養心殿台式養生鍋 (已結業)

朋友介紹我試呢間台式養生火鍋，所以今日放工同家人黎試下。呢間嘅裝修係中式設計，不過不失。黎到先揀火鍋湯底，主要都係養生藥材料。我地揀左個美人鍋（$188），話係有美顏功效～而落單時，姐姐仲提我地因爲呢個係最貴嘅鍋，我地可以揀多一款轉鴛鴦鍋，所以我地又揀多個寧神養心鍋。而配菜方面，我地揀左個極上雪花肥牛（$188）、水耕菜、餃子拼盤、台灣A菜、芝心牛丸、芝麻湯圓....當個湯底黎到時，姐姐提醒我地可以先試飲湯底，我地兩個湯底都試左味，養心湯係辣辣地，但好惹味，而美人湯就清甜啲，而且好濃郁藥材味，所以我地都忍唔住飲多幾啖～配材方面，我地先食牛，呢個價錢，份量偏少，但味道都唔錯，入口即溶。牛丸$12粒，偏貴但食落都係明顯唔係差嘅牛。至於個響鈴，就幾香口，值得一試。而最普通就係個餃子，試晒咁多個味，都係一般。而最特別係佢有個芝麻湯丸，比人放入藥材湯煮，係比較奇怪，味道又咸又甜咁，我個人覺得麻麻地。不過最後姐姐又行過黎，話會送雪糕，有芝麻、芒果、士多啤梨、榴連、唔記得....我地要左芝麻同榴連，個雪糕好豐富芝麻同榴連味～我好鍾意～！所以呢個雪糕令今餐好完滿～！😁😁😁

晚上2130後入座 用現金付款有7折依枱野食 4個人7折後 $980湯底叫了美人鍋和養生鍋足料 美人鍋有半隻烏雞 肉質嫩滑配料新鮮可惜不夠待應生叫極都無咩人應入座後完全無講自助醬料在那兒要自己去揾而且上菜時都幾混亂希望可以增設叫人鐘方便食客

荃灣呢座大樓，樓上全部食店，酒樓，卡拉ok,樓下一到晚飯時侯就大排長龍排隊坐電梯，十分旺場，今日就黎試下朋友推薦的台式麻辣火鍋裝修古色古香，好有中國風茶具好有特色今日楝左鴛鴦鍋，麻辣火鍋加酸菜白肉鍋，又香又濃，最愛鴨血，重可以免費加多一份黑松露蝦丸，鵝干墨魚丸，爽口彈牙肥牛質數高豬大腸放在麻辣鍋中，吸收哂D湯汁厚切午餐肉，好味到不得了，有咩可能會唔好味呀！餃子拼盤，每款2粒，可以試哂不同口味，2個人叫咁多野食，全部清哂，果然係高質麻辣火鍋！一定會再來

今日咁啱吾煮飯，又好耐無係街打邊爐，出街試吓新嘢，揀左呢間養心殿。環境唔錯，以中式屏風做間隔，獲分四人枱一張，係獨立間隔。鍋底：由於鴛鴦鍋只以價高者收費，並沒有額外加錢，所以揀咗兩個同價味道，麻辣鍋及酸菜白肉鍋。 麻辣鍋揀左一隻🌶️，鍋底有藥材香氣，鍋底內有鴨血同冰豆腐。酸菜白肉鍋，就梗係有酸菜同白肉喇，佢仲有 qq寬條粉，不過正所謂"有期望，必失望"，今次都唔例外，成晚都覺得酸菜鍋嘅味道怪怪的。而呢兩款鍋底本身都可以追加配料，但選為鴛鴦鍋後，則只可選擇追加其中一款。揀完湯底就梗係揀配料啦，今次叫咗5款，分別係：手切牛肉（細），御選梅花豬，活九孔，什錦蔬菜盤，鮮甜三蔬（秋葵，玉米，山藥）。手切牛肉（細）：有點失望，可能自己住家打得邊爐多，總係覺得啲牛肉唔夠新鮮，又切得比較薄。雖然賣相唔錯，感覺始終一般般。御選梅花豬：叫左牛後，係羊同豬，最終揀左豬，嚟嘅係豬，食落係豬，無咩其他感想。活九孔：起初見到海鮮拼盤則每位138（內含蝦 2隻，帶子2隻，鮑魚1隻），但本人吾好蝦同帶子，最後決定只叫鮑魚好了。 鮮甜三蔬（秋葵，玉米，山藥）： 秋葵同山藥都係我嘅至愛，所以就叫做呢個鮮甜三蔬，不過籃最多嘅

荃灣大鴻輝係食火鍋既好地方，我地今日揀左呢間台式養身鍋試下係唔係好似台北果d 咁正。我地7:30左右到都有少少人在等位，等左陣就入去了。被帶到房入而坐四張枱既其中一張枱，有落地玻璃窗房外環境都算闊落好坐鴛鴦鍋，麻辣同美人鍋，麻辣唔係好辣，但就好食得出麻辣既香味，裡面既鴨血同凍豆腐都好入味，鴨血仲可以免費追加，好抵而個美人鍋好足料，有大大隻烏雞同藥材重有好多桃膠！芝士牛丸同鵝肝墨魚丸，兩款丸都好彈牙，無諗過鵝肝配墨魚丸都幾得意 什錦蔬菜盤，啲菜同菇都好新鮮，粟米超甜 手切牛，一睇就知係靚野，肉同脂肪比例好均勻，入口好滑好有牛肉既鮮味 Sapporo生啤，味道略淡，不會太苦，食火鍋飲一流 鹹檸七，朋友話好飲，17蚊都幾抵 麻辣鍋免費追加的鴨血，好正，鴨血係麻辣鍋既絕配 紫准山麵，吸哂美人鍋既湯既精華，入口好滑同夠哂味響鈴係火鍋必食既，呢度既響鈴，無得輸呀，浸兩三秒即食，爽最後重有芋圓糖水送，芋圓好q彈，如果糖水可以熱d 或凍d 會好食過室溫總括，呢度既食材用料係好新鮮，呢個價錢同質素係成正比，鍋既湯都好足料，環境都好岩朋友聚會，如果唔想食放題火鍋，都會再幫襯

夜晚黎左呢間養生火鍋仲打邊爐，店鋪主打店式養生鍋，店內燈光偏暗，顯出格調。湯底有6款可以選擇，鴛鴦湯底唔洗加錢，價錢取較貴果款今次叫左酸菜白肉同麻辣湯（小辣），仲可以免費追加一份白肉或鴨血小辣湯底開頭唔算太辣，麻味都較小，之後就愈煲愈辣，麻辣湯底內仲有蜂巢豆腐同鴨血，2者都吸收哂麻辣湯既精華，十分入味酸菜白肉內有大量酸菜及五花腩，湯底夠酸好開胃，湯底仲加左蕃茄中和酸度，令湯底甜啲配料叫左響鈴、霜降肉眼肥牛、絲瓜。響鈴為即炸，好薄好脆，一浸就得肥牛一碟得八大塊，性價比不高絲瓜切成條狀，好快就食得最後店員會送上雪糕，有4程味（榴連、豆腐、益力多、曲奇味），為完美一餐作句號總括而言呢間火鍋湯底比配料出色，懷念台灣養生火鍋既味道值得黎一試

香港人最喜歡打邊爐，特別是在炎炎的夏日 ，更喜歡開著冷氣打邊爐。今天，我和朋友到荃灣逛街👫，忽然很想打邊爐 ，便來到食肆雲集的大鴻輝中心，看看哪一間餐廳可以打邊爐。🍽最後，我們決定試下這間台式養心殿養生火鍋，裏面的環境、格局和擺設古色古香。打邊爐最怕熱氣， 所以我們每人點了一杯鹹檸七，除了解渴之外，相信可以下火。🍹咸檸七味道酸酸甜甜，都幾大杯，十八蚊來說 都好合理。知道湯底可以選鴛鴦鍋，我們異口同聲地選擇了美人鍋和養生鍋 （188元 )，左面的是養生鍋，裏面有好多名貴嘅藥材，如人參 、火腿等淆製而成 。而右面的是美人窩，裏面有很多桃膠、原隻嘅烏雞、杞子、南棗和，金華火腿等淆製而成，非常滋陰，對女士嚟講，真係非常養顏。而個湯底真係非常足料。另外，我們點了手切牛肉🐂，細碟的盛惠238元 ，雖然說是細碟，但分量都不少。只需要滾三十多秒，就已經非常鮮嫩，還吃到牛肉味 。個人來說，喜歡吃手切牛肉多於肥牛，因為感覺沒有那麼多脂肪。我們還點了黑柏葉78元，因為覺得不是太多打邊爐的餐廳會提供黑柏葉，所以想試一試。侍應告訴我們只需要滾大約十秒就可以吃，但當我滾了十秒後，覺得仍然有點韌，所以我再滾多大約2

第二次光臨，早場75折優惠抵食。樣樣新鮮，生蠔又肥大大隻。生蝦又生猛。湯底鮮味夠。龍躉滑溜。全單75折再正價加一就滑稽小小。良心企業 不會因為價錢優惠左俾質素差客人食。滿意！！！！！！！！！！！！！！！！！！！！！！！！！！！！！！

叫咗個養生鍋同美人鍋鴛鴦湯底，湯底本身已經好多料，非常好味。還叫了雪花牛肉：普通，蔬菜盆，雜錦丸丸：值得嘗嘗，而且叫雑錦可以一次過試晒6種丸丸，各有特色。海鮮盛：好新鮮。食到兩個人捧住肚走。一定會再光顧。

我同老婆都好耐冇黎過食酸菜白肉鍋喇，時隔咁耐，再來試返睇下仲好唔好食先。睇下佢地有咩其他選擇先，比我發現原來每人Like佢地Facebook再分享就可以有一杯飲品送，又幾正喎。來到緊係叫返個酸菜白肉鍋啦，係我打咁多邊爐一定選既火鍋湯底，個湯底都好多配料，內裡有醃制大白菜、極品豬王花腩、再配埋QQ寛粉條，寛粉條配上酸酸味味既湯底簡值一絕，鍋肉已經有配料但店舖仲送多一碟酸菜白肉比我們到最後假如唔夠味可加落去，令返個湯底濃味，值得一讚。【雜錦蔬菜盤】菜盤又有菜、什菇、粟米，蔬菜非常新鮮，粟米又好鬼甜。【手切牛肉】我地叫左大份手切牛肉，牛肉都算多，紋又夠靚，肉味又濃，灼左之後又夠曬淋。【即炸脆響鈴】非常香，同平時食開好有分別，特別脆口又不油膩。【蟹籽墨魚滑】好新鮮，又夠哂彈牙。【稲庭烏龍麵】估唔到個麵嘅麵質都幾彈牙，口感特別 ，放入個鍋之後吸哂湯汁既精華。【活九孔】-即係鮑魚，非常新鮮又大隻，灼完之後又夠彈牙。

台灣火鍋近年又興反，位於荃灣大鴻輝17樓嘅養心殿台式養生火鍋，令我食完之後已經好想再返轉頭再食。湯底方面，我選了又滋陰又養顏嘅美人鍋，當中有原隻烏雞，杞子南棗，金華火腿，配以海星蘊含豐富膠原蛋白嘅桃膠。手切牛肉(大)：牛味超級重，放入鍋只須三秒就食得，因為夠新鮮。炸午餐肉：厚切午餐肉，因為之前炸過特別香口，再放入湯底，有汁直接滲入裏面 ，非常欣賞。蔬菜拼盤：食咗咁多肉，一定要有啲菜溫和返，當中紹菜 是最適合這個湯底，因為所有精華全部交給曬畀啲菜，非常甜味。建議：分量都大，可以食完吾夠先再叫，七點半前 結帳系有折頭， 全程可以問一問 ，可以享受更多嘅優惠。

好耐無同屋企人一齊出街食飯，早2日打電話相約埋妹妹一家去食台式火鍋。荃灣近近地最方便，而養心殿又有分店，一於就去我至愛嘅台式火鍋店啦！店家空間感十足，裝修好有中國風，古式古香，格調懷舊復古。湯底選擇唔算太多，但當然有台灣最地道既酸菜白肉鍋😋，先叫湯底再慢慢揀配料。酸菜白肉鍋湯頭酸香撲鼻，湯料已經有寛粉條，酸菜白肉，番茄，胡椒等等，寛粉條口感QQ，白肉爽口鮮甜，湯底酸咪咪，超正👍🏻叫呢款湯底會另外送多1份酸菜白肉，保證味道不會變淡，值得一讚👍🏻厚脂黑毛豬梅花肉肉味鮮甜，質感爽嫩，非常新鮮！自家製極品水餃蝦肉彈牙鮮味，豬肉鮮嫩，木耳爽口，果然非常出色！芝士牛肉丸牛肉人手新鮮打成，中間包住芝士做饀料，咸香滋味，牛肉濃郁有咬口。活九孔清潔得非常乾淨，而且每隻都算大，入口爽嫩鮮甜，食得出非常新鮮！冬瓜件吸收咗湯底之後，冬瓜半透明狀態，juicy 清新，甜味十足。全部食材都非常新鮮，而且味道出色，下次要同一班朋友一齊再食過！

簡介寫明獨立房間？現實係，大開中門，對正其他食客的餐椅。只有左右兩邊通窿的屏風，同平時分隔的屏風是一樣的，何來獨立房間？獨立房間-最低消費$3500 我地只叫了頭一轉食物，已經過了。食材性價比十分低😟不過緊記要check單，海鮮無定價，堅係海鮮價！！一入去叫象拔蚌刺身就報$788,轉頭就$638埋單就$688，好彩有睇單，最後更改返。員工的服務態度，都因人而異的，算正常。本地牛(大)-$388 一般，牛肉味淡，口感粗糙梅菜豬肉-屋企肉餅味道鵝肝墨魚丸-食唔出鵝肝鮮味，可能湯太濃郁的關係，完全遮蓋👍🏼竹笙-夠粗身大條👍🏼海蝦-新鮮肉質夠實👍🏼鴨紅-夠爽口唔腥湯底算出色，但太濃郁都會遮蓋食材的鮮味。尢其藥膳湯嘅人參，愈打愈出味，喜愛人參的首選，但食全部都係人參味最後，竟然有甜品😍之前係旺角分店都冇，今次真係有驚喜。推介豆腐味 益力多味開心返唒！

食火鍋都食得多，呢間養心殿我已返轉頭幫襯咗無數次，真係食極都唔厭！因為湯底簡直一流，足料又夠味道，無論打幾耐都唔會冇味。其實成間養生鍋都非常有台灣味道，裝修到每一張枱都好有私人空間同好有情調。食材都好多樣揀，又有我勁喜歡既秋葵 ，蟹棒，年糕，冬菇，黑松露丸又真係好彈牙😍😍，仲有我每次都叫既霜降肉眼肥牛。望望個鍋先，我地揀咗養生鍋，好香 😀😀，飲落好甘甜，打邊爐必叫響鈴，侍應話啱啱炸出嚟，好細心咁仲叫我地小心熱，食落好香口，一啲都唔油膩。其實仲食左好多野，凍豆腐，烏冬，不能盡錄，但樣樣食材配埋個湯底都非常夾，好有驚喜😍

心癢癢又想吃台式邊爐,同老公兩個來了荃灣養心殿ENCORE,這間分店裝潢古式古香,一盞盞大紅燈籠,亦有屏風間格,坐位安排在窗邊,望住大街, 感覺舒適!今次試一試酸菜白肉鍋拼麻辣!麻辣是必吃的!湯底加了藥材,味道麻而不燥!湯底配料可以追加一次,我們選擇了酸菜白肉,不敢吃太多鴨紅,怕吃滯了吃不下其他配料!先試了一啖酸菜白肉湯,酸菜帶少少甜,越食越開胃,白肉是帶肥五花肉,伴酸菜吃可減少油膩感!驚喜的是發現湯中有寛粉條,吸了酸菜湯, 黏黏韌韌, 因二人前不敢叫太多配料,有寛粉條份量真係足夠!麻辣湯底不算太麻,辣度適中,下次可以選擇中辣挑戰一下!凍豆腐吸了好多湯,啖啖麻香好惹味!鴨紅大大片,QQ口感,吃二片剛剛好!極上雪花肥牛: 雪花均勻,入口即溶,不鞋口即炸脆響鈴: 炸到好脆好鬆化,一放落湯即斷,要快快手吃黑松露蝦丸(半份): 黑松露味濃,蓋過了蝦味,手打彈牙蝦丸(半份): 手殘的我原本想選擇墨魚丸,現在重複要了蝦丸,正好可以比較同黑松露之分別,蝦味較鮮甜, 一樣爽口彈牙,兩者比較,原味完勝雜錦蔬菜盤: 平時吃蔬菜盤都是生菜,娃娃菜多,難得吃到新鮮水耕菜,輕輕一淥,夠晒爽甜!結尾還有店家贈送柑