首爾石鍋燒

營業中

休息中

想食個午餐再反工者。入去話要搭坐。我五介意。只係你地5：15完下午茶。。我都做过reception 。全場得一兩張枱都話要搭。。。。有冇誇張左。。我男朋友食左野。陪我食坐10分鐘都完拉下午茶。。。要最低消費。。。晚餐咩。。。食個反都搞我我火爆！

前陣子還是寒氣逼人，除了煲仔飯，韓國石鍋飯亦不失為一個好選擇。前菜四小碟包括泡菜、粉絲、青瓜及藕片。爽爽辣辣的開個胃口，作為前菜少少的已然足矣。炸雞脆粉少，仍食到雞的肉汁和滑溜，本身已夠味，小人喜歡不沾茄汁來吃它的原味。烤肉石鍋飯就跟預期一樣，很多烤肉和泡菜，當蛋液爬到下層熱呼呼的飯粒時，熟度剛剛好，連料連飯一起送進嘴裡，就是一口的豐富滋味。別忘掉鍋邊的飯焦，亦是烘得脆脆的，建議先吃，免至鍋身太熱燶了變苦。吃後渾身暖笠笠，亦屬一條解凍良方！

行經女人街，見到新開舖的韓式食肆，剛巧又有點肚餓，便進去試試吧。石鍋泡菜豚肉湯烏冬，辣味十足，難得一見以蕃茄伴碟，泡菜及肉片份量適中，烏冬質感亦不錯。泡菜肉醬炒麵，外型極似豉油皇炒麵，只有少量肉碎，以$36下午餐來說，的確不能要求太多。整體來說，這是間一以韓式名字打造的港式食肆。

行旺角行到攰加肚餓五點幾六點左右走左入依間韓式餐廳食個好早既晚餐《傳統石頭鍋飯》個石頭鍋都夠熱 做到有飯焦效果個醬汁唔辣偏甜 味道普通不過不失《豆腐鍋烏冬》湯烏冬味道比上面個飯辣加上個石鍋好熱令到可以不停滾冬天食最啱豆腐都夠滑 湯底濃不過食得慢啲烏冬會林晒鍾意食硬身烏冬嘅 建議問佢拎定個碗 肉唔算林 但味道都可以總括呢間韓國餐廳不過不失不過旺角好多餐廳下次可能會試其他😝

兩個小女人難得放假，梗係一齊行旺角，行到肚餓餓，於是我地放棄朗豪坊，行去支持小店，行下行下，行左去女人街，係無咩方向感亂行，行到累就行左入「首爾」。間店都好有情趣既，黑媽媽，有好多聖誕燈飾既吊燈，水吧個面比較似日式多過韓式，情侶去食的話幾有ＭＯＯＤ，兩個女人吹水都好得既，於是我地拍板叫左傳統石頭鍋飯(烤肉)，芝士炒年糕，炸一口雞，前菜（泡菜加青瓜），餐湯（蛋花粟米湯），可能個日我個人好凍所以我好鍾意個餐湯（蛋花粟米湯），雖然細細碗，但我好夠，之後前菜（泡菜加青瓜）就正正常常冇咩特別，比較值得推介的是傳統石頭鍋飯(烤肉)，好正呀，牛肉真是入味架，天寒地凍暖笠笠，鍾意叮飯焦的話，必叫架不過一開始其實是個炸一口雞上先，唔粉，但普通，唔算好有印象，另外芝士炒年糕，芝士咪個醬係好好的，但我不太鍾意個炸麵底，我朋友話好食，不過我唔太鍾意，但年糕配芝士係好的配搭，整體水平唔錯，服務人員都好既，可以再嘗埋其他。暫時冇錢去首爾，就去住位於香港旺角女人街的港式「首爾」飯店吧！

今晚行完旺角食埋晚飯，先慢慢返屋企！ 經過見到鋪面ok又好耐未食過韓國野，就入去首爾試下，一坐底侍應好快就拎左d前菜比我地慢慢食住先，叫我地慢慢揀好食咩先叫返佢，侍應服務態度非常好呀👏🏻，2個人前菜都有4款，泡菜，青瓜，蓮藕片，粉絲，前菜味道都幾好食，食完即刻更加開胃！年糕烤肉鍋烏冬底，熱辣辣石鍋上枱，一鍋份量都幾多，配料好多，溫泉蛋，粟米，獅子狗，鳴門卷......，烤肉半肥瘦，食落好淋好入味，鍋底既烏東索晒郁濃湯底，非常惹味！辛辣麵粉年糕，都底一d都唔乾身，辣辣地好惹味撈埋青瓜絲一齊，一啖裡面又有爽口既青瓜絲又有彈牙既麵食落口感更顯層次，年糕煙煙韌韌，都好好味！大蝦泡菜烤肉炒飯，飯都炒好乾身，辣辣地都幾惹味胡麻玉子沙律，始於係送既不過不失，食落可以減少油膩感，都唔錯！

今日陪朋友去買波鞋，係好景商場，諗住係附近求其搵間餐廳食！就轉左去女人街搵食！我地見到間韓國野入面都唔少客人！諗住應該唔錯就入左去食！我同朋友叫左個石頭鍋飯同泡菜餃子湯烏冬！泡菜湯烏冬，泡菜味唔重，但湯比較辣，菜肉餃子好好味，皮唔會太厚！唔錯！石頭鍋飯我地要左烤肉，烤用其實係肥牛可惜有點太熟！會乾左d!但拌飯好好味！唔會太濕，味到重！岩哂我食得濃既口味！飯焦亦好脆！好好味我會介紹朋友黎食因為唔太貴又好味

韓風吹吹吹，吹到而家都仲一直愈開愈多。首爾石鍋燒年多前同朋友食過一次，一直都好想再泥多次，趁住今日放假，就同朋友去回味一下！ 今日再來，已經開左分店，分店坐位更加舒適，食物選擇更多更有特色。牛肋肉生菜包 三件（$50） 牛肉油脂滿滿，包在青翠嫩綠的生菜試再加上蒜片、辣醬等，口感非常豐富！ 韓風一口雞（$25） 炸雞外層脆卜卜，香口且肉質嫩滑，配上茄汁又幾好味！ 香煎泡菜餃子 三件（$28） 泡菜餃子一份三件，餃子入面包住泡菜、粉絲等，香口惹味，餃子皮薄易入口。 女神雞翼 三件（$28） 雞翼是珍寶size的，肉厚肥美，外層香脆，內層肉質嫩滑，配有三款醬汁包括芥末沙律、沙律、泰式辣醬。 海鮮蔥餅 5.5吋（$40） 蔥餅比外面吃到的做得非常出色，一般吃到的麵粉太厚，而這裡的麵粉比例剛剛好，香脆可口，配料還有蝦仁呢！ 阿豬媽炒雜菜（$38） 雜菜有西蘭花、玉米筍、菜心、冬菇等，清甜爽口！傳統烤肉石頭鍋飯（$65） 石頭鍋飯粒有嚼口，很香！烤肉份量夠多，配合不同配料和辣醬風味十足，惹味又好吃！ 泡菜窩（$65） 跟飯 轉手打烏冬加$9 泡菜鍋份量超足，而且夠熱辣辣，手打烏外

星期日岀旺角行街，想食下石頭煱飯，於是就去左'首爾'了午餐會有湯同泡菜跟餐，我點的是雜錦海鮮石頭煱飯。我其實很怕食辣，首爾的泡菜不太辣，易入口，味道不錯，湯就不過不失，不太鹹，但沒有驚喜。石頭煱飯十分足料，雖然賣相普通，但勝在夠味道，飯焦不會太硬，海鮮又多，算係幾抵食

一黎到櫈都未坐暖（五分鐘都冇）就不停催催催，唔講我以為自己去咗澳牛要食光速餐可能佢地淨係鐘意招呼二人枱一大堆人就唔多歡迎咁，或者因為間鋪太細太迫啦所以先咁樣Menu都未睇完就催點野食跟住我係點咗個烤肉石頭鍋飯有朋友係點鐵板泡菜鍋飯，韓式拌飯，泡菜石頭鍋飯，海鮮烤肉豆腐煱等等我點嘅係泡菜石頭鍋飯，味道一般，唔算出色。跟住佢黎左個伴飯有兩個朋友點咗，但佢地分別坐對角，佢拎左一碗汁黎但兩個人分，好唔方便，我地有兩個人點可樂又唔見佢1樽1L咁上總括黎講，味道一般但價錢唔平唔值，環境比較迫，同隔離枱連埋一齊咁，出面未有人等已經催促我地點野食，搞到好似快餐店咁

上星期，同好友到旺角覓食，首選韓國菜，行經女人街時，被「首爾」招牌所吸引，剛好滿足我地想食韓國菜的心願！我們點了二人套餐，有前菜三小碟，當中泡菜最值得推介，惹味醒胃，令人食慾大增，其餘兩款不過不失。主食我們選了泡菜豆腐烤肉鍋和牛肉石頭鍋飯，泡菜鍋辣道適中，豆腐嫩滑，加上軟滑彈牙的手打烏冬，整體配搭一流！但牛肉鍋則沒有太大驚喜，味道尚可。總括而言，以百多元一個人的價錢吃到如此質素，可以說是性價比十分高，經濟實惠之選！

我地大學呢班人時不時都會一齊去食下野而其實食過一次我個人覺得唔抵食但第二次食因為有 coupon 加上識點叫所以今次幾抵食既 一大班人可以叫個啲多人餐再另外加啲主食，雖然咁叫會少左幾杯野飲（因為多人餐會有幾杯野飲），但佢啲野飲都好普通，去隔離7仔買仲好啦叫左幾個石鍋飯 拌飯 拌麵 好多小食 有雞有煎餅 總之佢menu 上好多野都叫左 冇野係伏既不過石鍋拌飯都幾好食（叫左牛同雞），幾入味但係拌麵唔好食，因為個醬唔好食而個豆腐鍋係好食既小食（炸雞同煎餅都唔錯）佢會送伴菜整體味道唔錯 呢個價錢都幾值

走進女人街(通菜街)會發現兩旁都會有不少食肆，但成日都被排擋遮蔽🙈而且人又多路很少，所以都急急離開~係時候放慢腳步🐾要學習 ‪#‎慢活‬ 的人生了-這店係我有一次晚飯時間發現人龍才留意到👀所以今次同爸爸專程來的-先來韓式前菜三款，最鍾意食佢個泡菜👅唔太酸帶點微辣<泡菜、粉絲、青瓜>< 海鮮烤肉豆腐鍋 > 🍵$70石鍋上枱時超滾🔥入面有數款(蝦、日式魚片、青口)配上烤肉、豆腐、粟米和粉絲，再跟一碗白飯，食落都算幾野味😝如果個湯再濃多少少就好了<女神雞翼> 🐔$30即點即炸又輸得去邊😁3隻雞翼配3款醬汁，食落非常香脆😋雞翼本身有醃過，醬汁只是增添層次<韓風一口雞> 🐔$39這個令我想起啤酒🍺都算外脆內嫩，肉汁鎖得唔錯<韓式燒牛肋骨> 🐮$80碟上會跟上生菜和蒜片，可以當配牛肋骨一起食，肉質都幾嫩腍🔥燒得幾好唔會太乾身另叫了凍柚子和凍柑桔 $18跟石鍋餐會有一杯半價

暑氣迫人, 熱得要命, 實在不能在街上流連太久, 尤其在人多車多的旺角, 某天放低了BB購物完, 即使已到黃昏時間, 熱氣仍包圍着整個身軀呼吸, 還是找間食店降降温吃一餐最好. 也很久沒有來女人街揾食, 這裡已改變不, 長長的兩邊街道, 開設不少新式小店, 當中以日式和韓式食店最多, 既然這天沒有BB一起, 兩口子找吃就簡單和隨心得多, 剛巧在女人街看到一間小店, 以韓式石窩招徠, 雖不是什麼靚裝特色餐廳, 但看門外餐牌食品價格不高, 想到惹味的泡菜和石頭飯, 也能開開悶熱而欠佳的胃口, 就決定一試. 店子不大, 都以基本二人枱組成, 昏黃的燈光, 也算是簡單和經濟飯聚的選擇.​周六的晚上人流不少, 門口擺放着當眼的餐牌, 名碼實價, 價錢食物也合預算就推門而入, 沒有神秘故弄玄虛, 清楚直接倒很適合旺角style.​食物種類有石窩飯, 鍋物, 麵食, 小食等, 價錢相當相宜, 都不過數十元而已, 選擇也夠多, 還打正熱爆韓食潮流, 難怪食客中佔了8成是時下年青人. ​炎炎夏日還推出了幾款新菜式, 似乎很吸引.​但比較化算還是點dinner set, 有前菜, 餐湯, 主食和飲品, 也

我未食過一間自稱韓國餐廳嘅冷面係咁誇張～用日本豉油湯底～仲要係日本冷面～問餐廳果個男侍应點解韓國冷面會用呢種面～一句好串望都唔望人咁話:我老細話事係咁～我打工嘅～唔關我事！我真係成肚火～後來有個員工同我講打個9折俾我～我唔係要你個折囖～唔識整韓國冷面就咪打呢個招牌～當人白痴吖！