影片
更多
2019-12-15
115 瀏覽
早前喺網上見到呢間香香宮煮火鍋，已經好想嚟試下，今日同埋閨蜜嚟做下公主啦👸！門口一大張金黃色嘅龍椅🐉坐陣，上面寫住香香宮煮，仲有啲宮廷衫可以著，認真夠晒氣派😎，好多人都喺呢個位打卡影相架📸！我梗係唔會錯過啦！而有啲座位仲整到一個個宮殿咁，寫晒啲宮殿名，好似延禧宮、永和宮、慈寧宮，真係打造成間餐廳都好似皇宮咁🕌。連張點餐紙都架勢過人，卷埋成張聖旨咁，上面寫住「傳哀家懿旨」😲。首先店員送咗個9宮格調味料嚟，可以比你「混醬」，之後仲有小食送上嚟，個小食有4款，有酸蕎頭、木耳絲、花生🥜，仲有一款包你估唔到.....竟然係鮑魚，唔係呀嘛！鮑魚都係小食，真係夠晒堅！仲要$25公主醬介已經包埋呢啲小食，好抵呀🤑。湯底全部都以公主名命名，例如有昭陽公主👸、建寧公主、刁蠻公主，我哋揀咗個長平公主，其實係豬軟骨蕃茄湯底，餐紙上面仲有個like。個湯底好多蕃茄，超濃蕃茄味🍅！食到咁上下再食埋啲豬軟骨，夠晒入味。黑松露蟹肉餃：啲餃夠晒大隻，蟹肉新鮮，黑松露味濃，啲皮又夠薄。手打蟹子鮮蝦丸：果然係手打，超彈牙，蟹子同新鮮蝦仁咬落去爽脆。手打黑松露魚滑：一刮啲魚滑落去嘅時候不禁聞到陣陣黑松露味，爽口又彈牙，好好食
門口一大張金黃色嘅龍椅🐉坐陣，上面寫住香香宮煮，仲有啲宮廷衫可以著，認真夠晒氣派😎，好多人都喺呢個位打卡影相架📸！我梗係唔會錯過啦！
而有啲座位仲整到一個個宮殿咁，寫晒啲宮殿名，好似延禧宮、永和宮、慈寧宮，真係打造成間餐廳都好似皇宮咁🕌。
連張點餐紙都架勢過人，卷埋成張聖旨咁，上面寫住「傳哀家懿旨」😲。
首先店員送咗個9宮格調味料嚟，可以比你「混醬」，之後仲有小食送上嚟，個小食有4款，有酸蕎頭、木耳絲、花生🥜，仲有一款包你估唔到.....竟然係鮑魚，唔係呀嘛！鮑魚都係小食，真係夠晒堅！仲要$25公主醬介已經包埋呢啲小食，好抵呀🤑。
湯底全部都以公主名命名，例如有昭陽公主👸、建寧公主、刁蠻公主，我哋揀咗個長平公主，其實係豬軟骨蕃茄湯底，餐紙上面仲有個like。個湯底好多蕃茄，超濃蕃茄味🍅！食到咁上下再食埋啲豬軟骨，夠晒入味。
黑松露蟹肉餃：啲餃夠晒大隻，蟹肉新鮮，黑松露味濃，啲皮又夠薄。
手打蟹子鮮蝦丸：果然係手打，超彈牙，蟹子同新鮮蝦仁咬落去爽脆。
手打黑松露魚滑：一刮啲魚滑落去嘅時候不禁聞到陣陣黑松露味，爽口又彈牙，好好食😍！
爆漿芝士腸：好耐無食芝士腸，今日心血來潮好想食，估唔到一碟有咁多喎！
生根：閨蜜至愛，一定要點🤭！
豆苗：冬天最啱食豆苗🥬！好嫩口呀~
張貼
