養心殿台式養生鍋 (已結業)

今日放工約了三五知己去打邊爐， 其中一位朋友推介位於荃灣大鴻輝17樓名叫養心殿台式養生火鍋。內裏環境好有台式風味，帶點神秘感覺。古色古香既燈籠，好有古代懷舊既感覺位於17樓， 環境開揚，景色一流。醬油可以自由配搭， 多多少少由你決定美人鍋：含豐富膠原蛋白，兩大個魚頭(大個我隻手掌)，原隻烏雞(可以食埋)，好淋身，唔會太老，杞子南棗和金華火腿老火湯底，女士養顏之寶， 所有精華都己經在湯裏面，我未開始已經先飲咗兩碗 。額外也叫了油條，時令蔬菜，炸午餐肉，都是朋友極力推介。香濃既湯底，用料十足，非常清甜。手切牛肉(大)：賣相非常好，牛肉味好重， 基本上灼幾秒就已經可以食，肥瘦分佈先明。炸芋頭：切成長方形狀，唔會散，入口好粉，堅挺唔會一放入湯底就分開，芋頭本身非常新鮮同時亦是當造。即炸脆響鈴：即叫即炸,唔會擺得太耐,送到枱上仍然是脆卜卜， 灼兩秒就可以食，感覺好脆口。溫馨提示晚上七點半時離座可享有半價優惠。建議大家四位或以上去非常適合，因為種類繁多，大家可以一齊share。

一入去，裝修已經有啲心思，中國風間隔，燈柔和又多光，夠養眼地方又夠大，坐得舒適食得招積湯底叫咗美人湯同養生鍋。美人鍋有黑雞，多膠原蛋白，最適合男仔享用，可惜多咗少少味精味養生鍋啱晒鍾意藥材味嘅人，有人參同各種藥材，我就覺得有啲苦，但養生冇辦法啦，食完大家通宵直落都冇問題配料嚟講，有二個小問題牙強覺得係菜單上面，熟嘅食物應該要寫清楚，例如清湯牛腩，叫到嚟先發現係煮熟一碗上，唔係打邊爐食。另外就係牛胸爽點咗但冇嚟，好傷心手切牛肉片十分好食，肉味足，油香夠，口咬一流另外Kaco推薦嘅麻辣牛肉餃令人震撼，食指大動咬落去，彈牙嘅牛肉餡爆出軟滑外皮，肉汁同麻辣香味好似炸彈咁攻出嚟，完全招架唔住因為有半價，所以呢個價錢嚟講10分入面有A

見到openrice啲評語唔錯就去試下，一試就知賴嘢！！！服務態度超差，成班後生嘅好似唔願理你，掛住噉電話，打機，傾計。。可能我哋係揀咗半價時段嚟，所以唔當我哋係客。。最唔滿意係：叫咗碟最貴最大份嘅手切牛$3xx，拎到嚟得個十幾片，仲少過我係一田買嘅日本shabushabu wagyu牛，跟住搵個所謂經理嚟問下，佢話係段斤計，我哋問：咁你手切牛細個個（$2xx）咪好鬼少？佢話：少四/五片囉。。。多幾片多咗$100蚊。。算數。。到埋單，見到張單有茶介$20/位。。我哋叫個waiter嚟，問佢點解會收茶錢。。佢話個個都收。跟住我叫佢望下我哋張抬，你睇下我哋幾時有飲過茶。。佢話：除咗茶仲有醬油都屬於茶芥。。我哋話：首先，我哋嚟到你哋無比過任何水/茶，亦都無同我哋講有醬油係店舖埋邊自己攞。。你憑咩收我哋$20位茶芥。。佢即刻攞壺茶過嚟。。。你唔好聽日先拎比我？！！！ 我話叫經理嚟，點知又係同一個經理。。佢話：我哋太忙所以無serve到你哋。。咁依個係我錯定你錯？？你又憑咩收加一如果你承認你哋無service。。依間簡直係。。無言。。以後都唔駛旨意再嚟幫襯你，其他火鍋店好過你哋幾百倍。。真係把鬼

知道有七點半前埋單半價優惠，今日响午市時段就嚟試下，一直見到食評都係讚不絕口，果然湯底同食物都十分出色。揀咗美人拼薑母鴨，真係好足料，簡單再叫幾款配料，已經好滿足！就連烏梅汁都好好飲，絕對唔係一般死甜。好喇！入正題，點解咁好嘅食店要話美中不足呢？因為我覺得前線員工永遠決定一間食店嘅存亡，樓面嘅女服務員全部都好勤力好有禮貌，好值得表揚。可惜，偏偏我今日張枱好近廚房員工工作嘅位置，嚴格嚟講，係望得到果個出菜位嘅廚房員工⋯果幾位員工基本上係唔會同顧客接觸，點解會有問題呢？就係佢地幾位大哥講嘢超大聲，嬉嬉哈哈唔係問題，但夾雜粗口真係大殺風景⋯⋯佢地嘅聲線係大到我好清晰聽到佢地講乜。我唔知再近啲果幾張枱嘅客人會唔會覺得有問題，但我就覺得一間原本環境食材服務都冇得彈嘅食店，就咁就被影響，所以真心想表達，員工真係好影響一間食店嘅形象。

天氣雖然熱辣辣，但香港人一年四季都喜愛打邊爐，今日就同兩個朋友去養心殿烚下烚下。燈光暗暗的，很有格調，空間大，坐得舒服，配有落地大玻璃，可以看到出面的環境。我們叫了一個鴛鴦鍋底，一邊麻辣，一邊酸菜白肉。一個湯底送一份配料，麻辣湯底送鴨血，酸菜白肉湯底送酸菜白肉，二選一我們選了鴨血。鴨血大大件，配上麻辣湯底好好味。酒香白肉帶有淡淡的酒香味，吃起上來一點都不油膩 ，與酸菜白肉湯底好夾。櫻桃鮮滑鴨片切得薄薄的，不會靭 ，帶有濃濃的鴨香味。自家製水蓮餃，第一次食水蓮，香香脆脆的水蓮，很有口感。手工丸類拼盤，丸類彈牙，最喜歡黑松露蝦丸，淡淡的黑松露帶出蝦的鮮味。什錦蔬菜盤有菜，菇，粟米，蔬菜新鮮，粟米好甜好甜。炸餐肉厚切，炸過的餐肉比較實淨，吃起上來會較有口感。即炸脆響鈴新鮮香脆，大大件， 索曬湯汁，一件接一件，食到停唔到口。整體來説環境舒適，食材新鮮，下次再食過。

今次與6位朋友帶埋1位小朋友一起食火鍋。 選了2個鍋， 這樣又可食到大辣麻辣鍋， 啱我😍；而小朋友那邊就揀咗鴛鴦鍋， 有辣有吾辣👍食物方面選了 ：手切肥牛 👑👍😋霜降肉眼肥牛😋即炸脆響鈴 😋千層凍豆腐鮮豆皮台灣炸豆皮黑松露蝦丸自家製鮮蝦雲吞👍😋自家製麻辣牛肉餃 👎😖蟹籽墨魚滑👍😋鮮蝦滑😋鴨血👍😋炸午餐肉 👍😋香菇貢丸蟹棒寬粉條紫准山麵😋黑雲耳萵筍台灣A菜唐生菜因八時半前埋單有八折優惠， 故埋單後平均每人$320有找（這店若七點半前結帳仲有七折優惠👍， 但食得太趕了， 寧願繼續慢慢食舒服D🤪)至於埋單後會免費附送每人一小杯柚子冰沙， 這個要讚👍😋 柚子味非常濃又夠冰凍😍😋 若再大杯d會更好， 小杯未夠喉🤣講完食物講吓服務。。。 由於有小朋友， 當鴛鴦鍋上枱時， 做媽媽的朋友好自然專注湯底吾辣那邊會否有異， 結果當然看到有辣湯燙過吾辣一邊， 那時即刻向送上湯的女服務員反映， 服務員反應覺得有乜奇怪， 2湯有機會互滲， 話幫忙用匙撇開辣湯便可、而做媽媽的就要求可否另換一鍋，因小朋友真的不能吃到辣， 當刻服務員不情願下拖拉了一會才肯拿回廚房， 不久再上枱， 這時看到吾辣一邊仍然有辣點， 跟本沒

路德圍掃街前都要食餐正餐墊底先嘅；經過眾安街見到養心殿七點半前離座半價咁抵就衝症入去試餐廳座位用左屏風隔開環境舒適而且黃銅廚具好靚秘制薑母鴨鍋湯底黎到望落材料好足；除左冬荀馬蹄老薑同埋大量鴨肉仲有蜂巢豆腐同埋枝竹所以其實食哂湯料已經幾飽；滾起聞落已經好香飲落肉味濃郁而且當歸味重明顯已經熬製好耐好霜降肉眼肥牛脂肪唔多但係分佈均勻食落唔會太過肥膩；肥牛切得夠薄加上肉眼肉質軟腍好正手工丸類拼盤選擇困難症必點；鵝肝墨魚丸兩樣食材出奇地夾；黑松露蝦丸黑松露好多而且味道突出；芝士牛肉丸煮完之後芝士流心勁邪惡；墨魚丸同蝦丸味道鮮甜而且夠哂彈牙；梅菜豬肉丸味道唔錯夠哂創新自家製極品水餃水餃尺寸好大而且包得紮實煮完都冇漏餡

事先係OPENRICE BOOK 左枱，去到唔洗等就入得，呢間分店個格局比較舒適，因為佢用屏風隔開哂D 枱唔洗坐到好迫講野又唔洗就住就住驚嘈到人~我地叫左麻辣+寧神養心湯底，麻辣湯本身已有鴨血同凍豆腐，但仲會送多一份鴨血，真係好抵!寧神養心湯材料十足，職員吩咐我地先飲湯，D 湯愈飲愈甜，原來係因為加左龍眼! 另外仲有烏雞脾紅棗淮山等等，真係好足料!係火鍋料方面，我地叫左一碟手切牛肉(細SIZE)，雖然係細SIZE但係都夠哂3個人食，肉質鮮嫩而且係真係有牛味架!另外我地仲叫左鵝肝墨魚丸，黑松露蝦丸同埋梅菜豬肉丸! 一次過叫咁多嘅原因係丸類可以半份咁叫，就可以試多D款式~呢三款之中個人認為最好食係梅菜豬肉丸，食落真係好似食緊梅菜豬肉餅~而本身我地好抗拒食熱食黑松露製品，但今次配蝦丸又覺得可以接受唔會覺得陣黑松露味好攻鼻!總括黎講, 最欣賞係個湯底呀 無得輸!

聽過見過經過過今晚第一次試試（荃灣店）環境：傾計好傾.（因不是放題所以坐位都好闊.清靜👍🏻）服務：合格60食品：選擇都唔少👍🏻👍🏻👍🏻👍🏻質素：望落.乾淨.吸引到食慾價錢：平均$350-400一人酸菜白肉湯底...足料👍🏻👍🏻👍🏻原條沙巴班...肉甜👍🏻👍🏻👍🏻水耕菜...爽口正👍🏻👍🏻👍🏻下次想試...辣既

這天放工後，我約了舊同事在大圍吃完晚飯再去做運動，透過親友的介紹，我們決定來到這間中式酒樓試一試，酒樓內的顧客非常多，證明食物的質素應該很高，而餐牌上的選擇非常多，店內環境非常寬敞和清潔衛生養生鍋($188)材料非常多，份量亦非常多，有煙靭的火腿，香稔軟嫩的老雞，爽彈鮮美的豬肉，爽口微彈的豬紅，爽彈鮮美的紅棗，甘味的龍眼，爽口微彈的杞子，軟綿綿的豆腐和人蔘，人蔘的份量非常多，因此非常重人蔘味，非常補氣，湯底非常多，濃郁和真材實料招牌鹵味拼盤($118)爽彈鮮美的鹵牛𦟌，軟彈煙韌的鹵牛肚，爽彈鮮美的鹵大腸，份量非常多，非常抵食，自家制的鹵水汁做得延好，味道不會太鹹手切牛肉($238)雪花牛肉的油脂分佈十分平均，質素非常高，份量延多，價錢合理手工丸類拼盤($108)鵝肝墨魚丸，用鵝肝和墨魚打成的丸，挺有新意黑松露味的蝦丸，用新鮮的蝦肉和一些黑松露粒打成的丸十分爽彈鮮美，十分特別，芝士牛肉丸，濃郁的芝士和新鮮的牛肉打成的丸，蟹籽墨魚丸，用墨魚打成的丸再將蟹籽灑落，蝦丸非常新鮮，爽口微彈的梅菜豬肉丸，用人手打的丸很花時間和力氣，令我感到餐廳不但為了賺錢，還想提供最好的美食給客人享用，非常有心思

養心殿打著高級的台式特色火鍋，原來不知不覺在短短時間已經開了七所分店，其中聞名藥膳養生鍋，更受到大家熱烈追捧！之前已經光顧過旺角分店，食物與服務都相當具水準！今次決定帶朋友來試試～～一入店見到古色古香的裝潢，十分有特色，地方寬敞舒適，而且座位與座位有適當距離，私隱度甚高～～自助調配醬料區我地叫左個美人鍋，有桃膠，原隻烏雞，藥材配料等等⋯⋯非常滋補養生！黑糖烏梅汁，甜甜酸酸，配搭火鍋必備～美顏湯滾起就可以剩起黎飲，超級濃郁～～最重要飲完感覺膠原蛋白滿滿，岩曬各位美女～！極上雪花肥牛火鍋必點之一，雪花肥牛脂肪分佈平均，入口溶化的牛肉，美味！聖子皇比想像中size小，但尚算新鮮鮮味日本金菇手打黑松露丸，超濃厚的黑松露味道，彈牙自家制水餃，餡料超豐富，絕對誠意之作～新鮮即炸的響鈴，必試～養心殿食物質素絕對水準之作，環境舒適，岩曬有要求的朋友黎試！

今晚黎左荃灣嘅台式火鍋店-養心殿台式養生鍋，無論裝修、佈置、餐具，都充滿台灣風格，好有上次去台灣食火鍋嘅味道。呢個係自助式混醬區，基本有嘅都喺晒度，好齊全。養生鍋湯底超級足料，一入口就有濃郁嘅人蔘香，乳白色嘅湯底，裏面放左鴨血，蜂巢豆腐同各類藥材，個湯味道好濃，好甜，放親野落去烚，唔洗加調味已經好入味。餃子拼盤包括有極品水餃，鮮蝦雲吞，韮菜餃，麻辣牛肉餃，魚皮餃，水蓮餃，每款各兩隻，豬最喜愛麻辣牛肉餃，啖啖牛肉，麻味比較強，喜歡辣既朋友必試，仲有韮菜餃，菜多肉少，感覺好清新。 而鮮蝦雲吞和極品雲吞好彈牙，而且好足料，啖啖都有蝦肉，唔會好肥膩。手工丸類拼盤一共12粒，每種味有2粒，可以一次過滿足豬嘅好奇心！裏面有蝦丸，墨丸，梅菜豬肉丸，芝士包心牛丸，黑松露蝦丸，同埋鵝肝墨魚丸。 黑松露蝦丸清香彈牙，梅菜豬肉丸夠特別，牛丸鲜甜，款款都好有口感，好好味。雜錦蔬菜盤有娃娃菜、生菜、雜菇、粟米，選擇多，又新鮮，又甜。極上雪花肥牛，捲得非常靚，望上去每一塊肉都油脂均勻，厚度均一，賣相唔錯。食落吸都好香牛味，唔會韌。見到有鹹檸7，叫左杯黎飲，$18蚊響鈴係即炸架，比一般較長身，好新鮮同十分脆口。芋絲

養心殿台式養生鍋上到去環境唔錯，係用左中國式裝修設計，冷氣夠，喺三十幾度大街行完，上到黎真係爽到不得了。呢度唔係飲任飲任食嘅火鍋放題，而係叫一個窩做湯底，再點配料，逐碟計錢，湯底有美人鍋，麻辣鍋，寧神養心鍋，養生鍋，秘製薑母鴨鍋雖然同其他相比好似貴好多，但食物質素好都值得嘅。呢個養生鍋，係用人蔘及唔同嘅藥材一齊煲，湯中嘅人蔘好多，令個湯好甘甜，個湯一黎到，我已經急不及待試下啖湯，初初飲有d鹹，但加入新鮮蔬菜，再加上再耐左，變得非常清甜，忍唔住狂飲，好好味。雪花肥牛，凈係個賣相都赢晒，雪花紋細緻，入口即溶，牛肉味濃郁，美味十足。什錦蔬菜盆，有生菜，娃娃菜，粟米，冬菇，非常新鮮，蔬菜吸收晒湯嘅精華，以娃娃菜最為好食。手工丸類拼盤，有蝦丸，芝士牛肉丸，墨魚丸， 黑松露蝦丸，梅菜豬肉丸， 鵝肝墨魚丸， 款款都各有特色，相當彈牙，手打丸果然係好食好多，其中蝦丸味道比想像之中突出，再加上黑松露，兩者非常配。另外值得試嘅係梅菜豬肉丸，好juicy，味道岩岩好，唔會鹹。芝士牛肉丸，愛好芝士嘅豬對呢個非常期望，可惜芝士味唔係好出，同牛肉丸唔係好夾。餃子拼盤，有自家製水餃，鮮蝦雲吞，麻辣牛肉餃，韭菜餃，

跟一個舊同事食飯聚舊吹吹水，搵了一間台式邊爐，有養生美人鍋，適合女生食。有六種鍋底可以選擇，而且還可以選鴛鴦鍋，試兩種不同口味。火鍋配料也很多選擇。先談談個鍋底，我們選了養生及麻辣鍋，店員說可以先喝，嚐嚐養生之道，喝後再加湯加火鍋配料。養生湯底呈奶白色，用上人蔘，紅棗，龍眼肉及藥材配料，第一碗喝的時候嚐到豬骨湯味，人蔘及藥材味不是好重，但往後的人蔘甘甜香味會越滾越出。另外麻辣鍋屬小辣，付送追加鴨血一份，若果內裏的凍豆腐改為臭豆腐，會更有台灣風味。火鍋配料怎少得牛肉，是極上雪花肥牛，肥牛新鮮，肉質軟淋淋。麻辣牛肉水餃，是餐廳自家製，餃子飽滿，將牛肉剁成肉餅，內裏加了麻辣香料，少少辣但非常惹味。鵝肝墨魚丸，鵝肝藏了在墨魚丸內，墨魚丸非常彈牙，但鵝肝味唔係太出，而且上面的蟹子作裝飾之用，把丸放到鍋裏，蟹子已經走掉了。嘉美農場雞，雞肉反而有驚喜，雞肉要煮耐一點，就這樣吸收了湯的精髓，微辣及人蔘的甘香溶入雞肉內，但雞肉絕不會過火，無骨嫩滑。還點了山藥，蘿蔔、秋葵，每樣都新鮮。晚餐餐廳仲會送甜品芋圓，二人是次消費為930元，收茶芥加一的。

經開荃灣呢頭，同個朋友仔諗住去試吓間台式嘅火鍋料理。呢間餐廳裝修都好有中國風格，個環境都相當不錯！首先講吓個鍋底先，原來可以雙拼。我哋揀咗秘制薑母鴨鍋同麻辣鍋小辣。秘制薑母鴨鍋，必試。一來因為太正，二來香港比較少有，個湯底好鮮甜加埋啲鴨肉麻辣鍋追加鴨血一份，好有台灣風味！極上雪花肥牛＄188 ,口感和味道都很好！如果大家想試多幾樣野，可以選擇叫半分。鵝肝墨魚丸半份＄48 ,爽口彈牙！自家製韭菜餃半份＄42，不過不失！雜錦蔬菜盤＄68 ,佢啲菜好新鮮同埋好爽口同平時打邊爐呢餐廳係唔同啲。正！自家製杞子菊花圓肉露＄68，呢個清熱解渴。自助式醬料服務站，有芫茜，香醋，紅辣椒，蒜泥汁，香蔥，豉油。