影片
更多
2020-05-20
110 瀏覽
📍香香宮煮 (尖沙咀）尖沙咀加拿芬道16號金輝大廈1樓-----肺炎之前帶過媽咪黎食呢間宮廷主題打邊爐，食完之後媽咪一直到話想去食多次，奈何疫情關係，幾個月都冇帶佢出街打過邊爐，難得最近情況好咗啲就即刻帶佢黎食下，今次職員安排我哋坐「延禧宮」，👩🏻媽咪即刻好興奮咁話：「哇！係”延禧攻略”嗰個延禧宮啊😍！」果然宮廷主題嘅裝修就係容易氹得日日煲劇嘅師奶歡心😆。-#雍穆公主花膠雞湯鍋（半隻雞-$298 ）佢地一共有11款湯底，但係由於媽咪對呢一款滋補養顏嘅湯底情有獨鍾，所以我哋就跟返上一次encore返呢個湯底，第二次黎食，湯底依然高質，奶黃色嘅雞湯，濃得黎又唔油膩，花膠厚滑，雞肉嫩口，份量亦多，半隻雞夠晒我地一家四口食。🐥-#新鮮海蝦六隻（$88）擺放喺乾冰盤上嘅海蝦，仙氣滿滿咁出場，非常壯觀，隻隻都夠爽彈，而且厚肉得令人有食緊扒嘅感覺。🦐#大扇貝（$98-4隻）由於佢非常厚身，我哋驚唔熟，所以煮得耐左少少，搞到浪費咗本應非常嫩滑嘅扇貝，建議大家切開一半再烚，就更容易控制時間啦～☺️。-#桂花蚌（$128）粉橙色嘅桂花蚌甚是誘人，輕輕一烚，再蘸點少少蒜香醬油，入口咬落「索索聲」，鮮味突出，教
尖沙咀加拿芬道16號金輝大廈1樓
-----
肺炎之前帶過媽咪黎食呢間宮廷主題打邊爐，食完之後媽咪一直到話想去食多次，奈何疫情關係，幾個月都冇帶佢出街打過邊爐，難得最近情況好咗啲就即刻帶佢黎食下，今次職員安排我哋坐「延禧宮」，👩🏻媽咪即刻好興奮咁話：「哇！係”延禧攻略”嗰個延禧宮啊😍！」果然宮廷主題嘅裝修就係容易氹得日日煲劇嘅師奶歡心😆。
-
#雍穆公主花膠雞湯鍋（半隻雞-$298 ）佢地一共有11款湯底，但係由於媽咪對呢一款滋補養顏嘅湯底情有獨鍾，所以我哋就跟返上一次encore返呢個湯底，第二次黎食，湯底依然高質，奶黃色嘅雞湯，濃得黎又唔油膩，花膠厚滑，雞肉嫩口，份量亦多，半隻雞夠晒我地一家四口食。🐥
-
#新鮮海蝦六隻（$88）擺放喺乾冰盤上嘅海蝦，仙氣滿滿咁出場，非常壯觀，隻隻都夠爽彈，而且厚肉得令人有食緊扒嘅感覺。🦐
#大扇貝（$98-4隻）由於佢非常厚身，我哋驚唔熟，所以煮得耐左少少，搞到浪費咗本應非常嫩滑嘅扇貝，建議大家切開一半再烚，就更容易控制時間啦～☺️。
-
#桂花蚌（$128）粉橙色嘅桂花蚌甚是誘人，輕輕一烚，再蘸點少少蒜香醬油，入口咬落「索索聲」，鮮味突出，教人無法不愛上。🥢
-
#手打蟹子蝦滑（$108）係蟹子同蝦滑嘅互相交融下，本來就新鮮嘅味道亦更上一層樓，加上鮮滑彈牙嘅質感，整體不錯。🥣
-
✨PS：餐廳主動用熱水消毒碗筷、提供口罩夾、一包酒精消毒液及一包消毒濕紙巾，非常貼心。👍🏻
-----
👶🏻B仔整體評價：8/10個👍🏻
👶🏻B仔抵食程度：7.5/10個👍🏻
👶🏻B仔環境評分：8/10個👍🏻
👶🏻B仔味道評分：8/10個👍🏻
👶🏻B仔回頭機會：8.5/10個👍🏻 *服務態度好好
-----
張貼
