今次朋友介紹我地嚟咗間東南亞為主題的Fusion菜餐廳 經Open Rice訂位超方便 佢有室內同天台揀 今次就揀咗室內 Appetizer:Salmon Tartare $128 超開胃既前菜 三文魚以泰式酸辣醬調味過 酸酸辣辣 再配上脆脆的煎米餅乾 層次感十足 份量完全夠佈滿個三塊煎米餅乾!!! Appetizer: Cereal Butter Prawn $128 CP值超高 估唔到佢依個價錢都份量十足 有足足6-7隻手掌心咁大既虎蝦 肉質彈牙又新鮮 每隻都有滿滿既炸蒜粒 超級香口 Lobster Pasta With Lobster Tail $268 蘑菇打成醬汁 加上濃郁龍蝦汁掛滿意粉上 超惹味 超大條龍蝦尾 龍蝦肉厚實 有淡淡的椰奶的味 吸睛又打到卡之外 仲好鮮味彈牙 手搓粉特別有嚼勁又特別 Crispy Grouper With Tom Kha Kai $238 赤點石斑魚 依款都係店員介紹我地試嘅一道菜 佢見我地兩個女仔嚟食 建議我地唔好點兩個意粉 咁我地就聽佢講 試試依款魚 估唔到真係有驚喜！ 魚皮煎過脆脆地 魚肉又夠嫩滑 個汁有少少香料味 點埋佢個汁食 點完即刻昇華咗 特別得嚟又好味 Damn Pissed Off! $108 以份子料理方式融入雞尾酒中 女仔飲都好適合 賣相夠晒創意 多到就滿瀉既泡泡之餘 仲有玫瑰花瓣 真係俾佢既鴨鴨+小浴缸吸引咗 酒的味道主要以熱情果濃縮果汁;薑汁汽水味的濃縮菠蘿汁 當中加入vodka 微醺程度不會灼口 Tonight Is Gonna Be A Good Night! $108 易入口嘅cocktail 陣陣花香味 唔會好甜 同樣好啱女仔飲 📍 KABOOM (尖沙咀) 尖沙咀北京道12A號太子集團中心20樓

絕對絕對俾佢嘅裝修吸引咗！！ 依間Cafe以舊式日本餐廳為裝修 充滿Vintage嘅感覺 CRUCIAN CARP SOUP $58 鲫魚湯•凍豆腐•日本靈芝菇•枸杞 依個湯鮮甜好喝 淡奶白色魚湯 除咗係好飲又有營養之外 打卡都一流 AUSTRALIAN MY WAGYU RIBEYE $198 澳洲M7和牛肉眼 牛肉切開剛好係粉粉嫩嫩 咬落口超級Juicy 咬落去好嫩 一啲都唔韌 配埋燒汁 完全將個肉眼昇華 旁邊配有馬鈴薯泥•迷你甘荀•小栗米•秋葵 可以解一解肉類嘅油膩感 SHIBUI CRAB LINGUINE$138 蟹膏蟹肉意粉 啖啖都係蟹肉同蟹膏 味道鮮甜 份量十足 再加上有車厘茄點綴 感覺好Fresh又開胃 WHEEL PIE (RED BEANS) $48 今川燒 紅荳 燒餅即叫即整 蛋香味同紅豆香氣撲鼻 再配上上面嘅Vanilla雪糕 一凍一熱嘅感覺 值得一試 SHIBUI ICED CHOCOLATE Hazelnut $58 凍朱古力-榛子 口感絲滑 朱古力配榛子果香 甜度適中 鍾意飲朱古力嘅不妨試一試 ICED MATCHA LATTE $58 凍鲜奶抹茶 📍Shibui 洋食屋 (九龍城) 九龍城侯王道22號地舖

充滿日式風情嘅串燒居酒屋小店 主打手工串燒 今次我地揀咗幾串串燒 全部都係即叫即燒！ 燒得剛剛好 又Juicy| (• ◡•)| 尋回日本嘅味道呀~ •香脆牛蒡蕃茄沙律（$45） 牛扒每一條都超級脆!!!!! 絕對係一個開胃小菜 老闆娘仲介紹我哋可以先將牛蒡食晒 再配上沙律汁食 更加好味 ·厚燒豆腐（$22） 的確有點被驚艷到 個豆腐簡直可以用外脆內軟嚟形容!!! 入面個心好夠熱 · ·雞頸肉 $28 平時都好少會食雞頸肉 今次同朋友嚟打算試試佢 估唔到又真係好嫩滑 完全體驗到師傅燒串燒嘅功架 ·白蘑菇+秋葵（$18 & $28） 兩種蔬菜燒完都好Juicy ·芝士車厘茄豚肉卷$28 一向好少食車厘茄嘅我 食完依個完全係出乎意料之外地覺得好味 原來豚肉中間夾埋車厘茄 咬落去係爆汁 完全無草青味 必食推薦！！！ ·自家制免治雞肉棒$38 超嫩雞肉再混合金黃色的蛋黃 非常惹味 •焱一炙燒蟹膏飯（$98） 老闆娘介紹話依個飯係經改良後嘅版本 比起之前個款更多蟹肉蟹膏 超級驚喜！！蟹膏飯上仲併有免治雞肉棒 絕對係超值~ 將蟹膏蟹肉撈勻之後 基本上每一啖飯都會有蟹膏同蟹肉(●’◡’●)ﾉ 撈埋生蛋一齊食 鮮味十足 ·白桃果汁($32) •信州蘋果梳打（$32） 非常欣賞呢間餐廳員工嘅服務 老闆娘親切友善 笑容十足 仲真係會好似日本餐廳咁同你傾偈 增加不少互動 下次一定會再嚟 📍焱一 (鰂魚涌) 鰂魚涌芬尼街11號得發大廈地下A號舖

位於觀塘嘅西餐廳(●’◡’●)ﾉ Tiffany Blue 嘅門面超搶眼 店內油咗黑色牆身仲有滿滿塗鴉 更顯型格 (•̀ᴗ•́)و 以工業風為主 啱晒嚟打卡~ • 𝙱𝚘𝚗𝚎 𝙼𝚊𝚛𝚛𝚘𝚠 & 𝙳𝚞𝚌𝚔 𝙱𝚛𝚎𝚊𝚜𝚝 𝙻𝚒𝚗𝚐𝚞𝚒𝚗𝚎 $𝟷𝟻𝟾 以南瓜汁作意粉汁 旁邊配有香橙粒 超Fresh嘅感覺♡´･ᴗ･`♡ 鴨胸以厚切為主 煎得香口 肉質細嫩 並配有超巨型牛骨髓 牛骨髓表面煎得金黃帶有焦香 令意粉增添不少層次 𝚄𝚂 𝙿𝚛𝚒𝚖𝚎 𝚁𝚒𝚋 𝙴𝚢𝚎 $𝟸𝟻𝟾 牛扒點咗5成熟 煮得剛好 微微嘅透粉紅色 厚身得嚟又大塊 調味剛好 唔會太鹹 薯條新鮮炸起 非常香脆(✯◡✯) 𝙷𝚊𝚒𝚕 𝚝𝚘 𝚝𝚑𝚎 𝙺𝚒𝚗𝚐 𝙱𝚞𝚛𝚐𝚎𝚛 $𝟷𝟼𝟾 超大份量漢堡包🍔 最特別嘅係佢用咗新鮮嘅車厘茄 粒粒都勁Juicy~ 牛肉就用咗手打牛肉 配有酸瓜 煙肉同洋蔥🧅 增加唔少層次ヽ(♡‿♡)ノ 𝙷𝚞𝚗𝚝 𝚂𝚒𝚐𝚗𝚊𝚝𝚞𝚛𝚎 𝚃𝚒𝚛𝚊𝚖𝚒𝚜𝚞 $𝟽𝟾 輕盈細滑 面層佈滿咖啡粉 咖啡味道濃郁 又唔會太苦 濕潤度剛好 入口即溶 蛋糕佔嘅份量較多 質感綿密 𝙸𝚌𝚎 𝙼𝚘𝚌𝚑𝚊 $𝟻𝟸 📍The Hunt Coffee & Roaster (觀塘) 觀塘鴻圖道75號KOHO地下A及B號舖

嚟開太子依邊買完花 就嚟依邊搵下有咩好食 發現太子酒吧街依到有間食扒嘅西餐廳 我地兩個人點咗個二人套餐 $𝟛𝟠𝟝 非常抵食又豐富嘅Dinner Set • 龍蝦湯 濃郁嘅濃蝦湯味 夠creamy 個湯好smooth 而且仲有海鮮配料 又有蜆又有魷魚🦑 黑松露炒雜菇 濃郁黑松露炒雜菇 仲有沙律菜做配菜 龍蝦汁大蝦海鮮意大利飯 超級大份量嘅海鮮飯 豐富嘅海鮮有虎蝦又有青口 又有擺盤 打卡一流( ͡° ͜ʖ ͡°) 炭烤澳洲黑安格斯肉眼10oz+$𝟠𝟠 叫咗五成熟配燒汁 肉質嫩滑 旁邊配有薯蓉 有驚喜(●’◡’●)ﾉ 薯蓉超滑 鹹度適中 Black Pink雞翼 $𝟟𝟠/𝟜隻 黑色嘅炸雞真係未食過 原來佢係用咗墨魚汁炸 夠脆身又香口 而且入面嘅肉都好嫩滑 好似燒雞咁 一啲都唔會炸到好乾身 配上粉紅色嘅醬汁 (火龍果+乳酪)製成嘅醬汁 酸酸甜甜幾特別 好睇得嚟又好食 是日精選甜品 細細件嘅迷你蛋捲 甜度適中 而且蛋糕鬆軟 個人覺得朱古力味同咖啡味最好食 士多啤梨同蜜瓜味都好出 感覺好清新~ 📍Chapter 3 Steak Bar & Restaurant (太子) 太子花園街232-234號地下J號舖

Crepe專門店 Cafe 之前食過尖沙咀嗰間 一直都念念不忘 今次嚟開中環 發現原來中環都有分店♡´･ᴗ･`♡ 中環有晚餐Menu 而且除咗crepe 仲可以揀意粉 我地分別叫咗兩個set晚餐·包沙律/餐湯 沙律同餐湯都花足心思(•̀ᴗ•́)و 沙律菜用咗羽衣甘藍 配上黑醋 夠開胃 加上紫洋蔥同紅蘿蔔絲 添加不少口感 蘑菇湯濃稠度剛好ᕕ( ᐛ )ᕗ 油封鴨配格魯耶爾芝士 Crepe Francals $205 超吸睛大大舊嘅油封鴨 啱晒女仔打卡(✯◡✯) 油封鴨煮得剛好 夠嫩滑 輕輕一切落去已經能夠分開肉同骨 餅底夠薄得嚟裡面仲有滿滿嘅涵料 鴨肉微鹹 配落餅底到剛好 有驚喜嘅鹹點(●’◡’●)ﾉ 蒜香蜆肉扁意粉 Linguine Vongole $205 蜆肉真係超大粒 完全無沙得嚟仲好新鮮 蒜香夠多 基本上每一條意粉都能沾上蒜蓉 非常惹味 蒜肉同意粉份量都夠多 套餐包咗兩杯餐飲 除咗梳打水同奶昔 其他飲品都包括喺set入面 Mocha 8oz Nutella Hot Chocolate • Chicken Cordon Bleu Crepe $129 眼寛肚窄嘅我地點多咗個咸點Crepe 真係超級飽肚 烤雞肉·火腿配芝士同忌廉醬 都係一個不錯嘅咸點 • 如果下次再嚟會試下Tiramisu Crepe 應該都會係一個幾特別嘅甜點(☞ ͡° ͜ʖ ͡°)☞ 📍Café Crêpe (威靈頓街) (中環) 中環威靈頓街15B號地舖

今日約埋朋友嚟咗位於錦上路嘅𝙲𝚊𝚏𝚎 係錦上路西鐵站轉𝟞𝟜𝕂巴士(往大埔方向) 係張屋村落 行過對面就見到餐廳 都算幾容易搵 但今日天氣不似如期 嚟到落起毛毛細雨🌧️ · 餐廳黑色外牆加上水晶燈 充滿古典味 有分室外同室內ᕕ( ᐛ )ᕗ 室外仲有個空地 如果大家揸車嚟都可以有位泊 而我地就揀咗室內 冷氣非常充足 室內嘅枱同椅都係透明設計 好特別又華麗(●’◡’●)ﾉ 煙三文魚配奶油芝士法式可麗餅 $𝟏𝟒𝟖 配有流心蛋喺可麗餅上面 咸咸地嘅煙三文魚加上奶油芝士🧀️ 係個好夾嘅咸點 可麗餅入面夾住滿滿嘅生菜🥬 添加不少口感 唔會太膩 蒜片辣椒欖油大蝦薏大利粉 $𝟏𝟔𝟖 煎香咗嘅新鮮嘅大蝦🍤帶出啖啖焦香 咬落爽口(✯◡✯) 意粉佈滿蒜蓉粒 好惹味 下次再嚟一定會encore~ Hot Matcha Latte $𝟔𝟓 正正常常嘅抹茶鮮奶 但上枱真係滿分💯 好靚嘅拉花之外 個杯同個碟都好吸睛♡´･ᴗ･`♡ 芒果沙冰 $𝟖𝟑 價錢以一杯飲品嚟講真係略高 但飲品真係有驚喜 超級大杯 澎湃嘅芒果沙冰 而且係極濃郁嘅芒果味 純粹係芒果嘅甜味 而唔係糖漿 上面仲有食用金箔 好IGable 夏日炎炎最啱飲杯沙冰解解渴\(^ヮ^)/ 甜品揀咗個抹茶蕨餅 $𝟓𝟖 份量剛好 淡香抹茶味🍵 有黑糖 可以自由決定甜度 都係不錯嘅甜品🍮 𝐓𝐨𝐭𝐚𝐥: $𝟓𝟕𝟒 📍Muse Furniture Lab (元朗) 元朗錦上路26C號地舖

520嘅日子都需要少少儀式感 所以揀咗間鐵板燒慶祝下 餐廳總共有3個鐵板燒嘅細房 其中兩間仲可以打通添 啱晒約埋一班朋友嚟一齊食嘢 餐廳中間有個圓形bar 枱 唔食鐵板燒都可以點壽司 佢地仲有室外座位 天氣涼涼地個時坐面另有一番風味~ 室外都有張大枱可以落簾 私人度極高 仲有串燒檔 飲杯酒chill下又點少得串燒呢 • 今次第一次嚟 我地揀咗個中價位嘅鐵板Set 【梅】HKD $880 一位 前菜： 沙律🥗 以麻醬作為調味 有蕃茄仔 同埋粉紅嘅蓮藕 好特別 增加不少口感 甜甜地幾開胃 茶碗蒸 • 本日鮮魚 甘鯛魚立鱗燒 真係第一次食依種魚 外層有塊脆卜卜嘅魚皮 魚肉嫩滑得嚟而且係啖啖肉 點埋師傅調製嘅醬汁 酸酸辣辣 個底仲有塊翠肉瓜伴碟 真係好令人回味 原隻野生花虎蝦 大過隻手掌嘅花虎蝦阿係 真係啱晒打卡阿 師傅整每一個食物都好用心 而且仲會好細心咁起埋條蝦腸 味道方面又恰到好處 調味後仲能帶出蝦嘅香味 而且啲蝦肉真係超級爽口 彈牙 除咗好食之外 仲好igable 有晒擺盤 法式鵝肝配紅酒黑醋 係幸福嘅味道呀 大大塊鵝肝 配埋塊多士嚟食 真係perfect match 唔會過份油膩 少少黑醋調味 將鵝肝嘅油份帶落塊包到 好惹味 日本A5宮崎和牛薄燒 平時自己食開和牛都係簡單點下燒汁 估唔到今次食和牛有另一翻味道 A5和牛油脂感較重 但師傅用咗香蔥同蒜粒包係和牛入面 再捲起佢再煎 咬落去多咗層次又有蒜粒嘅香口 值得一試 老闆仲話遲下會入熊本牛添 有機會可以嚟試下啦 • 季節野菜 京都特式炒飯 金黃色嘅炒飯 帶有微微蛋香 炒得粒粒分明 有蔥同櫻花蝦 份量剛剛好 • 大蜆麵豉湯•潰物 甜品-vanilla ice cream🍨 • 飲品揀咗好得意嘅檸檬茶酒 幾啱女仔飲 酸酸甜甜 📍京都鐡板居酒屋 (尖沙咀) 尖沙咀赫德道4號The Hart 3樓

立鮨真係encore又encore嘅壽司店 次次諗唔到食邊間 都會翻轉頭搵佢(￣▽￣) 餐廳雖然座位唔多 但勝在都坐得幾舒服 職員都好細心 話俾我地聽枱下面有掛鉤可以掛住手袋 餐廳用QR Code落單 店舖餐牌仲會不時更新壽司組合/刺身 海老濃湯櫻花蝦烏冬$𝟒𝟔 超級多櫻花蝦 啖啖食到嘅烏冬都有櫻花蝦 軟殼蟹手卷$𝟑𝟖 除咗好食之外 打卡都一流 火炙松葉蟹腳壽司$𝟔𝟎 松葉蟹腳肉質鮮甜 經火炙後帶出少少焦香味 非常香口 · 火炙白烏賊海膽壽司$𝟓𝟒 白烏賊上面加上海膽真係非常夾 白烏賊嘅膠質加上海膽融為一體 夠惹味 · 松葉蟹肉海膽壽司$𝟕𝟔 雖然依款價錢較高 但都值得一試 松葉蟹肉非常多 佈滿整個壽司面 一絲絲蟹膏蟹肉加海膽 一次過將最好味嘅嘢加埋一齊 必食!! · 三文魚壽司$𝟗 9蚊雞嚟講 真係幾高質 · 三文魚腩壽司$𝟐𝟓 鹽燒三文魚鮫$𝟑𝟖 依個幾有驚喜 份量十足 有兩大舊 而且仲啖啖肉 點咗佢配有嘅醬汁 更開胃ᕕ( ᐛ )ᕗ 鰻魚櫻花蝦玉子燒$𝟒 超厚玉子燒 平時我都好少食玉子燒 今次又叫一舊試下 估唔到係咁正 鰻魚汁再配玉子蛋 真係無得輸( ͡° ͜ʖ ͡°) 鰻魚壽司$𝟐𝟎 · 火炙大吞拿魚腩海苔壽司$𝟓𝟏 火炙左口魚邊壽司$𝟐𝟖 依兩款都係入口即溶 吞拿魚夠肥美 左口魚邊經火炙後帶出少少油脂感 大滿足( ˘ ³˘)♥︎ · 燒蝦頭(配鮮蝦味噌湯)$𝟏𝟕 最後仲encore咗兩件松葉蟹肉海膽壽司(●’◡’●)ﾉ 𝕋𝕠𝕥𝕒𝕝: $𝟞𝟜𝟝.𝟟 📍立鮨 (富達大廈) (旺角) 旺角豉油街50號富達大廈地下1-2號舖

雖然依個早餐唔係貴 但估唔到叫一個湯麵係無湯 真係極之失望 一打開個時真係以為佢係撈麵 夾硬搵係有少少湯嘅 但啲湯係完全無味嘅 唯一優點就係碗嘢係熱嘅😀 真係唔會再去食 大家如果真係想試 真係要記得叫佢分湯 短短幾分鐘路程上到樓竟然打開會無曬湯😂