養心殿台式養生鍋 (已結業)

一到來不用等位，招呼中規中矩，但被安排到門口的位置，不太好坐。 環境空氣不太新鮮，油煙四處。 有特置調味區，有多款醬汁任選。叫了最出名的滋補湯底，份量夠。另外叫了鴨血，手打丸，油炸鬼，硬豆腐，肥牛，辣牛肉餃。員工不老實，不告知原來湯底早有鴨血，害我們吃了超多😭，油炸鬼不脆而且好硬好靱，硬豆腐，肥牛都尚可以，手打丸幾彈口，辣牛肉餃，內裡有很多小辣椒🌶️，味道像是北上食的麻辣口味，但蓋過了牛肉只剩下辣味罷了。結帳成千銀，如果以這種質素來說，是不太合理。

現時做緊推廣，預約訂位7:30pm 前結賬離座有半價優惠。食材十分高質素，湯底亦很美味。我選了美人鍋和麻辣湯底，其實湯底真入係飲得的，建議飲一兩碗湯才開始煮野食。Fyr, 3大2小, 半價後$850，值得一試。不過冇半價就真係不便宜。

近期友人間最hit嘅話題就係去食養心殿美人鍋。我地兩隻為食豬，都幫襯過兩次喇，寫少少總結先。首先價錢方面，就一定貴架喇，個鍋底本身都hkd 188，加埋呢加埋路咁咪一人兩舊幾水走唔甩？唔緊要，因為而家新張期間，7:30前埋單，有半價；8:30前埋單有7折。很吸引嘅。我們二人兩次都你六點左右到，食得倒個湯底，就食唔晒另外叫嘅火鍋配料，所以喜歡慢慢打嘅朋友，4:30乖乖坐定定。火鍋湯底有6款咁多，我地分別試左美人鍋同埋寧神養生鍋，餐紙上面寫左每款鍋入面有咩配料，同埋每款配料嘅藥用功效，絕對好適合需要進補嘅都市人，選擇當下個適嘅湯水喇。另外記得like 佢 facebook 同 share,就可以獲得一杯咸檸7或者無酒精飲品架喇。首先講下寧神養心鍋先，係天麻魚頭湯再加當歸鮮雞鮮魚煲成，餐紙上寫以20斤鮮魚精餚4小時而成，唔知真唔真呢。湯滾後我們盛了兩碗試味，味道有不過不夠味，唔緊要，食下湯料先，原來藥材架煲出味，所以呢煲湯，越食越對味，不過我地魚頭又食晒，雞又食晒，又煲得咩呢。第二次我地揀左美人鍋，咁出名一定要試下。美人鍋都係藥材湯，加以桃膠（養顏）同烏雞（滋補）煲成。味道就無天麻魚頭咁好味

平時和友人都好喜歡食火鍋,但平時都是食放題,雖然抵食,但質數不是太好。今次朋友介紹咗一間散叫嘅火鍋食店,但7:30 前結賬的話,全單半價,好吸引,所以今日就嚟試下。間食店叫養心殿,有多間分店。上到去一間間房咁間開咗。每個家庭都有自己的空間.唔錯,這裏都很大,因我們訂咗位,店員都好快安排了坐位給我們。之後就有一壺茶給我們。餐牌只有一張紙,有兩面。亦有其他飲品.啤酒等。這裏有啲特別食物,例如有牛胸爽,豬天梯.雞佛和黑柏葉有自助調味料,客人可以自己調配自己的口味稱得上叫養心殿，這裏的湯底都好特別,除了麻辣鍋,還有酸菜白肉鍋,寧神養心鍋,秘制薑母鴨鍋,美人鍋和養生鍋。我們叫了美人鍋,因個名夠吸引,哈哈。另外點了手切牛肉(細) ,即炸脆響鈴 和雜錦蔬菜盤。一嚟到個鍋,依個同平時的火鍋不同,這裏是用銅盤的,好大個,原隻烏雞,仲有好多紅棗,桃膠,杞子,南棗同金華火腿,真係真材實料,用料十足,個湯好甜,藥材味不會太濃,雖然有全隻烏雞,但個煲夠大,夠濶，所以,依然仲有好多空間放食物。首先嚟是手切牛肉,用了一個圓碟,密麻麻的鋪滿全個碟,每片都好鮮紅,感覺很新鮮,灼一灼，好快就熟,食落口,好新鮮,好嫩滑,好

這間台式火鍋店，無論裝修、佈置、餐具，都充滿台灣風，好有上次去台灣食火鍋的味道，侍應服務也到位，點餐及上菜也很快速。最重要係同朋友邊食火鍋邊談天說地，可以爽到一個點呀！鴛鴦湯底(麻辣鍋/寧神養心鍋)："麻辣鍋" 小辣湯底香辣撲鼻，放牛肉一流，但我怕辣，還是藥饍湯適合我一點。"寧神養心鍋"上次於另一分店食過，太好味啦，今日encore，有川弓、白芷、魚頭、烏雞....等，只係材料都引死人，魚頭又唔會醒，烏雞肉又可以食，連湯也喝了一大碗，真係超甜，仲好適合藥材控的我，加湯再火鍋，真滋味。"手切牛肉" 好鮮嫩，肉味香濃，無筋，配麻辣湯也不失牛肉味。"蟹籽墨魚滑" 口感好彈牙，可能有蟹籽關係，帶點鮮及微微的鹹味。"炸午餐肉"每件都大大粒，由於炸過，午餐肉原有的香味滾一滾也沒有流失，估唔到用佢都得，正喎！"雜錦蔬菜盤" 娃娃菜、生菜、雜菇、粟米，選擇多，又新鮮，又甜。"鮮甜三蔬" 秋葵、粟米、山藥，無諗過秋葵也可以做配料，又幾爽口；山藥也不錯，下次要叫多一點先夠，我們太大食了。今日覺得自己好幸運，火鍋店有贈飲，like facebook就得，仲可以揀我至愛鹹檸七，嘻嘻...除了有凍飲贈送，餐後火

今次終於可以同老婆一齊食這家火鍋喇！荃灣分店感覺上地方更大，今次試多了些新口味。麻辣鍋：這個價錢這個質素，性價比真係幾高。今餐穩穩陣陣只係試咗少辣，湯底都唔錯，麻辣味得香，相信下次可以試中辣，因為再麻辣一點會更爽；湯底附有鴨血及凍豆腐，講到鴨血，依個真係好有台式風味，口感比豬紅韌一點，鴨血吸收了麻辣湯，好入味，好甜；凍豆腐，口感軟軟，同樣吸收了麻辣湯後，好香好入味。手切牛肉：必食，有入口即溶的感覺，牛肉味很濃。厚脂黑毛豬梅花肉：口感得好，雖然只是薄薄一層，但豬肉味特出。自家製麻辣牛肉餃：味道唔錯，好有牛肉味，而且真係好足料，感覺像包了雲吞皮的牛丸，哈哈！萵筍：個人認為麻辣鍋必需的配菜，吸收湯味同樣會變甜。(唔似其他蔬菜只會變得很辣)稻庭烏龍麵：滑滑的烏冬，配上(我覺得極品的)肥牛，簡直一流美味。最後，仲有大大球雪糕贈送，藍莓味，益力多味，又酸又甜，醒胃又好味。

第一次食係食旺角個間, 試左麻辣湯 覺得一般今次見到荃灣都原來開左 就決定試一試其他湯底啦!今次試既係養生鍋MIX美人鍋, 講講個味道先養生鍋 - 都幾多人參, 不過我以為佢係會藥膳味重D, 但原來係好重既人參味如果唔中意食人參既就真係想考慮下叫唔叫啦美人鍋 - 個湯幾好飲, 但第一啖飲落去好似有D豬肉乾既味道, 幾得意醬汁同配料 - 選擇唔算多, 但基本既蔥, 指天椒, 蒜都有既(蒜係蒜水, 個人黎講不太喜歡)火鍋配料方面, 叫左以下既食物~午餐肉, 佢真係超厚切!仲要炸過!正!"九"菜餃, 都唔錯, 仲有得揀半份一份菜, 已經唔記得左ORDER左個個菜叫咩名, 但呢到D菜普遍都新鮮豬肉片, NORMAL其他都唔詳述啦~不過呢到D阿叔既服務都麻麻地, 但D姐姐又唔錯架~黎食記住留意返佢地既優惠時段, 1930前走會半價架!抵好多!

食左養心殿已經好幾次了, 由第一次食已經深深愛上, 喜歡呢度既環境, 食物同服務都ok~~ 又無限時, 而且帶酒水黎仲免收開瓶費, 真係好啱成班朋友黎吹下水, 食下野, 飲下酒既落腳地~~如果張張凳都有椅背就更好啦! 哈哈!! 一行四人叫左十幾樣野食, 未食睇見都開心呀!~ 麻辣鍋併寧神養生鍋             HK$168第一次叫寧神養生鍋, 原來都幾正的!! 湯底用左藥材, 鮮雞, 豬肉同20斤鮮魚加上用左4小時餚成的!! 未開動已經先飲左兩碗湯, 味道好濃好甜!! 而麻辣鍋就啱晒食辣一族, 湯底入面除左藥材, 仲有鴨血同凍豆腐, 另外仲免費可以追加多一份鴨血的, 鴨血同凍豆腐經過一段時間係鍋中浸過, 入晒D麻辣味, 食落非常惹味呀~~豬天梯                   HK$88每次黎養心殿食都有叫豬天梯, 但每次店員都答我已經賣晒!! 今次終於比我試到啦, 超開心呀!! 豬天梯係豬既下顎, 比較少見及珍貴, 食落超級爽口, 口感又夠特別, 難怪每次黎都話已經賣晒啦~~自製鮮蝦雲吞              HK$42黑松露蝦丸                   

麻辣+酸菜白肉鍋，未開始打就先試酸菜湯，好開胃，湯底配左QQ 粉，好爽口又入味，正！麻辣鍋揀左小辣，辣麻比例岩岩好，仲有陣陣藥材香，配有鴨血非常嫩滑又唔會太淋，仲有得免費追加😋千層凍豆腐配麻辣湯就最適合不過，每層都吸哂麻辣汁😍😍但唔好係鍋到一夾起就食，最好放一放，等無甘熱同埋按一按流返d 汁出來先食，避免燙到咀。霜降肉眼肥牛，牛味濃脂肪唔會過多，雖然好大片，但唔好煮太耐會更好味。厚脂黑毛豬梅花肉，油花同肉既比例岩岩好，仲有好香既豬肉味，爽口又唔會覺得油膩。鵝肝墨魚丸配搭特別，外層墨魚香，幾彈牙，估唔到加埋鵝肝又幾夾。紫准山麵紫色好吸睛，口感有d 似真准山粉粉地，個人覺得配養生鍋會更夾。餃子拼盤包括有極品水餃，鮮蝦雲吞，韮菜餃，麻辣牛肉餃，魚皮餃，水蓮餃，每款各兩隻，個人最喜愛麻辣牛肉餃，啖啖牛肉，麻味比較強，喜歡辣既朋友要一試，仲有韮菜餃，菜多肉少，感覺好清新。杞子菊花圓肉露好清甜，陣陣菊花香，邊食邊飲，感覺無甘熱氣～😂🤣最後仲有芋圓甜湯送～真係大滿足！😋😋座位寬敞，都幾舒適，而且店員都非常有禮，親切，食物質素高，值得再食。👍🏻👍🏻👍🏻

食媽又出發食好嘢！今晚同老友一齊試下養生鍋嘅養心殿！一去到門口就俾佢嗰對燈籠吸引咗視線去欣賞裝潢。全店都好濃厚嘅中國風格！銅茶煲裝茶上枱感覺似店小二奉茶嘅情節咁。 有趣！門口有兩個易拉架，其中一個好吸晴嘅焦點就係半價2個字！原來有個早鳥優惠就係七點半前埋單離座就可以個有半價啦！！如果就到時間早食都幾優惠架調味料區範圍比較細而且種類唔多，基本所需都有齊！柯打紙選擇都算多。。湯底都有6款，而且係可以自選鴛鴦鍋，但以較高價錢計！推介美人鍋拼麻辣鍋！美人鍋有半隻烏雞配上桃膠等中藥材，美鮮而又養顏！麻辣鍋，夠麻而不過辣最正係當中嘅鴨血！滑溜入喉⋯⋯正而且鴨血係可以免費加一次架！食火鍋又點可以少咗肉架。。肉類選擇真係數少，個剛巧我老友係唔食牛嘅所以就揀咗～厚脂黑毛豬梅花肉。。果然油花都幾均勻，唔會太肥，而且食落肉質都唔錯雖然係叫厚脂～但一啲都唔覺肥膩架！繼肉類後當然唔少得丸類同餃類啦。。。望落樣樣都想試得以我倆決定叫曬咁多款！首先係～手工丸類拼盤～共12粹每種味有2粒！可以一次曲滿足我地嘅好奇心！由右至左為：蝦丸，墨丸，梅菜逐肉丸，芝士包芯牛丸，黑松露蝦丸，同埋鵝肝墨魚丸！然後我地就揀咗兩種餃子。

朋友從遠方回港、约出來見面兼晚饭、他們想吃火鍋和中餐、之前食過養生殿台式火鍋、覺得無論環境食物質素都不錯! 於是,相约在荃灣分店的養心殿台式養生鍋;朋友來到很欣賞這裡的裝潢和氣派、都讚嘆不巳 !寧神養心鍋 168元湯底濃郁!待應介绍是用了多種药材、烏鷄、猪肉和鲜鱼煲成、香氣四溢 !手切牛肉 338元十分淋又夠嫩滑 ! 吃完一碟又一碟! 人人讚不絕口 ! 厚脂黑毛豬梅花肉 168元肉味濃、鲜甜 !手工丸拼盤 108元 黑松露蝦丸清香彈牙!梅菜豬肉丸夠特別 ! 牛丸鲜甜 !欵款都有口感 !鲜炸嚮鈴 68元即炸夠新鲜 !! 十分鬆化 !雜錦蔬菜盤 68元粟米甜、什菇爽口很新鮮没有 翕味 !稻庭烏冬 48元爽滑 !今晚我和朋友都很享受、開心令朋友如此滿意 !

今日一行四人喺荃灣晚餐聊天，搵地方一定要去大鴻輝啦，荃灣最多食店既地方😜喺大堂左看右看既時候見到養心殿，就即刻提議大家去食台式火鍋啦，之前食過其他分店質素一流👍🏻麻辣湯拼酸菜白肉湯追加酸菜同白酒肉，免費架霜降肉眼肥牛～～肉質嫩滑，肥瘦剛好黑毛豬梅花肉～～好似食緊牛肉咁嫩，唔會好鞋之餘，又唔會過肥非一般午餐肉👍🏻👍🏻👍🏻厚切即炸，一上檯即食得，好味到成碟無放過落湯底，大家即刻食哂🙈手打丸類，誠意推薦～～梅菜豬肉丸有肉餅味但勁彈牙水蓮餃～～台灣特產水蓮菜整餃子，脆口同樣都係熱辣辣既油條/響玲食到飽飽既時候，有杯檸檬沙冰送👍🏻👍🏻

今晚終於有機會品嘗一直都想試的養心殿台式養生鍋。價錢大眾化，鴛鴦湯底也是收同樣價錢我們揀了兩個168蚊的寧神養心窩和秘製薑母鴨鍋.湯底滾起後散發陣陣滋補的味道，用料充足，侍應提我們湯滾後先飲湯叫了一份 雙降肉眼肥牛，肉質薄薄但牛味濃鵝肝墨魚丸和黑松露蝦丸各半份。鵝肝和黑松露都很juicy呢！餃子試了麻辣牛肉餃和鮮蝦雲吞各半份。 麻辣牛肉餃教我想像中辣， 但值得一試。稻庭烏龍麵，其實即係烏冬， 靚既！炸午餐肉，我會形容為厚切午餐肉。可以兩食， 就咁食又得， 拾幾下食又得。真材實料 鍋底的鮮雞，又有得食台灣A菜，好新鮮睇下， 鵝肝汁真係好流心有驚喜！少有的火鍋店會送上糖水，還是誠意之作總括來說，這是一間有誠意之店 ,侍應有禮，食物真材實料，空間感充足，空氣流通，一定會再來食。

湯底好飲，本來都好欣賞，不過飲完15分鐘就開始心臟痛。本人一向都對味精敏感，對中味精毒既感覺好清楚。如果sell湯底標鎊係俾人飲左先打邊爐的話，請不要加味精～～～蒜泥建議用返新鮮切的，呢種水浸既唔好食～～至於其他火鍋料都ok. 牛肉新鮮！正價去食雜菌黎講個份量少左d. 同埋d熟食差左d, 鹽酥雞一d都唔鹽酥, 個味又怪又唔新鮮，一定要改良～～d 座位又細又硬坐到patpat痛～～～打邊爐最快都90分鐘，希望可以人性化少少！

We have been here for few time. Food and service is always food. If u could leave before 8.30 there is a discount applicable which make it more worthy! The soup hot pot itself is full of good staff inside to eat and make us full. We have ordered 5 dishes to share between two person, no drink ordered. It was about $300 each and its more than worthy!