馬辣台式鴛鴦火鍋 (大鴻輝(荃灣)中心) (已結業)

近排約左班好耐無見的Friend去食個飯，不過諗極都諗唔到食咩好，見天氣開始凍凍地，就諗住去打個邊爐。餐廳都坐得好舒服，枱面夠曬位放野食。點好湯底就出去拎野食，D野食多到花多眼亂，想要菜有菜、想要雞子有雞子、想要牛根有牛根。另外，火鍋醬料都有好多選擇。無錯，成個轉角位都係醬料，等大家配製出啱自己口味的混醬。海鮮非常新鮮！D蝦睇見都想食，我們仲Encore咗3碟。D蝦煮完仲係咁大隻，D肉仲幾新鮮爽口！肉的色澤同味道都幾好，全部都好新鮮，唔會好似一般任食火鍋店，有「冰封牛肉」或者「瘀黑牛肉」。咁多款肉，我比例鍾意食無骨牛小排，肉同膏比例好好，煮熟時唔只口感好，牛味都重。肉切得好薄，好快就熟，又唔會un。呢個韮菜豬肉餃應該係餐廳自己包，每隻餃子都好漲卜卜。餃子好足料，豬肉同韮菜的比例好好，推介！

細妹剛剛返左黎香港，好想打個港式火鍋。於是我揾左位於荃灣中心8樓的「馬辣台式駌鴦火鍋」，餐廳星期一至四只需$158再加一，睇返大家開飯的師兄師姊分享過入面的食品選擇繁多，一定適合每位家人的口味。餐廳一早已經坐滿曬人，不過我們都等左陣就入到去啦。餐廳出名的係麻辣鍋，但唔多辣得的我們就揀左芫茜皮蛋及沙爹湯底。精選肉類就先每款黎一份先。點單的肉類都有好多款，而且都好新鮮！(左上)美國Prime頂級牛梅花、(左中)美國Choice無骨小牛排、(左下)美國精選牛五花、(右上)黑豚五花肉、(右下)頂級小肥羊肉。火鍋肉片全部都好新鮮，而且切得好薄身，放入湯底滾兩滾就已經熟了。呢個係我推薦比大家的「美國CAB安格斯黑牛」，唔好睇圖好似有少少黑黑瘀瘀，其實係佢切得真係好薄身，透左底盤的黑色出黎。呢款牛牛味濃，又唔會過肥或者過「鞋口」！海鮮方面我都Order了海生蝦及脆肉鯇魚腩，兩款都好新鮮。蝦肉又鮮又爽，脆肉鯇又肥美厚肉！係自助區的食物都有好多選擇，有齊蔬菜、菇、大量丸類、麵烏冬、腸仔餐肉、餃子、肉類等等。另外，我仲會推介係自助區可以拎到的醉雞。醉雞係用無骨的雞件，而且酒的味道都好入味，就算放落沙嗲湯底

好友失戀，在心情不好的情況下，最好的醫療方法就是大吃一餐，將不快的全都吃進肚子裏，總比整天困在家好，這天就硬拉著她出來，到荃灣吃火鍋放題。 在網上查看過資料，這間馬辣台式鴛鴦火鍋得到不少食家推介，所以一直都很想試試，但想不到這次會在這樣的情況下來幫襯。 而任飲任食放題2小時，周一至周分了兩個入座時段，分別是5pm-930pm及930pm-3am，前者成人HK$158，小童HK$98, 後者成人HK$138，小童HK$98, 而730pm前離座每位減HK$10。 店內設有大型的自助吧，而且食物選擇非常多，當中丸子類就已經超過十款以上，如芝士丸、龍蝦丸、魚蛋，另外，豬肚、滑牛、牛筋、冬瓜、蓮藕、粟米、韓式年糕、腸仔、烏冬等等。 汽水及飲品全部都是免費任飲，當中更有Somersby 的最新口味果酒。 吃火鍋容易上火，所以，餐廳飲品內，亦有提供清熱下火的涼茶，如夏枯草及花茶。 當中最特別的就是店內設有兩部咖啡機，不過，我覺得受欺了，雖然機身寫上不同飲品的選擇，可是出來的全都是咖啡。就這個為例，我揀的是朱古力，出來的卻是咖啡，不過，也沒有關係，反正咖啡的味道不錯，而且口感挺細滑

荃灣大鴻輝中心出名有各式各樣的食肆，韓燒、放題、雞煲、打邊爐等，一到了晚餐時間，食肆就會大排長龍。這晚挑了台式的任食火鍋，馬辣。餐廳提供好幾款火鍋湯底供選擇，我最後挑了台式麻辣鍋和胡椒豬肚煲。沒想過湯底十分足料，豬肚也有好幾塊，而麻辣湯底也有豬紅和豆腐。牛肉有不少選擇，我們點了美國頂級牛梅花、安格斯黑牛、精選牛五花、黑豚五花肉和小肥羊肉。海鮮方面點了海生蝦和脆肉鯇魚腩。個人比較喜歡五花豚肉和牛梅花，肉質較為爽滑，肉味濃郁。現場有新鮮的自家製餃子，豬肉餃味道不錯。另外有各款肉類、肉丸和蔬菜可供自取，亦見到店員不斷添加食材供應客人需要。除了汽水、涼茶之外，還有花茶供應，特別適合喜歡熱飲的女士。甜品方面有雀巢和Dreyer’s雪糕，另外更有奶凍、焦糖布丁等，款式也不少。特別欣賞店員不斷主動加湯和收空碟子，抵讚！

荃灣大鴻輝中心食市林立，打邊爐店唔少，好耐之前黎食過一次，水準依然，呢到座位梳化坐椅，真係令人坐得好舒服 ，最重要地點方便。 醬料是自助形式，很整齊，款式非常多，岩唔同人自己配撘喜歡的醬汁。 食物方面，有落單部分，亦都有自助形式部分，丸類，肉類，蔬菜類及麵食等等。 湯底自選，我們要左雙拼，一個係辣，一個唔辣，我地要左小辣，湯底好香，另外店員會幫忙自動自覺加湯。 如果鍾意食牛，呢到好岩你，牛肉有幾款，整體水準好。呢款係<美國無骨牛小排>，牛小排牛肉比牛梅肉香一點，幾款牛肉中油份最重。 <美國安格斯黑牛>，肉味濃郁 ，肥瘦恰好 ，入口嫩滑。 美國頂級牛梅肉，呢個肉食落唔肥 ，但入口越食越香，肉味濃郁。 相比之下，牛五花個人覺得最普通，肉味較遜息一點。 蝦好新鮮，肉質彈牙鮮甜。 除左各式汽水及酒類之外，仲有花茶提供。 任食兩小時，食物款多，有埋甜品，即整香蕉pancake都有埋，香蕉pancake即叫即整，份量細小，作為飯後甜品最好不過。 荃灣區性格比很高的火鍋店，值得推介。

一心來这麻辣火鍋店，當然是試他的麻辣火鍋，味道好不在話下，但最令我驚喜的是這裏的甜品，也很有心思和超級好味 。在老公狂食牛肉火鍋時，我已經急不及待的去試他們的甜品，首先見到有即製的朱古力忌廉香蕉班戟，熱烘烘的加上朱古力醬汁，賣相已經是令人垂涎。跟著再試其他熱的甜品;包括鮮奶燉蛋，焦糖布甸，然後就必試他的冰凍甜品，有日式芝士蛋糕，鮮蝦雜果杯，什果啫喱…..而且仲無限量供應。接下來就是吃他們的雪糕啦，這裏的雪糕是名牌dreyer's有成十款那麼多，还有雪糕糯米糍。最驚喜的是竟然有牛奶公司的圓筒形朱古力冰條這些懷舊冰條，在坊間已經很少見了，吃完甜品。看見老公的麻辣火鍋已經吃得差不多，大家都各取所需，這頓晚餐很是滿足，而且價錢又經濟實惠，實在是物超所值，值得推介。

趁非假日試試這所麻辣火鍋店，未夠七點店外已經排得滿滿的一條長龍，證明應該選擇沒有錯吧。幸好訂了位，入座後當然必試他的兩粒辣椒麻辣火鍋，太太怕辣，所以另一半鍋底是芫荽皮蛋窩，在場內逛了一圈，食物琳琅滿目，選擇有很多，尤其是火鍋醬料，有大辣到小辣真的是令人不知如何落手，當然火鍋料必選鴨血和豬內臟，雖然看似不十分健康，但總要一試在麻辣湯底裏，真的是百分百釋出它的味道。還有就是他們的牛肉有五款那麼多，而且每款牛肉的味道都不是一般日式火鍋店的貨式，看得出他是很落本的。我們不單止添食多次，而且更試其他的海鮮類，包括大大隻的海蝦和花甲，這晚上失控的吃了這麼多肉類，相信明天要做很多的運動來補償了。看着店內座無虛席。店外仍然有長長的人龍，相信食客的眼睛是雪亮的，這個價錢能夠吃到這樣的食材和質素，我應該會再來幫襯的！

去台灣必食馬辣麻辣火鍋，呢間系台灣好出名，現在系香港終於開左馬辣麻辣火鍋，就即刻約約個朋友去打邊爐，地點系荃灣又幾方便。價錢又便宜又抵食，一個人$200都唔使仲要有幾重不同牛肉選擇和Dreyer’s雪糕任食👍😍台式麻辣鍋和西紅柿洋蔥海皇鍋，麻辣鍋又不會太辣，海皇鍋好鮮甜。肉丸種類好多：水魚蛋好爽口彈牙，又有我喜歡的芝士丸，海膽丸又好好味。牛肉肉質好嫩，牛味濃郁，油脂又平均分怖牛肉真是非常之美味。仲有海鮮蝦和蜆都好新鮮又鮮甜。有甜品櫃，飲品櫃和雪糕都是任食😍

女兒補習完畢後，因國慶假期而憂慮人多，故我們早於五時多便到位於大鴻輝中心八樓的「馬辣台式鴛鴦鍋」晚飯，這個時間到來，我們除了避開乘坐升降機的人潮外，入座時亦不用等位，即到即入座。這個時段入座，假日人頭每位收費成人為$168，小童$108，限食兩小時。這次是兩星期以來第二次到荃灣的「馬辣台式鴛鴦鍋」。大鴻輝中心八樓一整層都被「馬辣台式鴛鴦鍋」所用，地方很大，座位尚算寬敞，故滿座後的感覺頗擠迫。由於要遷就小朋友，故鍋底選了鴛鴦鍋，一個麻辣，一個蕃茄湯底，好讓小朋友們不用吃辣。馬辣也提供很多不同款式的食物，四個雪櫃內都填滿了食物，飲品雪櫃也有兩三個，另外還有雪榚和甜品櫃，非常豐富。我們主力吃牛肉，三款牛肉包括了「美國PRIME頂級牛梅花」、「美國choice無骨小牛排」和「美國CAB安格斯黑牛」，我們當然都不斷落單，別無他法了吧，一小盤只有五片牛肉左右，四個大人一下子便可吃掉數盤。三款牛肉都不錯，當中「美國PRIME頂級牛梅花」牛味較濃而嫩，肉「淋」，其他兩款我吃不出分別，但論牛味濃，個人更喜歡「鮮牛肉」，將一塊鮮牛肉片放到麻辣湯灼個五成熟，入口牛肉鮮嫩而淋，牛味在麻辣湯伴隨下仍很濃，不錯吃

小妹曾在台灣試過馬辣火煱，知道荃灣開咗一間，見天氣涼啲就去試下香港既台式火煱有什麼分別。香港馬辣任食限2小時，晚飯時間每位$158。預早用電話app攞咗位，好快就有位。餐廳地方很大，坐位雖然多但抽風做得非常好。入坐後先選擇火煱湯底，一共有8種湯底選擇，可選兩個湯底做鴛鴦煱。小妹來到台式火煱店當然選擇台灣最人氣的麻辣鍋及酸菜白肉鍋。麻辣煱可以選擇兩種辣度。另外有精選肉類及海鮮類選擇，只是牛肉已經有四種選擇，愛吃牛的食客一定搵到有合心意的一款。選好火煱湯底後就到自助選料區搵火煱料，地方真的很大。選擇多到令小妹吃驚，只是火煱配料都已經有四大雪櫃，丸類已經有十幾款，其他的還有肉類，內臟，蔬菜等。可以話包羅萬有，想要的都可以搵到。還有吧枱上有大大隻的新鮮餃子，有洋蔥牛肉餃及韭菜豬肉餃可選擇，以小妹所知是當日人手包的並不是雪藏餃，真有心思！另外還有熟食供應，有台式魯肉蛋及珍珠飯。魯肉跟台灣的魯肉味道一樣，而蛋非常入味，值得一試。至於飲品選擇，小妹不得不大讚，除了一般汽水外，還有花茶選擇，花茶並不是現成茶包，而是可自行調配花茶的份量。裝花菜的瓶有說明各花茶的功效，真細心小妹真的從未見過火煱店有花茶提

<任食邊爐最緊要係乜？ 性價比呀💰😂>荃灣嗰棟大鴻輝中心 甘多任食邊爐 放問倒 相信鍾意揾野食既朋友都知 喺8 樓呢間新開既馬辣 主張係台式麻辣鍋 當然仲有其它湯底 每人 172 蚊 有勁多野食 抵到爆😍鴛鴦湯底 🍲除左麻辣鍋🌶仲點左胡椒豬肚鍋 麻辣鍋一d都唔馬虎 有勁多辣椒 麻子 香料 凍豆腐 豬紅 等等 麻辣味十足😍 另一邊既豬肚量湯 都一樣有份量 豬肚好多夠哂爽滑 入面夠胡椒味 飲多兩啖都仲得😍😋任食既材料有好多 絕大部分都可以出去拎 1. 各式丸類🐟 魚蛋 腸仔 🐷2. 唔同既蔬菜🌿🥒 冬菇木耳 豆卜 等等 3.內臟 既雞子 豬腸 鵝腸豬潤 全部大件又新鮮！4. 各式雪糕雪條任拎 有大腳八 同自製雪糒🍨5. 飲品 汽水 啤酒 jollyshandy應有盡有🍺仲有 先別menu要用紙點 好似1.是日海鮮 好鮮甜既蜆 😍2. 新鮮鱔片 🐟3. 肥美既黑毛豬梅花🐷🌼同切得薄幼身既黑豚五花肉😍另外 我好欣賞佢既4 款牛肉 用唔同顏色既碟載住 放便大家分！👍🏻1.紅色🐮：美國prime頂級牛梅花 , 四個呢個最正 切得厚身之餘 牛肉味最濃但又保留應有既軟滑👍🏻😋2. 藍

明明有大把卡位係空既 都吾比我入 話係比人book左喎🙃但我都係book架 仲要係4個齊卡位架嘛 今時今日呢D服務態度 咁樣真係好咩？同接待嗰個講 叫佢比張卡位我 吾比之餘 仲要話我態度差。。。

荃灣大鴻輝中心食肆林立，成幢大廈都係火鍋、放題等，非常熱鬧。今日就帶左阿爸阿媽黎呢度朝聖，比佢地睇下而家食野唔一定要去大型連鎖店嘅，其他地方仲有好多好選擇。今次佢地揀左呢間馬辣台式鴛鴦火鍋，$158任飲任食2個鐘，又真係幾吸引。一坐低侍應就遞上點菜紙，唔好比佢呢張紙厄到，其實除左點火鍋湯底同幾款精選肉類同海鮮之外，其他都係出去自助式咁攞，鍾意食咩就食咩，咁先食得開心架嘛。呢度個品牌名都係叫馬辣台式鴛鴦火鍋，我地梗係叫番鴛鴦湯底啦，而且喺第2度叫兩款湯底多數都要加錢，但呢度就完全唔駛，感覺好抵呀。海鮮類有海蝦、脆鯇片及蜆等等，全部都好新鮮，海蝦仲郁架，而且仲無限供應，可以食唔停架。肉類都有幾款選擇，美國prime頂級牛梅花、美國choice無骨牛小排及美國CAB安格斯黑牛都係頂級貨色。從色澤及肉質細緻度都相當優質，我特別鍾意牛小排，牛味特別濃厚，令人一試難忘。飲品方面，汽水啤酒都係任飲，仲有夏枯草、檸檬荼、鮮搾橙汁及洛神花茶，真係應有盡有。一盤盤任你選擇嘅配料，見到已經令人非常興奮。蟹柳、午餐肉、脆皮腸、豆腐等雖然都係簡單配料，但確實又係火鍋必備嘅選擇。而且腸仔仲係老婆最愛嘅廚師腸，絕對

台灣開舖開到香港，火鍋種類亦非常多，今次叫麻辣同埋酸菜白肉，不錯！我們五點鐘就到了餐廳，因為早所以人不多。大約7:00開始，外面就充滿著人。所以大家如果要吃，記得早一點過來！麻辣鍋有好多花椒八角，夠曬麻但是不夠辣！我喜歡在辣一點的火鍋。食物素質一d都不差，肉的種類很多，我建議每一款都叫來吃一圈，然後挑選你喜歡的肉再吃。另外他有很多醬料，有我喜歡的醋有麻醬！另外它的價錢也不貴，是大約170多就可以吃到一個很不錯的火鍋，其實很划算！

我已有一段日子冇食過麻辣火鍋了，所以醒起荃灣有間叫馬辣麻辣火鍋！一於約兩個老死去食番餐止下痕先！我地訂咗18:30都算早啦。。但已經有人坐喺門口等位了。。人頭湧湧！！同之前啱啱新開張嗰陣差無幾！我地被安排坐卡位。。坐低即叫咗個台式麻辣拼酸菜白肉鴛鴦鍋！最鍾意呢兩個湯底係因為。。酸菜同鴨血依舊都可以無限添加仲要係推車巡迴咁睇下有冇人要加湯同加料架。。咁細心嘅服務真係好少見。值得讚呢到嘅任食放題並唔係全部寫柯打紙嗰隻，而係似足台灣咁係自助自取嘅，除咗湯底，海鮮類同精選肉類。如牛，羊，豬等係要填柯打紙架。肉類都係靚肉嚟。有成四款俾你揀。正！而本人比較鍾意~美國choice無骨牛小排~有牛味，肉質又夠諗！仲有係黑豚五花肉。好有有咬口！而佢嘅食物凍櫃都要過4組，食物嘅選擇種類都好多。有海鮮，有內臟類，有多款丸類。。。。。。簡值係會眼花撩亂不得不提嘅係。。居然有班靚女假為大家做即包水餃！有兩款口味。。洋蔥牛肉餃 同 菲菜豬肉餃架。。！行行下就留意到有甜品專櫃，款式都算多！亦有水果，雪條，雪米兹同大品牌Dreyers雪糕食架！飲品方面種類多而全面，除咗汽水外，仲有啤酒，果汁，又有咖啡奶茶機，亦有不同