養心殿台式養生鍋 (已結業)

今次打邊爐揀左美人鍋，有成隻烏雞，個湯仲好潤，一黎就飲左湯先一黎到就like 佢Facebook 就有杯咸檸7。係一間唔係任食放題既地方有免費飲品算唔錯！麻辣水餃+芝士牛丸芝士牛肉丸🍡好流心好juicy手切肥牛入口即溶，好重牛肉味，值得推介羊肉都ok老油條吸左湯汁後感覺同平時食既唔同，香脆可口想食菜，所以叫左個雜菜盆最後，有雪糕送，有幾隻味揀士多啤梨、雲呢嗱、朱古力同榴槤。呢度環境好舒服，好有私人空間，又唔會限你坐幾耐，幾好

老公之前同同事嚟過呢間分店食過話好食， 所以今日專程請我品賞吓因為我哋都係台灣迷， 一年總要去三四次，而每次都會食台式麻辣火鍋… 裝飾擺設都好有台灣感覺，都係古典既味道，而一入到去聞到麻辣火鍋果陣味道，感覺真的很像身處台灣一樣 我哋揀咗個鴛鴦鍋， 一邊係麻辣鍋一邊係美人鍋$188, 美人鍋有原隻烏雞, 杞子南棗，桃膠，金華火腿等，好足料而麻辣鍋嗰邊有好香既藥材味同我哋最期待嘅鴨血, 仲可以免費追加鴨血一份 湯底濃郁雞味,同埋好多桃膠呀！ 桃膠吸收左啲雞湯嘅鮮味，夠淋身又夠滋補 炸午餐肉$58好邪惡呀！但外脆內軟，熱辣辣好香口 手切牛肉(細)$238牛肉既雪花比例很平均， 所以口感非常嫩滑，鮮味! 鵝肝墨魚丸 (半份)$48, 墨魚丸新鮮彈牙，內面既鵝肝很香滑呀 大腸頭$88, 質地比較肥，不過冇嗰種難聞嘅壓味 呢度竟然有泰國Chang Beer, 入口清純 最欣賞呢度嘅鴨血，同台灣嘅鴨血好似， 一樣入口嫩滑多汁，夠入味! 萵筍$48夠新鮮， 切得厚薄適中，中意佢切得夠大塊，好有口感 最後每人有一個獨立包裝嘅雪糕球送，芒果味十分清新，又唔會太甜

知道荃灣開左養心殿，仲見到佢星期一至日7點前埋單有5折就即刻帶屋企人黎試下啦！入面間隔係有木雕花屏風隔開一張張枱，本身都幾欣賞呢個設計，但！係！所有服務員會無視你！你點揮手都冇人見到你！點解佢唔整個按鈴/ 鐘/ 叮叮之類方便叫服務員呢？！每次想叫服務員都要行出去搵叫左鴛鴦鍋係 美人鍋+ 養生鍋  一開始落單落左8樣食物，有手切肥牛（大）、小羔羊、手工丸拼盤、水餃拼盤、墨魚滑、蝦滑同蔬菜拼盤。落完單5分鐘後個鴛鴦鍋就到，一上黎就試下湯底先美人鍋飲落去好甜，爸爸一試完就話加左味精我都覺得甜得好人工。養生鍋就唔錯，人參味都幾濃但！係！明明個鍋同d食品係同一張單！個鍋好早就到，但等左45分鐘依然冇一樣食品送到！依舊係頭先個問題，d屏風隔住d枱，揮極手都冇店員見到唯有行出去問店員d野食點解9個字都仲未黎但店員應左一下之後就冇任何follow up！再等左5分鐘又要再行出去搵第二個店員已經唔知講咩好，同一張單又會上到個鍋但搵唔到張單！唯有即刻再落過啦好彩個店員都有行過黎話會盡快上d野食，態度都唔錯5分鐘左右d野食就上喇！全家人都餓到咩咁，就即刻放哂d野食落個鍋度平心而論，食物水準係唔錯啲丸幾特別、

養心殿在佐敦的時候已經出了名。在現今火鍋放題成行成市之時，仍能站穩住腳，可見有一定的質素。趕在六時前上來，避開排隊的人龍，到達店子，有別於一般的火鍋店，店面中國風的設計，有私隱度的間隔，別有一番風味。現在奉茶的火鍋店買少見少，通常都是自己任拿罐裝飲品。湯底有很多不同的選擇，不只有名字，還有清楚寫下有什麼材料，客人就可按自己喜好及需要選擇，鴛鴦鍋更不用加錢呢！先嚐湯底是常識吧！真的足料鮮甜。肥牛油花均勻，醉腩片酒香清雅，加上台灣風味的各項配料，實在十分吸引。價錢當然比任食的貴，但也算物有所值。

近日和家人出荃灣行街shopping。 到了晚飯時間 順便 在荃灣食飯 ， 家人提議 想食火鍋， 我們選擇了 荃灣 眾安街鴻輝大廈 的養心殿台式火鍋。可能時間尚早人客不多 ，我們很快便安排到入座。 餐廳內環境 整齊清潔， 光線充足。由於家人喜歡食烏雞， 所以我們選擇了 寧神養生鍋$168。 湯底材料豐富 ，有當歸 ，天麻， 龍眼肉杞子 ，鮮魚頭， 胡椒 ，等等 。湯底味道濃郁， 滋補有益。 我和家人即是每人喝了一碗湯。之後再加入清湯作火鍋享用。我們柯打了 ，自家製鮮蝦雲吞半份$42， 鮮蝦雲吞粒粒餡料爆滿 ，味道鮮味。 炸午餐肉$58， 涮鍋小羔羊肉片$1O8，羊肉 片肉質嫩滑新鮮 ，只需放落湯底 滾兩三分鐘， 便可食得， 入口溶化， 絕無聲騷味。 配合火鍋 認真一流，我們大家都食得很 開心 飽足。

朋友轉左喺荃灣返工，今天相約一起晚餐她book 左台式火鍋-養心殿店內分別用木製屏風分隔成小房間，每間房間可以擺放幾張枱，相較下唔會太嘈寧神養心鍋材料包括有多種藥材、烏雞及大魚頭，十分滋保急不及待先呷湯，湯鮮甜美味，慢慢滲出藥材味道烏雞雞肉唔駭，多汁，魚頭十分鮮味鹵味拼盤喜歡食拼盤，可以試多幾款分别有牛𦟌、牛肚及大腸鹵水汁味道啱啱好，又唔太鹹牛𦟌切成薄片，既幼嫩又入味，好好食牛肚爽口彈牙台灣鴨血，用來做火鍋十分恰當，灼熟後鴨血鮮好滑，吸左藥材湯味道，更為提鮮花蓮為台灣特產，青青綠綠，十分新鮮花蓮菜味濃郁，淸甜多汁，食到停唔到口

朋友最近 轉咗公司，在荃灣區工作， 所以約他放工後在荃灣食晚飯，朋友介紹 大鴻輝 中心17樓， 養心殿 食台式火鍋。我們到火鍋店後，看見已經有多位客人正在用餐。現在雖然是夏天，天氣非常酷熱， 但仍有很多人喜歡吃 火鍋， 尤其是這間台式火鍋店，特色地方是養生滋潤的火鍋湯底。最唯吸引食客光顧。餐廳内的裝修優雅，光線充足，柔和，坐位舒適。侍應先送上中國茶先解喝一番。再選擇吓養生火鍋湯底。我們選擇了寧神養生火鍋湯底，湯底內有烏雞肉半只，大魚頭兩邊，還有 杞子，龍眼肉 ，天麻，胡椒粒，湯底香濃，充滿藥材味，侍應提議我們先飲下藥材湯，然後才放火鍋食物，讓湯底更加濃郁好飲。烏雞须然煲了湯但肉質不 嚡口，大魚頭也沒有 湦味。另外我們柯打了。口感彈牙的黑松露蝦丸半份$48。粒粒新鮮的自製極品水餃半份$42。火鍋必食個人最爱的千層凍豆腐$48。我們邊食邊聊天，十分捨意。

今次是第三次光顧了。三次也是和幾個朋友一起來。笫一次正價時段來，覺得食物水準很高，尤其是美人鍋湯，湯料有烏雞丶桃膠丶紅棗丶乾淮山等，香甜滋補，火鍋食材用美人湯烚熟後，不需醬油調味，也很入味，首次在這𥚃吃過火鍋後，就很回味，然而埋單每人差不多四百元，價錢亦很回味。後來知道晚上7:30前有五折，就先後來了兩次，每次都點美人鍋。火鍋料方面，手切牛肉新鮮，經美人湯燙過後，既吸收了湯汁的甜味，又有牛肉的鮮味，略帶油脂，口感軟腍，是打邊爐上品。我比較喜歡吃豆類製品，冰豆腐，鮮腐皮是必吃的，這些食材吸收了美人湯的味道，特別好吃。也推薦水蓮餃，水蓮爽口，令餃子吃起來比較有層次感。

養心殿有好多分店！今次就黎左荃灣食😁荃灣分店好大間!!因為係平日夜晚食，所以無咩人～店內裝潢係中國風🤓乾淨又企理，坐得幾舒服每枱都有一壺茶🍵重點當然是火鍋湯底了🤤點左酸菜白肉鍋加麻辣鍋酸菜白肉果邊味道淡左少少，喜歡清清地嘅朋友應該會鍾意～個人比較喜歡麻辣鍋！鴨血同冰豆腐吸收左鍋底的精華🤤愈食愈辣，愈食愈好味！仲可以免運追加一份鴨血/白肉！😍要加多份冰豆腐！同麻辣火鍋真係prefect match !特別推介黑松露蝦丸！黑松露味道重兼彈牙！又香又好味！👍🏼😁蟹子墨魚滑：份量都唔少！爽口彈牙😁鹵大腸:浸得愈耐愈入味！好大碗呀！好似食唔完咁🙊日本金菇: 不過不失

養心殿係近期常食既火鍋，因為坐得舒服、味道又岩心水，所以又黎幫襯啦。七點半前有折～中式裝修，氣氛不錯。火鍋湯底有六種，可以雙拼，每樣都有獨有配料。有五種常見配料，不過湯底都夠入味，醬料只係多個選擇。今次湯底揀左寧神養心鍋：有烏雞、大魚頭，配上多種中藥，喜歡當歸等藥材味既可以一試；仲有秘製薑母鴨鍋：裡面有凍豆腐、豆腐皮、冬筍、紅面番鴨，鴨肉份量好多，另外附上腐乳醬配鴨肉，湯底鮮甜，夠薑味。配料賣相精緻😍極上雪花肥牛，雪花平均，夠嫩，每次都叫。雜錦蔬菜盆，有蜀米、冬菇、金菇等、後面係沙律菜，沙律菜非常爽脆。鵝肝墨魚丸（半份）、韮菜餃（半份），墨魚丸夠彈牙，韮菜餃菜肉平均。酒香白肉，充滿燒酒味，令肉更香。自家製杞子貴圓玉露，清甜解渴。個人認為做到台灣質素，呢期大愛。

最近好多朋友都同我推介養心殿 台式火鍋專門店 ， 佢嘅分店愈開愈多 ， 今晚就到佢荃灣分店試一試 。  湯底有多款選擇 ， 火鍋湯底材料都好豐富 ， 好在佢地設有雙拼湯底， 今次就揀咗麻辣湯拼酸菜白肉湯  ! 麻辣湯內有辣椒、蜂巢豆腐、紅棗。 以多種香料及藥材 ， 另外仲會送多一份鴨血 。  呢度嘅鴨血口感嫩滑 ， 唔會一夾就散 ，值得一試酸菜白菜鍋。湯底相當足料，有 酸菜白肉湯有酸菜、豬肉、寬粉條 。 不過味道有點怪 ， 對我個人黎講就不太吸引脆響鈴 ，  新鮮即炸，即食脆卜卜  另外有霜降肉眼肥牛， 唔會好肥，好香牛味  ， 配兩個湯底都好夾 最尾經理仲送多一杯沙冰比我地解辣 ， 好貼心既舉動

我和友人都十分喜歡吃台式火鍋，在台灣吃過後就念念不忘，所以今次就在香港吃一下台式火鍋😝來到餐廳，見到裝修十分漂亮和有特色，完全不像普通的火鍋店😻連餐具和茶壺都很有格調～～坐下之後，我們已急不及待要點菜了！🤤除了火鍋外，餐廳亦有台式小食可選。☺️一定要吃鹽酥雞！新鮮炸好，十分香脆🤤輪到選火鍋了⋯湯底方面，我們貪心地選了兩個😛麻辣鍋和酸菜白肉鍋。麻辣湯底真係好正好香濃🌶🌶我們選了小辣，麻得好過癮又不會太辣！入面仲有峰巢豆腐和鴨血等配料😻酸菜白肉鍋的配料都十分豐富，除了花腩肉外，還有我最愛的QQ粉🤤吸哂湯底嘅味，質地煙煙靭靭，好惹味火鍋配料一定不能少的雜錦蔬菜盤🥗🥗有生菜，娃娃菜，各種菇類等等🍄最愛是烚到很焾的冬瓜😋好吃又感覺較健康～另外也叫了芋絲，是每次火鍋必選的😛很彈牙，又可以吸收哂湯底的味道火鍋必備的雪花肥牛！😍😍牛肉的脂肪分佈得均勻，不會很膩。跟麻辣湯底十分match😋😋我們還點了黑松露蝦丸和水餃🥟黑松露味超濃郁！我和友人都很愛吃！這個台式火鍋的精髓之一-鴨血🤩吃麻辣鍋還可以免費追加一次😍鴨血口感很好，吃完好滿足呢吃麻辣鍋當然要配啤酒🍻和友人發現啤酒十分抵飲！大枝裝百威$30咋！店員仲

盛夏打邊邊🔥雖然係盛夏，但睇黎各位對打邊邊依然365日熱情不減。呢間火鍋店主打”養生火鍋”，岩哂又鐘意食，又貪靚既美女們。湯底有用桃膠，原隻烏雞淆製的＂美人鍋＂，亦可以選擇由名貴藥材及人參淆製的＂養生鍋＂。今次我地選擇了鴛鴦鍋。同其他火鍋店相比，佢地湯底料足兼真材實料。因本人對味精極度敏感，但呢間的湯底食完唔會口乾，麻辣鍋亦唔會有太油的感覺。今次點配料：1. 鴨血(跟鍋免費配送)：鮮嫩大塊，配麻辣鍋好好味2. 雪花肥牛：脂肪均勻，切得好薄，碌十秒入口即溶3. 鮮竹笙：真的非常新鮮，碌十幾秒爽口彈牙4. 蝦滑：新鮮，好有蝦既鮮味5. 牛柏葉：不過不失，記得唔好碌太耐6. 響鈴：新鮮炸起，脆卜卜7. 雜菜：種類豐富，算幾新解最開心係，食完野仲有甜品—台灣芋圓送。一人一碗，滿足哂有兩個胃既sis 服務：待應有禮貌，會主動幫你收碟，亦會主動幫你加荼 環境：乾淨，位置寬敞，仲附送開揚夜景價錢：人均$250-300TIPS: Like佢地page會送可樂/ 咸檸七

放工又去大鴻輝吃火鍋，試過16/F和18/F，今次終於到17/F吃台式火鍋。7點半去到，已經有不少枱食客，場面熱鬧，環境夠大，冷氣剛好，感覺良好。（火鍋店通風很重要）座位之間有中國風的典雅屏風隔開，有空間感！坐得好舒服，餐枱亦有足夠位置擺放食物。坐低之後，店員很快端上一壺茶＊茶芥及醬料每位$20湯底款式有六款，心大心細，最終決定試朋友推介的酸菜白肉鍋和麻辣鍋鴛鴦鍋，還可以免費追加酸菜白肉一份或鴨血一份。我們選了白肉，滿心期待著。麻辣鍋$128（小辣）湯頭味道濃郁，鍋內不少鴨血和凍豆腐，好有台灣的味道！而且用料豐富，調味以花椒、辣椒、胡椒為主～麻香帶辣！還有淡淡藥材味。酸菜白肉鍋$128好足料，整鍋大白菜和豬王花腩肉，本來想額外點寬粉條，但見到湯底入面有好多寬粉條，所以沒有點，都夠食！仲有免費追加一份酸菜白肉，好滿足啊～！配料方面，點了：手切牛肉$228肉質嫩口，牛味都重，放在麻辣鍋吸了麻辣湯精華，不用蘸醬汁都夠入味手工丸類拼盤$108好新鮮，賣相亦十分精緻，有鵝肝墨魚丸、黑松露蝦丸、芝士牛肉丸、墨魚丸和蝦丸，每款２粒共１２粒。當中最喜歡鵝肝墨魚丸，彈牙爽口，很出色。兩個人食，點拼盤就最

放暑假，其中一個主打節目，就係同阿仔周圍搵好嘢食。想食呢間好耐，見佢越開越多分店， 應該唔少捧場客，就去試一試地方好大，木枱木凳木屏風，連個茶壺都用古銅色，襯曬有六種唔同鍋底選擇，我哋揀咗寧神養心鍋。分別有川芎，白芷，天麻，當歸，烏雞，豬肉，魚頭，淮山，杞子，圓肉等等淆成。 個湯好鮮，好有藥材味，感覺好補我哋一人先飲三碗湯，食埋烏雞同魚頭先打邊爐。不得不提隻烏雞煲到骨都淋曬，但啲肉仲好淋滑。好養心呀叫咗酒香白肉，份量也不少，好滑好味，尤其是加咗醋同蒜泥，更提鮮美味呢度調味料係自助形式，如果叫咗酒香白肉，記得要去攞醋同蒜泥，比點豉油更加好味。手工丸類拼盤，六款，每款兩粒。有鵝肝墨魚丸，黑松露蝦丸，芝士牛肉丸，墨魚丸，蝦丸，梅菜豬肉丸好鍾意食手工丸，夠彈牙，食芝士牛肉丸嘅時候，小心裏面嘅芝士燙咀。蜂巢牛肚，蜂巢索曬啲湯，藥材牛肚，有別於一般食牛腩麵嗰啲牛肚稻庭烏龍麵，點都要食番啲澱粉質，煙煙靭靭，最後來一碗養心烏龍麵，好滿足。仲有沙冰送呀！個湯底真係好正，食完夜晚好好瞓😉而家七點半前離坐有半價，我地八點半前離坐有七折，好抵喎