養心殿台式養生鍋 (已結業)

最近同屋企人去左荃灣呢間「養心殿台式養生鍋」到打邊爐，入面嘅環境好舒服，好似間開左好多間房咁，非常夠私人空間。食物方面，湯底非常特別，大部分都係滋補養生嘅湯底。另外，有好多唔同特色嘅湯料俾食客選擇，而我哋就揀咗（美人鍋）裹面有好大隻嘅黑烏雞，不但美顏，而且仲有益健康！而我地都試咗好多唔同嘅食材，其中（炸響鈴）非常新鮮香脆，即叫即炸，而且份量都算。仲有墨魚蝦滑，雖然外表份量細，但一放湯時便會脹起黎，又滑又軟熟，好似食緊魚蛋一樣。除左呢啲之外，例如粟米，茹類等都非常鮮甜架！