完燒肉再決定吧... 最後決定每人多加$38，可以任點特別推介的肉眼扒、特級牛頸肉、黑毛豬腩、海鮮拼盤等。 上菜速度很快，不一會已經滿枱都是肉了！我們要努力燒丫燒~任食兩小時，手腳不可以太慢呢~~ 食材相當新鮮，而且調味適中，不會太濃味。 感覺上特別推介的肉是更好吃的，份量跟Menu所示的一樣，不夠再ENCORE~肉眼扒紋路相當漂亮~~ 沒加錢的肉就更有份量，牛舌很大碟呢...但也很新鮮，燒出來是爽口彈牙的！下次人少少該要半份^^ 黑毛豬腩肥瘦適中，肥肥的油脂很搶火~ 燒出來的黑毛豬腩~~ 油脂的部分燒至外脆，既香口惹味又有層次！還可夾生菜吃哦~ 肉眼扒、特級牛頸肉都好好味，那$38絕對沒有白花呢，食材質素特別高丫！皇者牛排

上個星期與好朋友在尖沙咀試完婚紗因為都夜了，大家都不想多走即興就過了對面家的韓國料理吃燒肉放題客人還蠻多的，但我們人數不多，所以都不難就找到座位這裡的韓式燒肉放題，除了燒烤肉類外menu上的粉麵飯湯都可以點平常的豬肉、牛肉、雞肉，以及蔬菜、魷魚、鮮蝦等等肉類和海鮮都蠻新鮮，對眼的我們點了個海鮮豆腐辣湯比想像中大碗，裡邊的豆腐佔了不少味道還不錯，不會太辣另外還有個韓式炒粉絲粉絲稍為散身，但口感不太油膩，適合我口胃我們還多加了48元，upgrade了燒肉的選擇有帶子、扇貝、和牛等可以order如果加48元可以多吃豐富、高級點，也是值得的餐廳位置寬敝，姊妹幾個坐在一齊，都相當有空間還好是油煙不算大，空氣算流通

韓國燒烤，還記得是中學時期的至愛菜式之一，一來當時能負擔到的選擇不多，二來以前韓燒通常都有套餐，不會太貴，一人餐大多四五十元已有一碗蘿蔔湯、一碟烤肉和一碗白飯，還不要忘記進餐前有4-5小碟前菜免費贈送，所以那時一個月會起碼光顧一至兩次。及至人大了，選擇多了，又怕了那股油煙味，漸漸地已很久沒有再吃過韓國燒烤了。直至最近和朋友聊起，我們兩位食肉獸即時食指大動，即興約出來食韓國燒烤，記得早前有朋友曾推介在尖沙咀有間韓燒放題出品不錯，我們速速決定去試一下。餐廳位於金巴利道一處地庫，沿樓梯下去時，一幅倘大的古式花卉畫作即映入眼簾，頗有格調，餐廳內放著一列列的梳化和裝有燒爐的長方桌子，牆上亦掛着不少畫作裝飾，帶著傳統韓燒店舖的感覺，整體裝潢典雅整潔，不算很華麗但勝在夠舒適，最起碼不會弄到成身油煙味。當晚我們約晚上八時到達，想不到差不多全場滿坐，好彩之前有致電預留訂位，不然的話又要輪候了。入坐後店員很快便送上五款前菜，其中多為菜蔬泡菜之類，讓客人清一清味蕾之餘更起了開胃的作用。跟着店員還講解一下收費詳情，其實也很簡單，$208一位任點任食2小時，餐牌上的食物選擇都算多，肉類、海鮮類、蔬菜、一品料理和

之前朋友一早推介過高麗軒又平又好食，但一直都約唔齊人食，今次終於趁我生日約到朋友黎請我食因為星期日關係，朋友一早book定位，但奈何高麗軒名氣逼人同埋到達後發覺地方不大，所以都等左約半個小時，不過食完後覺得係值得既👍🏻平時韓燒地方環境好煙，但呢到竟然食完個人無咩油煙味，排氣系統好勁，令人食得舒適任食價格便宜而且食物種類非常多，餐牌上食物任點，我地加左每位$38食特別推薦的食物，牛質素較高級同海鮮種類較多餐牌除左烤肉之外更加有石鍋飯，湯類，一品料理等食物，真係岩哂一大班朋友黎！前菜非常齊全，有泡菜，大豆芽和菠菜，青瓜等。。非常開胃，凍菠菜好食到係禁叫到主角牛牛同海鮮終於出場，估唔到3人份量都禁大碟禁多😱特級牛頸肉 - 油花分佈唔錯，店家只用小許鹽來調味，令牛牛味更突出牛舌切得很薄，在爐輕輕一燒，變得脆皮香口，味道不錯店家既牛非常嫩，感覺肉質新鮮油脂鮮甜，另外一碟烤牛肉拼盤醬超入味，烤好之後，牛牛香氣濃郁口感軟嫩，那一瞬間實在是種享受👍🏻3個人一下子清哂而海鮮拼盤都非常豐富新鮮，特別喜歡魚柳和大蝦，烤過後魚的肉質保持著鮮嫩可口，肉汁豐富，正！燒過後既大蝦都非常爽甜彈牙！ 另一推介係牛肋骨湯

琴日返工睇見朋友韓國旅行相，搞到我好想食韓燒！啲燒肥牛呀燒五花腩呀不斷呼喚我，我做野都冇mood 呀，即刻相約好姊妹，俾左幾間心水佢揀，佢揀左尖咀呢間，今晚有得狂砌啦！去到已經見到出邊有人排隊，好彩早到咋😌。佢個Menu都幾多嘢揀，有肉類海鮮、韓式鍋飯、湯、小食呀咁。餐前嘅泡菜小食，我最推佢嘅菠菜同醃青瓜，好甜好爽口,kimchi 可以再辣D就好。我最愛嘅黑毛豬❤原本$208任食但要加$38先食到佢(upgrade左個package) ,不過真係値嘅!呢個厚薄大小花紋都平均，煎食落口唔會太油膩，豬嘅肉味都幾出。加埋韓式豆瓣醬同,生蒜，用菜包住食仲正，有爽爽脆嘅口感！個rib eye 又係重點之一，啲肉嘅色澤不錯！薄切左，所以可以辣一辣就食得,好嫩無渣!燒牛舌係我朋友至愛，呢度入嘅牛舌都算新鮮，佢清左一碟，建議加少少鹽吊味。海鮮拼盤最驚喜佢個蝦，竟然燒完冇變梅,出面食任食好多蝦都係梅嘅。泡菜薄餅調味幾好，甜辣適中，又落左足料泡菜，如果佢可以煎到脆身會再好D。埋單都係$250左右，CP真心高，下次食睇下有冇得訂枱先。

臨收工收到個電話朋友話要食韓燒幾個選擇之下，依間係尖沙咀咁就腳所以就揀依間好彩我地都算早到坐底後無耐慢慢見到排隊人龍都幾長放題韓燒$208， 餐牌都已有好多選擇我地幾個再加左$38可以食好似再正啲既野食其中佢既肉眼扒我地encore左幾次因為佢切得好薄切得薄身易熟之餘煎完食落係好香牛舌都一樣切得好薄朋友仲問店員拎左啲鹽鹽燒仲好味另外韓式果啲配菜平時去食韓國菜都會係咁食佢依度係無限任加果啲青瓜酸酸甜甜，食到好開胃特別欣賞係放題竟然有蛋伴生牛肉食好少放題地方有得任食依樣食品牛肉切得太幼身拌埋蛋同梨絲一齊食味道唔錯整體黎講，價錢唔算貴好味而且多選擇，唔怪得咁多人排隊食

而家好多餐廳都傾向限時食野，搞到食到趕頭趕命咁！呢間所謂好評餐廳都唔例外！但佢只係限時1.5小時！！4人以上先有兩小時食！講真食野食到咁趕係一件好辛苦既事，不過間餐廳係人客一入去個陣冇講明限時幾耐，只係將佢印係menu既最後個版！感覺唔多老實。食物幾好都冇用，根本冇時間品嚐，餐廳人手明顯唔夠，做死個一兩個staff，個貌似經理既人又完全冇領導能力，一味催我地走，食食下天俾單又last order,唔走就全程望住你，既然你地咁催命咁趕客，咁就唔會有回頭，亦唔會介紹人去，blacklist!

尖沙咀食韓燒想食得多啲又好質素 一開始仲以為好質素只可以揀喜X稀肉 等等個啲 但就expect好貴啦一定 但朋友話我知依間高麗軒質素不錯 任食都係200幾蚊 最後$246一個人再加一一開始嗌左個人參雞湯喚醒番我個胃先 人參既味都算出 又有滾到淋晒既米定吾知糯米 好似食粥甘 我都幾鐘意 但雞就無乜食韓國麵豉生菜 必嗌 包住5花腩泥食一流 但佢既麵豉醬加少少辣味就prefect啦冬菇我鐘意食 所以都無放過 不過就難燒啲海鮮方面 好好食 鮮魷帆立貝蝦青口 原本已經加入左蒜係面頭 所以好香 食落又吾會只有海鮮既鮮味 仲惹味啲肉方面 牛利燒到岩岩好既時間 爽口好正 加上佢薄薄地一塊 好快就燒好 又吾會太厚牛肋骨肉同羊肉都屬於醃過下既 所以我就麻麻地 但羊肉我個fd講都有啲羊味幾好食加左啲錢升級左 有多8款左右既肉同海鮮揀 而個啲係好食好多既肉眼扒 牛味重 好似平時鋸扒種牛feel 亦係成塊上既 切到一塊塊甘特級牛頸肉都好食!黑毛豬腩 真係必食 2個人食左2碟 包菜食真係好好食 加上佢肉脂滿佈 夠晒邪惡 燒完肉質又吾會韌 又夠厚身同大塊!!但相比起五花腩 遜色好多 薄又細塊最後嗌埋個鹽燒鯖魚 多肉

走進金百利道，尤如致身於韓國，你可以在這裡找到林林總總的韓國菜式今天想吃韓燒，朋友帶我到高麗軒，他說這裡正價比高，不單止有韓燒，而且還有各式各樣熟食可以order。餐廳位於地庫，門外有大大個招牌也算易找每位加$38便可升級吃扇貝和特選肉類，愛吃海鮮的我們當然不用考慮。甫坐下店員先放下前菜數碟。分別有泡菜、青瓜、四季豆、椰菜和大豆芽。傳統韓式蛋拌生牛肉，裡頭加了梨肉，一起拌勻來吃，吃罷渾身清涼放題來說，這裡的海虎蝦絕對不失禮，大大隻肉質鮮嫩，燒出來香噴噴加$38可點的海鮮拼盆，一次過滿足多個願望。餐廳選用上乘的牛肉，燒起來牛肉味濃郁，沒有"鞋"口的感覺要注意返每碟食物的份量也不少，千萬不要一次過order太多牛仔骨燒後肉質腍滑，沾上醬油帶微甜，最適合配蔬菜，可減膩有別於一般韓燒餐館，高麗軒的燒爐採用內置抽氣，優點是吃完也不會渾身臭油煙吃完韓燒也再吃不下熟食了，但眼見有人蔘雞湯這種高級食材，即使飽到上心口也要叫來一試！喝下滿口人蔘香味，而且雞肉滑溜，不知不覺整個湯被我喝光，非常滿足埋單每人大約$280, 如果有朋友想吃韓燒，我一定會推介高麗軒，這裡食物多元化，環境舒適，店員態度親切，而且價

近年韓流大盛，外甥女亦老遠跑到韓國當交流生，回流後，每個星期都要往尖沙咀的韓國街走一轉。 反正外甥回港後都沒有好好一聚，就找了個晚上來個韓式飯聚。 高麗軒主打自助燒烤，打開餐牌選擇都多。 牛牛肉、牛脷、牛肋骨肉、牛仔骨及肥牛雖然不是韓牛，都選擇了牛脷、牛肋骨肉及牛仔骨；牛脷太薄了，令到肉味有點單薄；反而牛肋骨肉及牛仔骨多了骨膜位的肉香，不錯 豬辣汁五花腩、五花腩、豬排骨、豬肉、豬頸肉及豬扒五花腩是差不多最後時間先點，似乎太飽了，不過烤至油香四溢，不怕肥的朋友可以試試。 海鮮花甲、魚柳、鮮魷、海虎蝦、多春魚、秋刀魚、青口及墨魚仔只點了海虎蝦，品種看來不似，但以任點來說，都總算大隻，食落卜卜脆。 什錦雞肉、什錦蔬菜、生菜及韓國面豉醬、蒙古羊肉、紅腸、冬菇、雞肉腸及雞翼挑選生菜及韓國面豉醬及蒙古羊肉，生菜當然是用作包牛肉，而羊肉羶味輕盈，一般人都接受得到。 廚師精選蛋伴生牛肉、牛肉炒什菜、海鮮煎蔥餅、泡菜煎餅及泡菜炒豬肉 湯人參雞湯、辣海鮮煲、豆腐辣湯、韓式面豉湯、辣泡菜湯、牛骨紹菜豆醬湯、年糕湯餃、牛肋骨湯、牛尾湯、海藻湯及泡菜大豆湯選取牛肋骨湯及泡菜大豆湯，牛肋骨湯味道可以更濃郁一點，而

食韓燒，多數都因為逐樣計錢比較貴，計住計住都食得唔夠痛快！呢排就比我喂食妹搵到個好地方，可以任食韓燒加韓國料理，正正正！一坐底就有韓式前菜五小碟，款式多，有泡菜，菠菜，辣青瓜，豆芽。泡菜好食，夠辣又夠酸，仲好爽口。另外飲品就自助自己拎，有汽水任飲。我地加咗$38食埋特別推介，有多啲款式嘅牛同海鮮咖！牛舌喂食妹一向係牛舌怪，最中意佢彈牙嘅口感。薄燒嘅牛舌輕輕兩面一燒就可以食，口感好爽有咬勁，又帶有牛味同少許油脂，唔錯！特級牛頸肉呢一款牛脂肪分佈好平均，牛肉味比較濃。薄薄一片，入口剛剛好。唔加任何醬汁都食到濃濃嘅牛味。皇者牛排骨牛排骨嘅肉質比牛頸肉滑，入口嫩而有肉汁。經過腌製又係另一翻風味，味道偏濃。個人中意呢一款多啲。黑毛豬腩呢個大推！黑毛豬肉味非常香濃，經過燒烤將油份逼出，唔怕肥膩。而且表面燒到好香口，外脆內軟好有驚喜。食燒肉點可以無生菜呢！生菜都係任叫咖，仲會附上豆瓣醬同蒜頭辣椒，夠哂正宗呢。海鮮類亦都有好多。帆立貝 帶子新鮮鮮甜，而且肉質彈牙。花甲大大碟，雖然細粒但粒粒厚肉無沙。呢到嘅特式係仲有好多韓式熱食比你揀，我就要咗泡菜湯同炒年糕。泡菜湯熱辣辣用上石窩上，雖然係放題，但絕不棄