馬辣台式鴛鴦火鍋 (大鴻輝(荃灣)中心) (已結業)

一早已經想上黎呢間試吓，上到去已經見到人頭湧湧，雖然多人但係都唔會等好耐。一坐低就揀咗個湯底，佢有好多種選擇俾你揀，因為佢係鴛鴦火鍋所以你可以選擇兩種口味嘅湯底。我叫左麻辣湯底同埋芫荽皮蛋湯底，芫荽皮蛋嘅湯底雖然度度都有但係依度佢完全係足料皮蛋多芫荽又夠味道。另外個麻辣湯底可以選擇小辣定係大辣，自問鍾意食辣嘅朋友一定要叫個大辣，因為佢嘅辣嘅程度唔會太勁，同埋佢個湯底有朱紅花椒八角，同出邊嘅麻辣湯底味道分別好大。佢啲牛肉都幾新鮮同埋好多種牛俾你選擇份量都啱啱好又唔會過分多亦都唔會太少，佢亦都有是日海鮮俾你揀，有海蝦，花甲，魷魚。佢任食放題係比你自己出去夾食物，所以係任你選擇同埋你自己夾份量幾多，所以唔怕食唔晒而浪費食物。飲品除咗有罐裝嘢飲之外佢仲好有誠意有啲自家製嘅嘢飲，例如夏枯草，洛神花茶等等，仲有得你自己去沖奶茶，咖啡同埋朱古力，亦都可以飲埋花茶。最後甜品超多選擇超多，淨係雪糕款式都有好多種口味俾你揀，仲加埋糯米糍，雪條同埋甜品布甸，啫喱，生果，涼粉，燉奶等等之類，實有一款啱你口味，價錢又大眾化，誠意推薦

今次真係搵到飯堂，158超值選。台灣風情，裝修又靚。我地選左麻辣鍋肥牛食得最多，牛小排、安格斯黑牛，至啱我呢個牛魔王，溫暖提示，張紙上的紅色藍色同錄色波係對反碟牛隻碟的顏色，所以知道咩牛最好食，推介藍色牛小排。數十款火鍋配料，仲有台式地道麻吉燒任飲汽水、嘉士伯及樂怡仙地外仲特式飲品如薑母茶、乳酪奶、夏枯草、多款花茶等，而我推介落神花茶，第五杯食左。2個人食左幾十碟靚牛同幾十杯野飲後，已經行唔到，都是170$ 1人咋嘆埋杯icecream say 88， very nice會再去

同屋企人第一次食，一行六人坐卡位，幾闊落！叫左胡椒豬肚同麻辣湯底。要食豬牛羊、海鮮同魚要在落單紙點，其餘火鍋配料自助形式出去攞。調味料好齊全，基本上火鍋用到嘅調味都有哂。飲品種類還可以，可以添加茶類，俾啲唔想飲有汽嘅人士。火鍋配料算多，必食炙燒芝士丸同紅薯粉，用麻辣湯底淥紅薯粉，似食緊酸辣粉，可以試下！唯一失望係冇豬紅，敗筆。牛肉種類有四款，隻隻都好食，牛味濃。打邊爐麻麻地食豚肉，不過呢度啲豚肉唔鞋，食得過。蝦好新鮮，必食！驚喜係有專人即整香蕉pancake, 可以試下！公眾假期食都係$158加一，幾抵！宵夜時段仲平添！

成日都經過荃灣嘅馬辣火鍋， 因為聽過好多人， 所以提早三個星期book位。一行五人。準時到達，立即有位入坐。 湯料款式都算多，幾好味！牛肉，豬肉款式有幾種選擇 主要打邊爐有嘅餸菜都有齊！！飲料選擇也有很多。服務有代改善！價錢 合理！

今日難得嚟到荃灣，冇理由仲食嗰啲周圍都有嘅連鎖餐廳～既然男朋友今日放工話好肚餓，就一於食打邊爐啦！醒起有台灣過江龍嘅馬辣，記得之前去台灣都有食過，深深俾佢任食嘅Haagen-Dazs吸引住～當然，係香港呢個乜都貴嘅地方，又點會咁容易俾你任食Haagen-Dazs。雖然冇得任食Haagen-Dazs ，但佢嘅價錢都唔算好貴，而且種類仲算好多，仲有得任食Dreyer's可能因為咁，排隊嘅人都好多，等位同食完走嘅人都塞滿晒成個𨋢口～我哋攞咗飛先發覺，原來有App可以攞飛，真係激死～下次會醒啲因為可以叫兩種湯底，我哋就叫左一邊麻辣湯，一邊皮蛋厭世湯。麻辣湯底就真係認真唔錯，我哋揀咗小小小辣，味道香濃又唔太鹹，而且加湯底嗰陣時，仲係加返麻辣湯底，絕對唔怕溝淡個湯呀～反而對比下，皮蛋厭世湯就顯得有少少失色喇至於食材方面，我就首推牛肉、生蝦同埋脆肉鯇，牛肉有晒唔同款俾你揀，雖然唔係好識分，但食落都有牛味，唔似平時大排檔嗰啲膏肉分明。生蝦同脆肉鯇就相當新鮮，生蝦一啲都唔霉，仲好有彈性～脆肉鯇食落舊舊都殺殺聲，好爽呀～其他火鍋配料就一般般，勝在多選擇。最失望無哂韭菜餃，得返洋蔥牛肉餃。雖然味道都唔錯，但

2130後入$138+13.8一個人杏汁同麻辣鍋唔錯👍🏻👍🏻👍🏻豬紅係真豬紅👍🏻肉類樣樣都好睇又好食👍🏻菜類甜美甜品普通雪糕香蕉班戟飲品就比較選擇少左好多醬料比你選擇蒜蓉，姜蓉，辣椒，芫荽，蔥，蘿蔔蓉，洋蔥蓉，腐乳，花生醬.......！有個薑汁皮旦丸幾得下😘但真心食得過😍👍🏻😍👍🏻😍👍🏻😍👍🏻😍👍🏻😍👍🏻😍👍🏻😍👍🏻😍👍🏻

今日女小編早收工，又約左男朋友去打邊爐啦！馬辣係仔仔同老死既聚腳點。成日都話要帶女小編一齊去，今次終於試到啦！雖然係平日7:30pm，不過都坐無虛席bor! 男朋友超級食辣，不過女小編就不太好，所以都係叫左兩個湯底，分別係台式麻辣鍋，同埋杏汁蜂巢豆腐鍋！湯底唔使5分鐘就上左枱啦！麻辣個邊多d 配料，味道未算好辣，但豆腐鍋個邊清D, 得4舊豆腐。第一輪我地先叫左牛肉先，美國prime 頂級牛梅花, 肉質都Ok, 建議淥到牛肉一轉色就食la 否則會老左☺️美國choice 無骨牛小排呢個好好味，肉質好爽！大約淥8-10秒，掂哂！😻美國CBA安格斯黑牛呢個都幾好！係多脂肪左小小，男朋友仔鐘意食多D 美國精選牛五花呢種食落感覺係普通肥牛😺黑豚五花肉呢個如果用黎做燒肉會好正😍黑毛豬梅花呢個要推介😍女小編自己都食左差不多一碟！爽口，肉質鮮甜頂級小肥羊肉肉質都ok, 始終羊肉要淥熟d 不過又吾會太老。海鮮類就叫左生蝦，小8爪魚，是日海鮮(蜆)，望落同食落都係新鮮既！呢度令我印象好深刻係有店員會一直推住加湯底既車巡邏，一見到你個鍋無咩湯，就會加上去！當然吾少得甜品環節，雪糕係Dryer's雪糕🤓  ，雪

牛肉有幾款比你揀 都唔錯👍👍仲有海鮮比你食 啲蝦真係唔錯有口感👍抵阿 我都食左好多隻野食方面 蔬菜肉類丸類都好足夠👍包羅萬有 我想食既野都有👍我覺得一定要試佢地親手包既雲吞有洋蔥牛肉餃同韭菜豬肉餃本人真係食完返唔到轉頭😂有機會大家都可以去食下我有時間一定會再同朋友去食😗👍

嚟到大鴻輝中心有好多間放題同火鍋, 之所以喺眾多間之中揀咗馬辣就係因為 "台式" 兩字, 本住一探與港式究竟有咩分別!! 湯底可以揀2款, 我就揀咗台式麻辣鍋 + 杏汁蜂巢豆腐鍋 😌 麻辣有2種辣度可以揀, 我就揀咗1隻辣椒, 唔算好辣, 但喺辣味之中帶點香料味, 味道還可以. 而豆腐鍋就唔係好食得出杏汁同蜂巢呢啲味道.一次過試哂4款牛肉, 呢度嘅牛肉味道都幾濃郁, 質素唔差!出到去火鍋材料自選區, 有唔少丸類可以揀, 最好食係面層帶金黃色嘅流心芝士丸😋 另一個特別啲嘅丸係黑蚊蚊嗰粒墨丸, 至於烚完之後個樣就....而較為有台式風味嘅可能係呢個麻吉燒😆 放落火鍋烚一陣, 咬落外皮煙煙韌韌, 入面就係花生饀, 好似食緊湯丸咁, 幾好食!!整體嚟講牛肉唔錯, 亦有好多火煱材料可以揀, 閒日任食2小時都係百幾蚊都算係唔錯選擇~ 

今日朋友聚會,最適合'霎霎'下,開大冷氣打邊爐,而家FOODGULU APP有馬辣遠距離取票,方便好多我每次黎都要等位,有遠距離取票可以就到時間上黎就入座~就到果陣 有電話提示 唔怕過左~我地叫左麻辣湯底同杏汁蜂巢豆腐湯底,太極鍋~正麻辣湯底有鴨血,不停為你加油(添加)鴨血好'IN UN'好好咬時日海鮮係黑白蜆,哩隻蜆雖然細細粒,但係打邊爐真係好好吃海蝦 新鮮大大隻~好爽口中意食脆鯇魚腩既人,真係要食下,好好吃,魚好新鮮,腩位少骨多肉 爽口,因為太好食每次點完,都好心急馬上放鍋裡,連相都唔記得影我地每款牛都叫左一碟試  都係高質素 而且係無限追加 價錢對比真係算合理 其他店食 通常都要$200UP一般 丸 蔬菜 肉類 都好足好多款 都係自取~省時間 唔洗等人服侍 自取食物都係好衛生馬辣老闆好風趣 過黎我地台 教我地'錄'最好食既牛肉  好親民 餃係佢地自家制 所以食落去 D皮唔會好硬又唔會好易爛 飲品有兩款免費啤酒 嘉士伯 獅威 傾計好夥伴~想解解'濟' 有三款花茶幫到你食飽飲醉 第二個胃ACTION 甜品部有八款雪糕可以'筆' 有雪條 有雪米糍 另外仲有一個甜品吧 有椰汁糕 焦糖燉蛋

上個星期我同我家姐兩個人喺屋企冇嘢做走咗出去荃灣食呢間，黎到傳聞之中嘅排隊大廈，發現真係好多人排隊，因為我一向係東九龍嗰邊居住好少嚟呢邊，未見過咁多人排隊😨入正題其實當初係上網睇到呢間野嘅時候，雖然我知道並唔係台灣嗰間，但係喺香港見到有一間同台灣一樣嘅鋪頭我都想來試吓佢嘅食物水平去到邊到。咁我入到去見到佢嘅食物種類同埋飲品種類都同台灣嗰邊差唔多。因為我家姐唔鍾意食辣，所以我哋叫咗一個鴛鴦鍋底，不過思源個麻辣湯底之後我覺得我就覺得台灣嗰個好好多。總括依然我覺得一試無妨，價錢又唔係貴。仲有一個同台灣一樣嘅垃圾桶😝

又一farewell dinner xD 天氣開始熱但無助打邊爐興致！話說之前聽人推介過去台北一定要食‘馬辣’， 今次香港都有喎緊係要試試，但係！唔覺關台灣咩事..除左場內熟食有肉燥飯同好好味既鹵水蛋外真係一間普通抵食任食邊爐而己，200蚊有找喎！熟食：同上，肉燥味道唔錯，可以配飯食，鹵水蛋好好好味，入味得黎蛋黃都好香，唔係要留肚打邊爐我實食多粒。湯底：揀左中辣／清湯，但中辣真係唔辣，最多可以叫做BBBB辣咋喎... 清湯無試到，因為基本上滾兩滾已經變埋辣.. overall湯底一般。海鮮／牛肉／羊肉／豚肉：呢幾款要用紙落單，俾既份量有多無少，所以食唔晒好快D原封不動叫佢收番啦。肉都唔錯，全部都解凍了唔會一大餅冰；牛肉味都出，唔會太多脂肪層，好快俾我地清左一批xD 海鮮有海蝦（新鮮）／蜆（唔得..全部都有沙仔）同墨魚仔（OK正常）。其它配料：自己出去攞，款式要有既都有啦，強烈推介午餐肉！好厚身，肉質好，唔係梅果種！overall配料質素唔錯，無雪味，選擇多～甜品：有麵包布甸（ok喎幾好味），creme brulee（即場倒糖燒俾你！），啫哩／芒果布甸果D都正常，仲有dreyers雪糕！

月頭在台北吃過馬辣鴛鴦火鍋，有任飲餐酒，食物品種不算多，侍應少！回到香港，也品嚐一吓香港的：沒任飲餐酒，糕點不夠鬆軟，胡椒豬肚湯底 沒胡椒味，亦冇胡椒及豬肚，鹵豆腐及麻辣鴨血很入味，鮮蝦及豬牛肉，色澤及肉質較差！但侍應則很有禮貌及地方整潔。

如果同朋友約食飯又唔知食咩好？就去大鴻輝依家馬辣食啦我今次就食左麻辣鍋同沙爹鍋，兩款都好食。而且材料方面都好好，夠曬新鮮，野飲又係任攞既。所以大家不妨試試喎！！堅正

已是多次光顧，今日打電話訂星期日2個人枱，點知電話個人話唔可以訂2個人，最少要訂4個人以上。但平日星期一至四無乜人就訂得，甘對2個人好唔公平，甘間公司系咪只系做大枱生意，少人既就唔接受。但平日無人又可以俾你去訂，姐系無人幫襯先受你訂，訂枱跟隨業績去決定，雖然這是公司規則，但對我來說這種營商手法令人實在不想再去食。重點系接電話果位店員回答語氣態度不好之餘，未講完就cut左線，難道訂少人枱就要受到甘對待，實在太不尊重他人。