香香宮煮 (金輝大廈)

營業中

休息中

打邊爐除左食材要好之外其實環境都好重要架今日我就同朋友黎到尖沙咀呢間宮廷式既火鍋餐廳佢不但環境特別，坐位夠哂大仲坐得夠舒服！入座後就有呢9格調味盤任你落！呢到唔止裝修裝潢，連點餐紙都有趣過人！有多款湯底選擇，我就俾呢個「雍穆公雍。花膠雞湯鍋」吸引住，有雞有花膠，幾咁識補（半隻$298）雞肉肥美嫩滑，花膠足料又厚又大片金金黃黃既湯底不會太油膩，味道食得出無添加，果然夠哂真材實料！「酒香陳年花同雕浸牛肉」$148牛肉色水新鮮，食落嫩口惹味，唔會太肥唔會太瘦，脂肪比例剛剛好，微微既酒香味，食落十分醉人！小小一片味道香濃，超好味！「香香宮煮肉丸拼盤（十粒）」$128一盤5款每款兩粒；有「鵪鶉蛋豬肉丸」、「手打鮮牛丸」、「手打鵝肝墨魚丸」、「手打蟹子鮮蝦丸」、「手打蟹子墨魚丸」，粒粒都彈牙多汁有口感，鮮蝦丸夠鮮味，牛丸夠嫩夠彈，鵝肝墨魚丸夠創新又好味！「厚切午餐肉」$58煎過先上枱即食或滾嚟食都好好食，最緊要係佢勁厚切！「油麥菜」$48整碟都新鮮又乾淨，最後滾黎食吸哂湯底精華超入味又好味！

之前睇過報道介紹呢一間以公主做主題嘅宮廷火鍋好玩又好食，一直想去試，今日就拉住姊妹去試下係咪傳聞中咁好玩好食，一入門口見到張龍椅同宮廷衫，大家已經急不及待互相幫忙著上身，然後當然係不停影相畫咗20分鐘，終於捨得叫嘢食，打開餐牌，超多款滋陰養顏嘅火鍋湯底同手工火鍋配料，都唔知揀邊款好，最終都係揀咗特色卜卜蜆湯底，卜卜蜆脹卜卜，鮮甜美味，湯底內有大量芽菜，吸了湯的鮮味，食落更美味雪花肥牛，派頭十足，店員捧上枱時，乾冰製造煙霞效果，非常吸晴，肥牛肥瘦適中，薄切所以淥幾秒就攪掂，牛肉鮮嫩得來有口感手打鵝肝墨魚丸拼牛丸，兩者各有特色，墨魚丸彈牙，鵝肝墨魚丸，咬落很香鵝肝味加上淡淡的墨魚味，兩者彼此襯托出恰到好處日本廣島蠔，蠔大大隻，蠔味濃郁豬頸肉卷成一個玫瑰花形狀， 未食已經覺得相當吸引，豬頸肉不肥不瘦剛剛好，午餐肉插在竹籤上，好似一塊塊的波板糖，十分有趣，炸過的午餐肉，不放湯就咁食，香口美味，放入湯淥一淥，又有另一番滋味陳年花雕醉雞，雞件睇落色澤光鮮，肉質嫩滑，入口微微的花雕味，很惹味自家製即炸魚皮，魚皮即炸是最好吃的，熱辣辣脆卜卜，真係食不停口最後來個蔬菜清清口味，好開心見到餐牌上有水蓮菜，

今晚中學同學聚會，我們還約了歷史老師一同聚舊，大家不約而同都選擇打邊爐，可以慢慢食傾下計。 朋友提議這間位於尖沙咀的「香香宮煮」。 地段方便之餘，網上口啤評價亦甚高。-餐廳位於金輝大廈，沿樓梯上一樓便到達。 一踏進店內，會給人一種「穿越時空」的感覺。裝潢有著濃厚中國宮廷色彩，我們一班人在金燦燦的龍椅影了大合照留念後，浩浩蕩蕩跟隨侍應到延禧宮用膳。-朋友果然冇介紹錯！ 特別是老師👩‍🏫，很欣賞餐廳用心設計的古典裝潢，而且環境亦相當整潔、坐位舒適。醬料亦甚有特色，特別是自家製的蔥油，甚為香口。-以哀家懿旨為名的餐牌，內容亦很豐富！特色湯底有很多款，在職員推薦下，我們點了$298「雍穆公主·花膠雞湯鍋」。 這個湯底實在有驚喜，與一般雞湯不同。加入鮮南瓜🎃去弄製，所以色澤偏橘黃，而味道亦令人讚歎。 加入鮮雞件及花膠落鍋，甘甜湯底會多一份鮮香。鮮雞肉口感很嫩滑；花膠亦夠厚身有嚼勁。-至於火鍋配料亦相當高質,當中我最鍾意有以下數款。😋 黑松露蟹肉餃 $78 手工餃子皮薄餡豐，用上鮮蟹肉製，充滿松露及蟹香。-😋美國桶蠔 $198美國桶蠔🦪一向是肥大飽滿，蠔味軟濃，火鍋必選，而且用乾冰營造煙霧視覺效果

得知尖沙咀一間火鍋店以宮廷做主題, 今晚一家人去食返餐!餐廳內佈置有如小型宮廷一樣, 卡位以宮殿名命名, 地方整潔, 座位舒適,更可以免費試穿宮廷服飾拍照留念。送上混醬盤, 乾淨企理看看menu, 火鍋配料選擇多, 更有少熟熟食供應。湯底勁多選擇, 雖然價錢偏貴, 但款款有特色, 而且食過就知好足料! 揀左養顏既【花膠雞湯鍋 (半隻)】HK$298金黃色湯底跟雞件分開上檯, 先試湯底, 味道濃郁, 偏鹹左少少, 正好balance之後再加清湯打邊爐。雞件已有8成熟, 稍為焯一陣就食得, 雞皮金黃, 沒有肥油層, 肉質鮮嫩, 配上幾件頗為大塊既花膠, 質地有如豬皮咁爽, 但膠質既黏性唔多豐富。牛魔王當然想試多D唔多款既牛, 揀左【鐵扇公主牛魔王三拼盤 (細)】HK$398一次過食到安格斯牛肉粒、牛肉片、牛胸尖、牛舌等... 每款牛色澤鮮嫩, 冇雪氣;安格斯牛肉粒有咬口, 牛肉片脂肪分佈平均, 對比牛肉粒, 牛肉片更嫩更林, 至於牛胸尖口感超爽, 牛脂豐富。一次過嘆到咁多款牛, 滿足到喜歡食牛既我地。【鳳尾蝦雲吞】HK$78 (4隻)形狀跟傳統雲吞不同, 包成餃狀, 表面冇水氣, 似乎係即

香香宮煮係一間又有得玩又有得食嘅火鍋店 呢到嘅裝修風格好宮廷feel 有多套宮廷服提供 連童裝都有 鍾意影相打卡嘅朋友仔 記得換返套宮廷服影返張相留念玩完之後準備開餐 先調配自己喜歡的醬料 每位醬料費$25 卜卜蜆鍋 鍋中有大量香芹，蒜頭，辣椒 湯底越滾越出味 加上有大量卜卜蜆 海水嘅鹹味 和蜆嘅鮮味 令整個湯底都變得非常濃郁 極度鮮甜 蜆肉又厚又肥 而且冇沙 非常推介這個湯底打邊爐又點少得牛肉呢 賣相非常精緻 擺盤漂亮 仲有乾冰增加煙霧瀰漫效果 肉片色澤紅潤 非常新鮮 雪花細緻而且均勻 肉味重冇雪味白鱔片 魚脂豐富 肉質細滑 一點滑也沒有 啖啖肉方便又易吃手打鵝肝墨魚丸及手打牛丸 粒粒都大細均勻 而且大粒 自家製手打丸類夠曬彈牙 牛丸有爆汁效果 食落好juicy厚切炸午餐肉 餐廳好細心用竹籤拮住 一來賣相好睇 二來可以浸一浸就食得 午餐肉嘅香味 非常獨特 特別係炸過嘅更加香口 是我每次打邊爐都必點的花雕醉雞 醃得好入味充滿濃濃的酒香 味道是香的 沒有半點苦澀味 仲有紅棗和杞子增添了一份養生的感覺黃金炸響鈴 新鮮熱辣炸起香味撲鼻而來 蛋黃沾滿了整條響鈴 口感鬆脆 入口即化 我和朋友都

香港有個獨特的飲食文化，就是一年四季都食火鍋! 偶爾也喜歡夏天火鍋去，是晚去了尖沙咀【香香宮主】。 可先參觀整間餐廳得意之處，讓相機先吃個飽。拍下一張又一張的照片。餐廳保持競爭力的關鍵因素是服務和食物質素，近期情形都冇以前咁緊張，但呢度都保持高度衛生，呢門口都有Poster提醒呢。主打宮廷式火鍋，無論是環境、裝修、餐具都帶清朝色彩，店內的卡座，以宮殿牌匾命名如「延禧宮」、「儲秀宮」、「長春宮」，主要以雕花鏤空的古典木材設計，裝潢古色古香。門口更有龍椅擺放，可以換上衣服影影相，食客可以順道打卡喔！走中國風，所以每張餐桌都擺上金黃色的「懿旨」（其實是餐牌），店家的湯底款式頗有特色，有卜卜蜆鍋、酸菜魚頭湯鍋、四川麻辣鍋，喜歡藥材可選慈禧藥膳麻油雞鍋、豬軟骨番茄湯鍋、芫茜山湯鍋、同黑胡椒肉蟹濃湯鍋等鍋！另外火鍋配料選擇豐富，包括有同產地的肉類及各類海鮮！講咁多點完野食即刻整下D醬油先。👋🏻公主醬介 $25/1好多唔同款既醬介配料，九宮格調味盤，咩都落少少試下先。同時店員非常貼心用熱水咁幫我地清洗碗碟，好加分。感覺勁衛生呀。👋🏻雍穆公主：花膠雞湯鍋半隻 $298招牌湯底之一花膠雞湯鍋，金黃色雞湯

#小秘書 呢日收到「香香宮主」嘅懿旨，被召入宮享用御膳... 哈哈 我都係講吓笑啫😅 其實只不過係朋友仔中火鍋毒太深，見呢排疾情稍為穩定，已經急不及待，仲預早喺 香香宮煮火鍋-尖沙咀店 book埋位，既然咁好招呼，一於食盡佢🤪 #小秘書 初黎步到，已經被放喺大門口張「龍椅」同埋「一大堆戲服」深深吸引住🤩 不過大家千祈唔好誤會我想埋去試吓，只係我怕自己入錯啲專營團餐嘅餐廳👉🏻👈🏻 好在咁啱見到朋友個背影... 個心都定啲😏餐廳嘅裝修整體以 #宮殿式佈置，靚唔靚就見仁見智🤩 我哋諗住有折咁抵食，一於想叫就叫啦🤪 我哋叫咗個 #卜卜蜆鍋，#師傅 將超大量嘅 #蜆、夾雜 #蔥蒜芹菜 放湯一齊上面，啖湯估唔到咁鮮味🤩 出得嚟 #打邊爐，點可以冇 #牛肉 㗎😄 今次我哋揀咗 #本地手切肥牛，牛肉片放喺一個中式器皿嘅頂部，睇起嚟好有氣勢，牛肉放落水煮大概20秒，鮮嫩程度啱啱好🤩 另外我哋仲有嗌咗#水魷魚、#珊瑚蚌、#桂花蚌、#豬腰、#韭菜豬肉餃、#甜粟米、#冬瓜片、#炸芋頭... 樣樣都唔錯🤩 不過我就最鍾意係佢哋嘅 #手打蟹籽墨魚丸，咬落去啖啖墨魚肉、勁爽口🤩整體 #服務、#食材都OK 㗎，只係擺

香香宮煮，當然令我想起香香公主了，名字夠特別，今日來到尖沙咀，在香香宮煮附近，於是就過來與香香公主會面了。一入門口，見到一張大大的龍椅及有公主的衣服挂在一入門口當眼處，客人們正享受著做公主皇帝的滋味，玩得非常開心。室內裝修也充滿著宮庭式的設計，連枱名及湯底也以皇宮名及公主名命名。雍穆公主花膠雞湯鍋(半隻)$298雍穆公主花膠雞湯鍋，湯底奶黃色，先放花膠再放雞，我們每人飲了有3碗湯，湯底雞湯味濃郁，非常清甜。花膠我喜愛滾得腍腍滑滑時才食。雞足有半隻，份量足夠，廚師己將雞煮到9成熟才上抬，所以很快就可以食，雞肉感覺很鮮甜。日本廣島蠔$98日本廣島蠔有4隻，都算大隻，肥嘟嘟的很軟滑及很有蠔味。酒香陳年花雕浸牛肉$148牛肉切到長條形，雖然在鍋中灼過，但還可食到花雕的酒香，更添牛肉的鮮味。蘭州拉麵$38蘭州拉麵份量有2扎，灼開后原來份量都很多，煙煙軔軔的口感，吸收了濃郁的湯底，非常美味。唐生菜$42食火鍋少不了蔬菜，這個唐生菜在濃湯底裡吸收了湯底的味道，份外清甜又爽口。今晚與香香公主相聚的一餐，覺得又滋補又美味。

📍香香宮煮 (尖沙咀）尖沙咀加拿芬道16號金輝大廈1樓-----肺炎之前帶過媽咪黎食呢間宮廷主題打邊爐，食完之後媽咪一直到話想去食多次，奈何疫情關係，幾個月都冇帶佢出街打過邊爐，難得最近情況好咗啲就即刻帶佢黎食下，今次職員安排我哋坐「延禧宮」，👩🏻媽咪即刻好興奮咁話：「哇！係”延禧攻略”嗰個延禧宮啊😍！」果然宮廷主題嘅裝修就係容易氹得日日煲劇嘅師奶歡心😆。-#雍穆公主花膠雞湯鍋（半隻雞-$298 ）佢地一共有11款湯底，但係由於媽咪對呢一款滋補養顏嘅湯底情有獨鍾，所以我哋就跟返上一次encore返呢個湯底，第二次黎食，湯底依然高質，奶黃色嘅雞湯，濃得黎又唔油膩，花膠厚滑，雞肉嫩口，份量亦多，半隻雞夠晒我地一家四口食。🐥-#新鮮海蝦六隻（$88）擺放喺乾冰盤上嘅海蝦，仙氣滿滿咁出場，非常壯觀，隻隻都夠爽彈，而且厚肉得令人有食緊扒嘅感覺。🦐#大扇貝（$98-4隻）由於佢非常厚身，我哋驚唔熟，所以煮得耐左少少，搞到浪費咗本應非常嫩滑嘅扇貝，建議大家切開一半再烚，就更容易控制時間啦～☺️。-#桂花蚌（$128）粉橙色嘅桂花蚌甚是誘人，輕輕一烚，再蘸點少少蒜香醬油，入口咬落「索索聲」，鮮味突出，教

「湯底正，材料鮮的宮廷級享受」好耐好耐之前 嚟過呢度同大舊玩過Cosplay😂仲記得嗰日我做公主做得好爽 又可以點佢淥野比我食又可以點佢幫我洗碗筷 不知幾咁開心 而今次再黎 佢話佢要Cosplay做皇帝😨 話我要做宮女服侍佢 幫佢夾野食 順便錘下背😨～～～呢間野真係好好玩 環境裝修得好宮廷 令人非常容易入戲 門口仲有一啲宮廷裝 比人着黎影相 好鬼正 介紹咗比幾個朋友佢哋都好鍾意～～～今次我哋叫咗 花膠雞湯鍋 韭菜豬肉餃 鴨血 炸支竹 脆魚鯇2份 薯粉 同白鱔片～～～雞湯好濃 好好味 飲咗幾碗 再食埋啲雞同花膠 已經飽左半個胃 ～～～韭菜豬肉餃 飽滿大粒又好足餡 啲皮又好薄 我哋兩個都好鍾意食～～～鴨血就好QQ 好似啫喱咁 滑溜溜 吸埋啲雞湯汁非常好食呢～～～脆魚鯇 又鮮又脆 食完一疊又想食嘅我哋 一共叫咗兩碟 一人一碟～～～白鱔片同脆魚鯇一樣 都非常新鮮 兩款都係都中意 🐟🐟🐟～～～而呢一餐火鍋 最後嘅精髓就係薯粉 當食晒所有海鮮同埋火鍋料之後 最後倒個薯粉入去 吸收海鮮同湯底嘅精華 嘩 嗰種美味簡直難以用言語形容啊～～～推薦度：🔥🔥🔥🔥🔥🔥🔥🔥🔥（10🔥最高）

是日朋友推介黎尖沙咀打邊爐果然呢間火鍋店十分精緻，睇裝潢就知應該唔係一般貨色-好似去左宮庭咁，要擺駕回宮打邊爐🤣🤣有興趣既話直情可以換埋古裝，著到公主咁影相留念😆😆-疫情持續既關係，餐廳對於衛生方面做得唔錯除左handrub,濕紙巾外，仲提供埋口罩夾，呢個舉動相當貼心！加勁多分～～-醬料九宮格超級吸睛👀-火鍋湯底揀左花膠雞湯鍋（半隻） $298每次打邊爐，如果有花膠湯底我實揀因為骨膠原美顏💛💛🥰同朋友兩個人黎打邊爐，呢半隻雞既份量夠3個人食重點係！隻雞既肉質超嫩，好滑！好滑！真係好滑！😍😍😍大大力推介呢個花膠雞鍋😚花膠既數量都唔少，一人都食左幾件同朋友火鍋前一人飲左兩碗呢個湯😹😹因為真係好鮮甜，飲完飽左一半🤣-蟹王餃 $98 六粒呢個都係必食推介！一咬落去，好濃既蟹膏味，伴隨住蟹肉絲，每啖既咀嚼都係一種享受😚😚😍-水蓮唔常見，所以一見到都即點 水蓮後面果一壺係竹蓆茅根水，清甜又下火兩個人飲一壺岩岩好-酒香陳年花雕浸牛肉 $118一上枱已經有陣陣既酒香味，之前見過有食評話淥完無乜酒味所以淥之前都有少少擔心🤣🤣點知！今次真係要為佢平反輕輕一淥，撈上黎，牛肉味足，肉質都算香嫩，而且仲有濃厚既

上年晚晚追延禧攻略這部電視劇，睇得津津有味。今晚朋友推介了一間開業半年左右的火鍋店，無論裝潢，器皿都好有延禧的影子，門口位置更擺放了古代服飾可自由穿配拍照留念，勁有噱頭。自家製薏米水好正，質感濃稠，原汁原味。份量頗多，約有五至六杯，抵飲。建寧公主，特色卜卜蜆鍋蜆隻好鮮好甜，肉質滑嫩。配菜是芹菜，芽菜，增添香氣。頂級雪花肥牛肥瘦分佈適中，牛香四溢，滋味！鴨血賣相有點工夫，去不了台灣也可嚐一嚐。枝竹吸盡湯底鮮味，正！香香宮煮雜菜拼盤有生菜，萵筍，准山，蕃茄，雲耳，粟米...豐富。

今天三位女性好友相約我到尖沙咀吃火鍋，皆因他們說從網上看見這間火鍋店以中式公主為主題，頗為吸引，說要到此打咭拍照留念，所以今天我們便到此用膳。餐廳裝潢極富心思，入內有一個宮殿佈景可供食客拍照，而且有提供各款服裝，相當用心。餐廳內裏亦有不同的廂房提供，是以皇后及妃嬪居住的地方命名的，例如慈寧宮及延禧宮，原本以為我們會用膳於延禧宮，但店員說為我們安排了皇后居住的慈寧宮進餐，於是我們便擺架過去。餐廳相當注重衛生，用膳前會先提供一盆熱水把碗碟清潔乾淨，亦有提供酒精搓手液、濕紙巾以及口罩套。而且餐廳連細節位的造型也顧及到，牙簽筒恍如一顆金蛋，外型精美。菜單亦製作得猶如皇上的聖旨，餸菜名稱則是使用清朝公主的名號改成，整體感覺恍如重回清朝時代。雍穆公主 花膠雞湯鍋花膠雞湯鍋色澤鮮艷，呈現深黃，湯底可以如湯飲用，入口雞味濃郁，稠密黏口，雞肉及花膠用料充足，雞肉上桌時是已煮熟的，因此放進湯底煮一會兒便可食用，味道嫩滑鮮美，雞味香濃，花膠厚身大塊，軟滑清香。公主油炸鬼公主油炸鬼頂部加有一層蝦膠，然後再於蝦膠表面放置大量蟹子作點綴，色澤橙紅金黃，甚是吸引，口感爽彈香脆，嚼勁十足。玉面公主 四國牛肉拼盤剛上桌