高麗軒韓國料理 (已結業)

食韓燒點少得前菜，最鐘意呢道唔係全部都係辣。仲可以任添的啊。任食最大滿足就係叫到全檯都係，放都無位放。仲叫左兩個牛骨湯、兩個生牛肉、兩個海鮮煎餅，仲有不斷為你添加的前菜😂朋友話韓燒唔食海鮮，但我個人就鐘意食海鮮多過肉囉！你睇兀，幾新鮮❤️牛肉既選擇都有好多種，因我我本身唔算太食肉獸，所以我都唔係太識分邊隻打邊隻😂熟食都好多選擇，賣相都唔差，我推介食銀雪魚，不過不失。仲有海鮮煎餅同生牛肉係必叫的！

早前已預定今天需要出尖沙咀, 又久久未嘗韓燒, 所以已提早不斷搜尋openrice有咩好野食, 終於比我見到呢間名字非常傳統的韓燒, 睇一睇評語唔錯, 仲要有我最愛的和牛, 價錢只需要$208, 當然要同老公試試。 如要選擇和牛要加多些少(+$38)晚上17:45準時到達, 一坐低先上5碟前菜, 其中既醃青瓜醃得唔錯, 爽口清新, 非常開胃。食得和牛燒肉放題, 當然要怒叫和牛。熊本霜降和牛一睇和牛的油脂分佈就知係好野, 啖啖油脂, 入口即溶, 肉汁大爆發, 一共食左3大碟。剩係食呢條肉都夠哂, 回本必食。特急牛頸肉牛肉雖然油脂分佈不算平均, 但小妹鐘意他的厚度, 不會太厚, 燒一燒, 薄薄的成塊食岩岩好。肉眼扒&牛舌肉眼扒比較厚, 肉質較前者遜色, 食多兩塊容易感膩。而牛舌同樣未夠薄身, 燒完會較難咬開, 感覺一般。海鮮拼盤拼盤有帶子, 青口, 蝦, 魷魚等等。值得一提是帶子大大粒, 非常鮮味, 只需些少鹽醃味已足夠帶出鮮味, 必食推介。皇者牛排骨聽個名都知唔惹少, 雖然擺放美感一般, 但實力非凡。牛肉厚度適中, 醃料惹味, 油脂充足, 一啖一口回味無窮。蛋伴生牛肉最估不到是任食竟然有

韓燒曾經都係香港大熱過一排，突然好回味自助燒既日子‧於是決定今晚回味一番！我地約左７：３０，好彩有訂位，間餐廳好多人食同埋門口都有人等緊位。如果無訂位唔知要等幾耐。$218加一 任食2個鐘。肉方面,有牛/羊/雞 都係一d大路會食到既肉類同部位。調味方面唔錯。另外佢仲可以加$38 upgrade 海鮮。最估唔到既係原來佢有熱食..有魚、人參湯等等。仲有海鮮任叫,我地當然唔會放過呢個機會盡叫海鮮啦。唔好以為韓燒d海鮮就會唔靚，我地叫左既帶子同蝦都好新鮮，唔會有海水或者雪藏味，加上本身已經有幫我地調味，就咁燒完已經好惹味喇。一路燒，一路諗番起童年成日玩個個烤肉game..帆立貝好大粒，落左d調味，相當入味！仲有大大隻羊架食！！仲有得叫 好靚雪花紋既日本和牛，五花腩，牛仔骨等！肉質相當嫩！《鮮魷魚🦑》好爽口彈牙！ｄ肉食到咁上下我地就叫左人参雞湯飲！仲encore左一次添！上湯時ｄ湯好夠熱而且飲落有淡淡既人参味，絕對唔比出面獨立叫一個人参雞湯差，非常之好味！唔可以錯過！推薦！店員亦非常有禮！是一間很好質素的韓燒呀。

最近沉迷左玩overcooked👩🏻‍🍳係咁燒牛扒又燒廚房😂。搞到好想食韓燒，真實體驗下😬希望唔好燒著人間舖頭！😄一直對於韓燒不太感興趣，因為以前食過好多既質素都好麻麻。都係d普通凍肉店既質素咁。所以好少食。經朋友介紹下，就去左呢間食。話信心保證，又抵食又好味喎！餐廳就係尖咀婚紗街個條街，好昜搵到。環境都幾大，同坐得好闊落，夠哂舒服。夜晚時段都係$218。佢唔止包燒烤野食同野飲，仲可以叫佢啲小食炸物，一鍋鍋既湯，石鍋飯，好多款既韓國料理食。哇……又真係幾抵喎！😎仲有個升级優惠，朋友話一定要叫：只加多$38，就可以任點 熊本和牛🐄，特级牛頸肉，肉眼扒，皇者牛扒骨，🐽黑毛豬腩，海鮮 帶子，帆立貝，羊架🐐，虎蝦!真係好正！😍😍太吸引，即刻叫哂黎食！！☝坐底左，佢會俾六種既前菜我地食，開開胃先！不得不讚，呢度既 泡菜，又真係唔錯！佢唔會好酸又唔會話好鹹好辣。岩哂香港人既口味！真係好開胃！😉食完又食..汽水飲品係自助吧，可以任飲🍷啲野好快就黎，而且唔會話漏單。🐐羊架：好少可以燒羊加食！！d羊架又幾大隻，而且又幾好味喎！！唔會話好大陣穌味！☝推介。😍係熊本和牛呀！🐄啲雪花紋好靚，唔洗話燒得好耐就食

又給我遇到一間以超值放題價錢便吃到散叫質素的任飲任食韓燒！正！餐廳位於尖沙咀，位置便利。環境不錯，有不少沙發卡位，大夥人來聚會也非常適合。而且餐廳的通風系統做得很好，不會充斥油煙，離開後衣服也沒沾滿油煙味。我們在平日的晚上七時許來到，場內已有不少人客在吃，當中更有遊客。我們吃到一半更已全場爆滿，幸好一早訂了枱。食物選擇極多，單單肉類已佔了三四頁，最驚喜的是連海鮮都是任食，不用額外加錢，而且款式不少，好超值！除了韓燒食材，意想不到的是熟食類也超級多款，如各式石頭鍋飯(連鰻魚都有)、韓式湯鍋、煎餅、炒年糕、炒粉絲、人蔘雞湯、蛋伴生牛肉等韓國食品應有盡有，名副其實韓國料理餐廳！各式飲品自取任飲，當中有不少韓國牌子飲料，店員更會不時refill。店員服務好好，殷勤而效率高，所有食物超快送到，幾乎是即叫即到，完全不用等，很快便擺滿一桌。一開始更送上泡菜等前菜小食，讓我們等食物燒熟期間先開開胃。食物方面均有質素，海鮮類如帆立貝、海虎蝦、花甲、帶子、鮮魷等都十分新鮮又大件。個人特別喜歡鮮魷，非常爽滑鮮甜，令人吃不停口。很喜歡餐廳單單是牛類的選擇已極多，有牛仔骨、牛肋骨肉、肥牛等，另加少少錢更可任吃肉

友人提議聚會，我提出這裡，因為之前吃過，覺得很低食，價錢都係$218，就有幾拾款食物可以食，如果升級加$38，仲可以和牛、海鮮、牛排骨、黑毛豬腩等任吃。一開始就當然是熊本霜降和牛、牛排骨、牛頸肉、肉眼扒、海鲜拼盤。熊本霜降和牛，脂肪分佈均勻，入口溶化。牛排骨是我最愛，因為牛味最重，而肉質軟腍。牛頸肉肉味濃厚，有嚼勁。肉眼扒肉質軟腍，容易入口。侍應還很貼心送上生菜、韓式甜醬、青椒、蒜頭，給我們包著和牛、牛排骨和牛頸肉來吃，這是最正宗吃韓國燒烤的食法。這個食法可以減少肉類油脂所帶來的肥膩感，結果就是所有牛肉，都連續追加數碟。海鮮拼盤有元貝、帶子、魚柳、靑口、中蝦，全部都好鮮甜。我覺得以帶子最好味。之後又點了人參雞湯 ，想不到雖然是放題，味道是很正宗。吃燒烤又點會缺少了酒，我們要了日本清酒$68🍶兩瓶。韓國真露$55一瓶。今晚和好友吃這餐，都可是飲飽食醉了。我們離開時，已經有很多客人在等位，下次再來時都是要預早訂位。

韓燒其實不是我心頭好，嫌它肉多菜少;而且太肥腻。 但阿仔很想去食因朋友介紹有一間韓國菜館價錢適中而食物質素高，所以咪齊齊去試下啦。 原本個餐是218元 兩個鐘頭內任飲任叫 但因為有張「特別推介」紙，有D靚牛食，於是我地都加左38蚊，食埋D精選。我們坐下後店員就送上韓式小碟，有泡菜、菠菜、芽菜、醃蘿蔔、豆角、青瓜。熊本霜降和牛一塊塊佈滿雪花的和牛，脂肪分佈得很均勻。燒烤後牛味甘香四散，趁熱吃真有入口即溶之感。皇者牛排骨肉質嫩腍，有少少脂肪，唔會太瘦，好食！法式羊架羊架大大件，肉質嫩滑，加點香草的醃料令騷味不會太重。帶子一碟帶子的分量很多，絕無欺場;而且粒粒又大又鮮。黑毛豬腩黑毛豬尤如五花腩咁一層肥一層瘦，淨看已覺 很肥膩;但燒完肉質香口脆滑。帆立貝係比較細隻，連殼燒，中規中矩。韓國麵豉生菜用它來包住D黑毛豬一齊吃，卽刻感覺清新很多。什錦蔬菜鮮蝦肉質爽口彈牙很鮮甜。

曾經食過無數的韓燒，今晚去的「高麗軒」最令我滿意。肉類品質有水準，抽煙系統好，服務快而準。兩小時任飲任食只$218，如喜歡的話加$38為升級版，當然不會吝嗇那幾十元食豪啲啦。肉眼扒，牛排骨，牛頸肉，熊本霜降牛肉....綜合多款牛，我特別鐘情霜降牛和牛排骨。霜降牛肉紋理分明均稱，油脂充滿口腔，味濃軟腍。牛排骨調味恰到好處，入口鬆化，滋味！重覆點了多次。咪被黑毛豬腩肥膏嚇襯，燒起上來，脂肪溶化特別香口，肉質又不韌，讚呀！海鮮有蝦，花甲，帶子，凡立貝.....好鮮好甜美。尤其蝦隻，爽脆彈牙。友人對帶子讚不絕口。燒雞翼不容錯過，燒到微微焦香，嫩滑有肉汁，正！隨了燒烤，還有其他如湯類，飯類...可任叫的。隨意地叫了海鮮煎蔥餅，雖然海鮮料並不太多，但蛋味夠香濃。豆腐辣湯如再辣多些少，咁就更完美了。以咁嘅價錢食到咁嘅質素，相當不錯，值得推介。

呢個係尖沙咀美麗華直行就到，之前朋友食過，話好耐冇食又想食下，就一齊去食了想講道門真係好重，真係要好大力開門前菜有幾碟，最喜歡係蘿蔔 ，食嘢好開胃海鮮拼盤有青口、帶子、大大嚿嘅魚、扇貝、蝦同魷魚海鮮拼盤有唔少既海鮮，新鮮，帶子好大粒，要慢燒，真係要慢燒，我第一round 燒竉咗青口，傷傷心除咗海鮮拼盤，呢度既海鮮有唔少既選擇，仲要顯、多春魚等，可以分開叫日本霜降和牛色澤光澤，油脂好分明，紋路都好清晰，可以見到一條條紋，食落牛肉味重五花肉大大舊，要分開幾次燒，燒完可以包生菜🤗🤗人參雞湯呢個雞肉係雞肉碎，食完任食已有啲飽，可以方便食用同飲下湯

今日午餐食好啲，嚟咗呢度食個豐富嘅韓燒先牛肉夠入味，夠新鮮牛肋肉都唔錯，雖然唔係跟骨一齊上，但對我仲好，仲方便牛脷，爽口薄身豬腩肉，夠肥美虎蝦夠新鮮，頭唔會黑麻麻帶子爽口，份量又大加上汽水，茶類任飲，尖沙咀呢個價錢算抵食

真的很喜歡吃肉！尤其是烤得香噴噴的肉，好友相告這間吃韓燒放題抵食，拿拿臨訂位。餐廳位是食肆林立的金巴利道，晚上七時，近門口處坐著一些等位的人，幸好預早幾天訂了位才不致向隅，看餐廳陳設，應該是歷史悠久，經得起歲月的考驗而屹立不倒，畢竟吃進肚子的是食物，不是裝修，地方整潔已很足夠。甫坐下，侍應迅速送上前菜五小碟，泡菜，菠菜，荳芽等，令人胃口大開。未點食物前，先到大冰桶取飲品，有多款任飲！一定高興喇！二人同來的放題時間是一小時三十分，要把握時間分秒，立刻行動。餐牌分別列出牛肉類，豬肉類，海鮮類等，只需用紙寫上食品號碼便成，方法原始，但簡單有效。餐牌選擇多到唔知點揀？牛肉類有牛仔骨，牛脷，牛肋骨肉，肥牛，牛肉。豬肉類有辣汁五花腩，豬排骨，豬頸肉，豬扒等。海鮮類有花甲，魚柳，鮮魷，海虎蝦，多春魚，青口，秋刀魚和墨魚仔。 而雜錦類有雞肉，什錦蔬菜，蒙古羊肉 ，紅腸，冬菇，雞肉腸，雞翼。 廚師精選有蛋拌生牛肉，牛肉炒什菜，海鮮煎蔥餅，泡菜煎餅，泡菜炒豬肉。 湯類則有人蔘雞湯，辣海鮮煲，豆腐辣湯，年糕湯餃，牛肋骨湯，牛尾湯。有一篇選擇叫一品料理，有韓式炒年糕，辣汁炒五花腩，辣醬炒鮮魷，鹽燒鯖魚，韓式炒

自己並唔係特別鐘意食韓燒嘅人，但身邊總有幾個朋友好喜歡烤肉，我都一定捨命陪君子，是日晚餐約定於尖沙咀金巴利道嘅高麗軒。係人都知，尖沙咀多韓國野食，又有料理，又有燒肉，揀呢度貪佢睇落性價比幾高，選擇又夠多，價錢合理，又唔洗好似某幾間韓燒任食，食垃圾。大約8點鐘來到，9成9滿座，訂位最穩陣，否則可以9點後入座，會鬆動D，價錢又平D。我地兩個人，用餐時間1.5小時，價錢係218蚊。本來218都一定夠食，但因為有張「特別推介」紙，有D靚牛，於是我地都加左38蚊，食埋果張紙嘅選擇，抵加架！任食有牛肉、豬肉、海鮮、韓國料理、湯類、飯等，好豐富。而我最欣賞係呢度嘅食物一律畫紙仔，唔洗好似食劣食咁，要自取。呢度D店員都算幾細心，有主動換網、收碟、態度都唔錯，又輕輕介紹下餐牌。一上枱，店員就會送上韓式小碟，有泡菜、菠菜、芽菜、醃蘿蔔、豆角、青瓜。加左38蚊任食嘅項目：肉眼扒、牛排骨、牛頸肉、黑毛豬腩、帶子、帆立貝、和牛、羊架、海鮮拼盤、炆牛肋骨冇試哂咁多款呀，因為得兩個人~皇者牛排骨牛排骨肉質嫩腍，唔會醃到太重手，仲有牛味，加少少脂肪，唔會太瘦，好食！特級牛頸肉牛頸肉鐘唔鐘意就見仁見智，我自己就覺得瘦左

今晚約左3個好耐無見嘅朋友仔喺尖沙咀食晚飯，其中一個介紹呢間韓燒放題話佢好味夾抵食！因為一行共4人, 所以我哋每人畀$218 就可以食2個鐘放題。一坐低待應就上5碟前菜畀我哋開開胃。餐牌上面有好多種肉類可以選擇，基本嘅牛類都有5款，豬有6款，海鲜有8款，什錦類8款，仲有廚師精選湯類，一品料理同飯類可以揀。真係見到都已經好開心，呢度D汽水仲要係任飲架！為左要任燒呢度特別推介的食物，我哋揀每人畀多$38任燒霜降和牛、海鮮拼盤、皇者牛排骨、黑毛豬腩、特級牛頸肉、帶子同帆立貝。海鮮拼盤有鮮蝦、帆立貝、青口、魚柳同魷魚，D海鮮全部好新鮮吃落一D都唔腥，我哋總共擦左三份。霜降和牛燒完油香味重，肉質嫩滑，真係閒閒地都食3、4碟！皇者牛排骨，牛味濃，咬落唔靭好好味！黑毛豬腩肥瘦均勻，燒到外面脆脆地用嚟包生菜配麵豉醬，大滿足！帶子粒粒都好大粒，食起上嚟好鮮甜，正！食韓燒當然唔少得燒返D瓜菜、鮮菇嚟中和下啦！人蔘鷄湯一路滾住上枱，湯料好豐富，夠出色！好鐘意呢度的牛尾湯，牛尾味夠香濃但又唔會羶。同朋友仔歡聚2小時，個個都食到 lum lum痢，每人都係二百幾蚊真係超值！

加$38升級任食，只有皇者牛排骨好吃，但是和相片不乎而且order4次只來一次。其他食物更加一般，魷魚，帶子扇貝等沒有鲜味，質地如擦纸膠。虎蝦，细，不新鲜。 什麼黑毛豬腩肉，只有肥脂，沒有肉香。 飲品款式少，除可口可樂，和cider, 竟然見到「康師夫」。 失望……

好耐冇同肥仔去食好西!! 今日BOOK左食韓燒! 一於又食肥佢!好在有BOOK位... 好多人排隊, WALK IN 未必有位。一黎到有前菜,就係韓式小吃6款，款款好味，蘿蔔和青瓜最開囿胃。睇下MENU 先....每人加$38可吃特別推介的食物,有海鮮又有靚牛任食! 所以加左。皇者牛排骨甜甜地同好濃牛肉味，無咩脂肪，肉質好嫩滑又多汁，超級推介。 牛利, 係唔駛加錢既牛味香濃，牛利比較薄身，燒落去好爽口。 熊本霜降和牛, 一定要食!!!塊塊都有雪花紋，脂肪比例平均。肉質鮮嫩，牛肉味濃郁，有入口即溶的感覺，推介。特級牛頸肉肥瘦比例剛剛好，口感帶嫩滑 。肉眼扒肉色鮮紅，帶少許脂肪，肉質不會太韌，口感帶爽滑。帶子,都係推介!非常厚身和新鮮，約有一元硬幣的大小，燒完都唔會太縮水。帆立貝大大粒鮮味十足，一路燒D帶子汁出哂黎。青島啤酒食燒肉一定唔少得飲啤酒。芒果啤酒芒果味好香，啤酒味仍然好出。真心好飽, 90分鐘係咁食牛...其實仲有好多熟食, 不過肥仔想燒多D,都幾抵食!!可以再食!