首爾石鍋燒

營業中

休息中

朋友約我去旺角吃韓國菜，已有半年無去韓國旅行，都好掛住韓國食品，所以朋友約我去吃韓國菜正合我意，即刻答應佢。到左旺角鋪名叫(首爾)，哈哈~我都好想去首爾。店舖內地方不大，2人位和4位比較多，店員安排我地就座左2人位，侍應生給我餐牌，睇左了一陣叫左個二人套餐C餐$189，先來了2碟前菜，有泡菜、青瓜、大豆牙菜、韓國粉絲，青瓜有少少辣和爽口，泡菜係我最喜歡既韓國食物。好快又黎碟韓風一口雞，其實係炸雞，韓劇D主角成日食既炸雞，一啖一粒細細舊唔錯，食落口仲脆脆地，跟住送來秘製烤肉豆腐鍋，加8元轉手打烏冬，內裡有豬肉、豆腐、年糕，年糕和烏冬都煙煙韌而且滑嘟嘟好味😋。再來一個傳統石頭鍋飯，選擇左雞肉，D飯比較多左水腍左些，本人比較喜歡吃一粒一粒既飯，雞肉就大大舊啖啖肉，我朋友是食肉獸，佢最開心，另加$5 upgrade去野飲，我叫左1杯凍柑桔水不太甜，一邊食石頭飯超熱，一邊飲凍韓國柑桔蜜，真係好爽，而朋友叫既係凍韓國蘆薈茶，蘆薈和冰都係無色，所以問佢有沒有蘆薈肉㗎，她話有不過切得好細粒，佢話甜度都啱啱好，當晚我地好似去左韓國食飯咁既氣氛，都食得好開心，侍應生招待也有禮貌！👍👍🤤😍+++++++++

食物：乜乜交子Udon原來我個寶貝女之前都黎過旺角首爾食下午茶，仲要我 轉載呢篇食評：我是泡菜餃子烏冬的常客，因為我仲意食烏冬同Kimchi烏冬口感適中，不會煮得太軟，因為太淋會吾好食，如果烏冬煮得吾好既，對我黎應該成碗都吾會食，但煮得爽口有口感，好食的餃子份量ok，不會很少，餃子裏有少少Kimchi，有少許辣味係好食個湯底可以自己揀要咩辣或者吾辣，我之前叫左要d辣，之後覺得有d辣，同服務員講，佢地會加返d湯比你如果覺得吾辣，服務員都會即時比返d辣，而且態度好好。😊😊下次同朋友再黎食😁😁

今日又嚟旺角首爾食飯，六点半黎到店面人客不多可以靜靜地。 服務生安排咗座位之後坐低睇睇個新嘅餐牌， 發覺都多咗幾款新食物，例如年糕大醬湯同埋海鮮大醬湯。 仲有新嘅小食 粉絲煎餃 子。好！ 就食海鮮大醬湯配飯吧， 再点埋個小食粉絲煎餃。 服務生幫我點完餐之後好快就上咗啲前菜， 店面人客不多所以上菜時間都快左 六分鐘不到就已經上菜。 大醬湯鍋的湯底係 麵豉豆腐湯， 湯底入味 水準不變， 三隻蝦大大隻 飲咗兩啖湯， 粉絲煎餃子都上啦， 粉絲煎餃子熱啦啦皮脆 真係好食 真係唔錯。 我本來諗住 再点埋其他小食但今天有少少趕時間食完呢個咁正海鮮大醬鍋都已經好滿足， 唯有下次同埋老婆一齊再食過啦， 值得一提呢度嘅服務生嘅服務態度越來越好，好有耐心的解釋地廳餐牌上嘅新食物係點樣， 又會話畀你聽 邊一樣係辣嘅邊一啲係可以走辣嘅， 服務員耐心真係好緊要。

之前已經嚟過幾次 唔知點解呢個地方好吸引久唔久就會諗起想食呢間😂 lunch time都幾多人 拎飛排隊都等左幾耐下(可能我哋多人😂🤷‍♀️)佢啲lunch set唔係好貴 仲要包一碗湯(er..好似係粟米蛋花。。之類) 同埋包熱飲 凍飲只係加兩蚊🤑👍 今次我叫咗泡菜燒肉豆腐鍋配飯😍 個豆腐鍋一嚟到 超級hotttt 入邊好多料😂 除左泡菜燒肉同豆腐之外 仲有韓式粉絲， 粟米 同埋蛋😍 其實我懷疑就咁食一個鍋 唔使加飯都已經夠飽😂 泡菜鍋唔係好辣 有愈食愈想食嘅感覺👍一句講曬 超級抵食!

新年快樂🎉🎊祝大家萬事如意心想事成🥰新一年豬年又點少得繼續食好西呢🐖🐖🐖今次嚟到女人街，依度攤檔多多，但係中心個條街兩旁嘅平食嘅食肆又有冇留意呢🤩========================🥢二人套餐B $169 (+$4========================🥢前菜🥣前菜款式沒有特別，粉絲、青瓜🥒、芽菜同泡菜醃得不過不失，算是開胃之選========================🥢傳統牛肉粒石頭鍋飯🥘 (牛肉粒 +$4)補左錢轉牛肉粒，冇諗過牛肉粒會咁大粒咁多，咬落肉質軟熟，肉汁係口中四濺🤤唔好漏左加埋韓式辣醬🥘燒熱咗嘅石鍋燒將飯同配菜保暖到食完都仲熱，仲有CM最鍾意嘅飯焦係底🤪不過可惜傳統石鍋飯有嘅菠菜🥬、泡菜等蔬菜欠奉，唔係真係咁「傳統」😢========================🥢韓式鐵板燒烤肉飯🍛豬肉煮得太耐肉質太嚡，食落過乾身，鐵板上油份過多太油膩，如果改做牛肉粒可能會好啲🤔========================🥢韓風一口雞🍗炸雞份量正正係一啖食得落😚炸皮薄，外皮香脆咬落有肉汁流出，點韓式辣醬🥫食酸酸甜甜😋不過食得過多就會幾油膩🧐以試吓🤤

黎到旺角行花市之前緊係要醫飽個肚，唔知食咩好就周圍行，意外發現呢間個餐牌都吸引又見幾多人食就試下啦！環境暗暗地唔太似一般韓式餐廳。先叫左個一人餐，前菜有泡菜，都幾辣，仲有個粟米蛋豆腐湯都幾好飲、清清地。一人餐$95 叫左個金菇肥牛烤肉豆腐鍋，唔算太辣可接受，好多粉絲同菜 正，肉份量都足夠我唔食辣，就叫左呢個韓式拌飯配烤肉，都好多配料，夠新鮮，個汁另上自己撈，甜甜地 幾好食！仲叫左個一口炸雞，都幾好食 唔會好油 雞肉又夠滑

放工之後晚上到旺角探朋友，他帶我到旺角通菜街的首爾石鍋燒，這裏是他平時的飯堂。 平日晚上餐廳都爆滿客人， 一坐低店員已經送上四款韓式前菜，輪到點菜環節，既然我朋友經常幫襯，今次就由佢話事食咩啦！ 他點了煎粉絲餃子$48，首爾沙律$58，泡菜石頭鍋飯$72，炸醬麵$68， 熱柑桔$10，凍檸樂$11。四款韓式前菜 ～ 最啱我口味就係青瓜和泡菜， 青瓜甜甜酸酸帶微辣，好正。泡菜爽口入味， 食韓國菜一定要有的前菜！煎粉絲餃子 ～ 餃子的皮很薄，煎得夠香又脆， 餡料有粉絲和豬肉， 點埋醬汁更惹味！首爾沙律 ～ 每次到餐廳都很喜歡點沙律 ， 感覺上比較健康。 今次這個首爾沙律的沙律菜新鮮，還有蟹柳絲， 味道清新！泡菜石頭鍋飯 ～ 由細到大我都很喜歡吃石頭鍋飯， 尤其是在冬天，因為食落暖笠笠 又惹味。 最喜歡鍋底的飯焦， 脆卜卜又香口。炸醬麵 ～ 雖然這一款是韓國比較普通又平民的菜， 但我就很喜歡炸醬的味道，有香濃的麵豉味， 再配彈牙的麵條， 就是一碗正宗又美味的韓式炸醬麵。飲品方面我們點了熱柑桔和凍檸樂， 熱柑桔滋潤潤喉， 凍檸樂夠解渴。最後我們食了咁多野埋單只是$294，真是又好味又抵食！

係高cp值嘅韓國菜🇰🇷$95包湯、前菜同主食 加錢有特飲🤩-韓式伴麵最鍾意佢面頭嗰隻韓式粉絲😍味道幾濃而且甜甜地🍲令到本身比較清淡嘅面撈埋之後多咗啲調味👌值得一提既係配料超足來到有5-6舊雞🤩全部都大大舊同埋配上特製既醬汁入口更加香☺啱晒啲想食韓國嘢但係又唔食得辣嘅人啊-泡菜烤肉豆腐鍋個鍋冒住煙，見到都暖曬🙈個泡菜湯小小辣，再配埋粉絲食真係幾開胃份量都有d多再加埋飯真係好飽好飽🌞-海鮮蔥餅 $58個煎餅好香呀🥰個邊有少少脆，中間係煙煙地韌咁個煎餅夾雜住蔥同埋原粒鮮蝦仔，值得一讚嘅係鮮蝦好爽彈😂我地兩個人清曬一舊不剩😎-韓風一口雞🐔 $42個皮夠薄一d都唔厚粉，亦炸得好香脆😝雞肉都好嫩夠曬juicy🙈點醬食好惹味，唔覺唔覺食左好多件😭😂/

窮遊香港-高cp值韓國餐廳.旺角女人街 咁多間餐廳今日講下一間抵食韓國餐廳啦呢間比較特別既😋一定要講下石鍋飯 同鐵板飯.一個飯跟2個配菜 隨機2款都係泡菜 芽菜果d 但我最鐘意都係青瓜😍👍🏻厚切 爽口 酸酸甜甜小辣 唔錯👍🏻仲有機會係小小韓國炒粉絲 過下口癮.今日叫左⭐️傳統石鍋飯 配牛肉粒$72（可睇片）😋睇到出哂煙都流口水（ig有小小影片睇）🤦🏻‍♀️我地掛住影相....底下多左層飯焦（睇個人喜好）‼️建議快d炒好佢 趁熱食（唔好學我地）.⭐️泡菜鐵板燒飯 配牛肋骨$88（可睇片）（‼️如果配烤肉 雞肉$68炸 抵食）😋呢個韓國醬汁好好味個汁比個超熱既鐵板收左水（偏咸）👍🏻但加埋飯一齊岩岩好👍🏻牛肋骨都大塊 調味十足 夠入味👍🏻唔鐘意淡口既人 呢個鐵板飯一定岩你⭐️推介.野飲方面 跟餐平d加$3-5(可睇菜單）飲左⭐️凍蘆薈茶+10底下有唔小蘆薈 清清甜甜 唔錯⭐️凍柚子蜜 +10呢杯 好甜（通常餐廳都係放到勁淡 呢到我比like👍🏻）但我自己加水（1杯變左1.5杯 抵飲😂）（店主見到唔好話d員工呀）.#首爾石鍋燒地址：旺角通菜街21號地舖.⭐️評分：味道：4.5/5 鐵板飯真係好野味環境：4/5

有時放lunch諗唔到食咩就會行果條街睇下有啲咩食皆因嗰條街太多嘢食啦一定有啱嘅嘢食入去之前見到間鋪頭環境好昏暗仲經常播韓國嘅歌氣氛唔錯坐低嗌嘢食之前佢哋會俾個粟米羹我哋飲作為前菜之後我同分別叫左唔同嘅石鍋湯飯同石鍋飯朋友叫左年糕烤肉豆腐鍋 跟飯成個鍋份量好多年糕同烤肉嘅份量各佔一半成個鍋唔係好辣得就叫泡菜餃子烤肉豆腐鍋 跟飯泡菜餃子得幾隻 數量唔多味道唔錯烤肉同豆腐嘅數量各佔一半兩個豆腐鍋入面都有啲粉絲啲粉絲勁索味入哂味咁 好正食完勁飽另外朋友都叫左兩個石鍋飯泡菜烤肉石鍋飯 傳統石鍋飯雞肉啲辣醬可以因應自己想食幾辣去調整嘅幾貼心個飯唔會好油膩食到尾尾都好多飯焦

今日係旺角想食韓國🇰🇷嘢，但係又唔想食炸雞🍗，就嚟試咗呢間OpenRice都幾多好評嘅首爾石鍋燒🍲自己本身都幾鍾意韓國嘅豆腐湯，所以就叫咗兩個嚟試喇，叫咗個海鮮🦐烤肉豆腐湯，同埋蕃茄🍅泡菜烤肉豆腐湯，兩個個湯底都幾好味，有泡菜味不過又唔會太辣，啲烤肉🐖都好好味，好淋身，好入味😋，豆腐鍋可以揀跟飯🍚或者跟手打烏冬，我就每樣揀咗一個，變咗泡菜湯烏冬🍜另外小食就叫咗韓風一口雞🐔同自家製泡菜炒雞肉🐔，個炒泡菜比起就咁淨泡菜好食d，味道豐富啲，啲雞肉都好嫩😋

小店在女人街近登打士街的一段。今天下午在這裡點了叉燒烏冬。烏冬好吃，但叉燒有點像是煎過的？所以連帶湯也有點油的味道，味道是Ok的。看到別人的蛋包飯好像好大好好吃，下次來要試一下。如菜單上加上素食的選擇會更好。熱檸茶有點洗潔精味...這是在茶記常會遇到的。通常用膠杯裝熱飲就好易有這情況，要留意一下！這裡的服務不錯，服務員都很有禮貌的。

哩間首爾石鍋燒可以話係我嘅飯堂。平時如果係旺角唸唔到食乜就會黎哩度食。佢d食物質素都幾穩定而且一年四季都啱食。今次我同朋友就叫左就叫左烤肉石鍋飯，部隊鍋，韓式粉絲煎餃，凍柚子蜜，凍柑桔蜜。 先上係兩碟前菜共四款。其中泡菜我至like因為真係又酸又辣，很爽口好味。青瓜也很不錯。烤肉石鍋飯賣相很不錯。上檯時吱吱聲感覺很爽同埋有好味飯蕉係底。配料同埋烤肉份量都很多。我地急不及待將飯/配料/烤肉/生蛋黃撈一齊，一路撈一路感受到香味濃郁。哩度嘅部隊鍋我個人覺得比食開的材料豐富， 因為除左有腸仔/雞蛋/午餐肉/辛辣麵/芝士，仲有泡菜餃子同埋泡菜，口感很豐富，味道更濃更刺激！韓式粉絲煎餃係唔辣的煎餃。裡面有豬肉同菜同粉絲。餃子皮唔厚我最like。煎得很香很脆。點埋個汁黎食味道剛好。凍柚子蜜同埋凍柑橘蜜係半價。味道剛好唔太甜。食熱野飲哩個最適合既冰凍又解喝。

唔會係首爾搵到李d食物The best thing about the meal was the plain rice The kimchi pancake had no kimchiThe kimchi pork stew had some weird meat in it

前嗰幾日天氣突然間轉凍，令我好想食啲熱辣辣，暖粒粒嘅食物！食韓國嘅食囉笑就啱晒啦！家住太子嘅我即刻搜尋下附近邊度有抵食又好食嘅韓國石鍋燒，見到呢一間嘅評價都唔錯，即刻狗衝過去食😋😋😋😝 佢其實就響通菜街兩旁嘅餐廳，唔算難搵，連閒曰都爆棚，都幾多人幫襯。我哋見到每人都點咗石頭鍋飯或豆腐鍋，搞到我又想點，咁啱見到有個$179二人套餐可以揀一個石頭鍋飯同埋一個豆腐鍋，包一款小食，我哋揀咗呢個二人套餐另加d小食。佢哋先上前菜四小碟，都係泡菜辣芽菜青瓜嗰啲，令我們胃口大開！我哋首先揀咗個牛柳粒石鍋飯，佢嘅牛柳粒超嫩，而且牛柳份量唔少，啖啖肉啱晒牛魔王！加上其他嘅配料如溫泉蛋泡菜等攪拌一起食，口感好正呀！最正係因為個石頭鍋keep着好熱，過咗十幾分鐘之後開始有飯焦，仲好脆！😋 另外我哋揀咗海鮮豆腐鍋，加$6配烏冬，海鮮都係青口，蝦果啲，最正我覺得係佢嘅豆腐同埋辣湯底！豆腐索晒啲湯好入味！👍佢嘅辣湯底唔算好辣但係好惹味，烏冬又係勁挂湯，果然冇選擇錯，食完個豆腐鍋全身都暖晒😋👍 小食方面我哋揀咗一口雞，呢個又係必食，雖然係炸但係一啲都唔油膩同好乾身，食完都唔覺得熱氣😝小食方面我哋揀咗一口雞炸得香脆多汁