養心殿台式養生鍋 (已搬遷) 新店位置

是日有朋自遠方來同最愛的好朋友們緊係例牌食左先講。途經朗豪坊，經手袋店的職員介紹我地去養生殿食，咁就過去嘗鮮la，話哂都係第一次十下十下去到門口，都已經有一堆人等緊位，原來係2030/2130 pm入座有7折，不過正價就唔洗等位，我地餓到爆，就當然選擇後者。鴛鴦鍋(麻辣/美人)麻辣鍋: 望到好多辣椒🌶️浮浮沈沈，個樣睇落好嚇得人，但食落又唔係好辣，可能有藥材中和左，食完都唔太燥，麻而不太辣。第一次食鴨血，有驚喜！真係唔錯。美人鍋: 估唔到黑雞同桃膠咁夾，仲有埋d藥材:黨參，北其等等。平時桃膠都係甜食多，原來咸都搭配到叫左好幾款送: 肥牛，牛柏葉，豬大腸，炸午餐肉，鴛鴦丸，芋絲，米粉，金菇。4個人正價，都唔平，張單無影度，多謝老婆子大人出埋我果份如果7折食會抵好多，因為依間野最大特色係湯底，其他餸不過不失，平時打邊爐都食開。

台式火鍋同港式火鍋既分別就係湯底能有養生之效, 呢排天氣咁凍, 真係要好好補下身先得, 就去呢度食返個台式養生鍋湯底選擇有幾款, 各有特色, 依加仲有鴛鴦湯底可選擇, 以價高價錢湯底收費 今次選了麻辣 ($128) X 寧心養心鍋 ($168), 紅白相拼!紅組嘅麻辣鍋配以多種香料及藥材, 睇落紅噹噹勁呀, 聞到都好香麻辣味, 內裏有鴨血及凍豆腐, 而呢個鍋仲可以免費追加一份鴨血, 抵食呀!食過呢度嘅鴨血真係返唔到轉頭, 嫩滑無比, 同個麻辣湯底真係絶配!白組嘅寧心養心鍋以川芎, 白芷, 天麻, 當歸, 鮮鷄, 豬肉, 及魚餚製而成, 侍應叫我地滾起時先飲碗湯, 啖湯真係好夠味道, 滿口川芎, 白芷, 天麻味, 飲完一碗彷彿頭風無晒!每鍋仲有竹絲鷄及魚頭半份, 鷄肉食起黎仍然滑; 魚頭先煎香左所以食落一D都唔會腥, 估唔到"湯渣"都咁好味!火鍋配料選擇都唔少, 有D仲係台式獨有食材, 餐前仲可以叫D小食食住先今次火鍋唔食牛, 改食呢客嘉美農場鷄肉 ($108), 份量對眼, 全部都起皮起骨片肉, 食起黎相當方便又健康D肉質幾滑, 加埋湯底既味道都幾岩食!丸類方面呢度有半份咁叫, 就算2

11點鐘才想去食火鍋，選了這家養生鍋。這個鐘數到達，居然還是有很多人，需要等位！點了鴛鴦鍋，牛肉，蝦丸，午餐肉，鹽酥雞，另外點了＄188的池魚刺身，和生啤。池魚也不錯，份量不多，但$188算抵食。出奇地鹽酥雞打邊爐居然不錯。其他食物也算不俗，蝦丸爽口。炸午餐肉係打邊爐佳品。大碟肥牛：肉味油脂都ok，就係少左啲。一大班人咪一人得兩塊？可能由於旺角租金貴，地方非常迫，枱面非常窄，坐得好唔舒服。10點後入座除刺身全單七折。ok 啦。

「養心殿台式養生鍋」在港有多間分店，主售台式養生鍋。是日造訪的旺角分店，離旺角地鐵站只有數分鐘步程，交通方便。 餐廳佔用了商廈的一樓，並有多於一個的獨立舖面散落在樓層之上。小編被安排坐於「副舖」的用餐區，內𥚃裝潢簡單，餐桌普遍偏小，人多共灼再加上滿枱火鍋生料，感覺有點擠迫。 火鍋湯底 與其他火鍋店比較，養生殿的最大特色固然是其特色湯底。難得選擇鴛鴦鍋不用加錢，二話不說來個「美人鍋併養生鍋」試試。 吃「美人鍋」的目標當然是養顔，內含膠原蛋白豐富的桃膠、滋陰補虛勞的烏雞，以及淮山、杞子、南棗等藥膳食材肴煮而成。唊一口湯頭，味道確是不錯，但其膠質食感卻比預期低。雖然湯汁養顔與否不止和膠原蛋白含量有關係，但卻是其中一個「看得見」的指標。 吃「養生鍋」的目標則是養生，湯汁以人蔘、老雞、火腿等肴煮製成，蔘香甘味濃郁，冬日享用能予人行氣溫熱的感覺，味道亦更富特色。 巧手小食 在等待湯汁煮滾期間，最適宜淺嚐一兩款即食小吃暫時壓止肚子空空的投訴。「鹽酥雞」與「炸午餐肉」皆是香口炸品，擁有令人一件接一件不斷進食的魔力。 肉類海鮮 牛肉是火鍋的重點美食之一，「手切肥牛」屬每日限量項目

天氣突然轉冷, 當然是吃火鍋啦！台式火鍋香港不多, 想到要暖身就吃薑母鴨吧！這夜選了旺角這間養心殿!位置在創興廣場及雅蘭中心中間, 方便易找!7點半來到已經差不多滿座!😳😳職員很好, 介紹了不同的湯底給我們。她說麻辣鍋👍👍但笨爸喉嚨有點痛...我們最後選了 "美人鍋+薑母鴨鍋"💕火鍋店的佈置頗有Feel😍醬油要到入口取, 有香麻油, 是台式的味道, 不錯!湯底很快就到!wow!! 很足料!! 目測美人鍋應該有半隻烏雞! 薑母鴨肉亦不少!職員提醒記得先飲湯!美人湯, 清潤!薑母鴨湯, 濃郁!由於湯底已很多肉, 所以我們沒有另點牛肉了!反而一款 "酒香白肉" 好像很吸引😍😍果然, 白肉煮後仍帶酒味😏再加一款蔬菜拼盤! (淮山, 粟米, 秋葵)新鮮😙冰豆腐, 寬粉用來吸湯! 😙😙尤其放入薑母鴨湯中更滋味!兩款丸子各半份-黑松露蝦丸👍👍鵝肝墨魚丸👍👍半份水餃！正常~最特別是一款叫 "水蓮" 的蔬菜!! 幼幼長長長的! 職員說煮3秒就ok!口感特別味道亦不錯!!吃完這個火鍋, 身體的確很溫暖!😁如多點朋友會更好! 可以點更多食材試試呢！評分: 5⭐最好食物: ⭐⭐⭐⭐⭐環境: ⭐⭐⭐⭐⭐價錢:

呢排天氣禁凍，最好就係打邊爐，禁岩約左3個 好朋友聚舊，緊係打邊爐啦　我地女仔打邊爐都好講究要好味，新鮮之餘，仲要同時養生，所以今次BOOK左呢間專食台式養生火煱～養心殿試下　唔好以為剩係得女仔先會選呢度呀，眼見排隊等入去的都係男仕居多　入到去 ，一入門口已經見到好多唔同的醬料任君選擇，仲要有好多直送海鮮刺身食添，坐位都好新淨同五臟俱全。睇下MENU 真係好多花款，頓時有選擇困難症添！最重要選左湯底先，我地選左養生鍋，一黎到已經聞到少少補湯藥材味，但飲左啖完全無藥材苦甘味，好味！最正有勁多清甜原粒龍眼可以食埋！正！終於帶野食黎啦！先黎墨魚滑！好鮮味！真材實料！再黎酒香白肉！雖然望落去好似普通豬肉，但放落湯灼完，竟然仲有酒香味！正！好特別！再黎極上雪花肥牛，切得夠薄雪花脂肪均勻，灼半分鐘就食得！夠晒嫩滑！呢碟響鈴都好有驚喜，估唔到黎到係岩岩炸好夠熱又夠脆，放2-3秒落湯灼下索埋湯汁仲正！直頭要再ENCORE另外，仲有叫左碟水蓮餃併水餃，水蓮餃係台灣先有的植物，香港無架，幾大都試下，水蓮溝埋豬肉好鮮甜，水餃好足料，咬落口感豐富又多汁！當然唔少得海鮮啦！叫左鮑魚同聖子試下，估唔到禁新鮮，一D

今時今日打邊爐 已經唔再求求其其就連餐廳都提供多左好多湯底又滋補嘅 又養生嘅 總有一款岩你口味今晚同媽媽決定去養生一下來一客美人鍋配寧神養心鍋右邊美人鍋 有烏雞件 紅棗桂圓等等左邊寧神養心鍋 好多藥材味 有半隻烏雞重有一大個魚頭 材料十足 湯底好好飲飲完湯就開始打邊爐 極上雪花肥牛油脂分佈一流 入口嫩滑帶牛味 值得encore丸子拼盤 望落細細粒 但係非常有咬口 又彈牙重有少食到嘅黑柏葉 唔洗淥太耐蔬菜籃 用上羅馬生菜 份量唔少 材料新鮮最後叫多個烏冬 送埋啲滋補嘅湯 勁正食飽 店員重送上大大粒雪糕

今日一行4位靚太再次去左旺角 (養心殿)一係唔試，一試就要試出名果個😋養生鍋先叫個養生鍋，果然好足料，啖湯夠晒甜。我地未落餸已經飲左兩碗湯😅再嚟個冷盤，鹵水鴨舌，啖啖肉，好難停到口囉😛脆炸響玲，即叫即炸，脆到飛起 !超新鮮👍🏻酒白白肉，即是豬肉，淥熟左之後,酒味仍在🍻當然唔會少左亞豬同亞牛果份，今次我地叫左梅花豬同降霜肥牛，唔洗兩分鐘，兩碟都已經清晒🙆‍♀再嚟聖旨皇加活鮑魚，聖旨好彈牙，鮑魚好新鮮， 一人一隻唔洗爭😆個墨魚滑又係要推介，彈牙爽口👍🏻跟住我地試埋個併餃，一半係水餃，一半係水蓮餃。一食就知唔係機制既餃子，皮簿，有肉汁。餃子混埋啲湯一齊食簡直就係一流😋（水蓮係台灣特產植物，唔記得佢話係蓮花邊個位置😝）記得訂檯呀，唔係有排等

天氣咁凍，就相約好友，去食一間主打台式養生鍋火鍋，其實之前都食過幾次，覺得養生湯底用料十足，其它食材都非常新鮮，環境亦古色古香，很適合三五知己！混醬區鹽酥蚵仔$78，炸得非常香口，蚵仔有淡淡鮮味寧神養生鍋併麻辣鍋＄168，寧神養生湯底用上川芎、白芷、天麻、當歸、大魚頭及烏雞熬製，麻辣湯底，辣度恰到好處，而湯底附送鴨血及凍豆腐手切本地牛肉＄238，油花分佈平均，肉質嫩滑牛味重手工丸併盤＄108，手工丸新鮮彈牙新鮮黑柏葉＄78台灣A菜＄79，來自台灣A菜，鮮甜菜味濃理單後，店員送上甜品👍🏻杞子菊花圓肉露$68

這次來的這家台式火鍋是朋友推介, 說是與港式火鍋的湯底及食材均有不同, 反正吃厭了雞煲, 粥底火鍋, 港式邊爐, 不妨一試. 9點半後入座有7折, 若試過可以, 日後必是宵夜的其中一個好去處. 進食時不設限時, 幸好有預先訂位, 不然要等頗久才能進場. 內部的裝修光猛, 感覺有點日式居酒屋的味道. 擺位整齊整潔, 旁邊有些不同的工具食具. 朋友吃不了麻辣, 鴛鴦湯底則只收較高價錢的湯底, 便點了最貴的兩款美人養生鍋. 2款鍋同時奉上, 先試右邊的養生鍋, 內裡有老雞豬肉熬製, 湯底的味道雖較美人鍋稍淡, 但藥材的量較多, 較滋補. 裡頭的鴨血相當好吃.  美人鍋同樣是雞湯, 但用上的是烏雞而非老雞. 裡頭的桃膠聽說有"平民燕窩"之稱, 營養上的功效不敢肯定, 但口感綿滑. 另外湯裡還有大件的烏雞肉. 開始打邊爐前, 先把2款湯底都喝上一大碗. 這個動作只在之前吃花膠雞煲湯底時做過, 但味道比起花膠雞更清潤. 這裡有一樣很大的好處是, 添加湯底時, 店員拿著不同的湯底直接添加, 而非加清水, 不會愈煲味愈淡. 外面擺放了自助醬料吧供使用. 打邊爐指定動作必然是肥牛又或豚肉片, 這裡的餐牌

食物質素完全冇問題, 我已經第三次去食員工服務都算客氣, 加湯加茶都好快手唯獨是當晚我坐在餐廳酒吧附近一張二人枱,後面有一張大枱, 六至七人左右聽對話應該是該餐廳的員工或是好友放假回餐廳食飯,因為我見到不斷有當值員工行過去吹水, 敬酒, 同食該枱的食物連廚房的師父都有行出來打招呼員工回公司食飯不關我事, 唔影響我就得但他們的音量簡直大聲到,分貝非常高, 正常人一定接受唔到該枱"客人" , 不斷大聲叫, 講粗口, 語無倫次!!!!令人嚴重反感, 勁想食完快D走!!! 最衰係令人食欲都冇哂!!!該枱"客人"固然有問題, 但點解要我坐佢地附近呢?? 我明明見到出面勁多位!!若是街外客, 我唯有無奈自己黑仔, 坐左係佢地附近.....但明顯是自家員工, 可否輕輕顧下其他客人感受, 輕輕收細音量?希望貴餐廳注意一下!!!我都係會繼續去食, 我覺得係真係好食, 希望下次去唔會再坐佢地附近!!

天氣開始轉冷，打邊爐就最適合不過了。近年來台式火鍋都很受食客歡迎，位於旺角這間養心殿，只聽名字就已經覺得很養身這晚預約了19:30，餐廳位於創興廣場附近，位置挺方便，座位也夠闊，非常適合三五好友聚餐。湯底方面我們選擇了「寧神養心鍋」，湯底裡竟然有半隻竹絲雞，魚頭還有多款藥材餚製，味道鮮甜，吃不出有味精。食物方面我們點了；涮鍋小羔羊肉片 $108羊肉大概有十片，肥瘦均勻，質地細而嫩炸豆皮 $38口感類似響鈴卷，咬下去非常鬆脆手工丸類拼盤 12粒 $108當中有齊了墨魚丸，黑松露蝦丸，鵝肝墨魚丸，芝士牛肉丸及蝦丸。一共有六款，每款兩粒。味道特別，咬下去彈牙。墨魚滑 $88墨魚滑口感非常彈牙，還配上了蟹籽，我和朋友都大讚韮菜餃 鮮蝦雲吞 極品水餃 各半份 每款都很大粒，鮮蝦雲吞爽口，裡面包有原隻鮮蝦，韮菜餃咬下去也非常滿足烏龍麵 $48份量頗多，足夠2-3人份量，只需一會兒，麵質彈牙

近排天氣咁凍, 最好就好打邊爐, 養生殿一直都好想試, 今次竟然即日都約到當晚枱。湯底選了養生鍋和美人鍋, 養生鍋內有紅棗, 圓肉, 杞子, 花旗蔘等藥材, 好像很補身, 但味道真的不太討好, 放下去的食物都吸到濃濃的花旗蔘味, 和友人都不太喜歡。至於美人鍋是由鳥雞和紅棗, 杞子等藥材煮成的, 味道香甜, 和友人邊吃邊飲湯, 每人大概都飲了3-4碗湯, 真的很美味!韭菜餃真係唔OK, 基本上只是切碎韭菜包在餃皮內, 沒什麼調味, 煮了很久都覺得很生的感覺, 越吃越覺得有點苦味......手切牛肉的脂肪和肉比例不錯, 好吃。墨魚滑內有一顆顆的墨魚可以咬到, 口惑很好! 最後送上豆腐雪糕,非常可愛, 味道不會太甜, 不錯。但雪得太硬了, 放在室溫待10分鐘才吃比較好。總括來說, 除了韭菜餃之外, 散叫的食材都不錯。 而美人鍋絕對是能吸引我再回頭的湯底, 只是價錢不算平民。

同同學仔gathering, 係咁凍既天氣下，大家都prefer 烚下烚下！我即刻建議養生鍋！之前九月食過呢間，當時已經覺得冬天食呢間有藥材湯底既火鍋最好不過！呢間火鍋食物選擇都多！不過真係book 枱比較好，因為我地入去既時候好多人等位！全女班就緊係揀美人鍋✌🏻另一半就係麻辣湯底，我地揀咗中辣真係好辣，食食下頂唔順整走咗好多辣椒再加湯底就啱啱好，建議小辣比較啱大眾口味😹我地烚烚下先醒起上次我食既時候老細教先飲湯，就算烚咗野再飲美人湯都仲係覺得好好飲👍🏻 等既期間上咗個鹽酥蚵仔，炸得好好食！香脆又有蠔味！極上雪花肥牛，係有少少貴，不過尚算大碟，又勝在好有牛味，唔會一碌就散！無論配美人湯或者麻辣都好味！厚脂黑毛豬梅花肉，同肥牛一樣咁大碟而且好食👍🏻日本牡蠣，好大隻呀！好好食呀⋯⋯同埋呢個價錢好抵食！手工丸類拼盤，好啱咁多個人打邊爐食呀！有不同口味，而且食得出唔係麵粉打成既丸，真材實料！雜錦蔬菜盤，芋絲，金菇就不過不失啦！食到停晒手既時候有個侍應話請食雪糕！緊係好啦！我上次食完個榴連味一直念念不忘，今次我都係鍾情榴連味，真係啖啖榴連味！散叫打邊爐雖然比起任食貴，不過呢間就真係覺得值呢個價錢

養心殿台式養生鍋，其實初時也不明白打邊爐是如何養生的。看清楚餐牌後，大概也明白湯底配料和食材都是對人體有益的，而且其他配菜也是一些高質養生食材。這次我選擇了美人鍋，內有桃膠（含有豐富膠原蛋白）、全隻烏雞（滋陰、補虛勞），這個份量絕對足以填飽兩至三個人的食量，全隻鳥雞份量多而大，雞件入味又補身，對女士身體益處多多。當喝一口湯底，就感覺身體暖暖的，而且湯夠清潤很解渴。湯底更有一些滋潤材料，例如紅棗等，女士多吃也不怕！鮮蝦滑，這個真的要試！蝦味濃郁，口感夠滑，相比起一般街市買到的，味道實在差太遠了！而蝦滑上更有些蟹籽，爽口蟹籽加上嫩滑彈身的蝦滑，口感很棒！水耕菜魚皮餃，以往我一向少食這個菜式。朋友叫我一試，結果真的令我難忘。魚味很濃郁，感覺像吃緊一條很鮮味的魚，而且咬下去還是很濕潤，口感很JUICY！不過皮厚了一些，這個可以改善的。霜建肉眼肥牛，牛肉味很重很濃郁，肉感彈牙！脂肪比例不算是太多，整體肉跟脂肪比例大約是7:3，咬下去是嫩滑口感！整體來說，雖然價錢不算是平，但食材勝在味道夠突出夠鮮味，相比起一般街市購買的，可以說是兩種味道！這間食材味道都已是值回票價。