首爾石鍋燒

營業中

休息中

近日天氣轉凍，出街食飯都想食点熱氣騰騰嘅食物。但 打邊爐又好熱氣， 食蒸氣鍋，一個人食飯又太貴喇。突然想到上次糸旺角通菜街食過的首爾石鍋燒的石頭湯鍋！！好！今晚就食呢個！！去到首爾時間尚早，店裡不算多人。待應安排了坐位後，就睇餐牌。記得佢哋有個一人套餐只糸九十幾蚊，今晚自己一個人食飯就試吓吧！呢個一人餐有前菜配餐湯再搭主食跟餐飲。OK喎。前菜A，B，C三選一,（A玉子沙律，B螺肉沙律，C首爾自家泡菜）主食有10款可選其一。最後我選了B螺肉沙律，主食選泡菜烤肉豆腐湯鍋配白飯，加5蚊要杯特飲熱柚子蜜。点完餐後，很快已上了餐湯同前菜，個螺肉沙律，甜甜地都幾開胃，餐湯糸粟米豆腐湯，清清地都吾錯。食完前菜不久個主食就上啦，嘩...個湯鍋熱氣騰騰，啲湯仲滾滾下，睇見都暖笠笠。初初以為泡菜湯會好辣，原來都吾係啫。估吾到個味道仲好清新添，少少辣配埋D湯粉絲， 真係食到雪雪聲呀。食到一半額頭同個鼻仲開始有汗，成身暖笠笠。 最後忍唔住啲湯底都飲埋， 感覺真係好滿足。慢慢抖一陣，飲埋杯熱柚子蜜成個人舒服哂。 埋單都係百零蚊。 最重要係食到嗰份滿足感，正呀。 下次等我捉埋老婆同個寶貝女一齊嚟再食過。

同男朋友兩個打算食韓國野,就黎到女人街依間首爾石鍋燒唸著試下點知去到一打開門唸著入去之制,就有個肥佬帶眼鏡既侍應好大聲咁呼喝我“”幾位呀你???””,,當堂比佢嚇一嚇,之後我話兩位啦,就帶到我去廁所門口坐??但成個場仲有成6-8張台係吉左係到,我心唸無野呀話,我黎比錢食野仲要比你鬧咁入左黎就算啦,唯有照食,我地叫左個二人餐,埋單最後都係200蚊有找,算係平既~食物都算正常但係真係無下次~因為D 服務態度真心差到一個點,個位帶眼鏡阿叔黑口黑面咁同我地落單,仲要黎到個下已經好似比佢鬧咁款問候我幾多位,我係黎消費架囉,唔係黎受氣!!!!!

好耐未食過韓國野啦！🇰🇷睇韓劇成日睇到好想食😂😂尤其係韓國餃子😆大大粒 好滿足🤤·介紹大家好抵食既韓國菜！2人餐（$179）包豆腐鍋，石頭鍋飯，1小食同埋野飲😳😳我地比較大食再點小食😆但其實份量唔細架😂食得哂先好叫😏🥟香煎泡菜餃子（$45）係煎到脆身架😍滿足！🐔韓風一口雞（$39）淡淡肉，最緊要係炸粉唔厚！🥘秘製烤肉豆腐鍋（加海鮮+5）建議加埋年糕同泡菜😭唔加好似差咁d野咁😭🍚石鍋飯（加牛肉+4）熱辣辣，正常味道！店員仲好貼心俾左支辣醬我地自己加辣🌶🥕蘿蔔煎餅 - 一致認為好味！煎到脆脆地，加埋酸辣醬汁，惹味🤤🤤·女仔記住點熱紅棗蜜！！好好飲💓💓唔知係邊度有得買，想自己沖🧐🧐

係旺角街頭隨意行，見到有間韓國野就決定試下。一入去發覺成間餐廳燈光都幾昏暗下，不過呢度播kpop都勁大聲。 伴餐都係韓式餐廳一般會提供嘅伴餐: 泡菜、青瓜、芽菜同埋粉絲。推介呢味醃青瓜，混雜左酸、甜同辣味，幾開胃。另外芽菜都會推介，幾爽口幾清甜，食完d辣野可以食啖芽菜中和番。 傳統石頭鍋飯 (烤肉) 65上碟時充滿鍋氣，標哂煙，熱辣辣，呢個石頭鍋飯仲有生雞蛋同埋其他蔬菜配料可以拌飯，配上韓式辣醬就更加惹味。石鍋底仲有一層薄薄地嘅飯焦，卜卜脆好有口感，鍾意食飯焦嘅人一定會好開心haha。 鐵板燒黑椒栗米肥牛 66上枱時有沙沙聲，肥牛香氣四溢，仲有隻半流心嘅荷包蛋添！ 蘿蔔蔥餅45薄餅外層微脆，夾雜住蘿蔔絲同埋蔥絲，但個人覺得蘿蔔味唔算突出 ，同埋覺得食落有少少油膩。 韓國柚子蜜柚子蜜清甜潤喉，唔係死甜，唔錯。食完辣野叫杯甜甜地暖暖地嘅飲品都係個好選擇。 題外話，我地食完大概8點幾，呢個時候出面有人係度等位，侍應已經迫不及待掟張單比我地，變相趕我地走，希望可以改善下。

星期六同男朋友黎食午餐，叫左個秘製烤肉豆腐煱配簡飯，男朋友叫左個韓式燒雞肉鐵板燒，兩個set份量都夠大，我地兩個都食唔晒，而且味道都夠濃，岩晒重口味嘅我地，埋單每人四、五十蚊，非常抵食。

香港嘅天氣開始凍年年呢個時候都會同朋友去食煲仔飯, 煲仔飯食得多似乎冇乜新意。咁啱經過旺角通菜街見到有間韓國餐廳，首爾石鍋燒 心血來潮同朋友入去試下！ 安排座位之後睇餐牌發覺佢哋有 一人套餐同二人套餐仲有一款三人套餐， 待應生解釋可以散叫，但跟嘢飲要半價 而套餐就會跟埋飲品轉 特飲只加5蚊。 而且不論套餐定係散叫主食類都會跟番一份小菜。我哋叫咗一份二人套餐c餐 豆腐鍋我哋選咗泡菜做配料 石頭鍋飯就選擇咗烤肉， 小食我哋就揀咗韓國一口炸雞。（ 佢哋所有嘅二人套餐都係有兩款主食跟一款小食再跟兩杯飲品， 而3人套餐就會有三款主食跟2款小食同3杯飲品。 而且價錢都唔會超過200蚊係抵食 ） 當食物送上枱之後賣相唔錯， 泡菜豆腐湯鍋 同埋韓國一口炸雞最有驚喜 ，泡菜豆腐湯鍋辣得好滋味！ 韓國一口炸雞雞肉非常嫩， 石頭鍋飯都唔錯 如果好似我咁鍾意食飯焦嘅人就記得要爬埋啲飯焦食啦！ 進食期間，餐廳越嚟越多人入嚟，開始發現門口有人排隊，餐廳經理講佢哋午餐同埋兩點半鐘開始下午茶餐都唔錯 ，睇嚟有時間可以晏晝再嚟試下。 食到飽飽埋單都只不過係二百零蚊 經濟實惠呀 食物又唔錯 值得再嚟。

旺角的通菜街, 即是大家都熟悉的「女人街」的確是一條很特別的街道。街道的中央是行人專用區，露天的街舖有很多香港特色的紀念品或小玩意等，吸引到不少外地或內地遊客光顧。然而街道兩旁就有著很多不同的食肆，卻吸引到不少本地客人，而且選擇也很多。我們經過這間韓式餐廳，主攻石鍋燒，價錢又合理，所以決定一試。三人套餐（$269）三人套餐包括：-秘製烤肉豆腐鍋-傳統石頭鍋飯-韓式鉄板燒飯-韓風一口鷄-蘿蔔葱餅-是日泡菜三碟-加$5 升級至特飲是日泡菜三碟👍👍👍👍秘製烤肉豆腐鍋👍👍👍👍最先上枱的是秘製烤肉豆腐鍋, 滾熱的石鍋內有豆腐、韓式粉絲、大蔥、牛肉等，可以選擇免費加泡菜或年糕。我們選擇了泡菜，一口口的熱湯先暖暖肚，酸辣的味道亦令胃口大開，另外還可以加$6，加韓國手打烏冬。傳統石頭鍋飯👍👍👍👍石頭鍋飯可選擇烤肉、雞肉或牛肉粒，牛肉粒要加$4，我們選擇了牛肉粒。牛肉粒與一般的牛肉片較有口感，可以拌入韓式辣醬、配菜和生雞蛋一起吃，石鍋底還有一層薄薄的飯焦。韓式鉄板燒飯👍👍👍👍這個韓式鉄板燒飯亦有烤肉、雞肉或牛肉粒的選擇，我們選了烤肉。鉄板上有一碗白飯，白飯上有一隻煎蛋，跟烤肉和配菜拌勻同吃，味道豐富。如

今日去陪屋企人去旺角整野，然後順便旺角搵食。記得以前幫襯哩間首爾石鍋燒味道挺不錯，就拍板去幫襯下。好彩我地早食飯，去到馬上有檯。我地叫左韓式雞翼配沙律 $45雞翼有4件炸得很香口，沙律個醬係胡麻汁我都幾喜愛。沙律個菜亦幾新鮮有生菜蕃茄粟米等🥗☘️🌽🍅泡菜鐵板牛肋骨飯 $82牛肋骨有4件size都幾大，同埋泡菜一齊炒很香，好正🐂🌶🤗！泡菜烤肉豆腐鍋配飯 $65因為中意食泡菜，所以一定要試下佢個泡菜豆腐鍋。好好味。個泡菜湯好香辣，鍋裡面的豆腐很滑。材料還有韓式豬肉，韓國魚片，粉絲好正索滿湯個精華好好食👍🏻👍🏻！海鮮蔥餅 （標準size) $55煎得唔錯很香口！有很多䓤，正！個䓤餅汁很惹味😋😋韓風一口雞 $39見網上評價唔錯，所以叫左來試下。真係幾好味。雞肉頗嫩，炸粉一d都唔厚，又香又脆，一啖一口，作為小食很不錯！😍😍凍檸茶 （半價$7）有茶味，唔苦，good!凍柑桔 （半價$9）酸酸地甜甜地清清地，唔錯唔錯！原來主食配飲品半價，我地叫左兩個主食所以兩杯都係半價。真心抵！

來過呢度食嘢超過四次，每次質素都ok，通常下午茶時間嚟食，叫兩個套餐，加埋凍飲 都唔使過100蚊，超級抵食!!呢個價錢，食到韓國嘢，已經好唔錯!!通常每次來食，都會叫一個傳統牛肉粒石鍋飯 ，有陣時啲飯煮得太淋，扣咗啲分，但係啲牛肉粒嘅份量都足夠，又好夠味。食飯前仲有碗細細碗嘅粟米豆腐湯送比飲。另外叫左 泡菜番茄炒肉烏冬就ok過得去, 冇乜特別，不過味道都ok。但下午茶$3x嘅價錢來講，真係冇得輸。 同埋佢唔會因為下午茶而縮少個份量，次次都食到好飽。

這天晚上又來到通菜街覓食石頭鍋飯是我們吃韓菜必點的菜式，而看見這間很受年輕人喜愛的石鍋燒就進去試試啦！我們點了個二人餐，有齊我們想吃的石頭鍋飯和豆腐鍋！下了單很快就來了個韓式前菜，泡菜、荳芽、青瓜和粉絲每樣的味道都很正宗很好吃！特別喜歡這個甜甜辣辣又爽口的青瓜！傳統石頭鍋飯 牛肉粒一上台超香的！石鍋燒得很熱，把牛肉粒、蛋、韓式辣醬和其他蔬菜配料攪拌後就可以吃啦！ 牛肉粒肉質鬆化非常軟稔！自己控制辣醬的份量，味道很不錯，而且還有很香口的飯焦！再來就是秘製烤肉豆腐鍋 加海鮮又是熱辣辣的上來外表非常吸引！豆腐鍋裡除了有很滑溜的豆腐外，其他配料也相當豐富，有很多的秘製烤肉、鮮蝦、蜆廿、蛋和粉絲等等。而味道也非常美味，辣度適中！套餐還包括了一個小吃，我們選了韓風一口雞雞肉肉質嫩滑，而炸粉也很薄不會太油膩，沾上韓式辣醬更好吃！因為太想吃年糕的關係，我們額外點了一個海鮮炒韓國年糕除了有滿滿的海鮮外，韓式辣醬還充滿了海鮮的鮮味！年糕煮的剛剛好，軟稔同時又非常煙韌！餐飲方面，我們點了熱韓國紅棗蜜和凍檸檬菜。

-前菜小食有青瓜🥒，泡菜，芽菜同埋粉絲，青瓜真係好好食，超鍾意個醬汁，食落唔算辣，食唔停口😋，十分惹味！而泡菜幾香辣😆芽菜同埋粉絲都幾好食，開胃嘅小食😍-傳統石頭鍋飯🌟（$65）今次揀左烤肉作為配料，仲有蛋🍳，粟米🌽，蘿蔔絲，芽菜等等，加埋辣醬再攪拌，依個石頭鍋飯份量都好多☺️鍋底仲有飯焦😍好好食👍🏻-海鮮烤肉豆腐鍋😋配飯🍚（$70）依個有好多材料：豆腐，蝦🦐，青口，粉絲等等，材料十足，而湯底有小小辣😆愈食愈好食😍食完好飽肚，岩曬大食嘅朋友😋-韓風一口雞🐥（$39）依個炸雞好好食，係必食👍🏻👍🏻炸到好香，外脆皮薄，食落好脆口，肉質好滑，點埋個韓辣醬汁😘，味道一流，無得彈，十分惹味❤️-韓國炒粉絲😀 （$52)粉絲晶瑩剔透，好香麻油味，仲有好多白芝麻曬係炒絲上面，洋蔥，蔥花，蘿蔔絲等等一齊炒，味道都ok😀-凍韓國柚子蜜🍯（$9）柚子味好香😋食完炸雞飲柚子蜜可以無咁油膩👍🏻-凍韓國紅棗蜜 🍯（$9）紅棗加蜜糖☺️飲完好潤😍-

放工出左旺角交收物件，順便食埋晚飯，等老公期間到處行下，行到通菜街見到有一間首爾石鍋燒，門口有多人等位，突然好想食煎到脆卜卜的煎餅，望下門前的餐牌，價錢不貴，尤其套餐又好抵食喎！一於登記等位先，等老公來到就可以入座食飯！我們選了二人套餐B，首先送上是日泡菜2碟，每碟2款。有泡菜、大豆芽菜、韓國粉絲、青瓜。全部都好入味，我特別喜歡醃青瓜，酸酸甜甜帶少少辣，又爽口！韓式鐵板鍋飯，可以選烤肉或雞肉或牛肉粒，我們選了雞肉，用鐵板盛載上枱，雞肉入味嫩滑，飯上加有一隻流心荷包蛋，並有蔬菜和粟米。傳統石頭鍋飯，這個我們選了烤肉，用熱騰騰的石頭鍋盛載，材料有烤肉、大豆芽菜、生雞蛋、粟米和韓國辣椒醬，伴均勻食好美味，近鍋邊和鍋底還有卜卜脆的飯蕉，好味又有口感。蘿蔔蔥餅，我最喜歡的，蘿蔔切段，加入配料煎至兩邊金黃色，香脆可口又夠味！套餐還包指定飲品2杯，凍檸茶夠味又夠凍。加5元就可以飲雪碧。另外我們加了韓國炒粉絲，夠穫氣，配料有三色椒和菇類等，粉絲又香又惹味！老公食晚飯少不了啤酒。

邊個話食韓國嘢就一定係貴㗎？好似我A姐咁，係一個知慳識儉又靚嘅美少女，食韓國嘢當然有抵食推介啦！呢間位於旺角女人街嘅首爾石鍋燒，雖然無豪裝，亦無歐巴，但就有親民嘅價錢，同地道嘅味道！泡菜 韓國餐又點少得泡菜呢，仲有成4款：青瓜、泡菜、芽菜、粉絲，香辣度十足。韓國炒粉絲炒粉絲有洋葱、葱花、三色椒同菇等炒成，食落好有口感，晶瑩剔透嘅粉絲有好香嘅麻油味同好有鑊氣。辣泡菜湯餃子餃子嘅外皮唔算厚，有豬肉、粉絲同泡菜做餡，湯底唔算辣，香口惹味。韓式燒牛肋骨加上蒜片、辣醬，再用生菜包住牛肋骨，口感豐富，不過就略嫌牛肋骨較肥，返去又要跑多幾個圈。金菇肥牛豆腐烏冬份量十足，夠晒熱辣辣，手打烏冬又滑又煙韌，但驚喜豆腐超滑，肥牛軟腍，好惹味！埋單仲有Coupon送，下次可以平＄25同有免費炒粉絲食！

主打石頭鍋飯既韓式餐廳，環境暗暗地，幾年前食過，食物價錢好似同之前冇咩點變。叫左二人套餐($169)，包2個主食(豬/雞，加錢轉牛肉)，1款小食(加$6蘿蔔煎蔥餅)，2杯飲品(加$5特飲)，4款泡菜。叫完餐就即送上泡菜，4款泡菜都唔算太辣，ok既。傳統石頭鍋飯既石頭鍋燒到熱辣辣，仲有飯焦，拌料有切絲蔬菜，烤肉絲，蛋黃，落d辣醬，拌勻之後啖啖都充滿肉香同飯焦香味，暖笠笠。韓式鐵板燒飯有7至8件大大件雞肉，全部都好滑，另有煎蛋，椰菜絲，粟米，蕃茄仔伴碟。個鐵板亦都係熱既，所以送上個陣，仲出緊煙。不過略為油左d，個底好多油。蘿蔔蔥餅有好多大蔥，蘿蔔可能切風好碎(?)，唔係太食得出蘿蔔味。不過亦略為油左少少，加左煮食吸油底係底，吸走多餘既油，會好d。飲品每杯加$5升級為紅棗蜜，鮮檸蜜，養生既飲品，平閎好少見到紅棗蜜，有d紅棗肉，甜度適中，唔錯。整體，如果唔飲飲品，其實單叫主食，價錢會更可觀，除非想多左個小食亦有飲品，就揀單人/二人套餐。

<通菜街發現正韓國菜>😍通菜街有好多好野食 但好多都細細間 成日俾 喺中間擺檔既鋪頭撞住 . 😂 又甘啱落大雨避雨時見到呢間韓菜 <首爾石鍋燒> 好似好香甘 就同朋友入左去醫肚😁 首先見到佢有個二重賞就係 用夠100 蚊送25 蚊餐飲用夠200 蚊就送韓國啤酒同炸雞 🍻🐤好抵 wor 😍 🍴蕃茄泡菜 烤肉豆腐鍋 68 蚊 配韓國手打烏冬🌶加6 蚊大大兜泡菜鍋 一上枱熱辣辣 中辣既湯底充滿泡菜香味 都幾酸辣 🌶 入面充滿住吸汁既泡菜 滑豆腐 甜粟米🌽仲有新鮮蕃茄 食落幾 fresh . 韓式烏冬口感煙靭彈牙 盡吸湯汁 再加上 有口感既豬肉🐷令成個鍋 肉菜湯有齊 好味😍🍴泡菜鐵板燒 要豬頸肉 70 蚊🐖🔥好大碟既鐵板上枱時仲有 sasa聲 用左好多泡菜醬汁 都幾酸辣 撈埋白飯濃度剛好🍚 而我幾鍾意佢既醬汁落左芝麻 增加香味 👍🏻 而佢既豬頸肉有勁多舊之餘 仲係帶有少少厚切 所以口感好爽彈 🐷 吸埋辣泡菜汁更正🔥 每個餐跟餐都有小食 小食既青瓜🥒泡菜🌶芽菜🌿粉絲 都幾用心製作 食得出泡菜 同青瓜既醬汁 都醃得幾香 酸辣度足 而佢既粉絲 既豉油汁都醃得幾夠咸香