養心殿台式養生鍋 (已搬遷) 新店位置

朋友之前來過吃火鍋，這次就來吃午餐。點好餐後，店員大約5分鐘便送上套餐。前菜有三款。牛柏葉微辣且彈牙，蘿蔔酸甜，而且爽口，榨菜酸鹹，都是開胃的小菜。鹽酥蚵仔用上大大的藍白瓷碗盛載。蚵仔炸到乾身，內裡蚵仔仍保持嫩滑，味道鮮味。白飯上加了些肉燥，肉燥軟稔，不會太鹹。如果白飯份量增加便更好，因為前菜份量多而且味濃，我和朋友都把白飯食光了。跟餐的湯是人参烏雞湯，喝了一口，便覺味道濃郁，有甘甘的人参味。喝得出用料豐富。餐飲是菊花茶，味道甜而且冰涼，生津解渴。

約了很難約的老朋友食飯，趁天氣凍了這麼多，火鍋最適合了，而我們都已經「長大」很多了，應該補補身，聽聞這家火鍋非常有「料」，一於訂位來品嚐一下！未到7時我已到，開始見到客人一個個來到，但朋友7時半才到，餐廳外排隊等候的人已超級多，訂了位都要等5至15分鐘，真的很高人氣，大家都很會進補呢！一、美人鍋 拼 秘制薑母鴨鍋 $188我首先看中美人鍋，朋友想吃鴨鍋，他比較怕藥材苦味，服務員提醒我們可先試喝一些湯才放食物落鍋煮，可幸兩個鍋都不苦，反而幾清甜，材料還很多，可吃些鴨肉和烏雞，還有桃膠，果然很滋補。二、鹽酥雞 $58由於要等鍋的湯滾起和食物煮熟，我們點了一客小食-鹽酥雞，份量都頗多，炸得剛好金黃酥脆，無一粒炸燶，手勢很好，而且鹹度適中又不重油膩感！三、水耕菜 $58非常新鮮，完全是沙律菜一樣可以生食!四、手工丸類拼盤(12粒) $108墨魚丸、黑松露蝦丸、鵝肝墨魚丸、芝士牛肉丸和蝦丸，很有新意的配搭，味道亦很好，且很彈牙，特別愛芝士牛肉丸，因為我最愛芝左士，但吃時要小心燙口。五、餃子拼盤(10粒) $98魚皮餃、韮菜餃、鮮蝦雲吞、水餃、麻辣牛肉餃，粒粒皮薄飽滿，可能自家製才會這麼足料，而麻

為好友慶生辰，幾個朋友 相約到旺角慶祝！大家都喜歡這間店的裝修風格和台式的火鍋風味，服務也不錯、地點適中，又夠人氣，熱熱鬧鬧氣氛，所以也不作他選！中午12時~凌晨6時 營業 基本湯底有六款，一 ) 其中有麻辣鍋 $ 128二 ) 酸菜白肉鍋 $ 128三 ) 寧神養生鍋 $ 168四 ) 秘製薑母鴨鍋 $ 168五 ) 美人養生鍋 $ 188六 ) 養生鍋 $ 188我們選了養生鍋，這個湯底精選中外食材，配以多款名貴藥材及人參，以火腿，老雞及豬肉精心肴製而成。滖起散發香氣樸鼻，湯味清甜！湯中包括有;冰豆腐，軟滑鴨血吸收了湯的精華非常滋味！手切牛肉 (大) $ 328油花分佈平均，入口嫩滑，肉味香濃！涮鍋小羔羊肉片 $ 108羊騷味不重，好味！樱桃鲜滑鴨片 $ 88這個很特别！肉質不覺得滑，可能灼得過了火吧！反而覺得越越鲜甜，肉味非常濃郁！這個一定要試！太好味了！！手工梅菜豬肉丸一份 $ 68 和墨魚丸 $78梅菜豬肉丸甘香，墨鱼丸彈牙！冰豆腐吃不停，自家製水餃，雲吞餡料鲜味美！鲜炸响铃更冇得輸！熱辣辣炸起夠香脆！邊吃邊喝氣氛熱鬧非常！大家都感到很暢快！這真是聚會好地方！最後

麻辣鍋唔麻又唔辣 有點失望好在邊爐料新鮮湯底清清地都不是大問題但重口味人士就唔多滿意裝修有心思銅鍋有特色另一邊酸菜白肉鍋裡嘅湯料很少寬條粉唔Q台式火鍋必試嘅鴨血好食台灣A菜都很不錯潮州魚蛋有surprise 新鮮彈牙有魚味服務有改善空間侍應多些留意客人舉手~

兩間都好好味你叫我講兩間有咩分別其實都冇乜配料方面銅鑼灣嗰邊係 蒜水旺角除咗蒜水之外仲有少少蒜蓉我覺得有返少少蒜蓉好似好好一味但係竟然 有啲啤酒 銅鑼灣有呢度冇兩間服務都好好你上嚟都係飲湯啫因為蔬菜特別掛湯 差唔多所有叫嘅嘢係菜咁濟主角係個湯呀嘛今次發現咗原來竹笙簡直係美麗動人係新鮮嘅白色非常吸湯今次最掛湯嘅竟然係佢嘅新竹米粉夠曬幼 同細緻吸收曬啲湯嘅味道同埋佢有個豆皮真係超級勁正 係大塊嘅響鈴炸得啱啱好又唔油仲要完美過響鈴勸喻各位第一次落單 落咗個湯底先跟住先至諗清楚自己想食啲乜嘢

心血來潮突然好想食台式火鍋，終於有機會試一試養心殿，上網見到開張以來咁多好評又咁快開分店應該唔錯🤣地點超就腳，旺角地鐵一出行幾分鐘就到～放工時間都需要排一陣隊先入到，裝修同台灣地道火鍋店一樣古色古香。由於我之前已經喺台灣試過台式麻辣火鍋唔太習慣(個人偏好內地重慶麻辣鍋)所以揀咗好多料嘅美人鍋，仲有我最鍾意嘅桃膠😍講真呢個真係一定要試，原隻烏雞配買杞子同金華火腿，啲雞肉仲要好滑，一啲都唔鞋，點少少豉油加辣椒粒真係好抵食，湯底好滋陰！極上雪花肥牛，新鮮多油花牛肉味香濃配埋呢個湯底更加吊出牛肉嘅鮮味！仲有必食嘅係呢一個＂自家製極品水餃＂人少可以帶半份即4粒，兩個人啱啱好，外型同味道好似鳳城水餃，入面蝦肉勁彈牙仲有爽脆嘅木耳，口感好好！黑松露蝦丸屬正常質素！可能呢輪食得太多黑松露🤣好想食海鮮叫咗個海鮮拼盤，小小貴但都值因爲啲海鮮好新鮮有海蝦、帶子同鮑魚，少少哋滿足下我呢個海鮮控😎👍🏻粟米同唐山菜都好新鮮啲菜重係碧綠色😍再一次證明咁多人食係有原因架，遲啲凍啲一定要再去多次試吓佢個鴨血🤤

這店火鍋店是好友極力推薦，所以必定要來品嚐一下跟其他火鍋店不同之處。位置在旺角十分方便，所以相對客人也蠻多，要在門外排隊等位。餐廳內裝潢十分古色古香，很配合餐廳主題。天氣也剛巧轉涼，朋友也對火鍋十分興緻勃勃，選湯底時大家也研究研究一番。由於湯底也甚特別，所以這次先試兩款，其餘留待下次再試吧鴛鴦煱 ($188)烏雞美人鍋X薑母鴨鍋當鍋來到，湯一滾開後，各人就先來品嚐一下湯底。鴨鍋味道較濃郁，且鴨件配上餐廳供應的腐乳醬份外甘香，而美人鍋就配有烏雞，十分清淡，沒有很重的藥材味道且有桃膠在內十分滋陰養顏，而烏雞就不油不膩。到了火鍋配料手切肥牛(大)($328)厚度不一，令口感豐富，而牛味甚重老油條($58)大家還不停笑這道配料，十分有趣，還擔心會很硬，但原來放湯後，稍浸久一點也沒問題，外層吸收了湯的精華，而內芯還是脆脆的。炸午餐肉($58)十分厚切午餐肉，平時茶餐也會期待一些厚切的煎午餐肉，這道炸午餐肉又怎能放過。好食但太飽了，大夥兒去打邊爐好處就是有男士幫忙可吃多點，可點多一點款式。手工丸($108)特別彈牙的丸類，而特別喜愛芝士牛丸，期待下次試試手工餃類。事後並沒有一般火鍋後的口渴，證明真

養心殿係台灣嫁過江龍 一黎到香港就引起好大迴響 想食一次都要排好耐隊 實鬆不易 一大班人慶生 天氣又涼 最好就係邊爐 因為9點半後有7折 我地book 左9點半 去到嫁時間發生段小插曲 竟然無左我地book 位嫁record 原來Wtsapp book 台嫁老闆忘記左將我地record 落返係公司record到 好彩職員都盡快將下一張埋單嫁大台比我地 但都等左半個鐘到10點一入到店內 裝修走懷舊風 係老北京涮涮鍋店的裝潢 木台木櫈 碗碟亦都走懷舊風 唯一要講嫁就係木櫈同木台嫁高度有點近 如果個子高嫁人坐會有點辛苦 養心殿最有名係湯底 主打養生鍋 有人參藥材在內 同美人鍋 烏雞 桃膠 藥材 因為怕養生鍋嫁藥材味太濃我地轉叫美人鍋$188 呢到雙拼都係收返較貴嫁湯底價錢 可以一次滿足2個願望 我地就雙拼左個酸菜白肉鍋 湯底一黎 又係老北京嫁鍋鍋 受熱較均勻 煮滾後湯底好香 呢到係建議客人先品嚐無味精湯底 飲夠了 再加湯打邊爐 先試美人鍋 點解酸酸地 顏色亦如酸菜鍋偏白原來個鍋嫁分隔應該裂了 酸菜白肉鍋嫁味道同美人鍋混合 同店家反映佢地即刻換上另一鍋 呢個時候再睇 2個湯底顏色分明 一黑一白

上周六下午, 於旺角走著走著, 肚子餓了就隨意來到了一家台式養生殿吃東西. 這店位於一家新商場1樓, 門口不大, 一進店, 古式古雅的裝修, 像每個卡位都是一間獨立的房間, 座位寬敞舒適, 適合一大群人來聚會。我點了一個藥燉排骨配白飯, 一端上來香濃的當歸味, 充斥滿房, 十分飄香; 前菜的白蘿蔔乾, 炸菜等十分醒胃, 藥湯十分鮮甜美味, 但沒有排骨, 給我的是豬肉, 豬肉口感有點兒粗糙, 不夠幼滑, 如果換以排骨相信會更好。吃完這餐, 覺得晚上吃養生火鍋會好一些, 有機會會再來嘗嘗。

一年一度的萬聖節又到了！但係萬聖節對於我們來講都完全唔係重點！因為我哋有一位女王朋友係呢一日生日的，大夥兒當然會為咗佢嘅生日出來食餐好而且完全把萬聖節呢回事拋諸腦後。大家都知道佢駐顏有術，又注重養生，有個朋友就帶大家來呢度食藥膳湯底打邊爐。人未到齊，未開始食得唔緊要，食啲雲耳前菜，又爽口又開胃。美顏湯底之中，發現到好多烏雞件，真係幾足料，食多幾件，滋陰養顏。打邊爐午餐肉係食得多，但係呢度佢會幫你剪香咗先上菜，我哋已經急不及待當佢小食咁食咗先。雞件有少少肥膏，食落好滑。食啲秋葵，又唔會肥對腸胃又好。雲吞每一隻都脹卜卜，一睇就知好足料啦！酒香白肉，之前未試過呢個菜式，白玉幾爽幾滑，而且加少少酒香，味道令人醉倒。呢碟丸子款式咁多，望落去賣相已經好吸引。有我最鍾意嘅芋絲，好爽口！而且吸左湯料，更加惹味。嘩！有呢啲紅卜卜又新鮮的手切肥牛，顏色又夠喜慶，啱晒今日嘅主題，食落又香，幾好趙口。

六點鐘一早就去到，無乜人，入到去冷氣都幾大，佈置都幾有氣氛，可惜係木凳，唔係坐得太舒服，下次訂枱要求坐番有扶手嘅凳我地要個鴛鴦鍋，試晒養生鍋同美人鍋，但打打下，兩隻味mix左一齊侍應服務好好既主動，又有禮貌，放係旁邊的熱水凍左仲主動幫我地換過啲熱嘅水不停播台灣普通話歌，音樂都比較太大聲無限時，一行五人，七折後每人$278八點半離坐有七折，食唔切唔緊要，hsbc card都有折養生鍋有人蔘，老雞，豬肉，鴨血，桂圓杞子等美人鍋烏雞，桃膠，杞子南棗等啲湯底入落口覺得好足料同無味精手切牛肉必食好有牛味，無筋，唔黏牙，唔un黑松露丸又彈又香松露味響鈴必食新鮮炸，好薄脆，勁香墨魚滑好彈牙杞子菊花桂圓露都幾好飲，甜味唔似係落左好多糖

秋天來到凍凍地，又是打邊爐嘅時候，屋企人話想試下些特別野，朋友介紹咗個間很不錯的餐廳「養心殿」，聽說那裡主打養生，湯地都以養生為主，所以今次就同屋企人去試下！餐廳裝潢很台式，每個卡位可以自成一角，同家人朋友來聚餐談天很不錯！好彩我們一早book咗位，如果唔係walk-in 都未必入到或有排等。沒有用餐時間限制可以慢慢食😋！打開MENU真係嚇咗一跳！d鍋底好特別！ ！”酸菜白肉”、”疆母鴨”、”美人窩”、”養生窩”，只是看個名就知道主打養生，每一個鍋都用不同藥材餚製，美人窩更有骨膠原！每個湯底都想試，可是最近好熱氣，所以就揀左清清地的 ”酸菜白肉窩”，唯有下次再來試其他湯底啦。養心殿的鍋具與出面不同，是好傳統的銅製鍋！一打開蓋見到鍋入面有好多白肉，好香好濃！而肉有好重既花雕酒香，同酸菜好夾，我忍唔住未落材料已急不及待飲左一碗😋😋！真係好濃好好味！鍋底有好多QQ粉，好似食緊酸辣粉咁好正！我們叫了雪花一口肥牛粒，入囗好軟好有肉味！值得推介！另又叫了厚脂黑毛豬梅花肉、牛胸爽 ，雖然有些貴，但menu 註明「 ”御藏限量” 」咁就試下牛胸爽囗感好特別，喜歡吃牛的朋友可以試試～～肉之外，我們又叫了

每次想去台灣的時候就會到養心殿吃個火鍋止止癮,而且店內湯底用老火靚湯，份外吸引女仕。今日與友人來到旺角分店，平日都人山人海，可見人氣度的確係勁養心底注重火鍋料新鮮，價錢中上。湯底我們選了酸菜白肉鍋拼麻辣，吃過美人鍋都很不俗，裡面有桃膠，超級養顔！火鍋配料選擇多有，下至菜，上至海鮮一應俱全，手打丸及海鮮都很有水準很快湯底來到面前。用上銅鍋，傳熱特別好。酸菜白肉鍋不算太酸，豬肉片又薄又肥瘦適中，一邊喝湯一邊吃料，一大享受！麻辣湯有鴨血，而且有一次refill鴨血服務，不怕吃不夠過癮。活九孔先來到面前，鮑魚非常有光澤，好新鮮，肉質彈牙鮮味，淥完都不會縮水！肉類今次點了一口肥牛粒。份量略嫌有點少，而且脂肪有點過多。但勝在牛肉味濃郁。肉質亦不韌。手打丸點了最愛的黑松露蝦丸及鵝肝墨魚丸，配搭新鮮外，兩者都非常彈牙有咬口墨魚丸內真有一細粒鵝肝，融化後散發鵝肝香氣在口腔，正！右邊是自家制麻辣牛肉餃，辣度不算重，為不過不失之作。店內更有水耕蔬菜，用水種的菜不用擔心有泥沙，而且份外新鮮清甜。養心殿更有推廣活動，讚好fb專頁送一杯飲品用餐後餐廳更送上檸檬冰沙，解膩又解渴

工作累了，塔塔子最喜歡去食辣野幫自己打打氣好友約我，霸道嘅塔塔子就話要去食辣，涼涼地最適合打邊爐啦！呢間火鍋店主打正宗台式火鍋，裝修都好古色古香，真係好似置身台灣火鍋店咁！美美的裝潢事不宜遲，塔塔子本來一心一意要食麻辣，但店員細心介紹唔同湯底，推介我地叫多款！一於配多個酸菜白肉鍋湯底絕對唔簡單，內裡已經有好多配料！麻辣嘅有冰豆腐&鴨血，白肉鍋當然已經有唔少白肉！野食未黎都有野食兩款嘅湯頭鮮甜，香而不膩！塔塔子覺得黑毛豬係火鍋不能少嘅配搭！脂肪分佈平均，肉質鮮嫩，厚薄適中，涮幾下就可以了估唔到丸類都咁有驚喜蝦丸竟加入黑松露口感彈牙不在話下，入口嘅黑松露香氣撲鼻，提升蝦丸嘅層次熱辣辣即炸嘅響鈴！絕對唔係現成嘅普通貨色！浸入鍋裡兩秒拎起，吸了湯底嘅味道又能夠保持香脆嘅口感配酸菜白肉鍋一流食火鍋都可以食到自家制餃子，實在誠意十足皮薄餡靚，脹卜卜又足料，讚墨魚滑睇相就知佢新鮮了！非常精巧，彈牙又滿滿嘅墨魚肉，大啲細啲塔塔子話哂事我喜歡大大粒嘅！亦有提供高級蔬菜秋葵～非常新鮮，份量滿分今餐塔塔子真係非常滿意！等天氣再凍啲就有藉口再黎呢～

入坐即看餐牌，湯底有點像藥材湯但又比普通藥材湯講究味道及營養的配搭。最後我們選了寧神養心鍋及美人鍋。兩人坐位子剛剛好，旁邊有個小開放櫃給擺放食材。熱茶滿濃，容易失眠的朋友盡量少喝。寧神養心鍋:鍋里有一份開邊魚頭，半隻烏雞雞味重而肉嫩 配上天麻川芎，湯底香濃，湯渣還給我們清得一乾二淨。美人鍋: 桃膠份量足，滑嫩煙韌有咬感，半隻烏雞清光。小份手切牛肉: 肉味濃，肥肉口感爽而香，吃完整盤也不覺膩。寬粉起快熟，質感與平常薯粉有點相像，但比薯粉易入味，適合火鍋吃！蔬菜拼盤: 菜很鮮甜，特別是玉米，口感脆而爽，味道很甜。韮菜餃皮薄餡鮮，湯汁於餃內，不過半份只有四隻不夠不夠呀湯底還會再補，大家一開始當湯喝也不怕，好味又健康。