養心殿台式養生鍋 (已搬遷) 新店位置

約到四隻腳湊夠一枱最啱就打邊爐，虧虧嘅我地見到台灣嘅養心殿開到黎香港，終於去左試。揀左鴛鴦鍋，分別係秘製薑母鴨鍋同埋美人鍋。一黎到就聞到好香，材料都好足，仲有啲配料係入面。薑母鴨鍋啲鴨肉好入味好嫩滑，口味較為濃郁。美人鍋有啲藥材同烏雞，隻烏雞滾左陣都仲係好嫩，個湯飲落少少藥材味，好舒服。專為鴨而設嘅腐乳，夠鹹香，基本上成餐都淨係點佢。蝦滑墨魚滑份量唔多，但係都算新鮮。響鈴即炸出黎，好香，一到就馬上落鍋食。蟶子好大隻夠新鮮，食落都幾甜。九孔雖然唔大隻，但係洗得好乾淨，亦都新鮮，食落彈牙。野生竹笙，分量好多，新鮮嘅竹笙比較少食，隻隻都好大食，索湯一流。雜菌，平時食開嘅都有。好貼心嘅薯粉，有埋個兜兜唔洗自己夾返，好方便。同平時食嘅有啲唔同，似彈牙版嘅河粉，同個湯食好夾。最後仲有甜品送。