首爾石鍋燒

營業中

休息中

來過呢度食嘢超過四次，每次質素都ok，通常下午茶時間嚟食，叫兩個套餐，加埋凍飲 都唔使過100蚊，超級抵食!!呢個價錢，食到韓國嘢，已經好唔錯!!通常每次來食，都會叫一個傳統牛肉粒石鍋飯 ，有陣時啲飯煮得太淋，扣咗啲分，但係啲牛肉粒嘅份量都足夠，又好夠味。食飯前仲有碗細細碗嘅粟米豆腐湯送比飲。另外叫左 泡菜番茄炒肉烏冬就ok過得去, 冇乜特別，不過味道都ok。但下午茶$3x嘅價錢來講，真係冇得輸。 同埋佢唔會因為下午茶而縮少個份量，次次都食到好飽。

這天晚上又來到通菜街覓食石頭鍋飯是我們吃韓菜必點的菜式，而看見這間很受年輕人喜愛的石鍋燒就進去試試啦！我們點了個二人餐，有齊我們想吃的石頭鍋飯和豆腐鍋！下了單很快就來了個韓式前菜，泡菜、荳芽、青瓜和粉絲每樣的味道都很正宗很好吃！特別喜歡這個甜甜辣辣又爽口的青瓜！傳統石頭鍋飯 牛肉粒一上台超香的！石鍋燒得很熱，把牛肉粒、蛋、韓式辣醬和其他蔬菜配料攪拌後就可以吃啦！ 牛肉粒肉質鬆化非常軟稔！自己控制辣醬的份量，味道很不錯，而且還有很香口的飯焦！再來就是秘製烤肉豆腐鍋 加海鮮又是熱辣辣的上來外表非常吸引！豆腐鍋裡除了有很滑溜的豆腐外，其他配料也相當豐富，有很多的秘製烤肉、鮮蝦、蜆廿、蛋和粉絲等等。而味道也非常美味，辣度適中！套餐還包括了一個小吃，我們選了韓風一口雞雞肉肉質嫩滑，而炸粉也很薄不會太油膩，沾上韓式辣醬更好吃！因為太想吃年糕的關係，我們額外點了一個海鮮炒韓國年糕除了有滿滿的海鮮外，韓式辣醬還充滿了海鮮的鮮味！年糕煮的剛剛好，軟稔同時又非常煙韌！餐飲方面，我們點了熱韓國紅棗蜜和凍檸檬菜。

-前菜小食有青瓜🥒，泡菜，芽菜同埋粉絲，青瓜真係好好食，超鍾意個醬汁，食落唔算辣，食唔停口😋，十分惹味！而泡菜幾香辣😆芽菜同埋粉絲都幾好食，開胃嘅小食😍-傳統石頭鍋飯🌟（$65）今次揀左烤肉作為配料，仲有蛋🍳，粟米🌽，蘿蔔絲，芽菜等等，加埋辣醬再攪拌，依個石頭鍋飯份量都好多☺️鍋底仲有飯焦😍好好食👍🏻-海鮮烤肉豆腐鍋😋配飯🍚（$70）依個有好多材料：豆腐，蝦🦐，青口，粉絲等等，材料十足，而湯底有小小辣😆愈食愈好食😍食完好飽肚，岩曬大食嘅朋友😋-韓風一口雞🐥（$39）依個炸雞好好食，係必食👍🏻👍🏻炸到好香，外脆皮薄，食落好脆口，肉質好滑，點埋個韓辣醬汁😘，味道一流，無得彈，十分惹味❤️-韓國炒粉絲😀 （$52)粉絲晶瑩剔透，好香麻油味，仲有好多白芝麻曬係炒絲上面，洋蔥，蔥花，蘿蔔絲等等一齊炒，味道都ok😀-凍韓國柚子蜜🍯（$9）柚子味好香😋食完炸雞飲柚子蜜可以無咁油膩👍🏻-凍韓國紅棗蜜 🍯（$9）紅棗加蜜糖☺️飲完好潤😍-

放工出左旺角交收物件，順便食埋晚飯，等老公期間到處行下，行到通菜街見到有一間首爾石鍋燒，門口有多人等位，突然好想食煎到脆卜卜的煎餅，望下門前的餐牌，價錢不貴，尤其套餐又好抵食喎！一於登記等位先，等老公來到就可以入座食飯！我們選了二人套餐B，首先送上是日泡菜2碟，每碟2款。有泡菜、大豆芽菜、韓國粉絲、青瓜。全部都好入味，我特別喜歡醃青瓜，酸酸甜甜帶少少辣，又爽口！韓式鐵板鍋飯，可以選烤肉或雞肉或牛肉粒，我們選了雞肉，用鐵板盛載上枱，雞肉入味嫩滑，飯上加有一隻流心荷包蛋，並有蔬菜和粟米。傳統石頭鍋飯，這個我們選了烤肉，用熱騰騰的石頭鍋盛載，材料有烤肉、大豆芽菜、生雞蛋、粟米和韓國辣椒醬，伴均勻食好美味，近鍋邊和鍋底還有卜卜脆的飯蕉，好味又有口感。蘿蔔蔥餅，我最喜歡的，蘿蔔切段，加入配料煎至兩邊金黃色，香脆可口又夠味！套餐還包指定飲品2杯，凍檸茶夠味又夠凍。加5元就可以飲雪碧。另外我們加了韓國炒粉絲，夠穫氣，配料有三色椒和菇類等，粉絲又香又惹味！老公食晚飯少不了啤酒。

邊個話食韓國嘢就一定係貴㗎？好似我A姐咁，係一個知慳識儉又靚嘅美少女，食韓國嘢當然有抵食推介啦！呢間位於旺角女人街嘅首爾石鍋燒，雖然無豪裝，亦無歐巴，但就有親民嘅價錢，同地道嘅味道！泡菜 韓國餐又點少得泡菜呢，仲有成4款：青瓜、泡菜、芽菜、粉絲，香辣度十足。韓國炒粉絲炒粉絲有洋葱、葱花、三色椒同菇等炒成，食落好有口感，晶瑩剔透嘅粉絲有好香嘅麻油味同好有鑊氣。辣泡菜湯餃子餃子嘅外皮唔算厚，有豬肉、粉絲同泡菜做餡，湯底唔算辣，香口惹味。韓式燒牛肋骨加上蒜片、辣醬，再用生菜包住牛肋骨，口感豐富，不過就略嫌牛肋骨較肥，返去又要跑多幾個圈。金菇肥牛豆腐烏冬份量十足，夠晒熱辣辣，手打烏冬又滑又煙韌，但驚喜豆腐超滑，肥牛軟腍，好惹味！埋單仲有Coupon送，下次可以平＄25同有免費炒粉絲食！

主打石頭鍋飯既韓式餐廳，環境暗暗地，幾年前食過，食物價錢好似同之前冇咩點變。叫左二人套餐($169)，包2個主食(豬/雞，加錢轉牛肉)，1款小食(加$6蘿蔔煎蔥餅)，2杯飲品(加$5特飲)，4款泡菜。叫完餐就即送上泡菜，4款泡菜都唔算太辣，ok既。傳統石頭鍋飯既石頭鍋燒到熱辣辣，仲有飯焦，拌料有切絲蔬菜，烤肉絲，蛋黃，落d辣醬，拌勻之後啖啖都充滿肉香同飯焦香味，暖笠笠。韓式鐵板燒飯有7至8件大大件雞肉，全部都好滑，另有煎蛋，椰菜絲，粟米，蕃茄仔伴碟。個鐵板亦都係熱既，所以送上個陣，仲出緊煙。不過略為油左d，個底好多油。蘿蔔蔥餅有好多大蔥，蘿蔔可能切風好碎(?)，唔係太食得出蘿蔔味。不過亦略為油左少少，加左煮食吸油底係底，吸走多餘既油，會好d。飲品每杯加$5升級為紅棗蜜，鮮檸蜜，養生既飲品，平閎好少見到紅棗蜜，有d紅棗肉，甜度適中，唔錯。整體，如果唔飲飲品，其實單叫主食，價錢會更可觀，除非想多左個小食亦有飲品，就揀單人/二人套餐。

<通菜街發現正韓國菜>😍通菜街有好多好野食 但好多都細細間 成日俾 喺中間擺檔既鋪頭撞住 . 😂 又甘啱落大雨避雨時見到呢間韓菜 <首爾石鍋燒> 好似好香甘 就同朋友入左去醫肚😁 首先見到佢有個二重賞就係 用夠100 蚊送25 蚊餐飲用夠200 蚊就送韓國啤酒同炸雞 🍻🐤好抵 wor 😍 🍴蕃茄泡菜 烤肉豆腐鍋 68 蚊 配韓國手打烏冬🌶加6 蚊大大兜泡菜鍋 一上枱熱辣辣 中辣既湯底充滿泡菜香味 都幾酸辣 🌶 入面充滿住吸汁既泡菜 滑豆腐 甜粟米🌽仲有新鮮蕃茄 食落幾 fresh . 韓式烏冬口感煙靭彈牙 盡吸湯汁 再加上 有口感既豬肉🐷令成個鍋 肉菜湯有齊 好味😍🍴泡菜鐵板燒 要豬頸肉 70 蚊🐖🔥好大碟既鐵板上枱時仲有 sasa聲 用左好多泡菜醬汁 都幾酸辣 撈埋白飯濃度剛好🍚 而我幾鍾意佢既醬汁落左芝麻 增加香味 👍🏻 而佢既豬頸肉有勁多舊之餘 仲係帶有少少厚切 所以口感好爽彈 🐷 吸埋辣泡菜汁更正🔥 每個餐跟餐都有小食 小食既青瓜🥒泡菜🌶芽菜🌿粉絲 都幾用心製作 食得出泡菜 同青瓜既醬汁 都醃得幾香 酸辣度足 而佢既粉絲 既豉油汁都醃得幾夠咸香

泡菜餃子烤肉豆腐鍋配飯($73)-呢個鍋真係好豐富，入面仲有好多粉絲，仲送咗一隻蛋，餃子同烤肉份量都好多，食到好飽，雖然呢個鍋有小小辣，但都可以接受到，強力推薦！蕃茄泡菜烤肉豆腐鍋配飯($68)-蕃茄味好濃，但其實味道除咗多咗蕃茄味同其他鍋都差唔多，如果想轉手打烏冬就要加$6。泡菜烤肉煎餅(細)($55)-呢個煎餅真係超級好食，個醬係極度出色，酸酸辣辣，而且小嘅份量都好足夠，強力推薦！前菜($0)-含芽菜、青瓜、泡菜、粉絲。

呢間餐廳午市都好多人等位，所以如果決定食呢間，我地既就需要提早出發，避免等位。為左食呢度,就算午膳時間行成15分鐘，需要穿過一條臭臭的隧道過去，都非常值得！呢間餐廳的食物味道是正宗的韓國菜。午餐都有好多選擇，但是我最喜歡蕃茄泡菜石頭鍋配飯同埋傳統烤肉石頭鍋飯。每個餐都會配有蛋花湯，呢個湯一飲真係不得了。蛋花湯，熱辣辣上，有蛋花同、豆腐同埋粟米，好甜好滑，飲完一碗真係唔係幾吾夠喉，可惜沒有得添加。蕃茄泡菜石頭鍋配飯，湯是熱辣辣的上，入面的配料是非常豐富的，有幾片新鮮蕃茄，泡菜、烤肉。就甘望，配埋白飯是非常夠飽的，但驚喜的是原來湯入面還有粉絲!!!!呢下真係啱曬我呢D大胃王。因為成個湯都係紅色，以為好辣，點知只是微辣的。我至中意“不”小小湯，再加些小肉同飯，一口吞下去，正啊！傳統烤肉石頭鍋飯，肉方面可以揀烤肉、雞肉同埋牛肉。我始終覺得烤肉最香。成個飯上時，都還是咋咋聲的，因為我中意食飯焦，所以我中意等一陣先撈。飯入面有烤肉，生雞蛋，紅蘿蔔等等，另外都加左小小辣醬比你，如果覺得唔夠，可以用臺面的辣醬再根據個人口味添加的。烤肉好香，配埋飯焦食，一流！野飲方面，我叫左跟餐免費的熱菜蜜。因為以上兩

呢間又係我地經常encore嘅飯堂，因為佢性價比都算高，平均每個set都係$50，味道亦近似喺韓國食到嘅。雖然佢menu有好多唔同選擇，但我每次都會叫返石頭鍋飯（出名專一😤），肉可以揀烤肉、雞肉或牛柳粒，今日就配左牛柳粒。個set跟栗米羹同飲品；粟米羹清清地，有蛋花同豆腐粒，都幾煮家feel。講返主角，個石頭鍋好夠熱（對於鍾意飯焦嘅我黎講好緊要呀😋）；牛柳粒腌得好入味，肉質腍滑唔會靭，而且份量非常多唔洗慳住食😍（好驚無餸送飯）；配料都幾多，有生蛋、芽菜、粟米、蘿蔔絲等等，撈勻之後每啖都食到配料👍🏻溫馨提示：間餐廳好細好逼，如果多人去要等好耐先有位，同埋唔好expect會坐得舒服🙈

在旺角食韓國野，我首選推薦呢間比大家，佢真心接近正宗韓國味道，價錢唔貴，當日坐我隔離有幾個外國人，連佢地都識食。首先我地叫左個:泡菜豆腐豬肉湯有旦花湯，又有螺肉沙律主菜熱辣辣，要個湯好味，泡菜一定要好食，呢個真係食到湯都飲哂。另外叫左兩個小食，其實之前都食過，但每次都忍唔住再叫:一口雞呢個雞炸好好香，好脆口，但雞仍然滑，一啖一口，夾埋個韓辣醬，一流。泡菜辣餃子外皮唔算太厚，餡靚有肉有泡菜，其實唔太辣，唔洗比佢個名嚇親😋😊咁食法連埋杯野飲都係$193，特別一讚佢既上菜速度好快👍，唔洗有啲等到胃痛都未到，但佢唔似係整定，不過佢係有收加一既，大家留意番喇~😁

星期五晚,有訂位下,唔需要等位,都坐得八八九九喇叫左個2人餐蘿蔔煎餅好油,不過好味既,加埋類似豉油既汁仲好味,香口,夠脆,唔會好淋,都有蘿蔔餡辣粉絲豆腐湯望落去好似好辣,但唔辣的,韓國湯有塊日式魚片,好搞笑,豆腐唔係好多,都係豆腐粒上,少少粉C咋,年糕又係我5,6片仔,好少牛柳粒石頭飯牛柳粒好好味,好嫩,都多又大粒,有7,8粒左右,飯味道都幾好,有味,都夠熱,唔會好油飲品就麻麻,好淡,無乜味道 

夜晚9點幾想搵啲野食下，見到呢間係通菜街嘅小店就入去試下啦。叫左個蕃茄泡菜烤肉豆腐鍋烏冬，朋友就叫左個石鍋飯，等食期間已經有啲小碟前菜食下😋有我最鐘意嘅泡菜丫😍個烏冬黎啦😍熱辣辣，雖然我鐘意食泡菜但其實唔係食到好辣😛呢到有得㨂小辣，岩曬我呢啲怕辣但又想食嘅人👍🏻埋單都係80蚊左右，正丫👍🏻

今日係 father's day,  知道去中式酒樓一定多人, 妹妹就suggest去呢間小店食飯.平時很少食韓國餐,　打開個餐牌哇好吸引下,　樣樣都想試下.最後每人揀一樣,　我地就叫左:煎泡菜餃子呢個好味! 個皮煎得好香趣.  個函有d辣因爲有泡菜加猪肉, 我自己覺得幾中意.海鮮蔥餅呢個一定要點汁食,　亮點係個汁好arm我口味.泡菜豆腐鍋跟飯呢個菜係個餐牌度些必食推介.　果然無介紹錯.　我雖然痲痲地食到辣都覺得好好味.　湯頭酸酸辣辣好醒胃!韓風一口雞呢個炸雞好快比同行個細路 KO左, 佢話好好味.　炸得個色水金黃色幾靚.蕎麥冷面呢個個味都幾特別,　夏天食唔錯!海鮮炒年糕年糕口感很 Q,　煙煙嗯嗯,　個辣汁掛係件年糕度食好好味.韓國啤酒總括來講,　食物質素中上,　人均消費$80左右, 抵食好味,　下次會再來試其它食物!

好想想食韓國野，所以相約幾個閨蜜黎首爾食飯，經常來因爲位置方便加上價錢比較經濟 今晚又是食招牌泡菜豆腐鍋！我每次都不能不吃這個因爲真的太好味了！！！ 十分鐘就上抬，我馬上就吃了，忘記了影相。豆腐鍋有泡菜，豆腐，粉絲，菜，半熟的蛋！好香！  我配了飯因爲跟飯有湯就好像湯飯一樣！  我吃中辣的， 也可選微辣或大辣。跟餐有頭盤和飲品， 我叫了甘橘蜜， 酸甜度剛好！小食叫了雞翼沙律，雞翼好香脆，肉質嫩滑。  沙拉菜和番茄新鮮，還有蟹扭和蟹子，健康之選 ！！朋友仔叫左泡菜鐵牛肋骨板， 都是廚師推介的， 小小辣，不錯 ， 上抬香盼盼 ~~~ 隔離抬都望。    真心正， 牛肋骨掩得好夠味， 加上泡菜的汁，個飯香味泊鼻，我都忍不住吃了幾啖基本上食物和服務也不錯，侍應有笑容，都比較親切值得推薦！