馬祖 (將軍澳廣場) (已結業)

今日做完嘢真係超攰同同事呢到位於將軍澳廣場嘅呢間馬祖台式火鍋到食晚餐當係慰勞下自己 七點嚟到人唔太多不過坐低冇耐就全場爆滿十分受歡迎揀咗個$298 美國prime極上牛頸脊 西班牙伊比利亞豬任食放題 餐廳係食一人一鍋 我就揀咗個藥膳花雕醉雞鍋 藥材味同酒味都非常濃香一坐低餐廳就會有牛肉送上美國prime極上牛頸脊油花分佈平均肉色紅潤牛肉味濃 味道唔錯西班牙伊比利亞豬紅肉質都非常紅潤 一啲豬臊味都冇 仲有好多 唔同種類嘅蔬菜 台式丸類 飲品都係任食任飲最驚喜係有movenpick雪糕任食呀 食番兩杯都回本喇

📍 馬祖 (將軍澳)將軍澳唐德街1號將軍澳廣場1樓1021-1023號舖🤍新開火鍋店，位於將軍澳，極級prime grade 、安格斯牛頸脊放題任食，抵食、方便！👍🏻自選湯底鍋今次我地叫左藥膳椰子清雞湯、藥膳花雕清雞湯，兩款湯都好推薦，椰子味十足，花雕味都夠濃，唔錯選擇😍另外有大量丸類、菜類、麵類俾大家打邊爐用😝肉類： 美國Prime grade 極上牛頸脊、西班牙伊比利亞黑毛豬、prime grade 牛肩胛肉、西班牙無激素、沙茶牛肉、精選雞髀肉、深海魚柳。 我地強烈推介： 牛頸脊同牛肩胛肉，肉質較有口感。另外設有自助配料區: 配料： 粟米、凍豆腐、粟米、萵筍、豆卜、冬菇、木耳、芝士腸丸類：白菜豬肉餃、金沙魚蛋、芥末魚丸、台中福茂貢丸，火灸芝士丸、花枝丸其中有幾款非常好味，又特別甜品類： 小編都拎左軟雪糕、同雪條類，入面分左勁多層😜🤍星期一至五任食120分鍾都只係298 一位，食物款式非常多，質素都唔錯，新店黎講性價比好高，值得推介一下俾大家

貼係包裝袋張紙同內容物不符我本身唔喜食雞...唔知呢碗湯本身係咩辣，都幾辣，張廚房單係我點既鴨血米粉...希望拎左鴨血米粉果位喜歡鴨血啦都唔忙，咁都會出錯，都幾哂利

餐廳主打台式養生鍋，湯底共有12款，大致可分為藥膳，田園蕃茄，麻辣田園蕃茄，麻辣及日本壽喜燒Sukiyaki及特色湯底五種類，我哋揀咗台灣藥膳麻油雞湯同爆漿熔岩芫荽鍋，隨你喜好一人一鍋夠衛生😘😘120分鐘放題價錢由$198至$513，今晚我哋選$298嘅放題火鍋🍲，任食美國Prime Grade極上牛頸脊，Prime Grade牛肩胛肉，有質素保證係最高等級的牛肉，肉質與脂肪分布最佳。 而西班牙伊比利亞黑毛豬及西班牙無激素豬肉片，肉味濃郁，淨係任食咁高級嘅肉巳是回本位😋😋火鍋配料超過30款：台灣沙嗲牛肉，雞腿肉…….多款魚蛋肉丸及餃子🥟深海魚柳，米血糕，爆漿貢丸……..羽衣甘藍🥬萵筍等等…….食唔晒咁多種😂😂飲品超過15款：台式飲品：愛文芒果茉莉花茶，黑糖薑母茶，菠蘿烏龍茶等等……任食甜品：高級嘅movenpick ，Dreyer雪糕雪條，鷹嘜奶條……😗😗

👫放工去食火鍋放題😍🥢。所有火鍋料、雪糕、飲品都係任食任飲。任食杯裝Movenpick真係好吸引。👫都覺得120分鐘好足夠，打完邊爐食埋雪糕仲有時間吹下水😆。🔸美國Prime Grade極上牛頸脊及西班牙伊比利亞黑毛豬放題（$298+10%）。湯底：藥膳椰子雞湯、日本壽喜燒湯椰子雞湯係淥肉嘅鐵膽😎，食咗三次都係揀佢。Sukiyaki就出乎意料地啱煮菜。極上牛頸脊肉味重，肉質軟嫩。伊比利亞黑毛豬就更加嫩滑，一啲豬羶味都冇。👩🏻平時唔點食豬肉，但呢個分分鐘好味過牛。比起$223套餐嘅無激素豬肉片，呢款明顯高質好多。之前已經食過兩次，大概知道咩配料好味😛。自助配料我哋主力食羽衣甘藍、萵筍。今次亦有encore台中貢丸（呢款好食過芋泥貢丸🤫）、沙茶牛肉。其餘quota留晒食肉😎。比起早幾個月，staff多咗好多。除咗密咗收碟，亦會問我哋使唔使加肉👍🏻。📍馬祖 (將軍澳)將軍澳唐德街1號將軍澳廣場1樓1021-1023號舖

馬祖台灣藥膳養生火鍋放題$298任食 120分鐘有多款台式湯底選擇，一人一鍋，非常衛生。我和朋友分別選擇了爆漿熔岩芫茜湯及藥膳養生清雞湯。兩款湯底都濃郁滋味，非常足料，各有特色。$298任食可點：極級Prime Grade安格斯牛頸脊、西班牙伊比利亞黑毛豬 吃到飽，還有其他的肉類：Prime Grade肩胛肉眼、西班牙無激素豬肉片、雞肉、海鮮等…肉類質素非常超班，也不會切得太薄。飲品方面選擇相當多，各式茶類及汽水都有齊。仲有兩個熱飲櫃，方便不喝凍飲的養生人士。蔬菜、丸子及其他配料都應有盡有，這次主力吃肉都不夠時間試齊所有配料。🧚🏻必須一提的！！！當然是movenpick 雪糕任食！除此以外還有多款不同種類的雪糕，還有低脂低糖低熱量冰棒。整體而言，是次用餐體驗相當完美😋服務好！食材好！裝修好！衛生好！絕對值得再回頭👍🏼

馬祖 (將軍澳).估唔到馬祖開到將軍澳(⁎⁍̴̛ᴗ⁍̴̛⁎) 不過呢間有限時120mins。我地唔算好喜歡食肉，叫左唔洗咁貴嘅牛肩胛肉放題！.▪️$223任食套餐 ▪️.去到先揀湯底，呢到原來係一日一鍋嘅模式，我揀咗壽喜燒，男朋友就揀養生蟲草花桃膠雞鍋，兩個湯底變相食兩個味道！.任食真係唔係好多餐廳會比好嘅食材，但呢到嘅丸類選擇多，有炙燒芝心，手打牛丸，芋泥丸等。菜都有好多選擇，連羽衣甘藍都有！.飲品方面，同旺角分店唔同嘅係呢到無自家製冷泡茶，但汽水呀嗰啲都好齊一樣有熱飲櫃，入邊有熱嘅紙包茶，維他奶等等，雖然話打邊爐熱辣辣你未必會想飲熱野，不過都係食完之後我飲咗一包熱烏龍茶，感覺好解膩！.最後梗係有甜品環節，呢度有好多雪糕杯選擇，Movenpick ，大量雀巢仲有最新煉奶雪條，甜品雪糕選擇好多！仲有啲我未見過！.📌 馬祖 (將軍澳)將軍澳唐德街1號將軍澳廣場1樓1021-1023號舖環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️

✅番茄麻辣湯真的越滾越嘛，食到後面花椒的味道充斥湯底，而且蕃茄味好濃郁好正，不過食到後面會覺得有啲濃味。個人覺得這個麻辣湯底屬於小辣，屬於大部分人都可以接受的程度。 ✅藥膳花雕清雞湯 紅棗味滿滿，而且沒有花旗蔘味，唔會苦（有啲人接受唔到，我就無所謂），湯底酒味不算重。👉兩個湯底我都好推薦！✅打邊爐最重要就是肉質！這裏雖然價格不貴，（我食$239套餐），但牛肉夠肥夠嫩，豬肉都好好味，而且出面仲可以任添 魚肉、醃製得滑嫩入味的沙茶牛肉，CP值滿滿！✅至於其他配料選擇都好多，當中比較特別嘅有：😬芫荽燒賣，個人都幾鍾意食芫荽😬仲有米血糕都好特別，超級台式😎 加落麻辣湯就最夾✅此外，飲品都有好多選擇，有凍有熱，仲有茶包茶選擇。我就選擇咗低糖五花茶，一罐先50卡，無咩負擔感，而且味道好好。✅甜品有許多雪糕選擇，有童年回憶的紅豆雪條、芋頭味脆皮了，還有movenpick雪糕等等！

星期五晚上約了朋友逛街，然後一起去吃火鍋放題！我們吃的是$298套餐，可以任食4款火鍋肉片及所有自助吧的食物飲品甜點。我們吃了超過十盤肉片，它們質量非常穩定，而且上菜速度很快。我覺得各款肉片都不俗，但我最喜歡美國prime grade 極上牛頸脊，因為牛頸脊肉質很細嫩，油脂味道香而不膩，密密吃都不會覺得罪惡！自助吧食物飲品種類繁多，而且它們每款基本上都是美味的！這裡最值得注意的是甜品可以任食movenpick！吃上5-6盤肉片、兩杯雪糕、一大碗火鍋配料，還有數款飲品，我覺得我今晚大賺！

去將軍澳搵朋友，朋友話想打邊爐，見到呢間好似幾好，價錢又唔貴，決定試一試。餐廳有唔同放題套餐，每款套餐包不同種類嘅肉類，我同朋友就叫咗$223嘅套餐。Prime grade 牛肩胛肉肉質鮮嫩，西班牙無激素豬肉片呢個好推薦，好好味，肉質好好。自助區嘅火鍋配料有好多，超過30款。特別推介呢幾款包括芋泥貢丸，呢款丸唔係好多地方有，芋泥同貢丸味道好夾，可以一試。手作牛丸，呢個好彈牙。仲有，金沙魚丸，呢個我食咗好多，好重鹹蛋味。鹹蛋愛好者一定要食。最後，雞脾肉好滑，好好味。蔬菜方面都有好多選擇，包括生菜，金菇菜，冬菇，粟米等等，全部都好新鮮，洗得好乾淨。飲品同甜品方面選擇都有好多，連movenpick雪糕都有，真係好少見。員工服務都好好，會經常幫手加湯同清潔枱面。下次會再幫襯。

成個環境裝修，🔵⚪️藍白配色俾人感覺好乾淨企理，而的確嘢嘢飲嘢食貴都非常整齊乾淨。係連每一罐嘢飲都會正面面向玻璃，雪糕疊好晒，唔會有任何嘢食同醬汁被遺留係櫃邊地下🧺。👤一人一鍋設定好，每兩個人就有一個有一定深度嘅長兜拎嘢食，令到成個枱面都非常整齊，而員工都好勤力不時過嚟收飲完嘅飲料👩🏻‍💼。嘢食唔算超級多但夠高質，好驚喜有羽衣甘藍🥬，而無論萵筍、🍅番茄定係雲耳等都新鮮好食。丸類有不少新奇選擇，☘️芫荽燒賣吸引咗我拎第二次，好彈牙好似魚肉咁，芫荽又夠香。任食嘅🐷豬同🐮牛，雖然只得兩款，但由於質素好，同朋友share埋湯底就多咗口味。上得快、切得薄、油脂平均、有肉味👅。嘢飲🧃同雪糕🍦都好多款，最開心有飲品暖櫃🥰。另外低卡果汁乳酪雪條，佢一開始出$10枝，後未賣到成$1x就唔捨得食。第一次食提子味幾正喎，仲好食過士多啤梨同藍莓！食飽飽閃水，走先嘢，下次再食呀🙌🏼🙌🏼！

呢間養生火鍋店都可以話係相當之出名架啦今日咁岩黎到將軍澳又見到佢，梗係即刻食佢啦淨係湯底都已經有咁多選擇仲要款款睇落都又好味又養生而且價錢方面有貴又平，我就點左個「美國Prime Grade極上牛頸脊及西班牙伊比利亞黑毛豬放題套餐」，性價比好似最高！藥膳台灣麻辣鴨血凍豆腐湯黎呢到就梗係要點養生系既湯底啦呢到既養生湯真係名不虛傳一上台已經聞到好香藥膳味而且食落唔會好似食中藥咁重味你會食到少少藥膳香，亦唔會蓋過食材味而佢既麻辣鴨血同埋凍豆腐都索晒湯底味，正台灣藥膳沙茶湯另外因為一人一鍋，仲點左呢個沙茶湯底佢比起平時食既香港沙茶湯底多左份鹹鮮，令佢更有層次醬料區選擇都多，而且仲有好特別既燒肉汁，極力推薦要落當然唔少得有自助區除左有唔同蔬菜同丸類之外，仲有幾十款野食選擇都算幾多下野飲除左有凍飲仲有熱飲，果然夠養生最驚喜係呢到既雪糕有我最愛既Movenpick食多幾杯就唔洗怕回唔到本啦Prime Grade極上牛頸脊然後就係打邊爐既主角啦由牛既脂肪分布咁咁靚咁平均就知道，呢到既牛用料果然上乘而牛頸脊係位於牛頸與肩胛之間一個運動量較多既部位所以口感爽嫩軟滑得黎會有少少咬口亦因為咁佢既脂肪不多，油花

好喜歡火鍋 更喜歡一人一鍋每人都可以選擇自己喜歡的湯底 也比較衛生這次就去了將軍澳廣場的馬祖光是湯底已經有12個選擇 當中有好多款藥膳的 感覺非常養生我們點了兩款連湯都能喝的超強湯底藥膳椰子清雞湯一入口就是很香濃椰子味 很清甜藥膳蟲草花桃膠雞湯整鍋都是滿滿的桃膠和蟲草花 還有龍眼肉甜甜的味道我們都喝了兩碗才開始打邊爐Prime grade極上牛頸脊肉味濃而且非常嫩滑西班牙伊比利亞黑毛豬豬肉有驚喜 口感爽口沒有豬臊味數十款火鍋料 擺放整齊作為台式火鍋店 配料都充滿台味例如 墨魚香腸 甜不辣 還有很多特式丸 質素不錯飲品櫃有3個 冷熱飲品都有甜品選擇也很豐富 當中不乏少見口味 也有貴價雪糕食物質素好 職員服務也很好 不時來加湯及收碟也會主動問要不要加肉 有下次！

落完幾日雨天氣凍左 最啱就係打邊爐（藉口嚟 根本我日日都可以打邊爐 關天氣咩事🤣）行過見到呢間好吸引 有幾種價錢 其中中價位298呢款已經幾高質素仲有 有其中一款湯底吸引到我地注意決定挑戰下佢 gogo！爆漿溶岩芫荽湯呢個真係好勁呀 成煲都係綠色㗎陣荽味勁到隔離枱都聞到再加左紅棗同杞子好養生 鍾意芫荽嘅必點！藥膳台灣沙茶湯嚟呢度我打算狂食牛 揀番個沙茶湯就perfect match好夠味好香 連醬都唔洗點298已經可以任食Prime grade極上牛頸脊同西班牙伊比利亞黑毛豬每一轉嚟嘅肉都係高質素 唔會得頭兩盤靚而且上得好快 呢樣幾好出面仲有好多火鍋料可以自己攞其中蔬菜有羽衣甘藍超正 有佢嘅火鍋店對我嚟講都好加分食還食 記得留肚食甜品呀呢度有十幾款雪糕雪條 仲要係靚野連Movenpick係任食㗎 一定要食番夠本

之前食過馬祖養生湯麵，感覺都幾唔錯，原來佢仲有任食任飲火鍋，相比起以前另一間同樣以養生鍋為招徠的火鍋店，馬祖呢度就價錢相宜好多。同一般放題店一樣，可因應不同肉類選擇而有不同價錢，我哋今日就揀咗個298套餐，有美國極上牛頸脊、西班牙黑毛豬、牛肩胛肉同埋無激素豬肉任點任食，除此以外當然仲有好多其他任叫食物和飲品。吸引我嘅係呢度嘅養生湯底，而且仲係一人一鍋，非常之方便，自己鍾意食乜嘢就落乜嘢。湯底都有12款選擇，花多眼亂，最後我就要藥膳養生清雞湯，老公就要藥膳椰子清雞湯。湯底好快已經送上，熱辣辣試一口，藥膳味不算很濃，清而不燥，有桂圓、紅棗、杞子等材料，而老公嗰個嘅椰子味都好出，兩個都好。試完湯底，就試吓d 牛。牛頸脊色澤紅潤，十分嫩滑，黑毛豬薄切同樣好味，其餘果兩款肉其實都唔差嘅，不過俾得呢個價錢梗係狂食牛頸脊啦！至於自助區嘅食物，同樣有驚喜，呢度好多特別款式嘅丸，包括冬陰功蝦丸、芫荽燒賣、芋泥貢丸、芝士小籠包（你當佢芝士丸好了，別想像跟小籠包有什麼關係，只是形狀相近）、芥末魚丸等，我覺得都幾好食。當然仲有粉面和蔬菜，連羽衣甘藍都有，仲有菜心苗，都好少火鍋會食。飲品和甜品選擇都多，仲有熱茶