影片
更多
2018-03-16
121 瀏覽
自己並唔係特別鐘意食韓燒嘅人，但身邊總有幾個朋友好喜歡烤肉，我都一定捨命陪君子，是日晚餐約定於尖沙咀金巴利道嘅高麗軒。係人都知，尖沙咀多韓國野食，又有料理，又有燒肉，揀呢度貪佢睇落性價比幾高，選擇又夠多，價錢合理，又唔洗好似某幾間韓燒任食，食垃圾。大約8點鐘來到，9成9滿座，訂位最穩陣，否則可以9點後入座，會鬆動D，價錢又平D。我地兩個人，用餐時間1.5小時，價錢係218蚊。本來218都一定夠食，但因為有張「特別推介」紙，有D靚牛，於是我地都加左38蚊，食埋果張紙嘅選擇，抵加架！任食有牛肉、豬肉、海鮮、韓國料理、湯類、飯等，好豐富。而我最欣賞係呢度嘅食物一律畫紙仔，唔洗好似食劣食咁，要自取。呢度D店員都算幾細心，有主動換網、收碟、態度都唔錯，又輕輕介紹下餐牌。一上枱，店員就會送上韓式小碟，有泡菜、菠菜、芽菜、醃蘿蔔、豆角、青瓜。加左38蚊任食嘅項目：肉眼扒、牛排骨、牛頸肉、黑毛豬腩、帶子、帆立貝、和牛、羊架、海鮮拼盤、炆牛肋骨冇試哂咁多款呀，因為得兩個人~皇者牛排骨牛排骨肉質嫩腍，唔會醃到太重手，仲有牛味，加少少脂肪，唔會太瘦，好食！特級牛頸肉牛頸肉鐘唔鐘意就見仁見智，我自己就覺得瘦左
大約8點鐘來到，9成9滿座，訂位最穩陣，否則可以9點後入座，會鬆動D，價錢又平D。我地兩個人，用餐時間1.5小時，價錢係218蚊。
本來218都一定夠食，但因為有張「特別推介」紙，有D靚牛，於是我地都加左38蚊，食埋果張紙嘅選擇，抵加架！
任食有牛肉、豬肉、海鮮、韓國料理、湯類、飯等，好豐富。而我最欣賞係呢度嘅食物一律畫紙仔，唔洗好似食劣食咁，要自取。
呢度D店員都算幾細心，有主動換網、收碟、態度都唔錯，又輕輕介紹下餐牌。
一上枱，店員就會送上韓式小碟，有泡菜、菠菜、芽菜、醃蘿蔔、豆角、青瓜。
加左38蚊任食嘅項目：肉眼扒、牛排骨、牛頸肉、黑毛豬腩、帶子、帆立貝、和牛、羊架、海鮮拼盤、炆牛肋骨
冇試哂咁多款呀，因為得兩個人~
皇者牛排骨
牛排骨肉質嫩腍，唔會醃到太重手，仲有牛味，加少少脂肪，唔會太瘦，好食！
特級牛頸肉
牛頸肉鐘唔鐘意就見仁見智，我自己就覺得瘦左D，食落有嚼勁，但容易燒到老。
熊本霜降和牛
加38蚊淨係食呢款牛都抵啦，任食，我地都encore左幾轉。和牛肉先唔好講咩級數、邊度來，起碼油花靚，食落油份較多，又腍又滑
帆立貝
係比較細隻，連殼燒，中規中矩。
紅炆牛肋骨
平時都知道朋友鐘意食牛肋骨，事實上求其一間韓國料理食都唔平，分分鐘平嘅都要七、八十蚊啦。
呢度嘅牛肋骨炆到好腍，好入味，冇渣，而且D蘿蔔好鬼甜，正
牛脷大塊，較容易烤老，要小心掌握時間。牛仔骨加有蒜蓉醬，幾香口。
辣汁五花腩醃製過，唔會太鹹，少少少辣，朋友幾鐘意
花甲、海虎蝦、鮮魷都屬任食項目，花甲飽滿多汁，輕輕燒過就就開口。海蝦唔算大隻，口感爽口彈牙
點燒肉，唔少得生菜、大醬、蒜片，菜葉新鮮爽脆。
湯品類有人參雞湯、牛尾湯、泡菜湯等十款，我都忍唔住點左豆腐辣湯
張貼
