影片
更多
2016-09-25
1908 瀏覽
近排天氣都轉涼番少少, 於是就帶左屋企人去朋友推介既一間放題式既韓燒試下, 去到門面好易認, 入到去落一層就係餐廳。入面格局都唔錯, 坐位寬敞而且唔會好油煙。食韓國菜點少得八小碟, 我自己最鐘意芽菜, 其他都好味。呢道既特色就係所有食品包括韓燒肉類以及熟食都係任叫的, 而每位加$38的話就可以upgrade燒肉, 例如可以叫埋肉眼扒、皇者牛排骨、帆立貝等等。飲品就要係出面自己拎。我地四人枱有兩個爐, 甘一邊就專燒海鮮, 分別叫左花甲、魷魚、大蝦、帶子、多春魚同秋刀魚。花甲都唔算難燒, 燒到甘上下就會自動開口, 肉質非常鮮美。多春魚係我既至愛, 滿滿既魚春真係令人大飽口福。第二輪再加埋帆立貝一齊燒, 啖啖肉超大隻超新鮮, 放埋少量蒜粒係面仲惹味。肉類燒烤區我地分別燒左牛肋骨肉、牛頸肉、安格斯、牛舌、牛仔骨同埋黑毛豚肉。牛舌啖啖肉, 冇令人失望。牛肋骨肉真係幾欣賞, 肉質鲜美得黎又唔會好多筋, 燒到八成熟既時候已經油香四溢, 非常惹味, 而皇者牛仔骨又係有異曲同工之妙, 極度推薦。黑毛豚肉都有驚喜, 真心同韓國食到既差異不大, 而且都唔會太肥膩。除左燒大量肉類外, 再試埋個生牛肉他他, 拌
食韓國菜點少得八小碟, 我自己最鐘意芽菜, 其他都好味。
呢道既特色就係所有食品包括韓燒肉類以及熟食都係任叫的, 而每位加$38的話就可以upgrade燒肉, 例如可以叫埋肉眼扒、皇者牛排骨、帆立貝等等。飲品就要係出面自己拎。
我地四人枱有兩個爐, 甘一邊就專燒海鮮, 分別叫左花甲、魷魚、大蝦、帶子、多春魚同秋刀魚。花甲都唔算難燒, 燒到甘上下就會自動開口, 肉質非常鮮美。多春魚係我既至愛, 滿滿既魚春真係令人大飽口福。
第二輪再加埋帆立貝一齊燒, 啖啖肉超大隻超新鮮, 放埋少量蒜粒係面仲惹味。
肉類燒烤區我地分別燒左牛肋骨肉、牛頸肉、安格斯、牛舌、牛仔骨同埋黑毛豚肉。牛舌啖啖肉, 冇令人失望。牛肋骨肉真係幾欣賞, 肉質鲜美得黎又唔會好多筋, 燒到八成熟既時候已經油香四溢, 非常惹味, 而皇者牛仔骨又係有異曲同工之妙, 極度推薦。黑毛豚肉都有驚喜, 真心同韓國食到既差異不大, 而且都唔會太肥膩。
除左燒大量肉類外, 再試埋個生牛肉他他, 拌埋蛋食更滑溜。伴碟既仲有蘋果同蘿蔔絲, 都可以撈埋生牛肉一齊食。
海鮮煎餅 - 唔算太厚粉, 煎得外脆內軟, 入面海鮮配料都多, 都係一個唔錯既選擇。
海帶湯 - 食左甘多燒烤同濃味食物可以清一清油膩既感覺, 海帶有好多份量, 而且飲唔到有味精, 唔錯既。
張貼
