影片
開飯介紹
此分店供應以多款配料製作的台式藥膳湯麵外，更設有一人一鍋台式火鍋放題。火鍋主打不同的高質肉類，而自助食品區可自選多款食材、甜品及飲品。
繼續閱讀
營業時間
今日營業
11:30 - 22:30
星期一至四
11:30 - 22:00
星期五
11:30 - 22:30
星期六
11:30 - 22:00
星期日
11:30 - 22:30
公眾假期
11:30 - 22:00
公眾假期前夕
11:30 - 22:30
*堂食至17:30 新年期間正常營業
以上資料只供參考, 請與餐廳確認詳情
有關獎賞計劃
相關文章
馬祖是一間位於將軍澳pop corn的台式火鍋店，它擁有各種令人垂涎欲滴的美味佳餚。它是一間知名的餐廳提供了獨特的藥膳椰子一人一雞煲、A5極品牛頸脊和各式不同的肉丸，讓食客們享受到一場味覺盛宴。藥膳椰子一人一雞煲是這家餐廳的招牌菜之一。它以新鮮的椰子作為容器，裡面煮著一隻嫩滑多汁的雞肉。椰子的香氣與雞肉的鮮味完美結合，讓人嚐到大自然的美味。此外，這道菜還添加了多種藥膳材料，如人蔘、枸杞和黨參，具有滋補養生的功效。另一道令人驚艷的菜品是A5極品牛頸脊。這種牛肉是從日本進口的頂級和牛，極其嫩滑多汁。經過精心的烹調，牛肉保持了其原始的鮮美口感，每一口都能感受到肉質的細膩。這道菜展現了餐廳對於食材品質的堅持，讓食客能夠品嚐到最頂級的牛肉享受。此外，這家餐廳還提供各式不同口味的肉丸。無論是豬肉、牛肉還是雞肉，每一種肉丸都經過精心調味和製作，口感鮮嫩彈牙。食客可以根據自己的喜好選擇不同的肉丸，滿足各種口味的需求。配菜方面，餐廳提供了多種選擇，包括黑木耳、金菇、蟹柳和西生菜等。這些配菜新鮮美味，為主菜增添了豐富的口感和風味。最後，作為一餐完美的結尾，餐廳提供了Movenpick雪糕。Movenpick是瑞士知名的雪糕品牌，以其純淨的口感和頂級的品質而聞名。無論是巧克力、香草還是草莓口味，每一款雪糕都讓人陶醉其中，為整餐帶來了甜蜜的結束。馬祖餐廳以其豐富多樣且獨特的菜品吸引著食客的目光。藥膳椰子一人一雞煲、A5極品牛頸脊、各式肉丸、配菜的精心搭配以及Movenpick雪糕的甜點，為食客們帶來了一場無與倫比的美食體驗。無論是喜愛椰子風味、牛肉愛好者，還是追求營養和滋味的人，這家餐廳都能滿足他們的需求。無論是品嚐當地特色還是享受高品質的食材，這家餐廳都是馬祖美食的絕佳代表。
繼續閱讀
間唔中都喜歡幫襯任食火鍋，因為包羅萬有，選擇甚多，今晚和友人就揀了在 將軍澳廣場的"馬祖" 馬祖台灣藥膳養生一人一鍋火鍋放題120分鐘$303/人，星期五六日及公眾假期每位+$10任食超過30款火鍋配料, 任飲超過15款飲品, 非常抵吃。湯底的選擇多至12款，每人一個鍋底，我和友人揀了藥膳椰子清雞湯底和藥膳花雕清雞湯， 2款湯底均有紅棗和杞子，椰子雞湯透出陣陣椰香，十分清甜， 花雕清雞湯底花雕味十分濃郁，很惹味。肉類的選擇有美國Prime grade極上牛頸脊, Prime grade牛肩胛肉， 無激素豬肉片， 西班牙伊比利亞黑毛豬，台灣沙茶牛肉，精選雞腿肉和深海魚柳。極上牛頸脊肉質嫩滑，Prime grade牛肩胛肉牛味香濃有口感， 最喜愛吃無激素豬肉片， 豬肉味很鮮甜而且口感嫩滑， 精選雞腿肉也很有驚喜，肉質嫩滑鮮甜， 十分美味。自助區還有不同類型的菜蔬如蕃茄，金菇， 蟲草花，木耳 ，粟米，皇帝菜，唐生菜和油麥菜；丸類如龍蝦沙拉丸，金沙魚蛋，Q彈正方形魚腐， 蘑菇芝心堡和奶油南瓜包也各具特色。飲品方面有韓國和台灣飲品如芒果，蘋果汁 ，烏龍茶，燒仙草爽和各式汽水，選擇頗多。最正當然是Movepick, Dreyers雪糕任食，還有各式雪條，很滿足。
繼續閱讀
平日我都好鐘意打邊爐，依幾日天氣突然低至10度，邊爐癮就更加濃烈，所以就同老公去撐枱腳，嚟個一人一鍋台式藥膳養生火鍋放題。當日都真係為座無虛席，好在我預早book左位先唔洗等。將軍澳廣場嘅馬祖台式店係任飲任食120分鐘，佢嘅湯底同放題種類都有好多選擇。最後我地就捺左Prime Grade極上牛頸脊加西班牙黑毛豬套餐。湯底方面我地分別揀藥膳椰子清鷄湯同埋芫爆漿熔岩芫茜湯，兩個湯底都唔錯，椰子味勁濃，芫茜味又夠出，最好嘅就係食到最尾就算外加清湯落去個湯底都依然係好夠味。我地叫好餐之後，店員會自動送上套餐的極上牛頸脊同西班牙黑毛豬各2盒，及牛肩胛肉同豬肉片各1盒到來，之後就可以隨時向店員加單肉類。其餘各式丸類、菜類同醬油就可以出去自己拎，佢嘅種類都多，而且感覺都好衛生企理，最重要就係店員回補充的都好快，所以每次出去拎食物時都係會見到滿滿嘅。其實四款肉類都唔錯，雖然係薄片，但勝在唔洗烚太耐，所以我地兩個人地食左大大話話有成十幾碟肉咁多。老公話個牛頸脊好有牛肉濃味，而且仲好滑身。我就主要依黑毛豬，入口鬆化得嚟仲無豬騷味。仲有飲品同雪糕係任食，見到依兩大個雪柜放滿雪糕雪條，心情都特別興奮，就算天氣咁凍都要食返幾杯同Dreyer’s先叫大滿足呀！
繼續閱讀
最近天氣轉凍，即刻諗起火鍋，今晚同男友去食鍋放題。有6款放題套餐，價錢$208-523，湯底以藥膳養生為主，有12款湯底選擇，非常吸引。我地揀左美國Prime Grade 極上牛頸脊及西班牙伊比利亞黑毛豬放題套餐 $303，有30款火鍋配料及15款飲品，還有movenpick 及 Dreyer's 雪糕，全部都係任食任飲120分鐘。爆漿熔岩芫茜湯，賣相很震撼，當湯底滾起，真係好似爆漿熔岩，滿滿的芫茜香，火鍋料都沾滿芫茜味，芫茜迷必食，就算再加湯也很重芫茜味，超級正。日本壽喜燒Sukiyaki湯，甜甜的醬油味，好夾牛肉，又帶有日式風味，加錢配生蛋汁沾牛肉食，更加正。美國Prime Grade 極上牛頸脊，是牛頸與肩胛之間的部份，油花適中，牛味濃郁，肉質鮮嫩爽滑。西班牙伊比利亞黑毛豬，脂肪多夠肥美，肉味濃郁到滿瀉，嫩彈口感，味清不燥，好味又唔膩。自助取來的沙茶牛肉，好似手切牛肉的質感，醃得入味，牛肉嫩腍，厚身肉感重。台灣腸，雖然切片，但腸衣仍有脆皮口感，肉質扎實的台灣腸，味道香濃惹味。各款丸類大多都有餡，很有特色。芝士小籠包，造型可愛，滿口芝士爆餡。芥末魚籽丸，芥末微微辣，少刺激味道好。蘑菇芝心堡，餡料係細滑芝士及蘑菇粒，有陣陣蘑菇香。龍蝦沙拉丸，帶滋味的沙拉醬味，咸咸香香。奶油南瓜包，南瓜餡杰身濃味，但食完唔膩。魷魚羹，好爽口彈牙，魷魚肉帶有鮮味。燕餃好似魚皮餃的彈牙質感，餡料係豬肉，味道同口感都很好。蔬菜區有12款選擇，擺放整齊乾淨，個人推介羽衣甘藍同皇帝菜，比較少見又好味，唐生菜同娃娃菜最吸湯汁，都好味。飲品有2個大雪櫃咁多選擇，汽水、茶、果汁、涼茶、乳酸飲品......還有暖櫃內的飲品，冬天岩哂，很貼心。雪糕有movenpick 及 Dreyer's ，還有數款其他牌子的口味，總有幾款岩你，我就喜歡芒果味，清新解膩，雪條都好涼快。
繼續閱讀
放完假返工，D工作要追返進度，超攰! 放工後要大吃一番補償返，見天氣又轉涼返少少，一於食火鍋放題。呢間台式火鍋店任飲任食120分鐘就黎個中價位嘅美國極上牛頸脊及西班牙伊比利亞黑毛豬放題套餐 ($303/位)多款台灣藥膳養生火鍋湯底，一人一鍋，辣定唔辣，自由選擇。友人唔辣得，要咗藥材椰子清鷄湯，味道偏甜，有D椰子香味。我就要咗藥膳台灣麻辣鴨血凍豆腐湯 (另加$10)，可選大中小辣，麻香味幾出，小辣辣度都算易入口，加埋有鴨血同凍豆腐，索埋D麻辣湯，黃金組合。店員自動送上極上牛頸脊2盒，食完要加可直接同店員加單火鍋至愛係牛頸脊，雖然係薄片，但任食又無咩所謂，一次過可以烚2-3片。入口肉味濃，帶少少脂肪唔會嚡口，正。仲有牛肩胛肉眼脂肪比例多咗，入口鬆化無負擔，一啖食幾片都無問題。西班牙伊比利亞黑毛豬入口鬆化無豬騷味牛豬肉類就落單，其餘各式丸類就可以出去自己拎拎咗牛丸魚蛋貢丸同鷄件等牛丸札實中帶點彈牙，牛丸味濃郁，推介。鷄件入口帶酒香味，肉質仍保持嫩滑，不禁要再拎多少少多款菜類，羽衣甘藍都有，入口無苦澀味同唔硬身，用椰子清鷄黎烚仲甜D。澱粉質選擇除咗有即食麵及烏冬外，個人推介米粉，加落麻辣湯底係超正。食放題就係要留少少位比甜品，呢度有兩大個雪柜放滿雪糕雪條，連movenpick雪糕都有。見到特別D嘅豆腐雪芭同柚子乳酪，當然食埋先埋單啦。
繼續閱讀