馬祖 (將軍澳廣場) (已結業)

又到打邊爐嘅時候啦，平時都係好隨心就揀餐廳，今日係見到佢個藥膳湯底好特別，所以入咗去試吓佢個藥膳湯底左出奇地好食喎，我哋叫咗個藥膳椰子清雞湯，佢藥膳味唔算好重嘅，椰奶味反而更加出，勁香濃，差唔多半個湯都比我飲晒😆然後啲雞比肉超好食，啖啖肉大大嚿咁😎仲有啲牛都冇得輸，雖然我哋叫係最平嘅嗰個餐，但係個質素已經非常好😆連個豬肉都好味過人其實呢間野都真係幾有特色，因為出去拎嘅配菜都有啲特別款，例如台灣腸，呢間打邊爐啊下次都真係要再食

之前都食過一次馬祖，係Ocean Pride果邊，不過都相隔左成年，自己唔係住果邊所以冇再去，今日行經 Tseung Kwan O 發現原來呢到都有，就入去食下久違既味道其實中意呢到好乾淨，呢到既人又有禮貌，一見到你D湯少左就問你使唔使加，所以感覺好好黎呢到食最主要都係食肉獸上身，係咁食佢既極上牛頸脊，價錢唔貴可以任食120分鍾，其他火鍋配料都唔錯，飲品種類都好多，但係要回本唔少得要食唔雪糕，有好多平時唔會買黎試既味，又有 Movenpick👍🏻👍🏻👍🏻

今次叫左兩個$223放題，任食唔同肉類，基本上咩肉都有啲，牛豬就要落order，自助bar都有唔少選擇，有唔同丸類、菜、麵等。分別叫左兩個唔同味嘅湯底✅藥膳椰子清雞湯 以為會好清淡得輕微椰子味，出到黎比預期中甜，除左有椰子香味，仲有紅棗甜味，健康養生得黎又夠味道，唔會好大罪惡感🤣✅爆漿熔岩芫茜湯成鍋都綠色，本身以為會好鹹重口味，結果食得出有芫茜味，就算唔係好鍾意芫茜都可以一試，唔會太重芫茜味比較少見有鹹蛋黃餡魚蛋，好特別，蛋香味濃郁有movenpick雪糕🤩🤩

今日父親節唔知食咩就試下呢間馬祖火鍋😋😋我地五個人分別叫左五個湯底 我嘅係台灣麻辣湯底（中辣）辣度剛好😋 味道唔錯👍 少少麻 另外仲試左屋企人嘅椰子雞湯味都好香 可以一試👍😋 反而麻辣蕃茄就一般 個湯好稠🙈我地叫左第二平嗰個level 有一款豬一款牛食 任食黎講我覺得都唔錯$233 一個人再加一服務費 牛都有牛味 唔會話鞋涮涮 肥瘦都適中👍 豬就正正常常 出面有好多火鍋料可以任攞 我地攞左生菜 娃娃菜 金菇 南瓜 雲耳 丸 響鈴 😋 野飲都係任飲 都幾多選擇 我飲左荔枝烏龍茶都唔錯 仲有好多甜品任食 😍😍 我地食左movenpick 雪糕 仲有好多唔同味嘅雪條都有食 😋😋總括黎講呢個價錢任食我覺得都好抵食 食到好滿足😆😆 啲食物質素都好好 有職員間唔中會埋黎問你加唔加湯 不過最好就book 左位先黎 嗰日我bk 唔到位 由gulu 六點攞完飛都等左成個幾兩個鐘先有得食 😵味道❤️❤️❤️❤️抵食❤️❤️❤️💔服務❤️❤️❤️💔環境❤️❤️❤️💔💰晚餐人均～$250✅再幫襯

今日同朋友喺將軍澳行街，夜晚就順便喺度食埋，大家都想打邊爐，於是搵吓搵吓就搵到呢間台式一人一鍋嘅火鍋，火鍋店有好多選擇但係今次覺得呢間幾特別所以就決定試吓。有幾個套餐，幾個級數嘅牛肉，價錢都唔算貴，最後我哋揀咗$223嘅套餐。餐廳嘅裝修幾靚，又坐得舒服，除咗牛肉之外，自助區有好多配料，包括係丸類，菜，大量飲品！湯底方面我揀咗麻辣鴨血湯底，而朋友揀咗蟲草花雞湯底。呢個麻辣鴨血湯底真係幾出色，超香濃，而且鴨血嘅份量都幾多，仲要一啲都唔腥，麻辣夠香，辣度我覺得啱啱好！以朋友嘅湯底相對偏甜，但係都十分足料，好多蟲草花！火鍋配料方面，選擇都幾豐富，有墨魚腸，仲有芋頭貢丸，唔係周圍都有！同埋佢哋嘅牛丸係手打，超好味！勁juicy ，一定要食！至於牛肉都好好味，未算頂級但已經好唔錯。最後當然唔少得甜品，雪糕竟然有movenpick，仲有好多款其他種類嘅雪糕，勁正。 總括嚟講，呢餐嘅火鍋食得好滿足好滿意，下次經過一定會再嚟。

屋企今日無飯開 落街搵嘢食發現原來開咗間馬祖🥰晚市火鍋放題 有成4-5種Set可以揀今次我哋就揀咗Prime Grade佢有Prime Grade肩胛肉眼同西班牙無激素豬肉片而湯底我就揀咗藥膳田園番茄濃湯&日本壽喜燒Sukiyaki湯我哋一入餐廳職員仲俾咗口罩套我地 夠晒衛生👍🏻我本身打算都係食牛肉多但發現原來豬肉片都好好味🥰牛肉肥瘦均勻 重牛味又嫩滑配料都有好多款選擇 整體都好乾淨企理飲品除咗有凍飲🥤熱飲同熱茶仲有我最愛嘅荔枝烏龍茶同檸檬茶☺️👍🏻食飽飽仲有超多款嘅雪糕雪條揀😎仲有好多人外賣火鍋🍲一人一鍋唔洗爭 的確係後生仔食肉獸嘅選擇☺️$491連加一服務費 人均:$246

雖然呢排既天氣都係熱辣辣☀️ 但係突然好想打邊爐 所以就特登揾到黎將軍澳廣場呢間新開既馬祖分店食晚餐今次我地就揀咗$223嘅Prime Grade牛肩胛肉放題套餐 一人一鍋既設計令我地可以各自揀番自己中意既湯底🍲 係12款既藥膳養生湯底入面 我揀左藥膳椰子清雞湯 男朋友就揀左藥膳花雕清雞湯 特別推薦椰子清雞湯🐔 個湯底真係超清甜 其他醬汁都唔駛拎已經覺得好夠味套餐有得任食Prime Grade牛肩胛肉 西班牙無激素豬肉片 台灣沙茶牛肉 精選雞腿肉 同 深海魚柳 不過我地都係主攻牛肉為主 呢度既牛肩胛肉脂肪分佈均勻 肉味濃郁 肉質鮮嫩細緻又有口感 好食到停唔到口 encore左好多碟自助區仲有超過30款火鍋配料 私心推介墨汁腸 芥末魚丸 同 男朋友最愛既芫茜燒賣仲有仲有..超過15款飲品同多款雪糕雪條 其中Mövenpick雪糕就有雲呢拿同士多啤梨味🍦 不過無自家制既茶飲就有少少失色不得不提既係呢度鋪面好大好闊落 環境好乾淨 完全無痴立立既感覺 食都食得開心啲🥰

之前同朋友行將軍澳廣場，見到呢間火鍋幾吸引，就同朋友約左今日收工過黎食。😁入去之前，店員會問一問你要咩湯底，我就揀左藥膳番茄麻辣湯（小辣），朋友就揀左藥膳台灣沙茶湯。美國Prime Grade極上牛頸脊及西班牙伊比利亞黑毛豬放題套餐（$298/人）藥膳番茄麻辣湯 （小辣）呢個湯底係超級超級好食，好入味。番茄味突出，加上小小麻辣感覺，我會形容係我心目中湯底既第一位。🤩藥膳台灣沙茶湯雖然朋友叫既呢個湯底無我叫既咁濃味，但都係非常之好食，沙茶味突出，好香口。我覺得都係非常之高質！👍🏻極上牛頸脊牛味好重，而且幾爽口。望到d紋好靚，一睇就知來貨係好野。呢個價位既放題黎講，我地好抵食！我一個人都忍住食左4碟牛。😋西班牙伊比利亞黑毛豬豬其實都好唔錯，我覺得係幾有驚喜！肉質夠嫩滑，而且又唔會好肥。其實係值得再encore, 只係我地留左個肚食牛。😂自取區丸類，腸類，菜類都好多款選擇，而且質素都唔差，唔係普通貨色！飲品都有好多選擇，真係多野揀到唔知飲乜好。我最鍾意就係飲燒仙草爽。😀甜品區真係一見到就好開心！！🤩🤩有movenpick雪糕！！又有好多雪糕雪條揀。開心到一個人掃左2杯movenpick 加1

好耐冇食過打邊爐任食啦！有個friend不斷推薦呢一間馬祖，因為啲名都差不多，好似食過又好似未食過咁，最尾就決定食佢喇😎睇到湯底嗰一下係有啲驚喜嘅！尤其是對個爆漿熔岩芫荽湯🤣利伸：其實我係唔食芫荽嘅，不過見佢幾過癮，好有記憶點！當然最後係嗌咗其他啦，一個嗌咗藥膳椰子清雞湯，另一個就嗌咗藥膳蕃茄麻辣湯🤤個椰子清雞湯超入味，雖然嚟到嘅時候個鍋入邊係冇雞嘅，但係個湯底浸滿濃郁嘅椰奶香同埋肉味，食得出係用咗好多材料去熬製嘅一個湯底😎另外個麻辣湯底揀咗中辣，辣到一般，佢係帶有甜味嘅嗰種辣，唔會食到個嘴好麻🤤但係因為佢椰子雞湯實在太好味，搶晒風頭🤣佢個鍋冇雞，但係出邊自助區係有帶骨嘅雞件嘅，啲雞係勁新鮮，食落去冇雪味，亦都好嫩滑🤪我可以講呢度嘅湯底同埋雞件係我食過嘅咁多間打邊爐舖頭入邊最正嘅😙打邊爐就當然唔少得肥牛啦， 我哋叫咗$223個套餐，佢只係得一款牛嘅選擇，但係呢一隻牛種都已經係非常出色，可以話同坊間嘅$300價位嘅牛同LV🥩豬肉片嘅質素都不錯，食落去好有肉味，唔會剩係得啲肥肉位自助區都仲有好多唔同嘅選擇，特別啲嘅有台灣腸，同埋芝士魚腐仲有粉絲🥰呢啲都係出邊嘅比較少見，仲有一個值得讚嘅係個

今日過嚟將軍澳搵朋友，同佢再嚟呢度食藥膳米線，餐牌勁多款揀🤗 上次叫左「藥膳牛肉湯米線」覺得牛肉湯蓋過藥膳味，好似食緊台灣牛肉麵咁，所以今次叫「藥膳養生湯白菜豬肉餃子米線」😏即刻飲到濃濃紅棗味，有紅棗、杞子、雲耳等，真係好岩女仔補血氣！至於餃子朋友話🥟似係灣仔碼頭，冇記錯有4隻。

我從來未試過欣賞一間火鍋「放題」既湯底，經過將軍澳廣場見到呢間食台灣火鍋放題嘅餐廳，見到啲湯底大部份藥膳乜、藥膳物，所以我就try try 。我叫咗個最平食牛嘅餐：Prime Grade 牛肩胛肉放題套餐，湯底就揀咗藥膳椰子清雞湯。食足120分鐘，下午5點前埋單減$20。湯底嚟到嘅時候望落去好似啲老火湯顏色，好香椰子味。當我淥第一塊牛既時候，塊牛好好食，呢個湯絕對幫到塊牛加分，呢個牛我覺得佢應該正常水準嘅牛，但係喺呢個湯度煮熟咗之後，加多一份鮮甜，絕對唔需要沾任何醬料已經好好味。其實我揀最平嗰個牛，係因為我原本諗住叫麻辣湯底，食咁濃既湯如果食貴既牛會覺得嘥咗！

🎪馬祖 (將軍澳)將軍澳唐德街1號將軍澳廣場1樓1021-1023號舖最近返工返到心累，唯有慰勞下自己，好耐無食放題，今次揀左藥膳養生火鍋放題🤭好似健康啲☺️今次食$223 Prime grade牛肩胛肉和西班牙無激素豬肉片，120分鐘任飲任食🥰🌟牛肩胛係牛經常運動既部位，肥瘦適中，薄切牛肩胛肉，好容易就食咗好多，質數吾差架！而豬既脂肪不多，肉質就較為結實。🌟超過15款飲品🧃，最窩心係紙包茶類、麥精和維他奶有熱飲，仲有細樽裝的竹蓆水🥰超過10款雪糕雪條，其中Movenpick 雪糕有士多啤梨和雲呢拿味道，食完已經無肚食第二款☺️🌟湯底有12款俾人揀，今次揀左藥膳田園蕃茄濃湯和藥膳蟲草花桃膠雞湯。蕃茄湯係超濃稠，如果鍾意蕃茄湯，應該會愛上。而另一款有好多蟲草花，桃膠大大塊，雞湯越煲越岀清甜味☺️🌟最後要欣賞它既丸類同菜，係好多款式揀，材料有質素，所以味道有保證👍🏻👍🏻🤤總體食物味道：4/5💰性價比：4/5💥推介指數：4/5

一人一鍋🫕台式藥膳養生火鍋放題裝修簡潔、環境闊落、乾淨, 感覺非常舒服12款湯底選擇, 簡單分為藥膳、蕃茄🍅、麻辣🌶️、日式壽喜燒🥘、仲有芫荽控最愛既爆漿熔岩芫荽湯今次同朋友就揀左藥膳花雕清雞鍋🧉🍶🐓&藥膳椰子清雞鍋🧉🥥🐓湯底有滿滿紅棗杞子飄浮, 聞落超香藥材味, 味道非常濃郁, 食完又唔會口乾套餐方面揀左豬🐷+牛🐮牛肩胛肉&西班牙豬肉片賣相睇落十分新鮮, 油花分佈均勻輕輕煮左一陣就食得肉味非常重 一D臊味都冇, 咬落超淋, 唔會嚡口自助區 有多款菜菜🥗🥗 (雨衣甘藍)、高質丸類🍢 (特別推介: 芫荽魚肉燒賣)、麵食 可選樣樣都好新鮮、乾淨, 仲不時有職員refill飲品區 有凍🧊、暖🔥可選 照顧到唔同需要 非常貼心💖甜品方面 可以任食movenpick雪糕🍨🍦, 另外仲有多種牌子可以慢慢揀 真係一次過滿足你多個願望丫!

相約朋友在將軍澳聚一聚，老朋友選擇了放肆式😅，就是我們久違的放題任食台式放題(馬祖)裝潢簡樸員工非常有禮貌。店舖都非常注意衛生採用一人一鍋，店員也提點客人提取口罩袋…等，使每位客人食的開心，食的安心😊店舖有很多湯底選擇~1.藥膳台灣沙茶湯2.藥膳養生清雞湯任食Prime Grade牛肩胛肉眼西班牙無激素肉片1.牛肩胛肉眼~大滾湯底帽煙時拉兩三次牛肩胛肉即起，牛肉汁味香濃，入口滋味無比，再多嗌一盤，童膄無欺一盤勝過一盤，貨正價實2.西班牙無激素肉片~薄薄一片香嫰滑肉質不“鞋”口3.有很多台灣肉丸選擇~手打牛丸、貢丸、貢丸香芋、墨丸……等等手打牛丸~濃香牛肉味，爽脆貢丸~冬菇和豬肉味都濃郁爽口彈牙墨丸~表面潔白，入口富有彈性，口感脆爽4.蔬菜很多種類5.飲品很多來自台6.甜品~大食者每款一嚐已經值回票價🤣🤣

一直都好鍾意食藥膳湯，呢間係銅鑼灣同天后食過都好好食黎到將軍澳分店食過幾次, 醉雞同藥膳蟲草花湯底米線依然足料，仲有雞脾位但係湯底比銅鑼灣同天后淡好多，而且無天后既椰子雞湯 希望呢間分店真係可以係湯底度做返好D