馬辣台式鴛鴦火鍋 (大鴻輝(荃灣)中心) (已結業)

一開始諗住試下既心態去食，去到一開始可以俾你自選2個湯底，夷家好多火鍋店只可以選一個湯底，但呢到就可以有2個湯底，到食物方面係有質素，自選肥牛好新鮮，服務好周到，各方面都好好，值得再黎，生日既仲可以幫你播埋生日歌，好有氣氛

幾日前已預定平日八時半三位。八點二十分左右到達大鴻輝大廈。但等既人龍多到嚇親人，好睇最後都準時八半到達馬辣，同接待小姐報到後，再等大約十五分鐘就可以入座。 馬辣既位幾好坐,仲要勁多野食。當日既海鮮係蜆仔，好鮮甜！海蝦都好好味！！最愛係醬汁配料勁多選擇！！

慶祝朋友生日🤗湯底叫左胡椒豬肚 and 番茄湯底 都OK嘅自助式 有最基本嘅 菜類 丸類 任叫牛肉 豬肉比起其他任何 佢地有特別D嘅有牛筋 鵝腸 個D選擇價錢係平嘅 可以幫你放蛋糕落雪櫃 咁橋附近隔離枱又有人生日 之後就有播生日歌不過D音質麻麻😂其實食哩間扺嘅當然同台灣嘅馬辣D湯底吾一樣

點了麻辣同芫莤鍋, 味道不錯! 牛有不同選擇, 而且肉質很好, 服務也很貼心! 不過其他食物種類不多, 而且部分沒有再refill, 連雪米糍都沒有refill, 這個要多加改善. 總括來說, 以這個價錢, 其實已經很好了!

呢間野，如果唔係黎到香港做臭哂，就一定係本身台灣果邊都唔好食，因為麻辣唔辣，牛肉唔好食，好失望。首先入到場，一行十一人，但係枱既擺位好死，分兩枱就變相變做兩班人，寫紙單就得湯底同牛豬，其他火鍋料就要出去雪櫃拎，款少之餘又唔靚仔，飲品老牌雪櫃拎，淩晨場，講就收三點，現實就係點半鐘埋數，兩點鐘截單，兩點半趕狗，讚得既都係配料吧，種類多，款式多，但係比數差太遠啦，都係無得救。同樓層黎講，都係去返一鍋堂同大窩口簡得落手，食得夜唔會趕人走，唔會再去

打正台灣馬辣期號, 懷著滿滿的期特, 唸住暢快去品嚐正宗的麻辣風味. 點知失望而回………..叫左個麻辣同沙爹鴛鴦湯底, 麻辣湯顏色不夠紅, 以為食食下會出麻味, 點知食到尾都五覺, 辣味更加不夠……..沙爹同樣係咁, 最後有沙茶醬加上, 才有d咸味, 不過就完全無沙爹既花生味………….. 湯底0分好彩牛肉品質不錯, 佢有頂級牛梅花,無骨牛小排, 安格斯黑牛, 牛五花, 其實黎到都分五到邊隻打邊隻, 不過品質就相當五錯, 大家牛肉味都好濃, 食落就係口感有五同, 論品質, 放提黎講算五錯. 其他有試羊肉, 朋友就話幾好, 我食就怕太so 其他例牌蔬菜類, 菇類, 丸類, 內藏, 牛柏葉,尤魚類都非常多, 是自助形式, 喜歡食乜就自己夾啦………最喜歡d菜一碗碗放好自取, 睇落較整潔, 其他都係一般貨式 海鮮就有生蝦, 蜆, 魚類, 不過d蝦同蜆只見到一轉………….好好彩拎左幾隻蝦, 好大隻, 肉爽甜, 仲識郁, 不過就只得一次姐 飲品大部份是韓式飲品, 多款任選, 實有你岩口味 甜品就是好多不同味道的雪米磁同雪條, 仲有我最愛的DRYER雪糕 ,我都忍五住食左好多 

以為係台灣嗰間馬辣，見到個湯底，就知道肯定不是 麻辣湯底 ，不香，不麻，不辣， 我嘅形容會係有少少味道嘅紅色水。胡椒豬肚湯，係有胡椒味嘅，係見到有豬肚，完。全間舖頭最抵食嘅牛肉，大致分為四類，可惜完全沒有牛味的。蔬菜類係新鮮嘅，所有肉類係雪藏嘅，所有海鮮都係雪藏嘅。下次攞人哋個名，可唔可以畀啲心機，抄足啲，抄啲質素出嚟呢？？中肯地講一句 ，三個人， 十一點鐘去食， 的而且確係任飲任食 ，埋單四百五十蚊 ，真係唔應該有太高要求 。如果佢個舖頭名， 就叫做“台式麻辣火鍋 ”可能我會容易接受啲。

食緊都要上黎寫食評！ 真係好鬼好食，乜野食都有。牛肚牛筋好好食，d 菇係淋又有浸冬菇味！ d 牛豬羊都有好多款。 連雪糕都有drayer , 雪糕糯米糍同雪條揀，又有甜品蛋糕... 真係冇野可以挑剔！

因為朋友生日，所以大家今次試下馬辣火鍋，之前係台灣都食過，今次就比較下有咩唔同。佢都係採取自助形式，外面有好多丸類，菜類可自取，而肉類就用點選形式，有牛肉，豚肉同羊肉。其他食物都很快就會補充，不過略嫌蝦補得太慢，坐了差不多45分鐘都沒有補過，一出就已經攞晒湯底亦有多款選擇，我地選了麻辣同豆腐湯底，麻辣湯湯底無麻辣既感覺。甜品方面都有好多款，除了雪糕雪條外，有芝士蛋糕，芒果布甸，啫喱，法式燉蛋等

荃灣街坊向來叫這幢樓叫"英皇娛樂"，其實這是前身，已換了名字叫"大鴻輝"好幾年。大鴻輝嚴格來說已沒有商場的特質，只有大堂有幾間零售鋪。但大鴻輝出名的，卻是它樓上每層都是食肆，而且是火煱店偏多。繼常滿百家菜，大鍋口，小肥羊後，馬辣都在這兒。馬辣這個名字我是在台北旅遊時聽說的，是台灣一間很出名的火煱店。有朋友說香港的馬辣與台灣的馬辣是沒有關連的，浪子還無法證實考究，但因為香港這間也是打台式火煱招牌，所以也就值得一試。先講環境：野食放在雪櫃內，十分衛生。配料也放得非常整齊，不單多款，有些還是普通酒樓自助火煱少見的。檯與檯之間不算太擠，而且全部配備電爐，非常不錯。食物方面：湯底可選兩款，我們要了酸菜白肉和胡椒豬肚。牛肉和豬肉要剔紙其他食物就放在雪櫃內自己挾。款式十分多，台式火煱的重點就是丸類。這兒的丸類與外邊常見的明顯不同，是來貨不同。所以就算是常見如魚蛋，墨丸這類吃下去都明顯不是最普通的貨色。其中最推介是火魷魚和豬潤。浪子其實已戒了內臟很多年，但這件豬潤厚大如豬扒，爽如豬頸肉，是一件十分"大方"又少見的火煱料。亦有一些比較特色的如麻吉燒飲品方面：罐裝有沙示，加士伯啤酒，有jolly sand

入座後15分鐘左右已經入單order肉類，30分鐘後已經吹單，到45分鐘後一盆肉都無上到！再同侍應講，佢先話廚房無紙!麻辣湯一時加辣湯一時加清湯！湯底唔好味！失望!唯一係食物選擇都多！

去台灣迷上馬辣 登陸香港就睇睇同台灣有無分別 點知真係有特別既體驗 首先服務態度已經截然不同 食食下仲發現有張落單紙係麻辣湯個邊 究竟食牛定食紙 我睇唔透 之後員工幫我地換左湯 但向疑似經理級人士反映 佢大大聲回應我地 所以我地之後都費時再落order 費時加料啦 食都食到背脊骨落 下次大家打邊爐前留意下鍋入面有無寶物啦😉原本落晒啲料去個鍋度 一張落單紙寫住湯類兩款 換個湯底就重新食過 浪費晒時間!! 最無奈係再去拎料時無晒芋絲 無貨無得再fill喎 哭!! 就係問芋絲既同時 以上提及既人士就態度不甚好啦 點泥下一次啊😂湯底都多選擇 但沙爹特別吾推介 吾夠味同埋得個香字 食得大辣人士食依度既辣就可能吾夠你地止癮 因為個人食吾到好辣都覺得吾辣 甜品食左朱古力奶凍過甜無乜朱古力味 牛方面百幾蚊一位都難要求啲乜 但蝦係梅既 同埋發現係上手雞煲既同一班底 所以料可能都有啲相同 雪糕係Dreyer 又有嘉士伯啤酒 整體吾係劣食但甘既待客之度我有保留🙈百幾蚊一位 但因為服務而搞到自己無晒心情食野 真係吾值得......

得知荃灣開咗間叫馬辣嘅任食放題…諗都冇諗就即刻約老友打邊爐先！ 上到去見到嘅情景…無論環境、格局還是味道都好有喺台灣食嘅感覺…！一坐低先落湯底，雖然共有8款選擇，但第1次試當然要食台灣味道，最後點了酸菜白肉拼麻辣湯底！ 酸菜白肉湯底有大量酸菜及白肉，超好食！而且酸菜可以叫侍應添加。仲有麻辣湯底內的鴨血、豆腐都有得添食，唔夠食可隨時叫侍應添食。除了肉類要落紙之外，其他配料在外面自取，大約有50款食材，全部都十分乾淨企理，必食推介花膠、甜不辣、燕餃，連冬菇都勁厚身，脆皮腸亦是煙燻味，勁讚。食多幾粒推介：麻吉燒（有花生、芝麻），湯圓質地，咸甜交錯的味覺，非筆墨所能形容。甜品有Dreyer’s雪糕，8款味道，另外還有雪米糍、豆豆樂、牛奶樂雪條。特別一提… 仲有自沖花茶，有3款味道，食完飲個花茶去肥油另外汽水、啤酒任飲，啤酒更有嘉士伯同獅威。值得再回頭食過！！！！

朋友食過一致推介, 所以今晚兩個人嚟試試~ 未嚟到响樓下排隊搭lift已經打晒蛇餅, 上到嚟亦都人頭湧湧, 應該唔會有伏因為兩位冇得book枱, 所以唯有攞飛等, 一等就半個鐘有多...肥牛(3款)&豬(2款)&羊(1款)任點, 唔錯, 唔會好似其他'任食'咁限住叫, 讚湯底揀咗峰巢豆腐+胡椒豬肚, 豆腐湯ok, 但個豬肚湯好辣, 唔係胡椒嗰種而係辣椒嗰隻怕辣就會頂唔順雖然無任點海鮮, 但有碟細細哋的蝦&蜆送, 都唔錯呢度地方都好大, 而且食物飲品款式又多, 又企理, refill&出菜又快,  二人卡位又坐得舒服唔迫夾(如果同隔離枱個隔板高少少就好), 等下位都值ge~

叫了麻辣和胡椒豬肚，講真好失望，始終佢個名係以湯底做主打……2款都冇味，要自己落指天椒，就連隔離哥哥都做法同我地一樣，但咁就冇左麻辣精髓啦最後我地當普通打邊吾諗麻辣2字就非常抵食同服務態度極好紙係湯底和肉類選擇，幸好牛肉和豬肉有6款，每款都新鮮吾係雪都好樣衰果d...其他自己拿，仲有4個雪櫃咁多都未試晒………但吾太覺基本的魚頭和魚片名牌雪糕仲誇有8款加雪條再加糯米糍，仲有生果添飲品最少6款加汽水，竟然仲有雀巢咖啡奶茶機同花茶