香香宮煮 (金輝大廈)

營業中

休息中

朋友相約話要打邊爐，搵到呢間以宮廷為主題嘅火鍋店，之前喺北角都試過一間唔錯，所以都幾期待。七點幾嚟到已經好多人，座無虛席。無論裝修、擺設同menu都好古代。卡座有有唔同宮殿嘅名，而menu係用懿旨為名，玩味十足。一坐低店員即刻送上send一坐低前菜，有驚喜，竟然有原隻鮮鮑魚切粒，切合宮殿般高級。醬料有九款，乾淨以整體咁擺放，加分位，另外豉油壺好似古代斟酒嘅壺咁，好得意。⭐️花膠雞湯鍋侍應係將湯底同配料分開上，然後係你面前加入花膠同雞。雞件係半熟雞，需要放入雞湯再煮熟，見到個樣已經知道質素好靚，肉質嫩滑，連雞胸都唔會太鞋，花膠永遠都係女孩子嘅最愛，充滿骨膠原，所以成個湯底滋潤又養顏，同埋雞湯真係好好飲，金黃色雞湯飲落唔會覺得油膩。⭐️酒香陳年花雕浸牛肉一上枱已經見到佢嘅仙氣十足，用咗乾冰做陪襯。牛肉灼一灼就得，花雕酒香令牛肉更加有鮮味，並帶有淡淡的酒香。都只不過係百幾蚊，性價比高。⭐️餃子拼盤有韭菜豬肉餃、黑松露蟹肉餃、蟹黃餃、鳳尾鮮蝦雲吞。鳳尾蝦用咗原隻鮮蝦做餡, 啖啖鮮蝦肉。黑松露蟹肉餃， 黑松露味香濃，我自己最鍾意嘅係蟹黃餃，配搭最match。⭐️半熟五花腩 切成薄片，一層脂肪一層肉嘅五花

早前喺網上見到呢間香香宮煮火鍋，已經好想嚟試下，今日同埋閨蜜嚟做下公主啦👸！門口一大張金黃色嘅龍椅🐉坐陣，上面寫住香香宮煮，仲有啲宮廷衫可以著，認真夠晒氣派😎，好多人都喺呢個位打卡影相架📸！我梗係唔會錯過啦！而有啲座位仲整到一個個宮殿咁，寫晒啲宮殿名，好似延禧宮、永和宮、慈寧宮，真係打造成間餐廳都好似皇宮咁🕌。連張點餐紙都架勢過人，卷埋成張聖旨咁，上面寫住「傳哀家懿旨」😲。首先店員送咗個9宮格調味料嚟，可以比你「混醬」，之後仲有小食送上嚟，個小食有4款，有酸蕎頭、木耳絲、花生🥜，仲有一款包你估唔到.....竟然係鮑魚，唔係呀嘛！鮑魚都係小食，真係夠晒堅！仲要$25公主醬介已經包埋呢啲小食，好抵呀🤑。湯底全部都以公主名命名，例如有昭陽公主👸、建寧公主、刁蠻公主，我哋揀咗個長平公主，其實係豬軟骨蕃茄湯底，餐紙上面仲有個like。個湯底好多蕃茄，超濃蕃茄味🍅！食到咁上下再食埋啲豬軟骨，夠晒入味。黑松露蟹肉餃：啲餃夠晒大隻，蟹肉新鮮，黑松露味濃，啲皮又夠薄。手打蟹子鮮蝦丸：果然係手打，超彈牙，蟹子同新鮮蝦仁咬落去爽脆。手打黑松露魚滑：一刮啲魚滑落去嘅時候不禁聞到陣陣黑松露味，爽口又彈牙，好好食

門口放了張龍椅，仲準備了各式大小的宮廷服飾，可以又食又影。感覺上東主落了很多心機，細緻如牙筒、鼓油樽、水壺均十分精緻。小食有四款，其中一款是將原隻飽魚仔剪粒: 黑色一條條的我估是切了絲的黑木耳，少少辣幾醒胃!湯底有好多款揀，花膠雞鍋都唔錯，雞件已煮到八成熟，輕輕烚一烚，很快便食得，這安排頗細心。肉質方便算係好滑添!香香公主牛魔王拼盤夠晒震撼，又砌得好靚。整體肉質鮮紅細嫩，冇乜根份，肉味重得黎又唔騷；肥牛/安格斯則|肉^|脂^分佈平均；牛胸尖是我第一次食，好快熟，好爽口。這拼盤絕對啱晒我這類牛肉控。淮山片可按自己喜好，要爽要諗就要睇實時間。豬腰也是我喜歡的，爽口兼|壓^味。肉丸併盤則有五款，各式其式，我就梗係揀晒d手打既黎食啦！

今日係尖沙咀翻工，放lunch又唔知食咩好講真係尖沙咀搵間平靚正嘅都唔易，所以食個lunch $60左右都好正常。但係估唔到，$60可以食到魚翅撈飯？餐廳嘅裝修好似宮廷咁，喺門口仲有宮廷嘅衫可以着住黎影相今次我就叫咗花膠雞湯飯，入邊有大大件花膠，仲有足料嘅例湯送。

而家做生意真難，既要有話題，又要留得住客。尖咀這火鍋店以宮廷做主調，裝潢、擺設、餐牌、店名、部份食材....都很一致地「貼題」，夠晒gimmick。湯底是花膠雞湯，夠晒養顏，啱晒同行的女同事。花膠既份量其實都幾多下，出手幾重!牛魔王拼名符其實，有齊安格斯牛肉粒加牛肉片、美國及本地肥牛、牛、牛舌...，切了片白色的是橫隔膜，好新鮮兼好豐富。肉丸拼盤賣相似是手打的，好彈牙!! 蓮藕、萵筍兩者都好爽口，萵筍還帶著點清新味。響鈴有兩種，我較喜歡加了咸蛋黃蓉的黃金響鈴，惹味好多。食飽仲換左件古裝衫影左張靚相留念，那張相當然是私密啦。

天氣冷冰冰，最適合一家人去吃火鍋，今天我們便來到這家以清朝皇宮做主題的火鍋店吃晚飯。餐廳的裝修十分有趣，以不同的宮殿分隔卡位，食物的器皿亦充滿中國古代的特色。普安公主（黑胡椒肉蟹濃湯鍋）以金色銅製大盤放着大肉蟹和蜆，上枱時，侍應把酒淋上然後點火，很有效果。肉蟹大大隻，肉質鮮甜嫩滑，黑胡椒味道恰到好處，味道不會太嗆， 蜆肉大大隻，吸入醬汁，十分惹味。蟹肉和蜆肉吃得七七八八後，侍應便幫我們注入濃湯，是很濃厚味道的雞湯，喝得出來是真材實料。頂級雪花牛肉擺盤很美麗，有乾冰做效果，鮮紅色的雪花牛肉一卷卷的鋪在冰上，非常吸引。把牛肉放在濃湯中灼幾下，牛肉味道很突出，肉質很嫩，脂肪不會過多。手打蟹子鮮蝦丸鮮蝦丸爽口彈牙，蝦肉新鮮，少許蟹子在蝦丸上，吃起來特別爽脆。手打鵝肝墨魚丸墨魚丸中間釀入了一塊小鵝肝，鵝肝口感滑，散發出微微的甘香。墨魚丸爽口彈牙，沒有加入很多的肥豬肉。黑松露蟹肉餃水餃脹卜卜，餡料充實，有很多的蟹肉，黑松露味道亦做得不錯，很香，與蟹肉十分夾。紫菜腐皮卷有四大件，腐皮卷炸得香脆，捲着紫菜，放入濃湯中，滾一會兒，腐皮吸滿了湯汁，外軟外脆，口感豐富。這個腐皮卷做得很好，不會很油膩。水蓮第

星期三跟家人去了一間以宮廷主題的火鍋店，一進門就有一張金黃大龍椅和古裝服飾供客人拍照，相當搞鬼，店內的每個卡位亦以宮殿名稱命名，菜單是哀家懿旨，很有趣呢！一坐下來就有精緻小食提供，我們邊吃邊選食物。我們點了黑胡椒肉蟹濃湯鍋，店員倒了酒入鍋，然後點火，胡椒蟹經過火燒後更加香口惹味，蟹同非常嫩滑，鮮甜美味。另外還有大蜆，沒有沙，好吃。其後店員倒入湯底，開始吃火鍋。首先我們吃了珊瑚蚌和桂花蚌拼盤，珊瑚蚌很爽脆，桂花蚌亦爽口鮮甜，兩款都很好吃。再來我們吃了極品雪花牛肉，牛肉鮮嫩，雪花均勻適中，有牛味，火鍋必吃。手打丸方面，我們選了兩款。蟹子蝦丸用料新鮮，蝦肉爽口彈牙。鵝肝墨魚丸有粒粒墨魚粒，口感爽口，中間還釀了鵝肝，鵝肝味濃而且嫩。另外我們還點了黑松露蟹肉餃，一咬開非常多汁，很多蟹肉，吃到蟹肉的鮮甜和黑松露的獨特香氣，非常美味。紫菜腐皮卷，相當有份量，放入湯底稍為煮一煮，吸收了湯汁，不會有油炸味，腐皮有厚度和豆香加上紫菜的香味，口感很好，好吃。棉花魚肚，我們在剛開始的時候就放入了魚肚，所以吃的時候吸收了湯汁，軟軟綿綿的。最後，吃火鍋當然要吃點蔬菜，我們選了較為特別的水蓮，餐廳附上鉸剪方便客人剪

香香宮煮雍穆公主花膠雞湯鍋 呢間店大玩中國宮廷式裝橫 佈置有氣派 仲可以更換宮廷衣服 可以做公公或娘娘 扮吓皇上都得可拍照留念 着住嚟食都仲得😆 極有心思 就連每一件嘅擺設器皿賣相都好古色古香 都好有回到古代感覺 整體氣氛都令你感到好似係宮中入面享用御膳一樣 雍穆公主花膠雞湯鍋 我哋就叫咗半隻雞 湯底嚟到之後先飲兩碗湯 香濃重雞味黃油湯 好鬼正 唔覺有味精 正 👍🏻之後就放咗半隻雞落去加埋花膠😋 食材新鮮 雞味濃郁 入口香滑 啖啖肉加埋花膠 認真絕配鐵扇公主牛魔王拼盤 竟然有飛驒牛 色澤非常粉嫩 滾到半成熟入口溶化 肉香又有酒釀牛 好入味 酒既香味仲有其他款式牛拼盤真係要🎤唱首歌，牛....全部都係牛🎶🔉特別既部位都有 牛胸尖 入口爽脆 口感好似食緊軟骨咁有我至愛牛骨髓 營養之選入口軟滑營養價值很高食完咁多熱氣野之後就飲番杯自家製足料竹庶茅根 清熱氣之選 味道清甜怡人 再食番舊厚切午餐肉 🐷炸得香脆 就咁食都好食 味道唔會太咸 香香宮煮響鈴拼盤 黃豆味重外面入口爽脆香甜 入面仲有陣陣既鹹蛋黃既香味 朋友話3秒

尖沙咀開左間以宮廷為主既火煱店香香宮煮見佢咁得意當然要擺架過去望一望啦哈哈快d扶本公主過去座低一座低d staff 勁nice 🥳🥳 拎定d前菜過黎 鮑魚 花生 🥜 木耳乜都有 仲有好多醬料俾自己整雍穆公主👸🏻花膠雞湯鍋 (半隻)其實半隻己經好多 雞件超級滑仲有好多花膠！！ 食完真係超級美顏 ~~ 超級滋補唷！！鐵扇公主👸🏻牛魔王拼盤 食肉獸既我當然諗都唔諗就嗌左而個啦哈哈！！ 而個拼盤足足有九種牛架真係試囇佢每個部位都得啦 嘿嘿 多重滿足啊蜂巢冰豆腐 哇哇哇！ 而個簡直係吸晒啲湯底 一咬落去d雞湯係口入面噴囇出和黎架香香宮煮響鈴拼盤Wow ~ 又係浸幾秒就食得架啦！ 每次都必食既 而個比起出面更加正架 係鹹蛋響鈴啊~~ yummy yummy自家製足料竹䉀茅根打邊爐🍲驚熱氣當然要嗌番枝啦而個個外形已經夠勁啦！ hahaha 仲要超好飲

在facebook看到介紹一間叫香香宮煮火鍋店，覺得個名好得意，於是約埋朋友一齊去試吓！入到餐廳門口見到張大龍椅，覺得地方寬敞，服務員熱情招待，坐落睇到張點餐紙捲起像聖旨一樣……真係幾特色及得意、點菜前走去張龍椅坐吓 ; 還有服裝比你著住影相，可以扮吓皇帝或宮主都幾開心。玩完就點菜，餐廳有好多特式湯底，我哋叫咗花膠雞煲，分別有一隻或半隻雞，我哋四人就點了半隻，雞上枱已經八成熟，花膠又大大塊，真係份量十足，湯底用雞湯加南瓜煲成，服務員幫我們加入花膠！叫我哋先飲咗個湯先，真係好好飲，加上雞件、每人飲咗二碗，。打邊爐必食牛，點咗餐廳主打之鐵扇公主牛魔王大併盤 (分別有大同細盤)，有和牛及牛的不同部位，每樣入口即溶又超有牛味，仲跟一碗酒香陳年花雕浸牛肉、有好香花雕酒味，實在唔錯 ; 再點了白鱔片及珊瑚蚌拼貴妃蚌都爽口彈牙，脆肉鯇魚超新鮮！炸魚皮及自家製響鈴係我至愛唔少得，整體食物都冇得輸，份量又夠，認真抵食、因今晚又扮演咗公主、吃得很開心！即時再約友人下星期再來食！

近排成日見到有人喺IG打卡，有間餐廳宮廷咁嘅款趁今日同個女王食飯，一於就上嚟試吓佢上到嚟裝修真係好特別，而且好靚，真係別出心裁，仲有好多卡位， 每一個卡位都有佢自己特定的名字連菜單亦是「傳哀家懿旨」湯底有多款選擇，我見好多枱都有叫到「花膠雞煲」，但我有鍾情蒜蓉味道，所以最後選擇了「卜卜蜆」#特色卜卜蜆鍋 $198鍋底很快就上場，新鮮嘅沙巴蜆，隻隻新鮮飽滿，而且食落口冇沙！個湯底超級鮮甜，蒜蓉真係好香。#酒香陳年花雕浸牛肉 $118牛肉非常之鮮嫩，而且帶著陣陣酒香的味道。軟腍得黎又有咬口，正呀！#手打黑松露魚滑 拼 瑤柱乾貝滑 $128咬落好香黑松露的味道，而且好彈牙，令人食到停吾到口！#手打鵝肝墨魚丸🦑 $68/4粒每粒墨魚丸帶有墨魚粒，鵝肝令丸的味道更提升。#響鈴🔔真係新鮮即叫即炸，每件都脆卜卜😙#水蓮 是台灣特有的水耕菜，十分爽脆。依到性價比高，物超所值！而且服務態度良好！

秋風起當然要打下邊爐但係通街都係邊爐，要搵啲特別既食下呢到係宮廷式設計，入黎食飯應該唔係皇帝就係太監裝修得咁靚就緊係要食花膠雞煲，咁先襯得返呢到既高大上平時打邊爐都好鍾意飲佢啲湯，但今日我哋飲咗好多湯先至開始綠野食，花膠同埋雞都好足料，而且啲雞唔算得太老，餐廳已經將舊雞煮咗七成熟，我哋只需要喺個鍋裏面在滾一滾就可以食得另外我見到好多人都會食嘅就係響鈴，睇嚟呢度嘅響鈴真係好新鮮，我哋都叫咗一份，雖然得兩個人，但係都食得晒，因為好好食，另外我哋叫咗份手打丸拼盤，唔知係咪個環境好啲嘢食特別好食嘅關係，我連啲丸都覺得特別彈牙，呢一餐雖然唔算得叫咗好多嘢嚟打邊爐，但係可能個花膠雞湯實在太好味，真係好滿足

尖沙咀開了一間以古代中國宮廷式風格裝潢為主的火鍋店，但一直未有來食過。今晚終於約了朋友一起來食下，感受一下其宮廷式的餐廳氣氛和美食。一入門口已經有一個專門給人影相的豪華角落，有宮廷和金碧輝煌的龍椅，還有戲服可以穿上影相，感覺一流。建寧公主 特式卜卜蜆鍋卜卜蜆份量多而且大隻，令湯底鮮甜可口，蜆肉爽口嫩滑，完全無沙，加有香菜，鮮味突出。手切頂級安格斯牛肉用個很有特式的盆子裝上，用冰墊住，保持肉質的新鮮。牛肉的雪花油脂分怖平均，肉質煙韌軟稔，咬落有口感，牛肉味濃郁。白鱔片白鱔片晶瑩剔透，新鮮嫩滑，煮十幾秒後就熟，十分彈牙鮮甜，魚香味散發，香甜而不帶腥味，是必點之選。手切新鮮牛胸尖牛胸尖即是牛的橫隔膜，不帶油脂，含豐富⻣膠原，滾熟後爽脆彈牙，咬落有油脂香味，但不會覺得膩，吸收湯底的精華。香香宮煮餃子拼盤有豬肉餃，蟹肉餃，鮮蝦雲吞等，皮薄餡靚，滑溜軟稔，肉質香甜而多汁。即炸響鈴即叫即炸，爽脆香甜，富有黃豆香味。香香宮煮雜菜拼盤有粟米，生菜，蕃茄等多種蔬菜，新鮮爽甜，味道清甜。

香香宮煮一入去睇佢裝修以為去左古裝片場😂 餐具同擺盤全部都好有中國特色。朋友未到，先有小食食，個木耳好香但對我太辣，食得辣個朋友一黎到就清晒😂 叫左個花膠雞湯，超養顏！大大舊花膠，好軟滑。雞係預熟左，食果時放入去一陣就得，所以唔會淥到老晒。個湯超級甜，就算夾啲濃味既餸又唔會互搶風頭，例如個咸蛋黃響鈴，浸左一陣湯都仲好香咸蛋味，而家好重雞湯味！特別介紹埋雙拼魚滑，揀左蟹子同黑松露，兩隻都好香，個質地又好好，唔會太林或太硬，多蟹子同黑松露😎一定要講美濃水蓮！我想試好耐！終於係呢度有機會。佢係一種爽口既菜，但同時又好吸湯，清清地既菜加濃郁既雞湯100分 😋個薏米水又超正，一jar都倒到五六杯，好抵飲，好屋企feel，唔會太稀👍🏻

友人星期五晚特選的餐廳，踏進餐廳已看到古色古香的裝修，看出是花了一些心思去配搭。我們被安排到窗邊的一個卡位，非常闊落。先來的當然是調味格及前菜。調味格沒什麼評論，唯獨服務員非常親切，多番詢問我們夠不夠香蔥及芫荽。讚！前菜中，最喜歡鮑魚及橋頭。湯底點了卜卜蜆湯，滿滿的蔬菜配不計成本的卜卜蜆，非常鮮甜，卜卜蜆吃之不盡，多得驚人，朋友好湯水，盛讚下喝了幾碗蜆湯呢。先來的紫菜響鈴，熱辣辣非常脆口，確實是即叫即炸，也炸得不油膩，必點先說餃子併盤，除了原隻蝦餃子外，其他餃子普普通通。至於丸類，盛讚墨魚丸，推肉類點了西班牙豬肉片不肥不瘦，肉味濃郁，也非常爽口。不吃牛的可以試試蔬菜拼盤跟其他的店很不同，一盤種類已非常多，最愛蓮藕及鮮淮山。蔬菜也新鮮。總括而言食物：質素確是不錯而且價錢很合理，特別要讚他的湯底，材料多到好像是不計成本一樣。服務：非常非常友善親切，點菜時也很有耐性解答我們的問題。真的一讚。環境：宮庭式設計，有心思的裝修，座位舒適