養心殿台式養生鍋 (已搬遷) 新店位置

女仔一聽到養生呢兩個字總係特別雀躍, 我一提議話不如試下呢間law, 平時多多意見又揀食既佢, 竟然即時Say Yes, 哈哈~~ 由於都係開左半年左右, 所有野都仲好新淨, 位與位之間又唔會太逼, 坐得都幾舒服~~呢度除左有一般既火煱料外, 仲有好多坊間比較少見既火鍋料選擇, 可惜想試既豬天梯當日已經賣晒, 真係太搶手了, 可惜~~鍋底可以揀單併同或雙併, 價錢會收較貴那一個, 而我地就揀左感覺最養顏既美人鍋同養生鍋~ 未打邊爐前我已經當湯甘飲左三四碗, 真係好清甜真係好正呀!! 養生鍋            HK$188養生鍋採用名貴既藥料, 人參, 火腿, 老雞同豬肉等精心肴制而成, 味道比美人鍋清甜, 飲左感覺皮膚都靚左甘~~   美人鍋          HK$188呢個美人鍋都非常足料, 用料有桃膠, 原隻烏雞, 杞子, 南棗及金南火腿等, 含豐富既膠原蛋白, 既滋陰又補虛勞, 由於用料多, 湯底好濃而且非常非常之養顏呀~~黑松露蝦丸          HK$48好濃既黑松露味, 又夠彈牙同爽口~~自家製鮮蝦雲吞            HK$42大大隻蝦絕無欺騙, 絕不是坊

久仰「養心殿」的大名，今日終於約到朋友一試。店址為於彌敦道新興大廈，方便就腳。美人鍋、養生鍋 $188非常吸引的湯底，色澤鮮明，用料豐富，藥材味香濃，仲有多種功效，就咁當湯飲都抵！（事實我地真係飲左好多碗）極上雪花肥牛 $188肉質鮮嫩，牛味重，油脂分佈平均，無可挑剔。黑松露蝦丸半份 $48挺特別的一款丸類，黑松露迷一定不容錯過。芝士牛肉丸半份 $48有芝士在裏面流出，小心燙嘴。稻庭烏龍麵 $38食埋烏龍麵就飽飽了！豆腐雪糕，yummy!

久聞養生殿嘅大名，終於約齊腳去朝聖，溫馨提示，去呢度打邊爐記得要book位，見到排隊人龍不絕，坐無虛席，好彩友人醒目book咗位，我哋又準時到達，所以唔駛等就入到去啦! 火鍋醬料除咗平日嘅豉油、芫茜、香蔥、紅辣椒，仲提供咗香醋同蒜泥汁，雖然望落好淺色，但味道剛剛好，蘸點火鍋配料不但解膩，亦帶調出食物嘅鮮味，好用心嘅調配呀! 湯底 - 美人鍋拼養生鍋美人鍋係女仕養顏至寶，用上烏雞同桃膠，飲落好清甜; 養生鍋就以多款名貴藥材、人蔘同老雞肴製，有濃濃嘅人蔘香味，飲到唔停口，食食吓發現有鴨血，鴨血好滑又唔腥，好驚喜。千層凍豆腐 - 用嚟索湯一流，叫咗先知養生鍋裡面都有，可以盡情食啦! 黑松露蝦丸 - 好彈牙，食到松露味，仲有蝦肉粒，好夾。鵝肝墨魚丸 - 鵝肝好有油香，墨魚丸應該用咗好多墨魚肉，食落好鮮味。厚脂黑毛豬梅花肉 - 食落好有肉味，好淋好滑，完全無膻味。沙巴龍躉班 - 魚肉好鮮嫩，仲要好大碟，啖啖肉，好正呀! 蟶子 - 超大隻超爽甜，啖啖肉，好食到爆燈。寬粉條 - 見到枱枱都叫，於是又叫嚟試吓，煮熟後係透明，好煙韌，又索到啲湯汁，勁正! 鮮甜三蔬 (秋葵、玉米、山藥) - 呢個組合將我

今晚同家人去食下飯,梗係要打邊爐都有益D聽講養生鍋好補下,咁就約好去食好野今日叫左個湯底美人鍋拼養生鍋,沙巴龍躉班,蟶子皇,厚脂黑毛豬梅花肉,千層凍豆腐,鵝肝墨魚丸,黑松露蝦丸,寬粉條,鮮甜三蔬等野食個陣就去混下醬先啦,個蒜汁同個醋都好好食好香口美人鍋拼養生鍋--兩邊都各有特色,共通點係正,好飲好足料,有桃膠真係補身呀,烏雞又滑,蔘味都好香...加湯個陣唔係俾清湯你,係加返你點既湯俾你,好正沙巴龍躉班--新鮮好味,落入湯底滾一滾就食,滑身香口新鮮蟶子皇--好厚身,真係超正淡淡肉呀,食得出係新鮮冇沙厚脂黑毛豬梅花肉--少少肥,滾一滾入口好香豬肉味,唔係臭豬味係好正既豚肉味千層凍豆腐--幾好食,吸埋D靚湯味,入口咇埋D靚湯出黎一流鵝肝墨魚丸,黑松露蝦丸---好香好食,唔粉既丸,係幾正寬粉條--硬身,落去碌下就吸香味加好好食,配合靚湯,正呀鮮甜三蔬--粟米,秋葵,唯山,3樣都好新鮮,唔錯食完仲有雪糕送,都好好食呀

我地4個人去食，諗住7折就去試下次因為平時收工去到旺角都2點幾，佢又收6點就去試下，點知有失望多過驚喜，埋單仲成1600幾（1600蚊雖然係而家黎講唔算咩錢，但真係冇乜特別嘢食到），叫服務員又難，又多甩漏（當然我明白2點幾去食眼訓係正常），4個人比4人枱正常嘅，但我地要求比張大d嘅枱佢地都有比到嘅，唔算差，只係一般般，不過消夜時段有好多嘢都賣晒，最後個沙冰都冇埋，冇睇食評嘅咁好食，但再去惠顧就真係要諗諗

朋友約去食飯，lunch打邊爐真係頭一次。店舖係上二樓，店面較暗，但好有中國風特色，坐慣沙發既朋友略嫌坐板凳唔舒服，調味料自助吧形式，自己出去拿，選擇唔多。我去到朋友已點好火鍋湯底，係麻辣湯拼酸白菜腩肉湯底。麻辣湯底就平凡的，無咩麻味，辣味重。酸白菜腩肉湯就貌似清湯，但配料酸白菜幾特別又幾開胃，食到一半我地另加一份湯底配料$48。點菜類選擇都ok，我地叫左炸油條，芋頭，嚮鈴，手切牛，黑柏葉，酸梅湯……第一次試台式火鍋，唔知正唔正宗，但感覺同味道都ok.

今日天氣開始有D似秋天, 終於捱到黎星期五, 要食D野補一補我個心靈,每日lunch都唔知食咩好, openrice search下旺角有咩新餐廳, 發現有呢間,lunch唔係打邊爐, 有set lunch, 送是日原盅台式燉湯,前菜,冷熱野飲同價餐廳有D似日本居酒屋, 一格格咁一號餐,糖心蛋豆腐肉燥撈麵最近肥左, 想食得輕盈一點,食豆腐, 點知個前菜份量好多, 非常豪氣,牛旁好好味, 荀都好好味糖心蛋好糖心, 半溶, 豆腐汁好好味麵個底有好多肉碎,唔係只有面果D肉碎, 麵係台灣麵,唔係普通麵線最好味係個湯,聞落似肉骨茶, 充滿藥材味, 好味到想追加

溫馨提示我星期二去食 比起walk in既話 book枱雖然吾係話即刻入得 都要等但絕對比起walk in 快好多 我無打去book位等左差五多 1:20鐘 本身開頭好少人 以為最多半個鐘到入得 後尾book左枱既人陸續黎 都係入曬book左既先慢慢到walk in 等等等....

朋友帶咗我來呢一間台式養生火鍋打邊爐，養生火鍋算係第一次，來到嘅時候門口已經大排長龍，好彩有訂位，好快入到去。點選完鍋底同埋食物之後就出去醬料區，實而不華唔花巧。我哋要咗養生鍋同埋美人鍋，鴛鴦湯底但價錢一樣，雙重享受！兩個鍋都材料十足！打邊爐之前每日都飲咗兩碗，湯底好甜好濃郁！首次肥牛雪花分布好均勻好靚！食落牛肉味好濃好新鮮！另外叫咗厚脂黑毛豬梅花肉，回一片都晶瑩剔透，充滿着豬嘅甜味！鵝肝墨魚丸喺呢度餐廳手打嘅， 好彈牙！黑松露蝦丸亦都係餐廳自製，好甜，黑松露味好濃郁！係一個唔錯嘅選擇！特別推薦啲一碗台灣寬粉，好QQ！而且吸盡湯底嘅甜味！呢一樽杞子圓肉菊花茶都係餐廳自製嘅，無化學成份，超級清甜解渴！最尾仲有雪糕送，一人一球好滿足！餐廳食物水準不錯，選擇又多！我下次會再為呢啲一個湯而來！

約到四隻腳湊夠一枱最啱就打邊爐，虧虧嘅我地見到台灣嘅養心殿開到黎香港，終於去左試。揀左鴛鴦鍋，分別係秘製薑母鴨鍋同埋美人鍋。一黎到就聞到好香，材料都好足，仲有啲配料係入面。薑母鴨鍋啲鴨肉好入味好嫩滑，口味較為濃郁。美人鍋有啲藥材同烏雞，隻烏雞滾左陣都仲係好嫩，個湯飲落少少藥材味，好舒服。專為鴨而設嘅腐乳，夠鹹香，基本上成餐都淨係點佢。蝦滑墨魚滑份量唔多，但係都算新鮮。響鈴即炸出黎，好香，一到就馬上落鍋食。蟶子好大隻夠新鮮，食落都幾甜。九孔雖然唔大隻，但係洗得好乾淨，亦都新鮮，食落彈牙。野生竹笙，分量好多，新鮮嘅竹笙比較少食，隻隻都好大食，索湯一流。雜菌，平時食開嘅都有。好貼心嘅薯粉，有埋個兜兜唔洗自己夾返，好方便。同平時食嘅有啲唔同，似彈牙版嘅河粉，同個湯食好夾。最後仲有甜品送。

今晚終於去試食久仰大名既養心殿火鍋，我同屋企人六點幾就到，好彩無乜人。成間火鍋店好特別，好古色古香既格局坐低揀湯底，選擇多多，而且樣樣好有特色，最後我地叫咗個鴛鴦鍋一個麻辣一個寧神養心鍋，雖然兩個不同湯底會收比較貴既湯底價錢，但可以迎合不同人既口味👍🏻個湯底好快黎到，如果唔鐘意藥材味就盡量唔好揀寧神養心鍋😂好大陣藥材味，不過我個人真係好鐘意藥材味😍 老闆建議我地先飲咗個湯先，我心諗味精湯唔好啦掛...見佢地個個郁手飲，咁我都試下啦⋯⋯嘩 竟然唔係味精湯呀⋯⋯感覺真係好真材實料👍🏻 有烏雞同埋魚頭，唔怪得咁鮮甜！好似媽咪煲既老火湯，如果係冬天飲就一流啦👍🏻👍🏻霜降肉眼肥牛，果然一分錢一分貨，好有牛味，同一般任食火鍋肥牛差好遠，我覺得肥牛都係淥麻辣個邊好食啲😂手工丸類拼盤，除咗外貌靚靚仔仔之外，都真係手打，唔係麵粉搓成，仲有隻黑松露牛丸😍鮮蝦雲吞同魚皮餃我就無乜點食，個人唔太好餃類，不過我屋企人就覺得幾好食稻庭烏龍麵好好食，一開始唔知烏龍麵係咩貪好奇叫咗黎食，無論同養心鍋或者同麻辣湯底好夾，麵質地又爽口👍🏻 同埋我有一次淥麵唔小心淥耐咗佢都仲係好爽口雜錦蔬菜盤，高度建議娃娃菜係養心鍋個到

之前有人介紹過台式邊爐又可以養生, 於是今日約左班FD去養下身先, WAKAKA....由於有個朋平不食辣, 所以我地叫左個鴛鴦鍋, 一邊辣一邊唔辣, 不過辣個邊都係叫左小辣, 下次可以試中/大, 因為不是太辣, 但都好足料架, 有好多香料, 而且仲有鴨血&凍豆腐TIM AR, 仲可以免費追加1次, 正!! 唔辣個邊朋友叫左美人鍋, 同樣足料, 成隻烏雞, 仲要有勁多桃膠, 聽過桃膠有益之餘又養顏, 食多D先, WAKAKKA…係等個鍋滾既時候我地就出左去拎醬汁.之於配菜方面, 我地叫左極上雪花肥牛, 火鍋必叫, 配埋麻辣湯底有別的一番風味, 一碟唔夠喉, 再追加多一碟TIM AR. 再叫埋個涮鍋小羔羊肉片$108, 配麻辣湯又係一流, 雖然係麻辣湯底, 但都可以食到羊肉既鮮味.響鈴又係必叫, 新鮮炸起的, 吸盡美人湯既精華, 不得不叫. 我地仲叫左黑柏葉$78, 廣島蠔, 手工丸類拼盤$108/每款2粒, 有鵝肝墨魚丸, 墨魚丸彈牙, 裹面仲有鵝肝TIM,非常鮮味, 黑松露蝦丸, 香濃既黑松露味道出, 芝士牛肉丸, 墨魚丸, 蝦丸, 仲有好特別既梅菜豬肉丸, 全部都係新鮮手打出來,

近來旺角開左一間養身火鍋, 聽個名就知好野啦, 打邊爐都可以養生喎, 點可以唔黎試下呀, 哈哈….嘩….黎到已經有人係到等位, 好彩有訂位者, 一進入店內已聞到好香濃既藥材味, 心諗一定好正. 一坐底我地先點左麻辣鍋&美人鍋, 麻辣鍋以多種香料及藥材而成, 另外還有鴨血及凍豆腐.(鴨血仲可以免費追加一份). 而美人鍋有原隻烏雞, 桃膠(含豐富膠原蛋白, 女士門就做啱), 杞子, 南棗及金華火腿而成.湯一滾我地就開始啦, 哈哈… 我地點左極上雪花肥牛$188, 呢個必叫, 油脂分佈得均勻, 一D都唔鞋, 就算用辣的湯底去烚都不會蓋過香濃既牛味.還有黑柏葉$78, 鮮炸響鈴$58, 響鈴都係必叫, 雖然響鈴係打邊爐都必叫既食品, 但呢到既響鈴係新鮮炸起的, 所以一定要叫, 脆卜卜, 熱辣辣, 正呀!!我地2個人其實都食到飽飽地, 因為有成隻雞食, 所以叫返D菜食下先, 我地叫左野生竹笙$88, 水耕菜$58.下次要試養生鍋, 哈哈….因為我鍾意個D藥材味重D個種, 不過今次都試左2款湯底. 題外話: 加湯既時候個壺都好特色架, 不過我影唔切, 醬料係自助型式係出面拎.

去過臺灣食地道既薑母鴨係上癮到傻，仲因此出現左廿四節氣要慶祝食野既好習俗😹😹但真係好耐冇食，所以養生殿一開，見到有得食我就捉住朋友話一定要食🤤老老柒柒，相比其他既火鍋，依度配料真係唔算多選擇，但貴在精巧😼揀左美人鍋同薑母鴨，一滾起就食配料先，美人鍋既雞係嫩到可以得乾乾淨淨🐥依個係鴨醬，其實係腐乳醬，配埋啲鴨肉我食到唔停手，勁惹味🐦兩個湯都好好飲，抵讚係每種湯加湯都係加返自己個湯底，可以一直飲🍲蝦滑墨魚滑係我地必點，依度既爽口彈牙仲要食到鮮味🦐🦑即炸響鈴，落鍋都感覺到個脆度，不過唔算好香，但勝在新鮮同口感💯人頭蟶子同九孔，覺得蟶子真係好鮮味，九孔反而冇乜特別，但都夠彈🤤素菜仲嗌埋粟米，寬粉同年糕都好入味好好食，菇就不過不失，粟米勁甜🤤🤤🤤最後仲有雪糕食🍨大滿足🤡

朋友話我知旺角開咗一間人氣養生火鍋，食物以台式為主，湯底仲可以飲！我預早三星期先book到位！所以來之前都好期待！我七點嚟到已經好多人排隊， 好彩已預早訂位！原來九點半後仲有7折！我哋選擇咗美人鍋同養生鍋，單併同雙併係一樣價錢！咁梗係一次過選擇滿足晒兩個願望啦！值得一提，原來佢哋加湯時唔係加清湯或水，係加返你原本嘅湯！所以味道可以keep住濃郁好味！美人湯入邊有烏雞，杞子，紅棗，桃膠等藥材，幫助補充骨膠原！好滋潤！養生鍋入邊除咗簡單藥材之外， 仲有鴨血， 蜂巢豆腐同埋人蔘，補氣補血！兩款湯響打邊爐之前都可以飲用！十分鮮甜！我忍唔住每款飲咗兩碗！真係聞名不如見面！首次肥牛脂肪分布均勻，雪花好靚！一口牛肉味佈滿味蕾！一d都唔韌！黑柏葉只需要灼一灼就可以食，口感彈牙！竹笙能夠吸盡湯底精華， 好甜好爽！鵝肝墨魚丸係餐廳自製的，又甜又彈牙！豬肉都十分新鮮！好鮮味！同湯底味道渾然天成！好配搭！另外超級推介呢一個薯粉，口感十分煙韌牙，同樣吸入湯底精華，變得好甜！超讚！杞子桂圓甘菊茶十分清甜，職員話係餐廳自製嘅！用佢來打邊爐即刻感覺冇咁熱氣！清甜解渴非常好！ 最後餐廳仲會送甜品！我地榴槤同益力多味嘅雪