養心殿台式養生鍋 (已搬遷) 新店位置

秋意涼涼，又到打邊爐的季節，一班為食友當然即刻約我啦！大家諗去邊度打邊爐之際，我就諗起養心殿個美人鍋，養心又養生！朋友仔早到左，一早幫我地叫好嘢食。一坐低，湯底已經滾起，陣陣藥材飄香傳來，食指大開。朋友仔非常知我心，鴛鴦湯底揀咗美人鍋同養生鍋，藥材配上烏雞，非常補身！每人先飲一兩啖清湯，成個胃暖晒。烏雞嫩滑又有雞味，不愧係我最鍾意的湯底。作為過江龍的台式火鍋，湯底絕對係主打，但其他嘢食質素都唔錯。好欣賞呢個手打丸拼盤，每一粒都好彈牙，而且款款味道確係唔同。手切牛亦有一定水準，價格合理，但我個人覺得甘濃香的牛肉配濃香的湯底好似有少少搶風頭。酒香白玉就係我最欣賞的配料，簡單的食材配上獨特的製作方法，就係唔簡單的美食。預先醃制過的白肉，滾起後依然可以食到濃濃的酒香，犀利！

今日難得跟幾個舊同事食飯, 個個都是吃貨, 當然要吃得好一點; 上次試過養心殿的銅鑼灣店很好吃, 今晚就決定到旺角店大快朵頤旺角店比銅鑼灣的小一點, 但人氣就多很多, 上到去已經長長人龍, 幸而一早BOOK位;  今次點了秘制薑母鴨鍋+美人鍋, 鴨鍋味道很濃, 加上鴨血鮮味, 配響鈴最有味道; 美人鍋一如其他養生鍋, 未開始放食物就要先喝口湯, 因為太好味了, 湯裡食物的鮮味都一滴不漏, 原原本本地在湯裡喝得出來, 還有大大朵的桃膠, 非常滋陰今次叫了手切牛肉, 肉味很濃, 牛魔王朋友會很喜歡, 酒香白肉的酒香很足夠, 應該是泡浸了很長時間才令酒味走到肉裡, 這個帶來很大的驚喜; 響鈴跟老油條就是必點之物, 兩者剛好相反, 響鈴只可浸泡半刻保持最有質素的口感, 老油條就因為事前先炸過了多次才上桌, 變得夠硬身, 所以泡在湯裡吸多些湯汁才吃又是另一番味道再叫了千層凍豆腐及鮮甜三蔬; 凍豆腐第一次叫, 放到湯裡吸收湯汁是最好的配搭; 自己最愛的是鮮甜三蔬, 尤其是粟米, 非常清甜, 放在美人鍋裡令粟米的甜味更突出, 這裡的蔬菜非常有水準, 再有機會來也一定要番單鮮甜三蔬

一直都想試呢間邊爐，但係仲係好熱。終於等到天氣轉涼岩晒打邊爐啦，即刻約左朋友訂枱。環境好有格調，有古色古香既感覺。揀左養生鍋拼麻辣鍋小辣，建議食辣既人揀中辣或以上先過癮。養生鍋煮滾左之後我飲左一碗，個藥材味重但係會接受到既，好好味。打邊爐點會諗到可以飲湯底，但呢到就係俾你甘做，而且個湯底仲好出色。雜錦蔬菜籃手切牛肉：好靚既油脂分佈，牛味重而且入口好滑。鮮蝦滑手工丸拼盤：好彈牙👍🏻👍🏻👍🏻炸嚮鈴：真係新鮮炸，送上黎好香同暖嫁。鴨血：呢個係送既，我本身唔太好鴨血，但試左呢個真係好滑同入味，食左好多舊😋😋自家製杞子菊花圓肉露：比平時打邊爐飲開既竹蔗茅根特別同好飲，應該好少地方提供，而且係勁大樽又好味。仲有叫左雞肉同竹笙：雞肉好滑同好大件夾抵食。竹笙就一定好味啦吸左湯底。總結：除左環境同野食一流之外，服務態度都好加分，加湯加茶係好快手唔洗嗌，同每一個都好有禮貌。下次會再黎試埋美人鍋！

第一次係陪朋友宵夜過嚟食因為見到呢間舖頭凌晨兩點鐘仲未關門但因為我唔係食得太多所以冇寫評價！但係已經覺得個湯底好足料好濃郁今次早二日訂位 訂了6點入座後計2小時食物方面鍋底 ：麻辣同埋酸菜白肉鴛鴦鍋 雪花肥牛半份黑松露蝦丸半份水餃蔬菜籃炸午餐肉豆皮同埋一支啤酒麻辣湯底好香鴨血超級推介十分好食而且鴛鴦鍋可以免費追加一次(我哋揀咗免費追加鴨血)酸菜白肉湯底都非常香非常濃郁打邊爐烚菜同薯粉非常好食配料都好好味但唯獨黑松露蝦丸十分普通冇黑松露味我哋半分都食唔曬價錢方面💰我地8點埋單 原來8點半前埋單有7折咁成餐飯都OK ge如果係7折真係太貴！宜家每人250就可以接受既但我覺得醬料費太唔合理其實得豉油同醋 芫荽 🌶但係要收20蚊一位因為二個人食 叫太多根本食唔哂但整体都推介既

其實好怕落旺角食飯， 除咗人多之外，好多食肆都係食租金，食裝修，味道亦麻麻。 不過旺角始終係最方便約人嘅地方，幾個舊同事約食飯嘻哈聚一聚，其中一個話旺角有間邊爐好食要返尋味。 見秋風初起，好打邊爐熱身入秋。兩男兩女食火鍋， 女仕愛靚揀烏雞美人鍋，男仕要補揀薑母鴨鍋。 跟手叫咗幾個大路菜， 手切肥牛、酒香白肉、響鈴、凍豆腐、手工丸拼盤、老油條、炸午餐肉、雜錦菜盤。到個鴛鴦煱上枱，心諗又話養生藥膳煱嘅？個湯嘅藥材味好似唔多夠濃喎，有幾好味呀？跟住其中一位舊同事話飲湯先！又好唔洗洗完筷子先飲口水尾。結果個湯一入口....好味喎！鮮而不濃，藥材香味係剛剛好。食過先知以前食嘅藥膳火鍋全部都俾藥材蓋過曬啲味道。薑鴨薑味唔太重，點埋個腐乳正爆。轉頭食個烏雞亦夠嫩，唔似一般嘅老雞煱。開始加餸 淥淥淥。手切肥年牛，唔錯，脂肪夠香， 切雙飛有噍頭。推介酒香白肉，酒香、肉香、藥材香樣樣有，重要平過碟牛肉，最高C P值。響鈴，新鮮炸起又有豆香凍豆腐，索曬個湯手工丸，水準之作老油條，返炸完放咗入湯重脆撲撲炸午餐肉，厚切，鍾意午餐肉邊火爐嘅唔叫走寶。四條友落樓每人三百，旺角喎，唔趕你走喎，好味喎，响返曬到啦。

一直都好想試它的養生鍋，冬天就到，一於約埋朋友一齊去試。餐廳好像台北火鍋店，深木色牆和桌椅、感覺古色古香、同時旁邊此起彼落的笑聲、氣氛熱鬧非常。鴛鴦美人鍋 X 養生鍋 $188美人鍋裡有桃膠、桃膠含豐富膠原蛋白、加上杞子、南棗、烏雞、滋陰養顏。左面的養生鍋則以藥材、人蔘、老雞肴製而成、藥材味較重、活血補身。裡面還有我愛吃的鴨血、滑嘟嘟。霜降肉眼肥牛 $178一卷卷的玫紅色肉眼肥牛、擺盤立體艷麗、油脂充足、肉質嫩滑。手切牛肉 $228相比霜降肉眼肥牛、這個油脂相對少一點、比較有嚼勁、但牛肉味更香濃。少不了的響鈴$58、好脆且鬆化。第一次點這個老油條 $58，比平常吃的油條顏色偏深、十分脆卜卜、跟響鈴灼幾下就可以了。水耕菜 $58 翠綠新鮮、放在這裡好像一盤盆栽。它像平常吃的沙律菜、用作火鍋、吸收湯底精華也不錯。金菇 $38黑松露蝦丸$48 松露味超香、蝦丸彈牙。鵝肝墨魚丸 $48 爽滑、但鵝肝味唔太出。水餃 $42 皮薄餡料好足。整體而言、食物質素不錯、飲品選擇亦多、有清潤飲品如黑糖烏梅汁、杞子菊花蜜、白苦瓜汁及多款啤酒、適合約好友放工後聚餐傾計。

越來越多人注重養生保健好多時啲人聽到話打邊爐都會諗得好負面覺得好熱氣唔健康啊等等不過如果識得選擇嘅話呢打邊爐唔一定係等於唔健康嘅要食得健康最緊要識得揀同朋友行完朗豪坊我哋去咗附近一間標榜養生做主題嘅火鍋店打邊爐呢度有好多款湯底我地叫左養生鍋拼秘制薑母鴨鍋$188（雙拼係會收貴d果個鍋錢）養生鍋好足料材料有桂圓肉、杞子、人蔘、千層豆腐等個湯底以火腿、老雞同豬肉精心肴制而成薑母鴨鍋好補下湯底材料有老薑、馬蹄、冬荀、當歸、千層豆腐同紅面番鴨 （台灣特產）等海鮮我地叫左活九孔同蟶子好新鮮呀活九孔 x 2（鮑魚）$84蟶子皇 x 2 $96蟶子好大份而且口感爽口彈牙！食完海鮮唔少得要叫返d菜食下雜錦蔬菜盤 $58 （後）鮮甜三蔬 $58 （前）d蔬菜類好新鮮由於d湯底太多料我地又唔係食肉獸所以無特別叫肉類但食完海鮮同菜都飽左一大半大家記得要留肚食埋湯底d料因爲真係好多啊！兩個女仔食呢個份量好夠再加野的話恐怕會食唔曬食完野原來有沙冰送感覺好貼心有百香果味同🍋味清新又冰涼有助去油膩感補充一下：台灣紅面番鴨好好食d肉特別嫩滑埋單每人二百幾三百左右價錢合理（鴨肉超多呢度只係冰山一角來）養生鍋個湯底好好飲

自從在台灣吃過一次麻辣鍋之後，就很想再吃一次，但那有可能每次都去台灣吃所以我一直都在尋找接近台灣味道的麻辣鍋，今天讓我找到了麻辣鍋真的很像台灣的那種，可以選擇辣度喔～料都很足，鴨血很q彈非常好吃，豆夾都吸滿了湯汁，軟軟的很不錯，麻麻的感覺超棒的。酸菜白肉就一般囉，沒有很像台式的，味道比較淡，白菜很多，肉就比較少，而且很小塊。鴨肉超級好食！！！像很有彈性，肥肥的部份爽口而且一點都不油膩，鴨肉味很重喔～豬肉很軟，同樣肉味很濃，肥瘦剛剛好，和麻辣鍋很配 皮很薄，料超多的，滿滿的豬肉和菜。

湯底是麻辣拼美人鍋，湯底足料，食的過程也不用配醬油，麻辣湯比台灣的辣和麻，比較像四川麻辣混台灣麻辣，味道不錯，美人湯有鳥雞、元肉、紅棗、杞子等，未食之前飲了點湯，味道也很不錯，只是可能是配料元肉、紅棗等帶甜味，所以滾出來的食物也偏甜，如只單點一個湯，所有滾出來的食物也偏甜，可能加點醬油比較好食材新鮮，魚很好吃，只是手切肥牛有部份太多脂肪、不夠出色環境乾淨舒服，但不是每張枱都有可靠背的椅子，坐久了，比較累三個人一千多，價錢合理，整體來說是可再光顧類型

本來無訂檯無位，好好彩個個唔等走哂，等左半個鐘就有位，太開心喪叫食物。餃鴛鴦鍋188，👨揀左麻辣鍋，小辣，我要靚就揀美人鍋。發現湯底好足料，好大隻烏雞，早知唔洗叫咁多嘢食。手工丸12粒，樣樣試齊，夠爽但唔太特別餃子拼盤10粒，最好食係鮮蝦雲吞鮮炸響鈴，即炸好脆，好香。 涮鍋小黑羊肉片，唔羶，肉嫩唔韌。極上雪花肥牛，我唔食牛，但朋友喪食雜錦蔬菜盤，菜唔算太新鮮。海鮮拼盤，蝦夠大夠鮮，帶子甜餐後有免費甜品，好多口味雪糕同沙冰揀，益力多味沙冰，酸酸地，幾好味。豆腐雪糕好香濃。真係叫得太多，飽到食唔哂，最正係個湯底，其餘就好普通，得鮮炸響鈴好

最近同事提起 "台灣養生鍋" 又養生又好味,  諗起香港都有得食, 就好心急訂左位 養心殿裝潢古色古香, 好有格調, 而且所有位置都間隔開,  有足夠既私隱度, 十分之讚!酸菜白肉鍋, D湯酸酸地, 酸度適中好開胃, 飲左幾啖已經愛上左 ^^ 鍋內除左有酸菜,  腩肉片 , 仲有 QQ 寬粉.  QQ 寬粉條彈牙又爽口, 吸收晒D湯十分好味~~~ 而腩肉片切得好薄,  肉味帶甜, 太讚了！厚脂黑毛豬梅花肉: 肉質娕滑, 讚!讚!讚!極力推介~~~~鵝肝墨魚丸:  每粒中間都有鵝肝粒, 食落味道幾得意, 蝦丸好新鮮爽口彈牙 鴨血: 好似豬紅咁, 但口感比豬紅實少少, 好爽滑老油條: 太硬了, 呢個要扣分分享到FACEBOOK同打卡仲有杯野飲送甜品

秋風起，又係到打邊爐既時間啦！不過邊爐打得多，黎黎去都係果D，有D悶，所以今次揀左間特別D既。朋友介紹話”養心殿” 個鍋底好正，主打台式養生系列，叫我一定要去試下，所以今次一於試試！星期日要BOOK位，真係有D困難，不過好彩最終都BOOK到，而且最好既係無限時！坐低後一打開MENU，真係哇左一聲：”乜D鍋底咁特別既？”又”酸菜白肉”、又”疆母鴨”、又”美人窩”、又”養生窩”，真係齋個名都知好養生！仲要樣樣都真材實料餚製，真係出面未見過！只只都好想試，不過無奈地撞正果幾日，全部寶野都唔食得，所以就揀左” 酸菜白肉窩”!  (唯有下次再試其他啦～～)坦白講，養心殿個鍋本身都幾特別，佢係類似傳統銅鍋設計，一開蓋果下聞到好大陣酸味，令人一聞就流晒口水，鍋入面有好多白肉，夾起即刻聞到肉身有好重既花雕酒香，個味真係同個酸好夾。平時好少飲火鍋湯底既我，今次都忍唔住飲左一碗，真係好鬼正！仲要個鍋底有好多QQ粉，口感好似酸辣粉咁，好有咬口！講返今餐食乜先！我朋友話養生就唔好食咁多海鮮，所以今次主打叫肉!雪花一口肥牛粒（口感真係好似日本A5口感）厚脂黑毛豬梅花肉（同貴價韓式五花腩肉有得fight）牛胸爽

難得呢排轉涼左，即刻約朋友打邊爐烚下烚下。今次試左喺旺角ge養心殿，由於一早bk左位，所以好快可以入座，一入到去都feel到冷氣好夠，所以怕凍ge人最好帶件外套啦！我地揀左鴛鴦鍋，麻辣加養生鍋，d鍋一來到，我地急不及待試左個養生鍋湯底，真係足料同埋有淡淡ge藥材味。其他食材都好快上枱，最值得一讚ge就係響鈴同老油條，好脆好香口，個響鈴睇得出係岩岩炸起，食落去脆卜卜，連平時少食響鈴ge我都停唔到口。其他食材好似肥牛同雞肉都算有質素，雞肉可能有醃過，所以好滑，肥牛切得夠厚又有牛味。飲品我地4個月嗌左一jar自家製杞子菊花圓肉露，好清甜，打邊爐飲好有下火ge感覺。由於唔係限時，所以同朋友可以慢慢吹水慢慢食，值得一讚就係d 侍應幾細心，會keep住加湯同加茶。呢間野整體來講都幾好食，所以會再幫襯試埋其他野！👍🏻

台灣食過無x鍋後一直念念不忘！ 希望喺香港都有得食！機會黎啦！ 開左間台式養生鍋！ 可以成為飯堂啦！ 嗌左個養生鍋加麻辣鍋，一邊要黎飲既！麻辣要黎滾既！ 湯係正既！有無味精我就唔識分啦 麻辣嗰邊夠香！ 係有台灣味道！入面仲有豆腐同鴨血添！嗌麻辣鍋可以free加一次豆腐鴨血！ 另外仲嗌左幾樣野食！分量少，但都好好食！ 仲另外叫左個鹽酥雞！ 分量都幾大！仲好好食添！ 食到最尾食唔哂！ 雖然依間同台灣既爭啲！ 但喺香港食到台灣既味道喎！都算係咁啦！

其實我都唔知台式養生鍋同火鍋有咩分別。我估最大分別係湯底有些唔同，加左少少藥膳成份（？！）。因為我地見到麻辣湯底多左幾粒連殼既桂圓（黑色大大粒個 d~)湯底係多左少少料，但味道黎講都係正正常常，我又唔覺有咩特別。不過個鍋係銅製，容量比起一般港式火鍋都大既。食物方面，不是任食的，是自己點。食得出質素唔錯，但價錢亦唔平。$150-$160的 🐮 大概有8-9塊。男仔未必夠食，女仔都 還可以響鈴係佢剛剛炸起既。丸類就唔係來貨，係自家製都幾特別 ~~有鵝肝墨魚丸， 芝士牛丸， 松露蝦丸。味道唔錯，不過都係細細粒。埋單每人$240+ ，食物👌，但我又覺得呢個價錢會有更好選擇。值得一提：服務都幾唔好，想搵個人都好難，我估因為佢座位設計有點似雀籠。侍應好似成日都見唔到我哋咁。難得搵到個人佢會答你：我搵第二個幫你，然後消失。 結果我哋要咩冇咩，跌咗筷子我地最後都係自己去搵 😅😅。