養心殿台式養生鍋 (已搬遷) 新店位置

同朋友已經第二次幫襯覺得味道好 ！ 環境ok係暗左d 👀價錢合理! 因為2次都係咁傾計講野 而且好好食， 完全無時間每一樣影相😂第一次食完， 第二都會再叫既食物鹽蘇蠔仔酸菜白肉鍋 鴨血 寛麵 👍🏻👍🏻👍🏻2次去， 都發現有個男仔頭既女侍應超級好服務態度 好好人！令到餐廳服務加分。

一直都好想打邊爐打得健康啲，試下啲聽個名都知補既湯底，於是就拉左男友黎試下呢間養心殿，真係聽個名都覺得健康左。入到去，間野裝修好有中國古代風，暗暗地但有好多紅色燈籠掛喺周圍，令到成間野都有泛黃既柔光，望落幾舒服。一場黎到，點會人剩係試一個湯底，我地叫左個鴛鴦鍋，一邊湯底係麻辣鍋，滿足男友口味，一邊就係寧神養心鍋，就我食既。麻辣鍋就正正常常，我地叫左少辣，食落都麻而不辣，唔會太影響我地之後食既野，同埋佢有鴨血送，鴨血配麻辣湯好正，仲有啲凍豆腐喺底，唔駛突登叫都有得食，吸哂啲湯好過癮。而個寧神養心鍋真係好驚喜，佢地推薦我地飲左個湯先，個湯真係好好飲，有少少似胡椒豬肚雞，唔知係咪個湯補，飲完會成日㷫恰恰，入面仲有好多配料，有烏雞，同一條魚，仲有一堆藥材，條魚食落都好滑同有魚味，我地剩係飲湯同食入面啲料都飽左三成了。跟住啲火鍋料開始上，我地叫左肥牛，年榚，鴨片同頂級鮮蝦水餃，肥牛卷得好靚，雪花都分佈得好平均，入口即溶果隻，牛味亦重，算高質。年榚就好煙UN，配麻辣鍋一流，個水餃亦都好足料，一咬落去全部都係蝦，都最後最特別既就係個鴨片，初初以為佢係好似雞件咁，點知上到黎時原來係好似肥件咁一卷卷，淥

今晚相約舊同事敍舊，同事喜歡吃火鍋，今晚就選了在香港有數間分店的台式火鍋養心殿來吃個養生鍋吧！台灣有很多火鍋店，除了有吃到飽的火鍋店後，這些滋補養生的火鍋也愈來愈受歡迎，慶幸香港現在也有這類型的火鍋店呢！養心殿的裝修很雅緻，古色古香，每枱也有足夠的空間，也不像一般吃火鍋的酒家熱鬧嘈雜，在這柔和的燈光下，讓人心情都平靜了下來。調味料有六款，可隨個人口味而選取！餐廳主打養生火鍋湯底，我們當然選個養生鍋吧！養生鍋用人蔘和老雞，再加專貴的藥材精心肴制而成，湯有著濃濃的人蔘味，也很鮮甜。鍋內有鋒巢豆腐，鴨血和野菌，吸收了湯的精華，又滑又入味！嘉美農場雞肉$108本地土生土長的嘉美雞，肉質纖細，連雞胸肉也爽滑，不黏牙，充滿雞香味。日本牡蠣$138很肥美的日本蠔，入口juicy，質感嫩滑,很有蠔味！霜降肉眼肥牛 $178肥牛的脂肪分佈平均，脂肪呈乳白色，顏色鮮紅的，十分新鮮。灼熟後的牛肉肉質仍然嫩滑，入口有陣陣的牛肉香味。手工丸併盤$108一共六款，每款都各有特式。當中較特式的是梅菜豬肉丸及黑松露牛丸，彈牙juicy！日本山藥$88山藥一向是有益的食材，日本山藥肉質較細嫩，含水量高，煮熟後又粉又稔。

最近有啲掛住台灣嘅火鍋，於是就黎左食台式火鍋喇左邊係酸菜白肉鍋，入面有好多豬腩肉片同寬粉條，啲粉條都有茶樓啲碗三碗左右嫁。右邊係麻辣鍋，叫左中辣，不過個人覺得都唔算好辣，入面有好多鴨血同凍豆腐，啲豆腐中間有好多洞洞，好吸湯。極上雪花肥牛，好快就熟因為濃底較為濃所以食落牛味唔係好重手工丸拼盤，好欣賞佢嘅黑松露蝦丸，黑松露味好重好足料啲手工丸全部都好爽口彈牙魚皮餃大大隻，個皮唔會太厚除左火鍋之外，佢仲有啲小食嘅，鹽酥雞炸到好脆，啲雞肉好嫩滑岩岩好一啖一粒

作為搵食飯團忠實觀眾，好記得第一次聽養心殿呢個名就係大半年前節目入面介紹，對個湯底同千層豆腐好深印象，今次終於下決心預早一星期book位黎試喇。見有咁多款養生湯底選擇，當然做足功課。 最吸引我既就係最貴既烏雞桃膠湯底 - 美人鍋 ($188)，由於鴛鴦鍋以較高價錢湯底收費，換句話講雙拼都係一樣價錢，師奶心態當然要揀多款啦。麻辣鍋、酸菜白肉鍋同秘制薑母鴨鍋都幾吸引，但要就其他人口味，最後揀左美人鍋拼養生鍋 ($188)。當烏雞、桃膠、人參、鴨血、千層豆腐等出現係打邊爐既湯底，叫咩料已經唔重要。 美人鍋有濃郁既烏雞幽香，養生鍋似藥膳得黎好清甜，全程不斷怒飲，滑溜既食材撈極都仲有，未開波就飽左大半。即炸脆響鈴 ($68)響鈴散發出猶如麥記薯條既誘人氣色，淥兩秒盡吸烏雞湯既精華，酥脆鮮甜，慶幸佢遇上老火湯底先能夠相得益彰。手切牛肉 ($238) 細雪花分佈平均，即使熟左係燈光下依然見到透亮既花紋，入口腍滑甘香。老實講比想像中細碟好多，但都幾襟食。芝士牛肉丸 ($48) 半份扎實彈牙好有牛味，芝心唔算好澎湃，只帶輕微奶味，都係芝心丸開心d。蟶子皇 ($48/隻)大大隻蟶子皇好厚肉，鮮甜彈牙，略嫌

趁天氣未回暖約好友食個火鍋，之前都見過呢間火鍋店有好幾間分店，今日終於一試，果然有驚喜。地點好方便，地鐵站行幾分鐘就到啦，木製裝修為主，都滿有中國特色😀我地揀左鴛鴦火鍋（麻辣+酸菜白肉），另外仲免費追加一碟酸菜白肉，本身火鍋料已經份量唔少，免費追加令我地喜出望外😃因為太肚餓等唔切火鍋，先叫一個小食鹵水拼盤好入味！豬腸唔會太多肥膏，牛肚夠腍，好食！麻辣鍋我地叫左小辣，材料有鴨血、蜂巢豆腐。酸菜白肉除左酸菜、豬肉片外，仲有番茄同寛條面，寛條面吸收湯汁好好味，唔會過咸過酸。太好味所以我地再叫另外放麻辣湯😈面類另外提供器具隔住面煮👍🏻我地點了黑松露蝦丸、鵝肝墨魚丸、麻辣牛肉餃，我個人最喜歡黑松露，味道夠濃，丸夠彈牙。本人喜歡貢丸，所以都點了一份，唔好以為係普普通通既貢丸，但好有水準，夠大粒夠彈牙，見到一條條冬菇絲，材料十足。再點了一碟響鈴，夠乾身唔會油腍腍😃三秒定律😂點上麻辣湯汁味道一流另外店員服務有禮貌，自動過來加湯加茶食得好飽好滿足的一晚😄會再來幫襯。

天氣有啲轉冷，就想食啲暖粒粒既野食，自自然然就想打邊爐，因為剛發新水，要對自己好一點，又唔想去啲平平地又冇質素既地方，就諗起之後朋友講過一間質素高既火鍋店係銅鑼灣個頭。好彩個日早去，唔洗等位既情況下，好成功入去坐，一黎就揀左個湯底先叫做寧神養心湯，之後點左雪花肥牛，一口牛肉粒，芋絲什錦蔬菜拼盤，闊條麵，芝士牛肉丸同羊肉片。湯底好入味，每一啖湯都吸晒精華，而且肉類好高質，同外面食個啲非常不同，食得出個質素同口感，個人喜歡食芝士牛肉九，食第一口都感覺到芝士味，冇得輸，而且食既氣氛好正，2個人食價錢正常。好食好食

朋友book左呢間話要食美人鍋..初初都唔知係咩黎，原來係台灣嗰種養生火鍋~食落始終係有味精，不過起碼湯底都算足料..起碼每人都有幾舊桃膠！食物都算新鮮！不得不讚係啲肉，好鮮味！餃子都係必食，正！價錢唔算平，不過有機會都會再黎，感覺會比普通邊爐健康dd la~

My family and I were here for gathering. The area is nice with our own corner which has enough privacy. We first ordered a broth and the waiter is nice that explain and recommend what’s good The beef cube and lamb are super tender and rich in flavour . Suits the broth perfectly. The quality is nice too We mix and match our own sauce as well. The vinegar and garlic sauce are special The meatball are handmade with fresh meat. I like the beef ball the most Overall the whole dinner quality is nice

香港麻辣火鍋店越開越多，今次同朋友去呢間以養生為主題，除咗麻辣湯底之外仲有寧神養心鍋、酸菜白肉鍋、秘製姜母鴨鍋等等！湯底可以揀鴛鴦兩種口味，但係我同我朋友由於超級鍾意食麻辣，所以淨係揀咗一個麻辣口味湯底，呢度嘅湯底唔係死辣、好麻辣嘅感覺，湯底有啲養生材料例如龍眼肉，幾特別。每個麻辣湯底都會附送蜂巢豆腐同埋鴨血添！手工丸類拼盤呢個拼盤可以一次過試晒咁多種唔同口味嘅手打丸，有梅菜豬肉丸、鵝肝墨魚丸、黑松露蝦丸、芝士牛肉丸等等，每種手打丸都好高質素，夠曬彈牙之餘仲落足料，絕對值得order !! 年糕年糕索晒湯底嘅味道，而口感夠煙韌響鈴呢度嘅響鈴係佢地自己炸的，響鈴夠脆，索埋麻辣湯底，正！雪花一口肥牛粒肥牛粒一啖一粒，牛肉味重，唔會有雪味，而且份量都唔少，差不多有成20粒！一餐十分滿足嘅火鍋，材料新鮮，款式多元化，湯底亦有意外驚喜👍🏻

鋪名聽人講就聽得多，試就未有機會試，好友生日話想食，就黎潮下聖樣就幾靚都足料 打邊爐唔少得牛 味道ok la,價錢有少少偏貴，唔係話叫左好孩野食，不過9點半後有折 。唔係話好味，不過不失，正常質素，不過服務一般，唔夠人手，好似好忙咁。

突如其來的氣温下降，女士比較容易手腳冰冷，每逢月事都唔舒服，現在從食物中找尋養身之道。。養心殿由於地點在友光大廈，初初我只能揾到住宅方向的入口食店的入口是向大馬路方向惠康旁美人鍋 $188個鍋名咁，係女人都會叫la唔知食左係咪真係會靚d lei內有桃膠，烏雞及用杞子，南棗，金華火腿肴整的湯底桃膠增加骨膠原，烏雞又可滋陰補虛--女仕恩物湯底--打邊邊前每人都飲左一碗湯，湯底肴得幾好味，味清以香必叫 手切牛肉 $338/大色澤紅潤，油花分佈平均，口感軟滑餃子拼盤 (6款餃子各兩隻) $118極品水餃，鮮雲吞，韮菜餃，辣牛肉餃，魚皮餃，水蓮餃整體全部餃子都係皮薄多涵，好味辣牛肉餃真係辣，搶左牛肉味芝麻湯圓6粒 $48芝麻湯圓都係皮薄多涵的靚貨但建議一早叫一早食， 第一樣放的食品今次我地最後先放去滾當甜品食但外皮吸左湯汁，味道怪怪但內涵芝麻香滑稻庭烏龍面 $48夠大份，軟身杞子菊花圓肉露$68有明目清熱功能凍飲，如要熱需等二十分鐘味道少甜，飲落喉嚨幾舒服，好香菊花味服務唔差(係有一個個樣特別黑面外)， 待應人手充足， 但食到最後係有少少逼你走既感覺 咩感覺？不經意身邊有人走過望下你食晒野

這間台式火鍋最近在幾間都開了店,由於身邊吃過的朋友都有好的評價便逛誠品後順便嘗嘗。$188我們點了鴛鴦火鍋，上邊是美人鍋下邊是養心鍋。兩湯底一上滾後即各勺了碗喝。養心鍋很清甜，美人鍋則味道很鮮及惹味。想味道重推放美人鍋，蔬菜則推用養心，不論哪個湯底因用料豐富，所以完全不用醬油增加味道。鍋本身的料也多，美人鍋的雞肉出味後也不會覺硬身。$178霜降肉眼肥牛，挺肥美，下鍋後快快夾起會覺嫩滑。$68香脆比一般火鍋店的能泡久入味一點也不會太快爛。$48-半份鵝肝墨魚丸，裡頭是包著鵝肝，要慢慢吃鵝肝的味即會滲出來。丸本身挺彈牙有咬勁。$42-半份自家製水蓮餃，用了水蓮咬感比較香脆爽口，味道清香，好吃力推！$68鮮甜三蔬粟米甜，秋葵推嫩淮山爽身。配養心鍋一絕。這間店朋友沒說錯，鍋底真的很讚，中途養心鍋愈熬愈好喝。美人鍋則會因肉變得更重味看大家喜好。期待下次再吃。

湯底鹹到爆，食物份量少，每人四百都食唔飽唔好幫襯...唔好似為咁多booking,多人等位就一定好食，d 丸勁細粒，單點之中呢間應該唔太啱食好貴好貴...太少侍應，又唔加茶...所謂養生鍋，唔知係咪因為怕唔夠味，落得太重手，仲越食越鹹，完全係貼錢買難受吖。如果你想試嘅話，除非你鐘意食好鹹同食唔飽（可能係養生嘅一種），先到好黎。無論係美人鍋定養生鍋都鹹到飛起...d肉嘅份量好少，三個人食每人得3,4片，已經168一份，物非所值

呢排香港天氣又轉涼,凍冰冰夜晚最岩食返個火鍋暖下身,記得係台灣時食過養生鍋念念不忘,係香港要找正宗的很少,這間養生殿之前剛開業也食過,覺得跟台灣的味道一樣,環境闊落舒服乾淨,第三次食一樣咁正這次選了寧神養生鍋,湯底豐富,有多種名貴藥材,鮮魚,烏雞,藥材味重,感覺健康,飲湯,食雞和魚都夠飽,所以我們不點太多肉的食物點了即炸脆響鈴(必叫的)香脆鬆化乾身又不油膩，浸二秒即夾起，吸左湯底既味道咬落口也是脆脆的半份水蓮餃+半份韮菜餃值得一提的水蓮餃，皮薄料多及爽口，味道清新又健康雜感蔬菜盤及鮮甜三蔬點多少少蔬菜平衡下，蔬菜烚完吸晒藥材湯汁，爽甜而且選材優質，正呀！紫准山麵食落都幾好食,連麵食都養生，佩服杞子菊花圓肉露打完邊爐點少得黎杯清熱飲品