高麗軒韓國料理 (已結業)

《#高麗軒韓國料理》📍金巴利道46-48號地庫任食韓燒平日晚市：$218位 特別推介食品+$38/位 有基本汽水自取 酒類另加錢———————————————————韓燒類： 🔹牛利🔹辣汁五花腩🔹牛頸肉🔹牛仔骨🔹熊本霜降牛🔹帆立貝🔹什錦海鮮拼盤🔹雞翼🔹生菜熟食類：🔹泡菜煎餅🔹韓式炒年糕🔹辣泡菜湯———————————————————🔸前菜類：醃蘿白幾好味 泡菜如果辣d就好 青瓜都好味🔸韓燒類都多選擇 牛仔骨幾好味👍🏻 醃得幾入味海鮮拼盤有扇貝蝦有魚有青口等都值得一試熊本霜降牛油脂分佈都平均牛舌都大塊同薄 幾容易燒辣汁五花腩包菜食唔錯 但可以辣d🌶生菜連埋蒜頭 燒一燒蒜頭再包肉食就更好味啦🔸但熟食類真係有d失望 得泡菜湯ok 夠多泡菜 辣度都夠———————————————————💬整體都唔錯 服務態度幾好 加一係抵比嘅 都會主動幫我地換網👍🏻今時今日係香港普通食個韓國野都成舊水 韓燒二百零蚊差唔多啦 位置仲要係尖沙咀咁方便美中不足係個火比較細d 放旁邊d野燒好耐😂💭仲有好多野食無試到😂下次多d人食可以試多d款———————————————————byT:8/10instagram: 9

If you are looking for some quality all-you-can-eat korean bbq, I can assure you this is the to-go-spot that doesn’t disappoint! Also worth the price! The quality of beef, lamb and all variety of korean seafood like scallop and sablefish were hearty and luscious! Worth mentioning was the egg wrapped fish fillet! It was fried invitingly yet the meat was kept enticingly tender! For beef, 熊本beef was certainly spot on! The texture was enticing! Really lusciously inviting! 熊本和牛editions with high fine

天氣凍返啲，一係打邊爐，一係就 bbq行完美麗華已經勁肚餓，又有個超擦得嘅朋友仔同行，梗係食放題啦我地今晚 7點入座 每位 $218另外加 $38 可以升級，再有一個菜單任叫汽水任飲未加 $38，燒烤嘅菜單已經有齊基本豬、牛、雞、海鮮、菜、菇另外料理方面、有湯、飯、煎餅勁多款食物我地主打食燒烤，同埋天氣凍、叫左個湯暖暖身前菜有五款，食完同樣可以無限 refill海鮮湯超足料、蝦、魷魚、蜆、青口，仲有豆腐同蘿白我食晒啲蘿白啊，又淋又入味皇者牛排骨同霜降和牛真係好鬼正加 $38 之後淨係叫呢兩款都抵返晒所有野都好好食，蜆又鮮甜放題重點係咩呀，上菜快、先食得飽同試多幾款而唔係特登拖慢你、等你食唔到野店員每一個都好有禮貌食得好愉快

呢間餐廳的放題朋友吃過話正，當然要試下！加左$38/位，試埋呢度嘅特别推介。熊本霜降和牛，淨睇D油脂分佈就知朋友無介紹錯啦！肉眼扒牛味濃唔“un”黑毛豬腩燒完香口無得彈！海鮮拼盤夠新鮮肉質鮮美。帶子粒粒新鮮又大粒！人蔘雞料足味濃！有多種汽水任揀任飲!好滿意朋友嘅介紹，呢間餐廳絕對喺可以再幫襯之列！

朋友介紹話呢間韓燒放題好味抵食，今日決定一試。本嚟$218/位可以食夠2個鐘本嚟已經好吸引，不過睇完餐牌之後我哋決定每位加$38 upgrade 豪嘆霜降和牛、海鲜拼盤、帶子、黑毛豬腩... 放題。熊本霜降和牛油脂分佈好均勻，食落滿口油香，正！皇者牛排骨，肉質嫩滑牛味濃。一見到份黑毛豬腩肥瘦相間就已經好想食，果然燒完外脆肉嫩，口感層次豐富，讚！海鮮拼盤同帶子都好新鮮，當然要每樣encore 幾次善待下自己啦！好鐘意個牛尾湯，牛香味濃好出色，可惜唔記得影相。當然唔會唔記得叫返份生菜韓國麵豉醬用嚟包住燒好嘅肉食，生菜可以中和肉類的油膩感，塊肉加D麵豉醬就更加好味！連汽水都任飲，呢餐真係無得輸！

高麗軒韓國料理，位於尖沙咀金巴利道，即諾士佛臺橫街街尾對面。已營業好一段時間，可說是老牌韓式料理專店。訂左星期日12時2位韓燒，大大力推開大門，落了樓梯，到達鋪面。環觀鋪面整潔，座位寬闊，可容納超過60多位食客，而且仲有1間VIP房，一大伙兒齊齊食韓菜就至岩。鋪面以淡淡黃燈照明，增加柔和感。一會兒，店員迅速安排座位，親切介紹餐牌一輪，端上前菜。我們就開始翻看餐牌，點餐！配菜中的泡菜、青瓜、蘿蔔和芽菜十分爽口醒胃。任飲罐飲，目測見有3款選擇，可樂名的款cider，我先拎2罐可樂開場。午市$198/1位任食，超抵食！見特別推介的小食好吸引，就+$38 去點。我倆一口氣點了十多款餸，食個豐富的lunch。高麗軒落單點餸，不用四出起身拿碟盛，方便又舒服，仲有雙手不怕沾污；食品衛生問題又不用擔心，可以專心傾下計、燒下野食。十分鐘左右，海鮮、肉類和熟食都陸陸續續上菜。先來張大合照，未食已經流晒口水！先是韓燒罕見帶子，一碟4粒大大舊，燒完都入口彈牙；然後是帆立貝，配埋蒜蓉更帶出滋味，真係超級好食；水潤鮮魷，微微燒起內卷，食落滑彈。亦點了花甲，一碟接近廿粒，殻也不時有舌伸出，非常新鮮，燒十分鐘左右為佳

久違了的韓烤，小時候經常都會同家人食韓燒定食，近年韓燒都轉變了不少。金麗軒是比較舊式的韓燒店，好有親切感，現改為放題形式都幾好，落單快，細細碟上，可以減少浪費食物，又不用出去自助夾食物咁污糟，$218一位價錢合理，每位加$38可以追加以下食物，我覺得都好值得加。皇者牛排骨極推介，細細塊口感好，肉嫩，味道一流生菜好新鮮，配埋麵豉醬，夾埋肉一齊食冇咁油膩好清新。肉眼扒及特級牛頸肉牛味較濃，同樣都唔韌，肉質好。熊本霜降和牛，雖然不算最上等和牛，但油脂分布得幾好。帶子都幾好味，冇雪味，燒得剛剛好熟最正。虎蝦雖然細隻，尚算新鮮，好易離殼。呢款雞肉係我小時候食韓燒的最愛，點埋甜甜地的醬汁，yummy 。除了燒烤類，其實仲有熟食的，湯、石頭窩飯、煎餅等等都有，好多元化，我試了人參雞湯，開始有點擔心會否太飽，好彩不是全隻雞上😂，湯味都幾濃，有糯米味道，雞又滑，不錯👍🏻汽水任飲！

近排和老媽吃得多齋，決定和阿哥來個食肉饗宴。這間高麗軒韓國料理應該算是老店，有點懷舊，有在地牢，座位不多但舒服，還有一間是包廂的。一坐下店員就會介紹放題資料。每位$218，有服務收費。用餐時間$1.5小時，餐牌上都可叫，在門口位飲品自助區。想吃的食物寫No.交給店員即可。每人加$38可吃特別推介的食物。我們都加了。介紹好後才上枱的韓式小吃。不像某些韓燒店一早放底，感覺乾淨得多。而且有6款，款款好味，不過蘿蔔和青瓜最好味，又辣又酸，而且出面少見。不過份量對二人來說有點多，吃不完有點可惜。我讓阿哥發板。不知是否吃齋吃得多很想吃肉，他叫了很多很多很多的肉！吃得我整晚都好飽，他說是因為每碟份量都很多，如果知道就不會一開始叫這麼多。皇者牛排骨。甜甜的，肉質鮮嫩，口感十分彈牙，一口一件超級好味！牛利。薄切但好大塊，感覺容易燒得多。牛味濃郁又有口感。熊本霜降和牛。雪花般的油花紋理很漂亮，看得出油脂分佈均勻。肉質鮮嫩，肉味濃郁，有入口即溶的感覺。特級牛頸肉。肥瘦適中，肉質腍而口感嫩滑，同樣好味道。牛肋骨肉。份量超多，薄切又長，有點像吃肥牛。但軟滑一點都不鞋十十。辣汁五花腩。有少少辣，很惹味。五花腩。薄

難得今日初七人日人人生日當然要慶祝一下，就選擇韓燒放題，因好耐冇食韓燒。我地選擇加$38有多些高質的牛肉和海鮮熊本霜降和牛油脂均勻，肉質夠嫩滑牛味香濃。牛頸肉肉質夠淋，燒完牛味濃厚燒銀雪魚肉質夠嫩滑，外層層皮好香口。配菜好好味，蘿蔔和青瓜酸酸甜甜好入味，泡菜辣辣甜甜地好正。蛋伴生牛肉唔是道道地方有得食，難得呢間有得食仲要系任食真是正，牛肉嫩滑撈埋雪梨🍐絲食好正，雪梨絲爽甜，生牛肉又唔會有腥味😋雖然花甲細細隻但每隻都肉質飽滿，又鮮甜美味可口，唯一缺點是有少少沙。燒海鮮有：青口，蝦，扇貝，魚和平魷魚🦑。紅炆牛肋骨紅蘿蔔和白蘿蔔炆到好入味，索晒d肉的精華，牛肋骨又好夠味又夠淋

高麗軒與一般韓國放題燒烤不同,晚市二百多元,但只要加三十八元,便可將放題升級。放題的選擇多樣化,牛肉紋理分佈細緻,新鮮嫩口,色澤紅潤。豬肉肥瘦適中。另有不少野菜,可以中和肉膩感。熟食方面,先點一鍋人蔘雞湯,有紅棗,暖一暖胃。湯類選擇多,亦有海鮮豆腐湯等。炸鱈魚肉厚,魚塊很長,炸得恰好,鮮嫩可口。海鮮拼盤有鮮尤、海蝦、帶子,帶子質素高，燒極都嫩。最推薦的是霜降牛肉,平日高級超級市場二百蚊一包,現在無限放題,燒一陣已經恰好,油花分佈平均。

韓國菜一向是我的最愛，今日朋友帶去一間韓燒放題，一試後驚喜萬分。晚市價錢218元一位，任飲任食，加38元可以升級任食一些高質食材，如羊架、牛頸肉、熊本霜降和牛。以下嚴選了幾款必吃的食材: 1) 熊本霜降和牛 - 脂肪均勻，入口即溶2)特級牛頸肉 - 牛味濃郁，有咬口3)帶子 - 大大粒，燒得耐肉質還能保持嫩滑4)帆立貝 - 新鮮味甜5)海鮮拼盤 - 青口大、魚柳肉厚鮮嫩、魷魚爽口鮮甜6)雞奕 - 簡單的雞奕但味道調製得十分美味7) 牛肉 - 切得薄薄的，容易燒，且牛味濃試問二百多元可以任食高質和牛和海鮮，還可以在哪裡找呢？最重要的是，餐廳的上菜速度快、份量足，絶不將貨就價。

來到尖沙咀，如要經濟抵食，真心推介此餐店大夥兒到來吃了個午餐buffet，12：30-15:30 成人$198 要加1，小童$148(聽講係計高度)無限時，汔水任飲，只睇你個肚裝得落幾多除左燒烤的款式充足外，熱食也夠多，當然你可再加多每位$38食高一級的肉，但我並無加，因若然每款點一次，睇怕都食唔哂整體來說，這個價錢，食物多，時間充裕，上菜快，算是大胃王的不二之選，但環境狹小，望真d，衛生情況如大排檔，若想撐枱腳就免了

今日同同事出去食午飯，諗諗下想食下韓國粉絲所以同事帶左我去食一間係地庫好隱蔽既韓國野入到去就如同一般韓燒任食的裝修，但應該抽氣系統吾算太好， 所以燒肉味什濃，亦另到我地更加肚餓我地一坐低就送上韓國小食同牛肉湯，牛肉湯中有淡淡的胡椒味，熱辣辣冬天飲落去都幾正粉絲到左，都幾失望，無諗過係炒到甘濕，而且本身小食入面都有韓國粉絲，甘本只係將小食哥D韓國粉絲加汁加肉碎炒番熱，而且番煮之後太淋無哂口感同埋份量又小，男仔食一定吾夠，味道就不過不失，甜甜地，牛肉比較韌我諗我下次都係跟番大隊食石頭飯好D，同事食得都好知味

高麗軒尖沙咀呢個地方，最好就係行街街，買下衫啦。行完THE ONE同加連威老道後，想食韓國菜，去咗韓國街行，又覺得太貴，最後行落咗一條街，金巴利道，見到一間叫高麗軒嘅韓國燒烤，價錢唔貴，任食嘛，計返就覺得抵食就入咗去試下。其實，係我印象，呢間高麗軒已係呢個位置好耐好耐，最少二十年前。當然有冇轉咗手或者改咗名，我就真係唔知了。餐具方面：韓燒多數用鐵板，我呢啲高手，成日都燒燶食物燒燶塊鐵板，搞到成日要換就好鬼麻煩。呢間韓燒就唔同，換咗用網燒，嘩，容易控制好多，我呢啲天才都識用，唔會整燶食物。食材方面：牛肋骨肉，必食，肉Q彈，重牛味，好正。推介指數：8.5/10皇者牛排骨，必食，肉軟入味，仲有舊骨食。推介指數：8/10法式羊架，必食，大大塊，羊味不太重，易入口，食羊首選。推介指數：8/10牛骨紹菜豆醬湯，必食，牛骨味濃，有好多蔬菜在湯內，天寒地凍就最啱飲。推介指數：8.5/10花甲，沙白，冇沙，海水味重，味道鮮甜。推介指數：7/10海虎蝦，細細隻，容易燒，鮮味十足。推介指數：7/10五花腩，薄切，帶有少少骨，野火油多。推介指數：6.5/10熊本霜降和牛，雪花樣，味道一般般，可以試下。推介指數

近來工作都幾忙，去到星期五，衝完一個星期，為了迎接一個美好的周末，最好的做法就是和同事享受一個美好的午餐，之前經過呢間嘢都覺得有種好隱沒的感覺，直到今日我同事帶我來食lunch 放題，我先真真正正咁感受到佢嘅實在。招呼都幾好，一坐低就有幾款唔同嘅泡菜俾你開開胃，最下面嗰碟，係白蘿蔔片，小小辣，但係食到蘿蔔汁嘅鮮甜，後面碟青瓜都幾爽口，芽菜都係我最喜歡嘅伴菜之一。雞肉幾彈牙幾滑豬頸肉咬落去幾爽，肥肥地，夠香溜。牛肋骨呢個係我最推介嘅，調味好好，同佢本身的牛肉味互相配合，幾惹味，好值得一叫再叫。任食價錢但係食物質素高，啲湯好正，好飲過出面某啲幾百蚊一個湯的散叫韓國餐館。豆腐辣湯豆腐湯真係好欣賞，勁多料，啲豆腐好滑，湯的主調係甜的，唔好俾佢咁鮮艷嘅紅色嚇到，唔係好辣的。最正就係，啲翠玉瓜煮到好林，吸晒啲湯汁入去，口感同味道都好正。紅炆牛肋骨湯汁好濃郁，好重牛味，而且好香甜，我諗同佢落咗白蘿蔔有關係，而且白蘿蔔都係煮得好入味，吸收左湯汁，淨係食啲蘿蔔都覺得好滋味。有同伴一齊食放題真係好開心，可以嘗試多啲嘢食，最後大家飽飽地，都係忍唔住想試埋佢個海藻湯好有誠意，會放埋啲蜆落去，令到呢個海藻湯更具